Ịzẹhwanaya 2:9 - IWE ỌNỊNỊ

⁹ Dị Ẹnẹyịmavara kà ọnị ana vị Ohomorihi Anisirẹrị ọ̀ọ yà ịzọọ, Animowabi ọnịrị Anamọnị vị ene vee vú ẹtẹ anka Isodọmị ọnịrị Igomora avọọ. Dị ẹtẹ ẹnịnị hí yị avị ikeyi-ikeyi, dị ọ jị ụsị anọ hi ẹtẹ, di o du ha tịtẹ. Dị aza Ẹnẹyịmavara ana vọ dọ ẹtẹ ọnọọ, dị ẹ sị mẹ ẹẹnịnị.

Ịzẹhwanaya 2:9 ပူးပေါင်းရင်းမြစ်များ

Ayịsaya 11:14

Ẹnịnị kụkụ vaa vaa bẹ dị ẹ baku Anihwirisiti. Di e nyima hụrẹ eyi ọnị ọyịị̄ zị naa ngụ ẹtẹ, dị ẹ vavọọ chaka wa na ngụ eyi ọnị ọyịị̄ zịị hụrẹ. Ẹ rẹ vaa kụ́ ịrẹkụ naa rị Anedomi ọnịrị Animowabi. Dị Anamọnị kụkụ vị ọrịhị ẹnịnị.

Ayịsaya 25:10

Ẹnẹyịmavara vee sere ataba Ịzayọnị. Ama Imowabi vị ọnị ọ vaa kụ́ ahụụ hii za ẹtẹ, dị ọ mẹ̀ ụhị nyị ọ ẹtẹẹtẹrẹ.

Ayịsaya 49:18

Kụra eyi tụ ẹba, dị ụ we re aza awụ nịnị ana vẹ eehi. Ẹnẹyịmavara kà ọnị ọ̀ọ yara, ẹnịnị va sị aza ẹnịnị mẹ eyi anka ọnyẹnẹẹ ọwọọwa ana a kụ ọmọ hi ẹngụ avọọ.

Ijeremaya 46:18

Ẹnẹyịmavara Ochẹtẹẹngụ ka, ọnị ọ vị ohinọyị nị. Ọ kà ọza ana kụ ịrẹkụ ee vee tu wu nịnị vị ana vaa nyị ụkataa hu wu nịnị anka ataba Ịtaabọ mẹ nẹba huni ataba ana vọ. É vee huna wụ nịnị anka ataba Ịkamẹrị mẹ dà jịnẹ oku avọọ nị.

Ijeremaya 48:1

Ijeremaya kà, ịrẹyị ọnị Ẹnẹyịmavara Ochẹtẹẹngụ tụ ọnị hi aza ene hi Imowabi yị. Ịrẹyị o tu ẹwụ nịnị ene hi Inebo ẹngụ. Ẹkụra awụ nịnị ee vee vú ẹtẹ. Ẹtẹ Ikiriyatayimi vị ana a vaa mẹ̀ ụhị nyị, dị aa za a. Aha ụkata ẹnịnị vị ana a vaa gara a ha.

Ijeremaya 49:1

 nyị ẹkụra ana aā hị́ Amọnị. Ịrẹyị anẹkụra ọnọọ ọnị Ẹnẹyịmavara kà yị. Ẹnẹyịmavara kà, ịzị Anisirẹrị nịnị hi? Aanị ka ẹ́ yị nyị ọza ana vọrọ ka óó sere ẹtẹ Isirẹrị? Sị ẹ vẹ dị ẹ navọ ka aza anaa mẹ ori ana aā hị́ Imorẹkị ẹ̀ va ra ịnị ẹtẹ ịrẹsụ ana aā hị́ Igadi?

Ijeremaya 49:18

Ọ kà, é me vú ẹkụra Isodọmị ọnịrị Igomora ẹtẹ beri ẹkụra-ẹkụra ana kara wa avọọ, avọọ a mẹ vee vu Edomi ẹtẹ nị. Ẹ́ ma vana nyị ọza ana vaa ra ịzọọ.

Ijeremaya 49:33

Ẹnẹyịmavara kà, Ịhazọ vị ọnị ọnị vaa tụ osusu paa dị ahịka irezi ịnị avị ẹ vanaa ra ịzọọ ọnị. Ẹ́ ma vana nyị ọza anaa vanaa ra ịzọọ.

