Ịzẹhwanaya 1:5 - IWE ỌNỊNỊ

⁵ Ọ kà avaba aza ana hịrẹ tụ ịrẹsụ irehi na hẹkẹ ọyị ọnịrị ụhwẹ neberi ụzọmị nịnị ẹ yị vaa ha. Ẹnẹyịmavara kà ọnị vaa pa ịva yị aza ana mẹ ayị ẹẹva, dị ẹ yaa hẹkẹ ọnị, dị ẹ ya sị ịrẹha anị hị́ eku, dị ẹ rẹ yaa hẹkẹ ori ana aā hi Imorẹkị.

Ịzẹhwanaya 1:5 ပူးပေါင်းရင်းမြစ်များ

1 Ohinọyị 11:33

Ọ kà ọnị ộ vavọọ mẹ agụvị ka ẹnịnị ẹ sị và ị́rẹma anị, e kuku ee kú ẹtẹ yị Asẹra ori Anisidoni ọnịrị Ikimosi ori Animowabi. E re yee kú ẹtẹ yị Imirikomi ori Anamọnị. Ọ kà ẹnịnị ẹ yị zị ụsẹ ini oze anị, ẹnịnị ẹ yị mẹ̀ ebira ana vọrọ ini eyi anị. Ẹnịnị ẹ yị rẹ sị eyi pè ọda ọnị ọnị mẹ anka Idevidi ada anị.

1 Ohinọyị 11:5

Isoromọnị kụkụ aa dụ ori Anisirẹrị ana aā hị́ Asịtọrẹtị ọnịrị ori ana aā nyị ọza ịhyẹrẹ ana vị ori Anamọnị zị. Aā hị́ ori ọnọọ Imirikomi.

1 Ohinọyị 18:21

Di Erija tere pè avaba aza ẹnẹẹ dị ọ ka Ị́zị ụ maanị vaa mẹ ayị ẹẹva nee tù nịnị? Àa vị Ẹnẹyịmavara ọ vị Ohomorihi nị, waā saasa a nịnị! Àa rẹ va vị Ịbaarị yọ nị, waā saasa a nịnị! Aza ẹnẹẹ e yi tụ́ Erija ohi vụrụ-vụrụ.

2 Ohinọyị 17:32

Aza ẹnẹnị ệ rẹ hẹkẹ Ẹnẹyịmavara, dị ẹ nyị aza irenyi-irenyi hụụnị ẹngụ ẹnịnị ka ẹ̀ vị ohirẹsụ ịzị ẹnị anaā hẹkẹ ori yaa mẹ ori, dị ẹ̀ rẹẹ mẹ ịsọvọọ yị ẹnị nị.

2 Ohinọyị 17:33

Ẹnịnị ệ hẹkẹ Ẹnẹyịmavara, ama dị ẹ rẹ yaa hẹkẹ ori ẹnịnị anka ẹ mẹẹ̄ mẹ ẹkụra ẹnẹ ẹ hụrẹ vẹ nị.

2 Ohinọyị 17:41

Avọọ aza ẹnẹẹ mẹ̀ hẹkẹ Ẹnẹyịmavaraa, ama dị ẹ rẹ hẹkẹ ori nịnị nị. Pooro ve tu ajịnị evere ẹnịnị vị ana vavọọ aa yịị mẹ.

2 Ohinọyị 23:12

Ohinọyị Ijosaya ô wu avaba ụta ẹnị ohinọyị Ijuda nịnị vịdị hi tụ ẹbẹẹba ịrẹsụ irehi Ohinọyị Ahazi ne beri ụta ọnị Ohinọyị Ịmanasẹ hi tụ ịnị ohweje ẹẹva ịnị irehi Ẹnẹyịmavara. Avaba ụta ọnị ó wu vị ọnị ọ kụ na va ha ịnozi Ikidironi.

Ayịsaya 22:1

Ịrẹyị ene vee tù aza ana ra hi ini osusuu ịzị Ohomorihi yàa mẹ ka aza anị è re ẹtẹ yị. U mè re nịnị? Si u ne hi ịrẹsụ irehi aa jẹ ịrajẹ anị nịnị?

Ayịsaya 44:5

Aza vaa kà a ikonyi-ikonya ka, “Aza Ẹnẹyịmavara mị vị nị”. Ẹ vaa vẹ dị ẹ va vahura Anisirẹrị nịnị, ọzịnya-ọzịnyara ẹnịnị vaa chẹrẹ ịrẹha Ẹnẹyịmavaraa tụ ịnị ọchụvọ anị, dị ẹyaa hị́ ẹngụ ẹnịnị aza Ohomorihi.

