Ịzẹhwanaya 3:19 - IWE ỌNỊNỊ

¹⁹ Ẹnẹyịmavara kà ụmẹ aa vẹ ọnị ọnị vaa sị ụya rị aza ana chamayị yị wụ. Ọnị vaa dọ ọkụmị nịnị ha, dị ọnị kụ́ aza ana a za ọrịhị nọ ẹkụra ọsa vavẹ eehi. Ọnị vaa vara ụhị ẹnịnị ka ọ vị ịsa ụbanyị yị wa. Avaba anẹhẹ vaa ga wa.

Ịzẹhwanaya 3:19 ပူးပေါင်းရင်းမြစ်များ

Ayịsaya 26:11

Ọnịvị awụ ẹ yị yẹ ka waa vaa tana ụvọọ za ẹnị. Navọ wa mẹ̀ ụhị nyị wa dị ẹ̀ yẹ ka wê sì ịrẹyị aza awụ. Navọ wa ẹ̀ rị ụya ọnị ụ ka ẹ vaa rị.

Ayịsaya 33:1

Wa sị dà, ẹwụ nịnị ana maanị aa wụ̀ aza, dị à yị nyị ọza ana aa wụ nịnị. Mị ka wa sị da, ẹwụ nịnị onireche ene ee vene ọza dị ọza ò yi vene ẹwụ nịnị. Ụ màa wụ̀ ọza nịnị aanị, ịjị ụmẹ awụ nịnị ọ̀ọ ta, a rẹ vaa wụ̀ ẹwụ nịnị. Ịjị wè yi rè kuku vene ọza nịnị, ụmẹ ọnọọ e vee vene wu nịnị nị.

Ayịsaya 60:14

Ezi ọnịvị awụ nịnị ana nyị ịhyẹrẹ awụ nịnị, dị ẹ sị ụya rị wụ nịnị vee ku ẹtẹ agada awụ nịnị. Ẹ vaa hị́ Ijerusarẹmị Ịzayọnị, ẹkụra Ẹnẹyịmavara, aha ọnịnị Isirẹrị.

Ayịsaya 60:18

Ọza ẹ yị kụkụ vaa wụ́ ụha ezigi ọnịrị evu-ẹtẹ ịnị ẹtẹ ọnọọ. Ọnị vee sere, dị ọnị vagu ọ anka ọvọ. Ẹ vaa ga ọnị agụvị ka ọnị ọ raà dọ ọ ha.

Ayịsaya 61:7

Agụvị ụhị oze ẹẹva ene tu wa ịnị ẹtẹ ẹnịnị. Ẹnịnị vaa ra aha ọbanyị oze ẹẹva dọ ịrẹsụ. Ẹ vaa nyị ogu oze ẹẹva ịnị ẹtẹ ẹnịnị, Ẹ vaa jẹ ịrajẹ pooro-pooro-pooro nị.

Ayịsaya 62:7

Ẹnịnị ẹ yị vaa zẹ ka ọ tụ́ ụhwọ́ pooro dị ọ va Ijerusarẹmị nọ udi anị. Dị ọ mẹ̀ ẹ ẹkụra ọnị avaba anẹhẹ vaa ga.

Ijeremaya 30:16

Ama booro aanị, avaba aza ana va gara ụ nịnị ha vị ana a vaa garaa ha; avaba ọnịvị awụ nịnị vị ana a vaa za ọrịhị nee hi ẹkụra ọsa. Avaba aza ana sị ụya rị ụ nịnị vị ana a vaa sị ụyaa rị. Aza ana kụ ẹnya awụ nịnị vị ana a vaa kụ ẹnya ẹnịnị.

Ijeremaya 30:19

Ẹnịnị va jị ahẹ gono ọnị, dị eyee nowu ẹ́ẹẹ maa jẹ ịrajẹ. Ọnị vaa mẹ ka ẹnịnị ẹ̀ rụrụ, ẹnịnị ẹ yị ma vana jịha. Ọnị vaa mẹ ka a sị ụbanyị yị wa, ọza ẹ́ yị ma vana sị eyi oweyi re wa.

Ijeremaya 31:8

Ọ kà, re, ọnị vaa kụ wa hụrị ẹtẹ Ịbabịrọnị vẹ, dị ọnị kụ wa gụ hụrị aha ẹnẹẹnẹ ịnị ẹhẹ. Ogweyi ọnịrị oswahụ, aza enee zyẹẹ ẹnịrị aza ẹnị ịrẹẹ aa zị vee hi ịnị ẹngụ ẹnịnị, dị ẹyaa vẹ gigirigi.

Ijeremaya 33:9

Ọ kà Ijerusarẹmị vaa vị ayohine ọnịrị ụbanyịị yị ọnị, dị ọnị aa sị waa mẹ eyi. Avaba anẹhẹ vee hí angwa, dị ẹyaa dá ẹgahị ịjị ẹnịnị ẹẹ wụ́ ịrẹyị ịsị ọyịza ọnịrị ize ọnị mẹ yị Anijerusarẹmị ẹnẹnị.

Ijeremaya 46:28

Ọ kà ọnị vaa vẹ dị ọnị vaa dọ wụ nịnị tụ. Avaba ẹkụra ọnị ọnị dụ wụ nịnị ne hi vị ọnị ọnị vee vú ẹtẹ. Ama ọnị é yị vee vu wu nịnị ẹtẹ. Ọ kà ọnị ẹ́ yị vaa navọ ka asị ụ rị ụya nịnị, ama ịhị ọnị aa sị ụyaa rị wụ nịnị, ọnị vaa vayị awụ nịnị.

