Ịzẹhwanaya 1:6 - IWE ỌNỊNỊ

⁶ Ẹnẹyịmavara kà aza ana va hụ ịrẹma anị, dị ẹ yị kụkụ họ̀ ọnị use ka ọnị ọ zụ ẹnị oze vee re ẹẹva.

Ịzẹhwanaya 1:6 ပူးပေါင်းရင်းမြစ်များ

2 Ịsamụwẹrị 22:22

Mẹ yị mẹ akamawụ hi Ẹnẹyịmavara, mẹ yị dọ ka ma mẹ̀ ebira odivi hi Ohomorihi.

2 Ịtọpa 15:13

Ẹ ka ọza tụra ọza ẹnẹ ẹ̀ yị hẹkẹ ẹ, ọ̀ọ vị ozweyi, ọ̀ọ vị ọzọkụ; ọ̀ọ vị ọnọrụ, ọ̀ọ vị ọnẹẹ, vị́ a vaa wụ̀ ọ nị.

Ahẹ Ụgama 10:4

Aza edivi vi ene ee wo otoo zị ẹ yị kà ka ẹnị ee sì Ohomorihi. Ẹ yị nyị ụmẹ ọnị ẹ hyakụ sị tamayị Ohomorihi ịnị ayị ẹnịnị.

Ahẹ Ụgama 125:5

Ama ịhị wàa kụ́ aza edivii kwooze, ẹnịrị aza ẹnẹ ẹ̀ yị mā và tụra oze awụ, ụ vaa kụ́ụ kwooze nị. Anisirẹrị vị ana vaa nyị ẹngwọọrọ.

Ahẹ Ụgama 36:3

Irenu ọza odivi ọ mā kà ọyịza, di ee vene ọza Ọ yị kụkụ zụ mẹ̀ ebira ịrẹyọyẹ ọnịrị ịsa ene zoza.

Ayịsaya 1:4

Ho! wa sị dà nịnị ẹwụ nịnị aza edivi ẹnẹnị, ẹwụ nịnị eni ebira odivi maanị nyayịnẹ chi ẹngụ aanị. Ezi aza edivi ụ vị nịnị nị. Wa sị ẹmị Ẹnẹyịmavara yi tịtẹ nịnị, ẹmị ọnịnị ana vị Ohomorihi Anisirẹrị ụ và ịrẹma kà nịnị aanị nị.

Ayịsaya 43:22

Ama ẹwụnị anovwoovu Ijekọvụ ẹ yị hẹkẹ mị nịnị, ịrẹyị amị vene du wu nini eyi, ẹwụ Isirẹrị.

Ayịsaya 9:12

Anisiriya ene hi oze ọnị ọyịị̄ zịị vẹ ọnịrị Anihwirisiti ene hi oze ọnị ọyịị̄ zịị naa ngụ ẹtẹ vaa za Anisirẹrị dị ẹ wụ̀ wa va ha. Ẹ maanị sị ụya rị, Ohomorihi ọ yị vị vaa vàa hụụnị ọyịkụ anị. Vị aa tịị tana ụvọọ za wa hu avọọ nị.

Ayịsaya 9:13

Dị Ẹnẹyịmavara daka maanị sị sị ụya rị Anisirẹrị aanị, ẹnịnị e yi ji jesi ebira ẹnịnị. Ẹnịnị ẹ yị va ve ịda Ẹnẹyịmavara Ochẹtẹẹngụ.

Ijeremaya 10:25

Ọ kà, ọ sị ọyịkụ anị zụ aza ana ka ẹnị ẹ yị yẹ ẹ; dị ẹnịnị ẹ yị maa hẹkẹ ẹ. Ẹnịnị ẹ sị aza Ẹnẹyịmavara wụ̀ ha; ẹ sị ẹnị vú ẹtẹ saka-saka, dị ẹ jị ẹkụra ẹnịnị eburu nị.

Ijeremaya 15:6

Ọ kà wa sị ọnị yi tịtẹ nịnị, wa sị ịrẹma và ka ọnị nịnị. Avọọ, ọnị vaa tana ụvọ za wụ nịnị dị ọnị vu u nịnị ẹtẹ, agụvị ka ịzị ọnị vayị awụ nịnị tu avọọ oo zee.

