Ịzẹhwanaya 3:18 - IWE ỌNỊNỊ

¹⁸ Ẹnẹyịmavara kà, ụya awụ nịnị ọ ta. Ụhị ọ yị kụkụ vaa nyị wụ. Ayị awụ nịnị vee hine anka ọza o rere aa rị eche avọọ.

Ịzẹhwanaya 3:18 ပူးပေါင်းရင်းမြစ်များ

Ahẹ Ụgama 43:3

Navọ ahịka ẹtohweyi ọnịrị ịzẹyịza awụ aa zụ̀ mị oze nị Navọ ahịka ẹnị mị sị aa nọ ịnị ataba awụ ọnị ụ yà nị.

Ahẹ Ụgama 79:4

Anokokooro ayị ana ra kara yị vị ana kụkụ aa sị yịị mẹ̀ isiya, di e yee nyị yi unyi.

Ijeremaya 23:3

Ọ kà ọnị aa vaa kụ aza anịị gụ hụrị avaba ẹkụra ọnị ọnị dụ wa ne hi, dị ọnị kụ wa vavẹ eehi ẹnịnị. Ẹnịnị vaa mẹ ozi ọrụrụ-ọrụrụ, dị ẹyaa rụrụ hu avọọ.

Arụwẹ 1:4

Avaba oze Ijerusarẹmị aa zị ẹngụ ka ẹ yị ọza ana aa zị ẹnị. Avaba Oze ovwoovu ọbanyị anaā zịị ngụ ẹkụra vi osusu Ẹ yị nyị ọza ana kụkụ a vẹ ịnị irehi Ohomorihi vaa mẹ ahẹkẹ ẹkụhị eche. Ezi ẹnyẹnẹẹ anaā jị ahẹ ịnị irehi Ohomorihi kụkụ e sụ ùnè, dị ohirẹsụ irehi Ohomorihi nịnị eè rimanya nị. Ijerusarẹmị aa ba arụwẹ ọngwọọngụ.

Arụwẹ 1:7

Anijerusarẹmị maa rị ụya, ẹ kụkụ aa tamayị ẹhẹ ọyịza-ọyịza ene ẹnị ra ịyẹẹyẹ. Ịjị ụvọ ọnịvị ẹnịnị ku wa, ẹnịnị e yi re ọza va gụ wa ụvọ, dị ọnịvị ẹnịnị kụkụ è nyị wa unyi nị.

Ezikẹẹrị 34:13

Ọnị vaa kụ waa gụ hụrị ẹkụra ọsa, dị ọnị kụ wa vavẹ eehi ẹnịnị. Ọnị vaa kụ wa varẹma naa rị ịzị avị ọyịza-ọyịza hi ịnị ataba Isirẹrị, dị ọnị aa kụ wa nee hú enyi ịnị okuha ene hi Isirẹrị.

Ezikẹẹrị 36:24

Ọnị vaa kụ wụ nịnị hụrị avaba ẹkụraa varẹma vẹ ịnị ẹtẹ awụ nịnị.

Ezikẹẹrị 9:4

Ọ̀ ngụ avaba Ijerusarẹmị zịịzị, avaba aza enee du ayị agụvị ka aza aa mẹ ịsị aa nyị ọnị ịhyẹrẹ aanị ịnị ẹkụra, dị ọ̀ tọ̀ wa ịrẹwa ịnị ibe nị.

Ihoseya 1:11

Anijuda ọnịrị Anisirẹrị nịnị vaa vabẹ, dị ẹ nyị ọdọvịdị ọnyara yị ẹngụ ẹnịnị. Dị ẹ varẹma dọ ẹtẹ ẹnịnị agụvị ka ẹkụhị Ijezirẹẹrị vaa nyị ẹngụ anị.

Ihoseya 9:5

Sị ẹ vaa mẹ ịnị ẹkụhị eche ana a nyị ọnịrị ẹkụhị ana sị rị eche Ẹnẹyịmavara?

Ịzẹhwanaya 3:20

Ẹnẹyịmavara kà, ụmẹ aa vẹ ọnị ọnị vaa kụ́ aza ana gara hi ẹhẹ vavẹ eehi ẹnịnị. Ọnị vaa mẹ̀ ka ẹ ngụrẹyị ịnị avaba ẹhẹ Ẹnẹyịmavara kà ọnị vaa mẹ̀ ka ọ varẹma zee yị avaba ẹnịnị.