Ịzẹhwanaya 3:15 - IWE ỌNỊNỊ

¹⁵ Ẹnẹyịmavara ọ raà za ụya awụ nịnị jẹẹ. Ộ sị ọnịvị awụ nịnị dụ kwooze. Ẹnẹyịmavara ana vị ohinọyị Anisirẹrị jẹ wụ nịnị ịrẹma. Ẹ yị nyị ka we kuku hí angwa nịnị.

Ịzẹhwanaya 3:15 ပူးပေါင်းရင်းမြစ်များ

Oyinyima 30:23

Ô zyẹẹ, dị ọ ma ozi ọnọrụ ọnya nị. Dị ọ ka: Ohomorihi ọ raà mẹ ka asị ụhị kụkụ nyị ọnị.

Ahẹ Ụgama 149:2

Ẹwụ nịnị Anisirẹrị, waa jẹ agụvị Ohomorihi ana mẹ wụ nịnị. Ẹwụ nịnị Anịzayọnị, waa jẹ agụvị ohinọyị awụ nịnị.

Ahẹ Ụgama 19:9

Waa sị ụbanyị yị Ẹnẹyịmavara, ịsị e zoza ọ vị ọnọọ nị. Ụbanyị Ẹnẹyịmavara eni e zụ zizi ọ ịnị ẹhẹ kẹ!

Ahẹ Ụgama 85:3

Wa rẹ raà và hụụnị ayị ana vịdị nyayịnẹ aa kụ́ wụ.

Ayịsaya 12:6

Navọ avaba aza ana ra Ịzayọnị ọsị ọngwẹ tụ ẹba jị ahẹ! Ohomorihi ọnịnị Isirẹrị ọọ nyị ụbanyị, ọ yà ịnị akakana aza anị.”

Ayịsaya 25:8

Ọ mā vana zẹẹ ka ọza ò sú paa Ẹnẹyịmavara ana vi ohinọyị ọ yị kụkụ vaa zẹẹ ka ọza ò re ịrẹyị orere. Ọ yị rẹ kụkụ vaa zẹẹ ka ụhị ọ̀ vana nyị aza anị ịnị ẹhẹ. Ẹnẹyịmavara kà ọnị ọ kà avọọ nị.

Ayịsaya 33:22

Avaba ẹnya ana aā kụ́ụ hi ini ẹpa ẹnẹẹ vị ana vaa vi osusu. Ọchị ọgọdọ ana a mẹ jẹẹ ịnị ẹpa vị ana vaa ma. Ọza ọ yị rẹ vaa gana ịta ana a sịị dọ ahị. Ogu ọnịvị ayị vị ọnị ị vaa kụ́. Ogu vaa gwẹtẹ, di oswahụ nịnị ẹnị re re kụ́ bẹẹ. Ọ vavọọ vaa yà agụvị ka Ẹnẹyịmavara ọnị ụvọta ọ vaa vị ohinọyị ayị, dị aa mẹ ịjọvaa tụra yị nị. Ọnị aa sị ọdaa yị nị ọnị ọ rẹ vaa dọ yịị há nị.

Ayịsaya 35:10

Ẹnịnị vaa sị ayohine na ngụ Ijeruasarẹmị, dị ẹ yaa jẹ ịrajẹ, dị ẹ yaa jị ahẹ naa pooro. Ẹnịnị vaa jẹ pooro, dị ẹ mā vana yẹ ịsị aā hị́ orere ọnịrị ayodu pàá.

Ayịsaya 51:22

Ẹnẹyịmavara Ohomorihi awụ nịnị anaā vụ ịrẹvụ yị aza anị kà, ọnị ọ raà dọ ako ọnị ọnị sị yị wa ịnị ọyịkụ. A yị kụkụ vaa sị ụkata-ụkata za wa ka e hu dị ọọ vaa mẹrị wa.

Ayịsaya 52:9

Nyima waa jị ahẹ nịnị, ẹwụ nịnị ene sị vu ẹtẹ hi Ijerusarẹmị. Ẹnẹyịmavara vaa dọ ẹkụra anịị ha, di o hunẹnẹ aza anị ayị.

Ayịsaya 54:14

Ịzẹyịza ọnịrị ịsa ana a vọrọ ọyịmẹ̀ vaa mẹ ka wa nyị ụkata. Ẹ yị nyị ọza ana va zụụ mẹ ẹvayaa yị wụ, agụvị avọọ we yi vee hí angwa. Ịsa ee chire ọza angwa ẹ yị vaa gụrị ẹwụ.

Ayịsaya 60:18

Ọza ẹ yị kụkụ vaa wụ́ ụha ezigi ọnịrị evu-ẹtẹ ịnị ẹtẹ ọnọọ. Ọnị vee sere, dị ọnị vagu ọ anka ọvọ. Ẹ vaa ga ọnị agụvị ka ọnị ọ raà dọ ọ ha.

Ayịsaya 65:19

Ayị ẹmị ụvọta vee hine agụvị Ijerusarẹmị, dị maa jẹ agụvị aza amị. Aza ẹ yị ma vana jị òrèrè ịzọọ; ọza ẹ yị me vene nowu ka à va gụ ẹnị ụvọ.