Ezikẹẹrị 16:27

Ọ kà, ọnị o ree tenyi ẹngụ ọ̀ yị sị ụya rị wụ nịnị booro aanị, ọnị vaa dọ wụ ize ọnị ọnị vịdị mẹ yị wụ nịnị. Ọnị ọ raa hụrẹ wụ nịnị ụvọ yị Anihwirisiti nịnị. Ẹnịnị é yị sì ịrẹyị awụ nịnị, dị ebira kẹnẹ-kẹnẹ ọnị waa mẹ nịnị aa nyị wa ịhyẹrẹ nị.

Ezikẹẹrị 16:57

dị ebira odivi awụ va sị wu iruvo tụ ẹhẹ? Ẹwụrị ọ ọ́ sị vị ọnyọọnya booro aanị. Vị Anedomi nịnị, Anihwirisiti nịnị ọnịrị anẹkụra ana vọ kara wụ, ene e yi sì ịrẹyị awụ, kụkụ aa mẹ wụ isiya booro aanị nị.

Ezikẹẹrị 34:16

Ọnị vee sị̀ ẹnị ene vu, ọnịrị ẹnị ana sị ha hụrẹ oze, dị ọnị kụ́ wa vavẹ eehi. Ẹnị ana ahụ aa zị, ọnị vaa jị ịsaa sụ ọ yị wa. Ọnị vaa mẹ ka ẹnị ana tụ ọkụmị ẹ̀ nyị ụkata. Ọnị vaa si eyi pe ẹnị ẹbanyị-ẹbanyị ana nyị ụkata, dị ọnị aa sị ịzẹyịza pa avaba ẹnịnị.

Ezikẹẹrị 39:13

Avaba aza ene hi ịnị ẹkụra va mẹ ọgụvọ dị è ne wa, ọsọnị a vaa sị sị́ ụbanyị yị wa ịhị ọnị ọọ raa nyị ẹbẹẹba ọnịvị anị nịnị nị. Ọnị, Ẹnẹyịmavara ọ kà avọọ nị.

Ezikẹẹrị 39:26

Ịjị ẹnịnị ẹ̀ẹ va raa ra ẹngwọọrọ-ẹngwọọrọ hi ịnị ẹtẹ ẹnịnị ụvọta, dị ẹ̀ yị nyị ọza ene kuku èe chire wa angwa nị, ẹnịnị vee hí ayị á mẹmẹ vịdị mẹ̀ ụhị nyị ẹnị agụvị ka ẹnị ê vene ọnị Ẹnẹyịmavara.

Imika 7:10

Ọnịvị ayị ò re e dị ahịka ụhị ọ kụkụ nyị wa nị. Aza ọnyị vị ene ee họ̀ use ka ịzị ayị ka Ohomorihi ayị ộ yà Ị ka eyee họ̀ use ka ịzị Ẹnẹyịmavara vị ana yà kẹ? Eyi ayị ẹ vaa hyẹdụ dị aa kụ́ ahụụ hi wa zẹtẹ nị Ị ka ẹnịnị vaa hyẹdụ dị ahịka vị ẹ vara eteesu nị.

Ịzẹhwanaya 3:15

Ẹnẹyịmavara ọ raà za ụya awụ nịnị jẹẹ. Ộ sị ọnịvị awụ nịnị dụ kwooze. Ẹnẹyịmavara ana vị ohinọyị Anisirẹrị jẹ wụ nịnị ịrẹma. Ẹ yị nyị ka we kuku hí angwa nịnị.

Ịzakaraya 8:23

Ẹnẹyịmavara Ochẹtẹẹngụ ka, ịnị ụmẹ ọnọọ anẹkụra ọsa nịnị vaa vẹ vee tụ́ Aniju, dị ẹ sị ụvọ za ụtọ awuru anị, dị ẹ ka ẹnị a saasa a agụvị ka ẹnị ẹ wụ́ ka Ohomorihi ya pe e.

Iwe Ọhụhị Imosiisi ana aa hị́ Ọyịvatụrọda 26:19

Ọ vaa mẹ̀ wụ nịnị banyị hụụnị Anẹkụra ọnyọọnyị ọnị ộ tụ́. Ụ vaa sị ụga ọnịrị ụbanyị yị ịrẹha anị. Aza anị ụ vaa vị anka ô me wo oto nị.

Anihiburu 12:13

Waa zị ụsẹ ini oze ana vọrọ nịnị! agụvị asị ahụ aza ene ee sika, ne sú saka-saka, àyị vị ka ahụ ẹnịnị ọ̀ vana ta!

Ẹtore 20:9

Dị ẹ gara hi avaba ẹhẹ, dị ẹ kara ịzị aza Ohomorihi kụ́ gụ hi ọnịrị ẹkụra oni o sì ịrẹyị anị nị. Dị ịra hụụ ịda Ohomorihi ẹbẹẹba chí vẹ, dị ọ wụ̀ wa và ha nị.

Ọdọvịdị 1:7

Dị Adoni-Ibezeki kà a ịsị ọnị ọnị vịdị mẹ aza gẹdẹ-gẹdẹ o tu ọnị aanị nị. Ohinọyị ẹtarẹwụ ọnị kwọrọ igege ọbanyị ẹnịnị nị. Ohinọyị ẹnẹẹ hi ịdị anị booro aanị aa tọ ẹhụ ịsọyịrị anị rị. Ẹnẹyịmavara ee si ọnị atọ aanị nị. Dị ẹ sị ọ nọ Ijerusarẹmị ịzị o vene ne su tụ.