Ịzẹhwanaya 2:15 - IWE ỌNỊNỊ

¹⁵ Ininivẹ ịjọnọọ wáá yị? Ẹkụra ana vịdị maanị nyị ụbanyị yịị? Dị aza anị ee wo oto ka ẹnị ẹ sị ha. Ẹkụra ọnọọ ọ va sị vara eburu ịzị uye ịnị avị nịnị kụkụ ra hi aanị nị! Aza ana aa para ịzọọ hu vi ene ee nohi, di e yee ziizi ịrẹsụ kẹnẹ.

Ịzẹhwanaya 2:15 ပူးပေါင်းရင်းမြစ်များ

Ijoovu 16:4

Ijoovu ka ọnị ọ̀ọ ya udi anị ọnị ọ rẹ zụ tụ ọ ohuvọ.

Ijoovu 27:23

Ahị ọnọọ nyayịnẹ a tụ kukuku, dị ụkata evu ẹtẹ ee chire wa angwa dụ wa ịrẹma e mee zwe nị.

Ayịsaya 22:2

Avaba ẹkụra aa sụ́rẹyị, aza aa kụ́ ịrẹka ẹ màa jẹ ịrajẹ. Aza awụ nịnị vee sú ịnị ịrẹkụ, ama ẹ yị vị ụhwọ a vaa sị wụ̀ wa, hyakụ vị ọvịdị ịrẹkụ ẹ vaa yàa sú.

Ayịsaya 32:11

Ẹwụ nịnị anẹẹ ene ro ka ẹ yị nyị ịrẹyị aanị, â nyị ka angwa òo hi wu, dị waa dá ẹgahị nịnị, o! Ngwa ịta ọvị awụ nịnị hị́ ẹtẹ dị wa sị ịta orere vụ́ nịnị.

Ayịsaya 32:14

Aza vee zwee hụrẹ ịzị ẹ vịdị naa vakaa tụ́, dị avaba aza zwe hụụnị ẹkụra dị ẹ kụ̀rà kụkụ tịtẹ hyó. Irehi ọgọdọ ịzị oserẹtẹ nịnị vịdịị yà vaa vara eburu, dị ịkẹrịkẹtẹ ọnịrị ịsụpa nịnị kụkụ aa ngụ ịzọọ zị.

Ayịsaya 32:9

Ẹwụ nịnị anyẹnẹẹ ene hi ẹtẹ aa mẹ ẹngwọọrọ, di u ro ka ẹ yị nyị ịrẹyị, kwẹẹtẹ wa wụ́ ịrẹyị amị nịnị.

Ayịsaya 47:10

Waa chamayị, di u ro ka ẹ yị nyị ịsị ẹ vaa vẹ nị. Wê ro o ka ẹ yị nyị ọza ene zụ re wu. Ịrẹyọyẹ awụ ọnịrị ịsa ọnị ụ yẹ, ẹ raà sị wụ nyeeyi. Wâ kà a ịnị ayị awụ ka, “Ẹmịị yọ, ẹ yị nyị ọza ẹnẹsa ịrẹma amị”.

Ijeremaya 18:16

Ẹnịnị ẹ́ raa mẹ ka ẹtẹ ọnọnị oo chire ọza angwa, dị à kụkụụ sị eyi wụ ọ pooro. Ịsị ana aza anaa parahu vee re, vaa za waa zizi. O vee hi wa irenu di e yee zizi ịrẹsụ.

Ijeremaya 19:8

Ẹnẹyịmavara kà ọnị vee vú Ijerusarẹmị ẹtẹ divi-divi. Avaba aza anaa parahu vị ọnị ọ́ vaa zaa zizi óoo me hi wa irenu.

Ijeremaya 50:13

Ẹnẹyịmavara kà, agụvị ayị anaa kụ ọnị, ọza ẹ́ yị ma vanaa rá Ịbabịrọnị. Vị́ á vaa jị ọ eburuu tịtẹ nị. Avaba aza anaa zị avọọ vị ọnị ọ́ vaa zaa zizi, dị o hi wa irenu.