Ijeremaya 50:40

Ẹnẹyịmavara kà, Ịbabịrọnị vị ana vaa yà anka Isodọmị ọnịrị Igomora mẹ yà ụmẹ ọnị ọnị sị vu wa ẹtẹ beri ẹkụra-ẹkụra ana kara wa avọọ. Ọza ẹ́ yị ma vana ra ịzọọ.

Emọsị 1:13

Ẹnẹyịmavara kà ọnị aa pịva yị Anamọnị agụvị ebira odivi odivi ẹnị ê mẹ̀. Ẹnịnị ệ há ọnịrẹẹ ịnẹ ẹkụra ana aā hị́ Anigiriyadi agụvị di e si zune ẹtẹ tụ́ ịnị ẹtẹ ẹnịnị. Ẹnịnị ẹ yị mẹ̀ sị rị.

Emọsị 2:1

Ẹnẹyịmavara kà ọnị aa pịva yị Animowabi agụvị ebira odivi odivi ẹnị ẹ mẹ̀. Ẹnịnị ệ kụ ẹchụkụ ohinọyị Anedomi dị ẹ rị ọ ịra dị ọ sụ atịtọ nị. Ẹnịnị ẹ yị mẹ̀ ẹ sị rị.

Ịzẹhwanaya 2:14

Dị ịsụpa ọnịrị uye ịnị avị ne beri inomi irenyi-irenyi vaa ra hi ịzọọ. Dị ògùgù nịnị ku ịrẹsụ ozokete ee na owu. Avọọ ahaka ẹnịnị mẹ vee hi ẹbanoze eburu ee na owu nị. Avaba ukere oze anị ana a sị ọchị ọkatarihi mẹ̀ vị ana vaa hụrẹ và hí ẹtẹ.

Ịzẹhwanaya 2:7

Ẹnẹyịmavara kà ọnị vaa sị ịzọọ yị Anijuda nịnị ana vọ ka ẹ ra ịzọọ, dị ẹẹ kụ ịsụpa ẹnịnịị̄ rị ịzọọ, dị ẹẹ sụ ịnị irehi Anasikeroni nịnị, Ẹnẹyịmavara ana vị Ohomorihi ka ọnị vaa tẹsị ẹnịnị, dị ọ varẹma ze yị wa.

Ịzẹhwanaya 3:13

Ẹnị ana ha ịnị Anisirẹrị ẹ yị kụkụ vaa mẹ̄ ebira odivi, ẹ yị rẹ kụkụ vee chechee, ẹ yị kụkụ vee vene ọza. Dị Ẹnẹyịmavara ee sere wa, dị angwa o yi hi wa, dị ọ mẹ ka ò zee yị wa.

Ịzakaraya 2:13

Avaba aza ẹ mẹ hẹẹ ọvịdị Ẹnẹyịmavara, agụvị ka ọ sị kwẹẹtẹ hụrị aha ọnọnị anị aa vẹ.

Ịrịka 14:21

Ama anka ọnị mẹ yara dị ụbanyị dọ avaba ẹhẹ,

Aniroomi 14:11

 vịdị vavọọ chẹrẹẹ ka Ohomorihi ka, “Màa yị yàra, avaba aza vee ku ẹtẹ ọ́vịdị amị, avaba aza rẹ vaa dọ irenu ka, hịịn, ẹma vị Ohomorihi nị.”

Iwe Ọhụhị Imosiisi ana aa hị́ Ọyịvatụrọda 29:22

Ezi ịrẹma awụ nịnị ọnịrị anikinami ene hi aha ene noze vee re akanya ọnịrị ụya ọnị Ẹnẹyịmavara kụ́ tu ẹtẹ awụ nịnị.

Iwe Ọhụhị Imosiisi ana aa hị́ Ọyịvatụrọda 29:23

Ẹnẹyịmavara vaa sị ohuuru ọnịrị anọ du ẹtẹ awụ nịnị ha. Ẹ yị nyị ịsa ana zụ chire, dị ọ hyakụ va chị. Ẹ yị nyị avị ọnị ọza vee re ịzọọ. Ịzọọ vaa tụ́ osusu anka Isodọmị ọnịrị Igomora ne beri Adima ọnịrị Izeboyimi ọnị Ẹnẹyịmavara sị ọyịkụ-ọyịkụ vu ẹtẹ.