Ịzẹhwanaya 3:13 - IWE ỌNỊNỊ

¹³ Ẹnị ana ha ịnị Anisirẹrị ẹ yị kụkụ vaa mẹ̄ ebira odivi, ẹ yị rẹ kụkụ vee chechee, ẹ yị kụkụ vee vene ọza. Dị Ẹnẹyịmavara ee sere wa, dị angwa o yi hi wa, dị ọ mẹ ka ò zee yị wa.

Ịzẹhwanaya 3:13 ပူးပေါင်းရင်းမြစ်များ

2 Ịtọpa 20:30

Avọọ Ijehosahwati mẹ̀ ịjọva ịnị ẹngwọọrọ, dị Ohomorihi sere e ẹngụ ọmọọma.

Ijoovu 11:19

Angwa ẹ yị vee hi ọ aa sụ ara. Aza vana vaa sị ụbanyị yọ.

Ahẹ Ụgama 119:3

Ẹngụ aza ẹnẹẹ ẹ mā mẹ̀ ebira akụvị, oze Ohomorihi ẹ và tụra nị.

Ahẹ Ụgama 120:2

Ẹnẹyịmavara, aarịhịnị dọ mị hụụnị ụvọ onireche ọnịrị onirikichi nịnị.

Ahẹ Ụgama 120:3

Ẹwụ nịnị onireche ẹnẹnị, sị Ohomorihi vị ana vaa mẹ wụ nịnị kẹ? Ye re ẹngụ ụya ana a vọrọ ka ọ̀ sị rị wụ nịnị?

Ahẹ Ụgama 23:2

Ộ mẹ mị ka maa hụtẹtẹ dị maa tụ́ ụhwọ́ ịzị avị ohwoohu hi. Ộ sị mị nọ ịnị enyi enee si hẹẹ-hẹẹ.

Ayịsaya 17:2

Avaba ẹkụra ene hi ịzọọ vị ana vaa tụ osusu pooro. Ịsụpa ẹ vaa ra ịzọọ, dị ẹ yị nyị ọza ana zụ dụ wa hụrị ịzọọ.

Ayịsaya 35:8

A vaa nyị oze ọbanyị ọnya ịzọọ, ana a hị́ “Oze Ọnịnị”. Aza ana aa mẹ̀ ebira odivi ẹ yị vaa zị oze ọnọọ pàá. Aza edivi ana aa mẹ ụra ẹ yị vaa zị oze ọnọọ.

Ayịsaya 54:14

Ịzẹyịza ọnịrị ịsa ana a vọrọ ọyịmẹ̀ vaa mẹ ka wa nyị ụkata. Ẹ yị nyị ọza ana va zụụ mẹ ẹvayaa yị wụ, agụvị avọọ we yi vee hí angwa. Ịsa ee chire ọza angwa ẹ yị vaa gụrị ẹwụ.

Ayịsaya 6:13

Àa daka nyị ịzị aza gụ ẹẹwụ tụ̀ dị ahịka ọza ịnya ọ vọ nị, ọza ịnya ọnọọ vị ọnị ọ vaa sị hụrẹ oze. Ama aza chee ana vọ aanị vị ana vaa sị mẹẹ anka igugu ọchị ọbanyị ene è yi me sú avọọ. Aza Ohomorihi vị ana vaa sị mẹẹ anka igugu ọnọọ àaa ha avọọ.

Ayịsaya 60:21

Aza awụ vaa mẹ ịsị ẹ vọrọ, dị ẹ nyị ẹtẹ pooro zịna. Ẹnẹyịmavara kà ọnị ộ mẹ̀ wa, dị ọnị sị wa jẹẹ agụvị ẹ sị ụbanyị anị zụ nị.

Ayịsaya 63:8

Ẹnẹyịmavara kà aza anị ẹ vị nị, ẹnịnị ẹ yị vee vene ọnị. Agụvị avọọ ọ dọ wa ha

Ayịsaya 65:10

Yị aza amị anaa hẹkẹ mị, ẹtẹ Ịsarọnị vaa vara ịzị atẹmẹ aa rị, dị inozi Aakọ vị aha ịzị ịsụpa vaa sụ́tẹtẹẹ hi.”

Ijeremaya 23:4

Ọnị vaa nyị ohinọyịị yị wa ana vaa tẹsị ẹnịnị. Aza anị ẹ yị kụkụ vee hí angwa, ayị ẹ yị kụkụ vaa hụrẹ wa ịnẹ. Ọ kà ọnị ẹ yị kụkụ vaa sị ụyaa rị wa.