Ijeremaya 8:19

Sị ụtọ pe ẹtẹ, ịzị waa zị ịnị ẹkụra kẹnẹ, vị ọnị aa wụ̀ aza anị maa jị òrèrè. Ẹnịnị ka, aanị ka vị Ẹnẹyịmavara ẹ yị kụkụ ya nị? Aanị ka vị ohinọyị ẹ̀ yị kụkụ yà ịzọọ nị? Dị Ẹnẹyịmavara, ohinọyị ẹnịnị tụ́ ohi, dị ọ ka sị ẹ vẹ dị ụ na hẹkẹ ori nịnị, dị wee ku ẹtẹ yị ori ọzọga kẹnẹ-kẹnẹ ọnị ụ na dọ nịnị, dị waa sịị mẹ ayịị kụ ọnị nịnị?

Ezikẹẹrị 35:10

Ọnị ọ vị Ohomorihi Anijuda ọnịrị Anisirẹrị nịnị nị. Ama ẹwụ nịnị ka ẹ̀ wụ nịnị ọ nyị anẹkụra ẹyịva ẹnẹnị nị.

Ezikẹẹrị 36:15

Ọnị ẹ́ yị ma vana zẹẹ ka ẹwụ ẹtẹ ọnọnị ọ̀ wụ ụhụ ọnị anẹkụra ana vọ aa kụ̀ wụ. Ọnị ẹ́ yị ma vana zẹẹ ka anẹkụra ana vọ nịnị ẹ̀ mẹ̀ ụhị nyị wụ. Ọnị Ẹnẹyịmavara kà, wẹ́ yị ma vana dọ anẹkụra awụ ezi wụ.

Ezikẹẹrị 39:29

Ọ kà ọnị vaa sị ụhwẹ anịị yị avaba Anisirẹrị nịnị, dị ọnị ẹ́ yị ma vana varẹma ka wa. Ọnị, Ẹnẹyịmavara, Ananyị yị ọ kà avọọ nị.

Ezikẹẹrị 48:35

Ụgọdọ avaba ọvọ ana a tụra kara Ijerusarẹmị vị okuvọ akahị-akahị oze ịhịịna. Hụrị ọyaanị na, ịrẹha ẹkụra ọbanyị ọnọnị á vanaa hị́ Ẹnẹyịmavara ya ịzẹnị nị.

Ijowẹrị 3:17

Isirẹrị vaa yẹ ka ọnị Ẹnẹyịmavara ọ vi Ohomorihi ẹnịnị nị. Ọnị ọ ra Ịzayọnị ataba ọnịnị anị nị. Ijerusarẹmị vaa vị ẹkụra ọtụrenyi, enyisi ọ vị ka isoja anẹkụra ọsa nịnị ẹ rị ọ nị.

Emọsị 9:15

Ẹnẹyịmavara Ohomorihi ẹnịnị ka, ọnị vaa sị wa ahụ hi ẹtẹ geri-geri ịnị ẹtẹ ọnị ọnị sị yi wa. Ọza e yi me vene hu wa ahụ hụrẹ ịzị ẹ ya paa.

Imika 7:10

Ọnịvị ayị ò re e dị ahịka ụhị ọ kụkụ nyị wa nị. Aza ọnyị vị ene ee họ̀ use ka ịzị ayị ka Ohomorihi ayị ộ yà Ị ka eyee họ̀ use ka ịzị Ẹnẹyịmavara vị ana yà kẹ? Eyi ayị ẹ vaa hyẹdụ dị aa kụ́ ahụụ hi wa zẹtẹ nị Ị ka ẹnịnị vaa hyẹdụ dị ahịka vị ẹ vara eteesu nị.

Ihabaku 2:17

Avaba ẹngụkata ọnị ọ kụ́ tu aza vee tu ọ. Ọnị ọ sẹ́ iruku Ịrẹbanọnị va ha nị, dị ọ wụ́ uye ịnị iruku ẹnẹẹ va ha. Uye vee chire e angwa. Ẹnịnị ẹ̀ yị vaa nyị ẹngwọọrọ agụvị ẹngụkata oni e ku tu aza, dị ẹ wụ́ aza va ha, dị ẹ rẹ dụ ẹkụra ha.

Ihabaku 2:8

Ẹnịnị vị anaā vịdị aa sị àko dọ aza ọnịrị anẹkụra ẹnya para hu, dị ẹ yaa wụ́ aza ha. Booro aanị aza ana ha hụụnị ụvọ ẹnịnị vaa vara eyii sị ụya rị wa agụvị aza ẹnẹ wụ̀ ọnịrị ezigi ẹnẹ ẹ kụ́ hi ẹtẹ.