Ijeremaya 2:13

ka aza anị ẹ raa mẹ̀ ebira odivi oze ẹẹva: Ọ kà ẹnịnị ẹ raa và ịrẹma anị, ọnị ana vị oswe enyi anaā sịị ẹngụ ọzaa hunẹnẹ, dị ẹnịnị na chị́ ịkangga ana ahịka ka ẹnịnị ẹ yị zụ re enyi da hụụnị anị vụrụ-vụrụ yị ẹngụ ẹnịnị nị.

Ijeremaya 2:17

Ẹnẹyịmavara kà, Anisirẹrị, ẹwụ nịnị ọ kụ ọsọnị tu ẹngụ awụ nịnị nọ. Ka vị ọnị Ẹnẹyịmavara ana vị Ohomorihi awụ nịnị aa zụ ụ nịnị oze dị ụ vana và hụrị ọnị ịrẹma nịnị kẹnẹ nị.

Ijeremaya 3:10

Ẹnẹyịmavara kà, dị ọ́ maanị yị mẹ avaba ẹsẹnị, onyeyiza anị, Ijuda ẹnẹẹ yị nyị ịzẹyịza ẹ yị sị ịzẹyịza và ka ọnị vẹ; vaa da ọbọ kẹnẹ nị.

Ezikẹẹrị 3:20

Ẹnẹyịmavara kà, ọza ọyịza ọ̀ọ va hụụnị ebira ọyịza anị naa mẹ udivi, dị ọnị kụ́ ẹngụkata tu ọ nị, ọnị Ezikẹẹrị ẹ̀ yị kà a ọnọ, vị ee sù isu ebira odivi anị nị. Ọnị ẹ́ yị vaa tamayị ọyịza ọnị ọ́ vịdị mẹ, ama ọnị Ezikẹẹrị ọnị vaa họ̀ use anị nị.

Ihoseya 11:7

Ẹnẹyịmavara kà aza ẹ̀ raà tenyi ẹngụ ka ẹnị a va ịrẹma anị na hẹkẹ ori. Ẹnịnị aa hị́ ọnị ene hu kere-kere ama ẹnịnị ẹ yị sị ụbanyị yị ọnị.

Ihoseya 7:10

Ka ẹnịnị aa sị ẹngụ tụ ẹba, ẹnịnị ẹ yị varẹma ne tu Ẹnẹyịmavara Ohomorihi ẹnịnị ịnị ụmẹ ọnị ịrẹyị sị tụ́ wa.

Ihoseya 7:7

Ẹnịnị sị mẹẹ anka ịra anaa rị ọdọvịdị ẹnịnị avọọ, dị ẹ yị ọza ana vọrọ ka o na owu na za Ẹnẹyịmavara kà ọ gụ wa ụvọ avọọ nị.

Ịzẹhwanaya 3:2

Ẹnịnị ẹ yị wụ́ chire Ẹnẹyịmavara. Àa kà a yị wa pooro ẹnịnị ẹ yị dọ. Ẹnịnị ẹ yị sị ayị tụra Ẹnẹyịmavara, di e vee hyakụ si ọgụvọ hụụnị ụvọ anị.

Aniroomi 3:11

Ẹ yị nyị ọza ana yẹ ịsa ana vọrọ, ẹ yị nyị ọza ene ee sì ka ọnị ọ̀ saasa Ohomorihi.

Anihiburu 2:3

Yéé ro ka ẹyị àa sị ụvọ dẹmbẹrẹ sị ịrẹyị ẹdọha ana maanị banyị aanị, ka ya zụ há? Ananyị yị ọnị ụvọta ọ vịdị kà a yị aza nị. Dị aza ana wụ́ ọọ ẹnị rẹ sị zụ̀ yị ka ịzẹyịza ị́rẹyị ọnọọ vị nị.

Ijosuwa 23:12

Wàa mẹ̀ akamawụ, dị ụ va ụvọ beri anẹkụra nịnị ana vọ tụ́ ịnị akakana awụ nịnị, dị ẹwụrị wa nyị ẹngụ vahi nị.

1 Ịsamụwẹrị 15:11

“Ộ zị mị ẹngụ ka mâ sị Ịsọọrụ rị ohinọyị. Ộ raà vara ayị anị tu mị. Ộ yị mẹ ịsị mị ka ọ̀ na mẹ.” Ịrẹyị ọnọọ ô du Ịsamụwẹrị ayị, dị ahịka vi o ji orere pooro hi Ẹnẹyịmavara ẹngụ ịrahụ ọyịvụrụ nị.