Ịzẹhwanaya 2:5 - IWE ỌNỊNỊ

⁵ Ịrẹyị ô tù Anihwirisiti nịnị ana ra ụtọ enyi ẹngụ. Ẹnẹyịmavara kà ọnị ọ raà va eyi ịrazị ka Anikereti nịnị. Avaba Anihwirisiti ana ra Ịkanaanị vị ọnị vee vu ẹtẹ, dị ẹ yị nyị ọza anaa ha ịnị ẹnịnị.

Ịzẹhwanaya 2:5 ပူးပေါင်းရင်းမြစ်များ

Ayịsaya 14:29

Ọ kà ẹwụ nịnị Anihwirisiti, asị ụ na jẹ nịnị ka inori ana a vịdị ee sii tú wu nịnị o si che. Éwụ́ òo sú, ẹ́wụ́ ene divi hu avọọ aā chịị dọ ẹngụ anị ịrẹsụ nị. Ẹ́wụ́ edivi-edivi ẹẹ̄ chịị hụụnị ajẹ ẹ́wụ́ nị.

Ayịsaya 14:30

Ẹnẹyịmavara vee sere aza anị ana aa rị ụya. Ọ vaa mẹ ka ẹ̀ ra ẹhẹ, dị asị angwa hí wa. Ama evere ẹwụ nịnị Anihwirisiti vị oni Ohomorihi vaa sị ụngwẹẹ wụ vaa ha, saka-saka.

Ijeremaya 47:7

Ama ịrẹkụ ọnọnị mẹmẹ zụ ji ịrẹma ọnị Ẹnẹyịmavara sị ọda mẹ ka aa kụ̀ ọ? Ọnị ọ mẹ ọda ka a kụ́ ịrẹkụ ne tu Asikeroni ọnịrị aza ana ra hi utenyi nị.

Ezikẹẹrị 25:16

Avọọ, ọnị vaa kwẹẹtẹ tu Anihwirisitiya nịnị, dị ọnị wụ̀ wa va ha. Avaba Anikereti nịnị ọnịrị aza ana ra hi ụtọ irehu vị ọnị vaa wụụ ha.

Emọsị 3:1

Ẹnẹyịmavara ọ hị́ Anisirẹrị ka e batọ ịrẹyị ọnị ọnị vaa ka yị wa. Ịrẹyị ọnọọ ọ za avaba ẹnịnị ọnị ọ kụ̀ hụrị ẹtẹ Ijipiti vẹ.

Emọsị 5:1

Ẹnẹyịmavara, ô hị́ Anisirẹrị, dị ọ ka e batọ ahẹ ọnị ọnị aa sị zị ẹngụ yi wa.

Ịzẹhwanaya 1:11

Ịjị ẹnị ana ra eyi ụvẹtẹ Ijerusarẹmị ẹ̀ẹ maanị aa wụ́ owu, ẹnị ẹ rẹẹ tụ orere, di ee na owu booro-booro agụvị ka avaba osohu ọnịrị aza ene che ẹkẹhị nịnị vee su.

Ịzẹhwanaya 3:6

Ẹnẹyịmavara kà ọnị ọ raà wụ̀ avaba anẹkụra nịnị ha, dị ọnị chaka ọvọ ẹnịnị, dị ẹkụra ẹnẹẹ tu osusu, dị ubooro ẹnịnị jị ọngwa nị. Ẹ yị nyị ọza ana vọ ẹtẹ tụ́ ịzọọ.

Ịzakaraya 1:6

Ẹnẹyịmavara kà ọnịsẹ ẹnẹẹ ọnị ọnị tụ́ ka ẹ ka ọda anị yị wa, dị ẹẹ ka wa ọnọ. Ama dị ẹnịnị sị eyi wụ́ wa ana mẹ ka ẹnịnị ẹ̀ rị ụya ebira ẹnịnị. Ịrẹma ọnị ệ sị ụya rị ẹtẹẹrẹ, di e vee ro ịnẹ, dị ẹ dọ irenu ka ịsị ẹnị mẹ̀ Ẹnẹyịmavara Ochẹtẹẹngụ sị ụya anị rị ẹnị nị.

Ịmaakị 12:12

Ọdọvịdị Aniju nịnị ê sì oze ka ẹnị ẹ̀ za a, ama angwa aza ee hí wa. Ệ yẹ ka eni ee che ụhịrẹyị ọnọọ yị nị. Dị ẹnịnị na a vọ, di e si hu aa na nị.

Ijosuwa 13:2

avaba ẹtẹ Anihwirisiti ọnịrị ẹtẹ Anigesuri,

Ijosuwa 13:3

hụrị irehu Isihoni ana ya eyi ịzị ọyịị̄ zịị vẹ ịnị ẹtẹ Ijipiti na ngụ eyi ẹbẹẹba ịnị ẹtẹ Ekironi ana a kà a ọnị vị ẹtẹ Anikenaani. Anihwirisiti nini ẹ nyị ohinọyị ẹẹhị ana ya Igaza, Asidodi, Asikeroni, Igati, ọnịrị Ekironi ne beri Awimi.

Ọdọvịdị 3:3

Anẹkụra ọnị Ẹnẹyịmavara navọ ẹ vị: Anihwirisiti ana nyị ohinọyị ẹẹhị, avaba Anikenaani, Anịsayịdọnị, Ihivitiana ra ịrẹsụ ataba Ịrẹbanọnị hụrẹ ataba Ịbaarị Ihamọnị huu na ngụ oze Irebo-Ihamati.

1 Ịsamụwẹrị 30:14

Ọ rẹ ka ẹnị ẹ na dụ aza ene hi eyi ụvẹtẹ ịnị ẹtẹ Anikereti ne beri ẹtẹ Ijuda ọnịrị eyi ụvẹtẹ ịnị ẹtẹ Ịkarẹbị. Dị ọ rẹ ka ẹnị ẹ rị Izikiragi ịra nị.