Ijeremaya 30:10

Ọ kà, ẹwụ nịnị aza anị, Anisirẹrị, asị ụ hí angwa nịnị; asị ayị hụrẹ ụ nịnị ịnẹ. Ẹnẹyịmavara kà ọnị vaa dọ ẹwụrị ezi ẹwụ nịnị ha hụrị aha ẹnẹẹnẹ ịzị a za awụ nịnị ọrịhị hi avọọ. Ụ vanaa nyị ẹngwọọrọ, dị ọnị ee sere ụ nịnị. É ma vana nyị ọza ana vaa mẹ angwaa hi wu nịnị.

Ijeremaya 31:33

Ẹnẹyịmavara kà, aanị ọnị mẹ vaa zẹẹ oto ọwọọwa yị wa nị: Ọnị vaa chẹrẹ ọda anị tụ ịnị ayị ẹnịnị; ọnị vaa vị Ohomorihi ẹnịnị, dị ẹnịnị vị aza anị.

Ezikẹẹrị 39:26

Ịjị ẹnịnị ẹ̀ẹ va raa ra ẹngwọọrọ-ẹngwọọrọ hi ịnị ẹtẹ ẹnịnị ụvọta, dị ẹ̀ yị nyị ọza ene kuku èe chire wa angwa nị, ẹnịnị vee hí ayị á mẹmẹ vịdị mẹ̀ ụhị nyị ẹnị agụvị ka ẹnị ê vene ọnị Ẹnẹyịmavara.

Ijowẹrị 3:17

Isirẹrị vaa yẹ ka ọnị Ẹnẹyịmavara ọ vi Ohomorihi ẹnịnị nị. Ọnị ọ ra Ịzayọnị ataba ọnịnị anị nị. Ijerusarẹmị vaa vị ẹkụra ọtụrenyi, enyisi ọ vị ka isoja anẹkụra ọsa nịnị ẹ rị ọ nị.

Ijowẹrị 3:21

Ẹnẹyịmavara kà ọnị ya ịrẹsụ ataba Ịzayọnị, ọnị vaa họ̀ oponu ịrẹyị aza anị ana a wụ̀ kẹnẹ-kẹnẹ. Ọnị vaa dọ ịrẹvụ ẹnịnị vụ.

Ireevi 26:6

Ọ kà ọnị vaa sị ẹngwọọrọọ yị wa ịnị ẹtẹ ẹnịnị. Ẹnịnị vaa sụ̀ ara, dị ẹ́ yị nyị ịsị e vee chire wa angwa. Ọnị vaa dụ uye edivi-edivi hụụnị ẹtẹ ẹnịnị. Ọnịvị ẹnịnị ẹ yị ma vana kụ ịrẹkụ ve tu wa ịnị avaba ẹtẹ ẹnịnị.

Imika 4:4

Ọzọza vaa ra ịnị ẹngwọọrọ. Dị ẹ yaa rị ịsa ịnị aarẹ ịvayịnị ọnịrị ihwigi ẹnịnị. Ẹ yị nyị ọza ene vee chẹrẹ wa angwa. Ẹnẹyịmavara Ochẹtẹẹngụ ọ vavọọ wo oto ọnọnị nị.

Imika 4:7

Ịzẹyịza aza ẹnẹẹ vị ọkụmị, di ahịka ẹkụra huu ọ dụ wa ne hi nị. Ọ kà ọnị rẹ vaa mẹ ẹnị ana vọ anẹkụra ana nyị ụkata. Dị ahịka ọnị ọ kụkụ vị ohinọyị ẹnịnị tụ́ Ijerusarẹmị pooro zịna nị.

Imika 7:14

Ẹnẹ yị mā vara o, si okutẹ awụ we sii sere aza awụ. Aza ẹnẹẹ vị ogu awụ, dị ẹ ra ịnị ọpaapara nị. Dị ẹ vavọọ hi ịzọọ, â nyị ẹtẹ ozoza kara wa; kụ́ wa nọ ịnị ẹtẹ Ịbasanị ọnịrị ẹtẹ Anigiriyadi Ẹnịnị mẹ̀ vịdị ra ịzọọ, ẹtẹ ọnọọ ô zoza yị wa.

Ịzẹhwanaya 2:7

Ẹnẹyịmavara kà ọnị vaa sị ịzọọ yị Anijuda nịnị ana vọ ka ẹ ra ịzọọ, dị ẹẹ kụ ịsụpa ẹnịnịị̄ rị ịzọọ, dị ẹẹ sụ ịnị irehi Anasikeroni nịnị, Ẹnẹyịmavara ana vị Ohomorihi ka ọnị vaa tẹsị ẹnịnị, dị ọ varẹma ze yị wa.