Ịzẹhwanaya 3:17

Ẹnẹyịmavara ana vị Ohomorihi awụ nịnị yà pe wụ. Ụkata anị aa sị wụ nịnị nyị ehuna ọnịvị awụ nịnị nị. Agụvị ka o sì ịrẹyị ẹnịnị, ọ vaa sị ayị awụ nịnị nẹtẹ, O vee hine ayị tu wu nịnị, dị aa jị ahẹ ịnohine.

Ịzẹhwanaya 3:5

Ẹnẹyịmavara vị ana yị yà pe wa, dị aa mẹ̀ ịsa ana vọrọ nị. Eyinị-eyinị Ẹnẹyịmavara aa sị ịzẹyịza anị zụ̀ wa, ama aza edivi ene hi ịzọọ vị ana yịị mẹ̀ ebira odivi ẹnịnị, dị ụhị ẹ yị nyị wa.

Ịzakaraya 12:3

Ama yị ụmẹ ọnọọ o si tù, Ẹnẹyịmavara kà ọnị vaa mẹ Ijerusarẹmị ka ọ rata anka ịrẹta. Ọza ana a sị ọ vị ọnị ọ vaa tọ̀ ụnava. Avaba ẹkụra ene hi ịnị ẹhẹ vaa vabẹ gẹ ịrẹkụ tù ọ.

Ịzakaraya 14:11

Aza vaa ra Ijerusarẹmị dị ẹ nyị ọyị sị ayị tụra ka ọza yị vana kụkụ du ọ ha.

Ịzakaraya 9:9

Aza ene hi Ịzayọnị ẹẹ jẹ, dị aza ene hi Ijerusarẹmị ee nowu ịrajẹ. Ree, ohinọyị awụ nịnị aa vẹ ịda awụ nịnị. Ọ nyị ịzẹyịza ọnịrị ẹdọha. Ọza hẹẹ ọ vị nị, ọ́ọ tụra ịkẹrịkẹtẹ, ozi ịkẹrịkẹtẹ araka ọ tura nị.

Ịjọọnụ 1:49

Dị Inatanẹrị tụ́ ohi, dị ọ ka, “Ọga, ẹwa vị Ozi Ohomorihi nị. Ẹ wa rẹ vị Ohinọyị Anisirẹrị nịnị nị.”

Ịjọọnụ 12:15

“Asị u hí angwa, ẹwụ ozi ọnẹẹ Anịzayọnị! Wee re, Ohinọyị awụ aa vẹ, ộ tụra ozi ịkẹrịkẹtẹ.”

Ịjọọnụ 19:19

Ipayireti chẹrẹ ịsa ọnya, dị ọ vàa kú apavahị Ijeesu nị. Ịsa ọnọọ chẹrẹ yị: “Ijeesu Anịnazarẹtị, Ohinọyị Aniju.”

Ịjọọnụ 5:30

Ijeesu ọ rẹ kà a ka, “Ẹ yị nyị ịsị mị nyẹngụ dà mẹ yị ẹngụ amị. Óhomorihi ọ̀ọ mẹ̀ ka ma mẹ̀ ọkarẹyị, m maa mẹ̀ ẹ nị. Agụvị avọọ ịzẹyịza m maa sịị mẹ̀ ọkarẹyị amị nị, agụvị ka ẹ yị vị ịsa ene zé mi eyi kẹnẹ m mee sì, ama ịsa ene zé Ada amị ana tụ́ mị vẹ ẹhẹ eyi m mee sì nị.

Ẹtore 12:10

Dị mị wụ́ ọngwẹ ọbanyị ọnya ẹbẹẹba, dị aa kà a ka: Ohomorihi o si ehuna nyị booro aanị! Ohomorihi ayị ọ raà sị zụ̀ ka ọnị ọ nyị ụkata, dị ọnị rẹ vị ohinọyị nị. Ohinọyị anị ọnị ọ nyị ka ọ̀ dọ yị há ọ raà sị ọda anị zụ̀. Ọza ana yà ọvịdị Ohomorihi dị aa sị ịrẹyị anda ayị nịnị ị tụ́ ịrẹka ọọdụ ọnịrị ịrahụ, a sị ọọ dụ jịnẹ hụrị ẹbẹẹba.

Ẹtore 18:20

Ẹwụ nịnị ene hi ẹbẹẹba ọ̀ọ jẹ! Ẹwụ nịnị aza Ohomorihi ọnịrị ezirẹma Ijeesu beri ọnịsẹ nịnị ọ̀ọ jẹ agụvị Ịbabịrọnị, agụvị ka Ohomorihi o reè sị ọ atọ wụ nịnị!

Ẹtore 19:16

 chẹrẹ ịrẹha ọnya aanị tụ́ ịnị awuru anị ọnịrị ịnị usi anị ka, “Ọza ana nyị avaba aza ọnị Ohinọyị avaba ohinọyị nịnị.”

Ẹtore 7:15

Agụvị avọọ, ẹ́nịnị va yà ọvịdị aga Ohomorihi ohinọyị, dị ẹyaa hẹkẹ ẹ ọọdụ ọnịrị ịrahụ ini eehi anị nị. Ọza ana yaayịtẹ ịnị aga ohinọyị ọnọọ vaa yàa pe wa.