Ayịsaya 45:23

Ẹnẹyịmavara kà ọnị ọ raà hị́ eku, ọnọ ẹ yị vara ayị. Avaba idunku o vee ku ẹtẹ yị ọnị nị. Avaba aza ọ vaa hẹkẹ ọnị nị.

Ayịsaya 48:1

Batọ ịrẹyị ọnọnị, ẹwụnị Anisirẹrị ana vị evere Ijuda ana sị ịrẹha Ẹnẹyịmavara hị́ eku. Ẹ ka ẹnị aa hẹkẹ Ohomorihi Anisirẹrị ama ireche osusu.

Ijeremaya 12:16

Ọ kà, ẹnịnị ẹ̀ẹ sị avaba ayị ẹnịnị aa hẹkẹ ọnị anka aza anị maa hẹkẹ ọnị, ọnị vaa sị wa anka aza anị. Ẹnịnị àa sị ịrẹha anịị hị́ eku anka ẹ mẹ vịdị kọ aza anị ka, ẹẹ sị Ịbaarị hị́ eku, o vee zee yị wa.

Ijeremaya 19:13

Ọ kà, ịzẹyịza avaba irehi ene hi Ijerusarẹmị beri irehi ohinọyị Ijuda nịnị vana vaa yaa anka Itohwẹtị. Avọọ avaba irehi ene e hi ịrẹsụ anịị rị eturare ịraa yị ụzọmị ẹnẹ ẹ sị mẹ ori dị ẹ yaa ka echee hi ẹtẹ yị ori ẹnịnị ịnị anị mẹ vaa yà nị.

Ijeremaya 32:29

dị ẹ jị ịra da a. Ẹnịnị vaa rị ọ ịra bẹrị avaba irehi ana aza ya mẹ ayị kụ ọnị. Aza ẹ ya ịrẹsụ irehi ẹnẹẹ aa rị eturare ịra yị ori ana aā hị́ Ịbaarị, dị ẹ́ rẹ yaa sị eche mẹ̀ ịsọvọ yị ori ana vọ nị.

Ijeremaya 4:2

Dị Ijeremaya ka wàa sị ịrẹha anị hị́ eku nịnị tụ ịrẹsụ ịzẹyịza ọnịrị ịsa ana vọrọ nịnị, ọ vaa mẹ ka ò zé yị ẹkụra awụ nịnị, dị avaba aza kụkụ aa sị ọ mẹ ụbanyị.

Ijeremaya 49:1

 nyị ẹkụra ana aā hị́ Amọnị. Ịrẹyị anẹkụra ọnọọ ọnị Ẹnẹyịmavara kà yị. Ẹnẹyịmavara kà, ịzị Anisirẹrị nịnị hi? Aanị ka ẹ́ yị nyị ọza ana vọrọ ka óó sere ẹtẹ Isirẹrị? Sị ẹ vẹ dị ẹ navọ ka aza anaa mẹ ori ana aā hị́ Imorẹkị ẹ̀ va ra ịnị ẹtẹ ịrẹsụ ana aā hị́ Igadi?

Ijeremaya 5:2

Dị ụ daka aa yịị kà a nịnị ka waa hẹkẹ Ẹnẹyịmavara nịnị aanị, ireche u we che nịnị nị.

Ijeremaya 5:7

Ẹnẹyịmavara kà, si ẹ vẹ ọnị ọnị aa sịị vagu ịvị aza anị ẹnẹnị? Ẹnịnị ẹ raa hụrẹ ọnị ụvọ, dị ẹ naa hẹkẹ ori ẹnẹ ẹ yị nyị ịsị ẹ vị nị. Ọ kà, ọnị ộ sị avaba ịsị e yee si yị wa, ama vị ẹ yị naa sẹ̀ ịrẹka dị ẹ yaa hara nọ ịnị eehi ọsẹrẹka nịnị nị.

Ijeremaya 7:10

dị ụ varẹma va jẹẹ ọvịdị anị nịnị ịnị irehi ọnọnị ana a yaa hị́ ịrẹha anị dị ụ ka: Wa sị ha nịnị? Wa sị ha nịnị ka wa naa mẹ̀ ịsa anaa nyị ọnị ịhyẹrẹ aanị waa yọ?