Arụwẹ 1:1

Oogwoo, Ijerusarẹmị ana vịdị maanị nyị aza a maanị tụ osusu aanị nịị! Ẹkụra ọnị avaba anẹhẹ vịdị maanị sị ụbanyị yị ọ kụkụ tịtẹ goo anka osoku aanị nịị! Ẹkụra ana vịdị ya ọvịdị ẹkụra ana vọ, ọ kụkụ vị ọrịhị anẹkụra ana vọ aanị nị.

Arụwẹ 2:1

Ẹnẹyịmavara ộ kụ ayị dị ọ mẹ̀ ụhị nyị Anịzayọnị nịnị nị. Ọ sị wa tura hụrị ọgọọgọ va nyẹtẹ, ụbanyị ẹnịnị ọ ta. Ịjị Ananyị yị aa kụ ayịị hi wa, irehi Ohomorihi Anị nyẹmba vị ọnị o hi ayị anị.

Arụwẹ 2:15

Avaba aza anaa parahu kụkụ a sị Ijerusarẹmị mẹ enyinyi. E yee henyi ịrẹsụ dị eyee nyinyi ka a sị Ijerusarẹmị vú ẹtẹ nị. Dị ẹ ka ẹkụra ana maanị zoza ana avaba anẹhẹ aa sịị me eyi ịjọnọọ waa yị?

Ezikẹẹrị 27:36

Osohu anẹkụra ana vọ nịnị vị ene venee nohi e me re wu. Ẹ ka awụ ộ ta, pooro zịna-zịna, angwa ee hi ẹnị ka asị ẹngụ ịrẹyị awụ ọnọnị ve tu ẹnị o.

Ezikẹẹrị 28:2

Ozi-ọza, ọnị kà a yị ohinọyị Anitaya ka ọnị Ẹnẹyịmavara Ochẹtẹẹngụ ka; wâ sị ẹngụ awụ tụ ẹba pooro, ụ kụkụ ka ori u vị̀ nị; Ụ ka vị ụ yaatụ ịrẹsụ aga ohinọyị awụ tụ ịnị akakana enyi anka ori avọọ nị. Wa nyẹngụ aa mẹ apẹ ka ori ụ vị nị, ama, yẹ ka ọza ịrẹsụ-ịrẹsụ ụ vị̀ nị.

Ezikẹẹrị 28:9

Wáá kụkụ va zụụ yà ọvịdị aza anaa wụ wụ hị́ ẹngụ awụ ori ịjị ọnọọ? U vee re ka ọza ịrẹyị-ịrẹyị osusu ụ vị nị, wẹ́ yị vị ori.

Ezikẹẹrị 29:3

Ọ kà ọnị ọ̀ kà a ka ịsị, ọnị, Ẹnẹyịmavara Ochẹtẹẹngụ aa kà a yị ohinọyị Ijipiti yị ka: ẹwụ agụgụ odivi ana hụtẹtẹ tụ ini enyi ọnị ọ́ sị vara ọnịvị awụ o. Wâ kà a ka ẹwụ a nyị irehu ana aā hị́ Ịnayịrị nị. Ụ ka ẹwụ a nyị irehu ana aā hị́ Ịnayịrị nị. Ụ ka ẹwụ hyakụ mẹ̀ ẹ nị.

Ịdanịyẹrị 4:27

Dị Ịdanịyẹrị rẹ ka, Taarụ, ọ̀ navọ ọ̀ dọ ajuwe anị, dị ọ̀ hụụnị ebira odivi ọyịmẹ̀ dị ọọ mẹ̀ ebira ọyịza. Ọ kà ọọ vayị ọnụya nịnị bẹẹ, ọnọọ ọ vaa mẹ̀ ka ò zé yọ nị.

Ịnahụmị 3:19

Ụnava ọnị ọ tọ̀ aanị o divi ẹtẹẹtẹrẹ, ẹ yị nyị eyọtụra. Ama avaba aza ana vaa wụ́ ọ vị ana vaa jẹ, dị ẹ yaa gụ ahụ Àa nyị ọza ana ha hụụnị ayịchamayị awụ?

Ihabaku 1:7

Aza vị ana nyayịnẹ ee hí angwa ẹnịnị. Agụvị avọọ dị ẹ yaa mẹ kẹnẹ o me zee wa eyi nị.

Imatiwu 27:39

Dị aza ẹnyị ana aa parahu aa kụ̀ Ijeesu ụhụ nị; dị eyee mi ịrẹsụ nị.