Ịzẹhwanaya 3:5

Ẹnẹyịmavara vị ana yị yà pe wa, dị aa mẹ̀ ịsa ana vọrọ nị. Eyinị-eyinị Ẹnẹyịmavara aa sị ịzẹyịza anị zụ̀ wa, ama aza edivi ene hi ịzọọ vị ana yịị mẹ̀ ebira odivi ẹnịnị, dị ụhị ẹ yị nyị wa.

Ịzakaraya 8:12

Ẹnịnị vaa chire ịsa ịnị ẹngwọọrọ. Ọchị ịvayịnị ẹnịnị vaa tụ́ ẹtụtụ, dị ẹtẹ zoza dị ọ mẹ̀ ịsa ẹtẹẹrẹ, Dị orihi aa zụ a mẹ vọrọ. Ẹnẹyịmavara kà ọnị vaa sị ịsa ẹnẹnị mẹ ogu yị aza ana vọ tụ́ ịzọọ.

Ịzakaraya 8:16

Ịsa ọnị ẹ vaa mẹ yị, ẹnịnị ẹ ka ịzẹyịza yị ẹngụ. Ẹ sị ịzẹyịza mẹ̀ ọkarẹyị ịnị ikootu ana vaa mẹ ka a nyị ẹngwọọrọ.

Ịzakaraya 8:3

Ịsị Ẹnẹyịmavara Ochẹtẹẹngụ kà yị: Ọ kà ọnị vaa vavẹ Ịzayọnị, dị ọnị ra Ijerusarẹmị. A vaa hị́ Ijerusarẹmị ẹkụra ọnịrẹyịzẹyịza, dị a hị́ ataba Ẹnẹyịmavara Ochẹtẹẹngụ ataba ọnịnị

Imatiwu 13:41

Ẹmị Ozi ọza onigirima vaa tụ́ anggẹẹrị amị nịnị jịnẹ, dị ẹ tọ̀ọ́ avaba ịsa anaā mẹ ka ọza ọ̀ mẹ ịvịị ọnịrị avaba aza ana vọ anaā mẹ̀ ịsa edivi hụụnị aza oni Ohomorihi aa mẹ ịjọvaa tụra.

Ịjọọnụ 1:47

Ịjị Ijeesu re ka Inatanẹrị aa vẹ ịda anị, di Ijeesu kà ịrẹyị ini oze anị ka, “Anisirẹrị obooro yọ! Ọnịzẹyịza obooro ọ vị̀ nị.”

Anikorasi 3:9

Asị ụ rè cheeche yị ẹngụ nịnị, agụvị ka wáa yẹ ka wa sị ebira awụ nịnị ịyẹẹyẹ hụrẹ ụvọ,

1Ipita 3:14

Àa daka aa sị ụyaa rị wụ agụvị ka wáa vị ọnịzẹyịza, waa jẹ nịnị! Asị ụ hí angwa aza ene ee sì ka ẹnị ẹ̀ sị ụya rị wụ nịnị. Asị ayị awụ nịnị hụ agụvị avọọ vazi.

1 Ịjọọnụ 5:18

Yáa yẹ ka ezi Ohomorihi ọ mā kụkụ aa yịị mẹ ịvị, ama oō sere ẹngụ anị, dị Echu ọ́ yị nyẹngụ kanyị ọ.

Ẹtore 14:5

Ẹnịnị ẹ̀ yị sị irenu ẹnịnị kà ịrẹyị ireche da, ẹnịnị ẹyị nyị ohuvọ vụrụ-vụrụ.

Ẹtore 21:27

Ẹ yị nyị ịsa ikonya eneē du ọza ẹngụ, ana vaa ngụ ịnị ẹkụra ọnọọ. Aza ene ee du ẹhẹ ọnịrị aza eneē cheeche, ẹ yị vaa ngụ ịzọọ. Aza ana chẹrẹ tụ́ ini iwe Ozi Atẹmẹ ọnọọ ana vị iwe aza ana yára pooro zịna-zịna kẹnẹ, ẹ vaa ngụ ịzọọ nị.

Ẹtore 21:8

Ama anangwahi ọnịrị aza ẹnẹ ẹ̀yị vị ọdọwụ, beri aza ana aā mẹ̀ ịsa enyisi, ọnịrị ọwọza nịnị beri ọsẹrẹka nịnị beri ẹnẹbẹ ọnịrị aza anaā hẹkẹ ori, ọnịrị avaba onireche nịnị vaa nyị aha ẹnịnị ini adagu ịra anaa sị ohuru tụ́; ọnọọ ọ vị isu ụpẹ ọhụva nị.”