Ijeremaya 7:9

Ọ kà, á vị wee ne sị oyi yi nịnị di ụ sị ọza wụ̀ nịnị nị, waa na raa sẹ̀ ịrẹka nịnị di ụ sị eku ireche hị́ nịnị nị, waa na raa mẹ̀ ịsọvọ yị ori anaā hị́ Ịbaarị nịnị dị ụ na raa hẹkẹ ori ọnị wẹ yị vịdị yẹ nịnị nị,

Ijeremaya 8:2

A vaa gara wa hi ịnị ọyị ọnịrị ụhwẹ beri ụzọmị ene hi ẹbẹẹba, ẹnị ẹnịnị maanị sì ịrẹyị anị dị ẹ yaa kụụ hẹkẹ. Ịsa ẹnẹnị Anijuda nịnị â saasa, dị a hi ka ẹnị ẹnịnị họ̀ use ịrẹyị, dị ẹ yaa hẹkẹ wa nị. Ọza ẹ ma vana kụ ẹchụkụ ẹnẹẹ gụ à vị ka è ne wa, ama a vaa kụ wa vàa hi ututu nị.

Ihoseya 10:2

Ẹnẹyịmavara kà a yaa rị ụya ebira odivi ẹnịnị agụvị ka ẹnịnị ẹ yị nyị ịzẹyịza. Ộ ka ọnị ee wú avaba ụta ori ẹnịnị, dị ọnị chaka ori ẹnịnị ha.

Ihoseya 4:15

Ọ mẹ yị daka vị ka Anisirẹrị nịnị aa sẹ̀ ịrẹka, asị Ijuda bẹ ụvọ tụ́ ịnị ebira ọnị ẹ yaa mẹ̀. Asị ẹ nọ Igirigari a vị Ịbẹtị-Aveni na hẹkẹ ori, asị ẹ hị́ eku uruku ịnị ịrẹha Ẹnẹyịmavara ana yara.

Emọsị 5:26

Ama Anisirẹrị nịnị vaa sị ori ẹyịva ọnị ẹ mẹ̀. Ọnya ịnị ẹnịnị Isakuti, ọnị ẹ yaa hị́ ohinọyị ẹnịnị. Dị ẹ rẹ hi ụta yị ori ọsa oni ẹ mẹ̀ vene ụzọmị ẹbẹẹba ana aā hị́ Ịkayịwanị nị;

Imatiwu 6:24

“Ẹ yị nyị ọza ịnya ana nyẹngụ aa hẹkẹ ọga ẹẹva; ọ vaa nyị ịhyẹrẹ ọnya, di o sì ịrẹyị ọsa; ẹ̀ yị vị avọọ, dị ọ sị ayị yị ọnya, dị aa sị eyii wụ ọsa. Wẹ yị nyẹngụ aa hẹkẹ Ohomorihi, dị ụ waa rẹẹ hẹkẹ ẹkẹhị nịnị.

Odeyi 10:9

Eyinẹhẹ anị, aza ẹnẹẹ màa na, ẹyaa vaa ngụ Ịjọpa. Ịnị ẹhụụ ụmẹ agogo ẹwụrẹva, dị Ipita hịrẹ nọ ịrẹsụ irehi ka ọnị ọ̀ na mẹ̀ aduwa nị.

Aniroomi 14:11

 vịdị vavọọ chẹrẹẹ ka Ohomorihi ka, “Màa yị yàra, avaba aza vee ku ẹtẹ ọ́vịdị amị, avaba aza rẹ vaa dọ irenu ka, hịịn, ẹma vị Ohomorihi nị.”

Iwe Ọhụhị Imosiisi ana aa hị́ Ọyịvatụrọda 10:20

Wụ̀ chire Ẹnẹyịmavara Ohomorihi awụ nịnị, dị ụ waa hẹkẹ ọnị ịnya kẹnẹ. Mẹ ịzẹyịza ka a na, dị u wee wo oto ịnị ịrẹha anị.

Iwe Ọhụhị Imosiisi ana aa hị́ Ọyịvatụrọda 4:19

Asị ẹ zẹ ka ayị ẹnịnị o vene ẹnị dị ẹẹ hẹkẹ ọyị a vị ụhwẹ ọnịrị ụzọmị ene e yee re ịnị ihinẹba. Ẹnẹyịmavara ana vị Ohomorihi ẹnịnị vị ana navọ anẹhẹ ana vọ ka ẹẹ hẹkẹ ẹ.

Ijosuwa 23:7

Asị ẹwụrị aza ẹnẹnị ana vọ beri ẹwụ nịnị rị vabẹ. Asị ụ kà ịrẹyị ịrẹha ori ẹnịnị, a vị dị ụ wa sị̀ hị́ eku, a vị ka wa hẹkẹ ẹ, dị ụ wa tana tụra ẹtẹ yị wa.