Ịzẹhwanaya 1:4 - IWE ỌNỊNỊ

⁴ Ẹnẹyịmavara kà ọnị vaa tana ụvọ za aza ana ra hi Ijerusarẹmị ọnịrị avaba ẹtẹ Ijuda. Dị ọnị wu aza ana aa hẹkẹ ori ana aā hị́ Ịbaarị ọnịrị ọnụtụ ori ẹnẹẹ.

Ịzẹhwanaya 1:4 ပူးပေါင်းရင်းမြစ်များ

2 Ohinọyị 21:13

Ộ kà a ọnị vaa sị ụya rị aza ene hi Ijerusarẹmị anka ọnị mẹ mẹ̀ Ịsamarịya nịnị, a vị anka Ahabị ohinọyị Isirẹrị ọnịrị evere anị, ộ kà ọnị vee vu aza ene hi Ijerusarẹmị ẹtẹ anka ịchachọ̀rịsa ana a nyịna va ku avọọ.

2 Ohinọyị 23:12

Ohinọyị Ijosaya ô wu avaba ụta ẹnị ohinọyị Ijuda nịnị vịdị hi tụ ẹbẹẹba ịrẹsụ irehi Ohinọyị Ahazi ne beri ụta ọnị Ohinọyị Ịmanasẹ hi tụ ịnị ohweje ẹẹva ịnị irehi Ẹnẹyịmavara. Avaba ụta ọnị ó wu vị ọnị ọ kụ na va ha ịnozi Ikidironi.

2 Ịtọpa 34:4

Aza anị vị́ ana saasa ọda anị, di e wú avaba ụta ịzị aa hẹkẹ ori Ịbaarị ọnịrị ụta ana gụrị wa ịzị aa yaa rị eturare ịra. Dị ẹnịnị chata uyi Asẹra ọnịrị ori ana vọ rugu-rugu, dị ẹ va atịtọ anị hi ịrẹsụ ukuta aza anaā vịdị mẹ̀ ịsọvọ hẹkẹ wa nị.

Ọyịkụra 15:12

Wâ tana ụvọrị awụ, dị ẹtẹ mụnẹ ọnịrị ayị nị.

Ijeremaya 15:6

Ọ kà wa sị ọnị yi tịtẹ nịnị, wa sị ịrẹma và ka ọnị nịnị. Avọọ, ọnị vaa tana ụvọ za wụ nịnị dị ọnị vu u nịnị ẹtẹ, agụvị ka ịzị ọnị vayị awụ nịnị tu avọọ oo zee.

Ijeremaya 6:12

Ẹnẹyịmavara kà ọnị vaa sị ụyaa rị Anijerusarẹmị nịnị. Ọnị vaa sị irehi ẹnịnị ọnịrị aarẹ ẹnịnị beri ose ẹnịnịị yị ọza ẹnẹsa.

Ezikẹẹrị 25:7

Avọọ, ọnị hụrẹ ẹwụ nịnị ụvọọ yị Anẹkụra ọsa, dị ẹ kụ́ wụ nịnị ẹnya. Ẹnẹyịmavara kà vị ọnị vee vu wu nịnị ẹtẹ saka-saka nị. Wẹ́ ma rẹ vana nyị ịzị waa hị́ ẹkụra awụ nịnị.

Ezikẹẹrị 6:14

Ọ kà ọnị vaa tana ụvọ za wa, dị ọnị tụ́ avaba ẹkụra ẹnịnị osusu, dị ọ jị eburu. Avọọ ọnị mẹ vaa mẹẹ hụụnị ụnọmị eyi ụvẹtẹ huu naa ngụ ịzị aā hị́ Iribira eyi ẹbẹẹba nị.

Ihoseya 10:5

Aza ana ra hi Isamariya vee hí angwa agụvị ịrẹyị ene tụ́ ori ẹnịnị, dị ẹ yaa zị ẹngụ anị agụvị ka a raà mẹ̀ ụhị nyị ori ẹnẹẹ.

Imika 5:13

Ọ kà ọnị rẹ vaa chaka ori ọnị ụ bẹ nịnịị ha Dị ọnị gara ịrẹta ọnị waa hẹkẹ nịnịị ha. Ọ kà we mē vene ku ẹtẹ kụ́ ịsa ọnị ụ sị ụvọ awụ nịnị mẹ.

Ịzẹhwanaya 2:11

Ẹnẹyịmavara vee chire wa angwa ẹtẹẹtẹrẹ. Di o du ori ene hi ịnị ẹtẹ ọnọọ ha. Ịjọnọọ dị anẹkụra ọzọza aa hẹkẹ Ẹnẹyịmavara ịzị ẹ̀ẹ ya.

Ịzẹhwanaya 2:13

Dị ọ rẹ tana ụvọ za Anasiriya nịnị. Dị ọ jị Ininivẹ, ohyẹtẹ ẹkụra Anasiriya eburu, dị ọ vara a ụnọmị osusu, kẹnẹ.