Ịzẹhwanaya 1:18 - IWE ỌNỊNỊ

¹⁸ Ịhị Ẹnẹyịmavara aa kụ ayị hi wa, avaba ẹkẹhị ọnị ẹ nyị ọ yị vaa dọ wa ha hụrẹ ẹ ụvọ. Ẹnẹyịmavara vị ana vaa sị ọyịkụ-ọyịkụ vu avaba aza ene hi ẹhẹ ẹtẹ. Dị ọ da ẹhẹ ẹnịnị ẹjịjị ịnị asigiri.

Ịzẹhwanaya 1:18 ပူးပေါင်းရင်းမြစ်များ

Oyinyima 6:7

Dị Ẹnẹyịmavara va ka, “Ọza ọnị mị tụ́ vẹ ẹhẹ aanị vị ọnị maa kụ́ụ kwooze hụụnị ẹhẹ saka-saka. Ọza, uye ịnị avị, ịsụpa ini eehi, uye eneē tura ne beri inomi ene hi ẹbẹẹba vị ọnị maa kụụ kwooze piti, ô du mị ayị ka mâ mẹ wa vẹ ẹhẹ.”

1 Ohinọyị 14:22

Anijuda ệ mẹ̀ ebira odivi ini eyi Ẹnẹyịmavara. Ẹnịnị ệ mẹ ayị kụ́ Ẹnẹyịmavara huna avaba ohiku ẹnịnị, ini oze ebira odivi ẹnị ẹnịnị mẹ.

Ijoovu 21:30

ka aza edivi ẹ mā rị ụya Ohomorihi aa kụ ayị.

Ijoovu 3:15

Aza ana vịdị vi opisa ene gu igooru ọnịrị isiriva gwaa-gwaa hi ini eehi ẹnịnị.

Ahẹ Ụgama 78:58

Ẹnịnị ệ mẹ ayị kụ́ Ohomorihi agụvị aha ahẹkẹ ori ẹnị ẹ dà hi ịrẹsụ ataba irenyi-irenyi. Ori ẹnịnị vị ana mẹ̀ ẹ kụ́ ụhị.

Ahẹ Ụgama 79:5

Ẹnẹyịmavara aanị ụ wáá mẹ̀ vaa kụ́ ayịị hi yi pooro nị? Mị ka aanị ụ mẹ vaa kụ́ ayị pooro nịị?

Ụhịrẹyị 11:4

Usu ọ̀ọ ngụ tụ ọza, ẹkẹhị anị ọ yị zụ dọ ọ ha ama ịzẹyịza kẹnẹ ọ zụ dọ ọza ha nị.

Ụhịrẹyị 18:11

Ọnyẹkẹhị nịnị vị eneē rò ka ogu ẹnịnị ọ zụ sere ẹnị anka ọvọ ana jị kara ẹkụra avọọ.

Ayịsaya 1:24

Avọọ sị ụtọ pe ẹtẹ dị wa wụ́ ịrẹyị ẹnị Ẹnẹyịmavara Ochẹtẹẹngụ aa ka. Ọnị ọ vị Ohomorihi Anisirẹrị nị. Ọnị ọ nyị ụkata nị. Ọ kà ọnị ka ọnị vee sí ẹwụ nịnị ọnịvị anị atọ ịrẹyị ọnọnị, dị ẹwụ nịnị ọ̀ sị ọnị tịtẹ hẹẹ.

Ayịsaya 10:17

Ohomorihi Anisirẹrị ana vị ọnịnị vaa vara ịra dị aa za giri-giri. Ịnị ẹkụhị ọnya ọ vaa za avaba avị ẹhịmị dị ọ rị wa ịra va ha nị.

Ayịsaya 10:3

sị ụ vaa mẹ nịnị ịhị ọnọọ? Eni u vee zwe nee tù ka ọ̀ gụ wụ nịnị ụvọ? Mị ka ịzị ụ vaa kụ́ ogu awụ nịnị nee hi ịhị ọnọọ?

Ijeremaya 7:20

Avọọ, Ẹnẹyịmavara Ochẹtẹẹngụ ka, ọnị vaa sị ọyịkụ anị zụ aza ana vẹ ịnị irehi anị ọnọnị ẹtẹẹtẹrẹ ọ ka, aza ẹnịrị uye nịnị, ọchị ịnị avị nịnị ọnịrị ịsa ịnị aarẹ vị ọnị ọnị vaa mẹ ọyịkụụ yị anka ịra anaa zá dị ọza e yi zụ mi ọ avọọ.

Ijeremaya 7:34

Aza vaa hụ́ hụụnị ẹkụra. Ẹnẹyịmavara kà, ọnị vaa mẹ ka asị a kụkụ wụ aahẹ ka aza aa mẹ ayohine ọnịrị ịrajẹ. Dị ọnị mẹ ka asị aza kụkụ zụ jẹ ka vị ẹnị aa nyị ẹngụ nị.

Ijeremaya 9:11

Ọ kà, Ijerusarẹmị vị ọnị ọnị vaa jị eburu dị ahịka irezi ịnị avị ẹ kụkụ aa ngụ ịnị anịị zị ụmẹ tụra ụmẹ nị. Ọnị vaa tụ ẹkụra ene hi Ijuda osusu, dị ẹ yị nyị ọza ana kụkụ ra ịnị anị.

Ezikẹẹrị 16:38

Ọnị vaa sị ụyaa rị wụ agụvị ka waa sẹ̀ ịrẹka, ọnịrị agụvị ka waa wụ̀ ọza. Ọnị vaa sị ọyịkụ-ọyịkụụ sị ụyaa rị wụ, dị ọnị wụ.

Ezikẹẹrị 23:25

Ka ọnị aa kụ ayịị hi wu nịnị, ọnị vaa navọ wa ka ẹ̀ sị ọyịkụ mẹ wụ nịnị o me zee wa eyi. Ẹnịnị vaa yẹrẹ wụ nịnị aahị ọnịrị ụtọọ vàa ha, dị ẹ wụ ezi ewu nịnị va ha. Ịzẹyịza, ẹnịnị vaa ku ezi anọrụ ọnịrị anẹẹ awụ nịnị, dị ẹ rị wa ịra ireyi-ireyi.

Ezikẹẹrị 7:11

Ebira jugu-jugu ana aza aa mẹ, ọ kụkụ raa mẹ ka ẹẹ chamayị hu avọọ. Ẹ́ yị nyị ịsị ẹnịnị ana navọọ tịtẹ; ẹ́ yị nyị ogu ẹnịnị ọnịrị ịsị ẹyaa sịị mẹ ụbanyị ana vaa vọ tịtẹ.

Ezikẹẹrị 7:19

Ẹnẹyịmavara kà avaba Anisirẹrị nịnị vaa và ẹkẹhị ẹnịnịị haa hi oze anka ututu avọọ. Ẹkẹhị ẹnịnị ẹ́ yị va zụụ dọ waa ha ịhị Ẹnẹyịmavara àaa kú ayịị hi wa. Ẹkẹhị ẹnịnị ẹ́ yị va zụụ mẹ avaba ịsa ene eyee sìi yị wa; ẹ́ yị vaa ha wa ịnẹ. Ẹkẹhị ẹnịnị ọ raa kụ wa hi ịnị ebira odivi ọ̀ yị mẹ.

Ezikẹẹrị 7:5

Ẹnẹyịmavara Ohomorihi ka, ẹwụ nịnị Anisirẹrị, ẹngụkata ẹnyị aa tụra ọsaa a wụ nịnịị vẹ.

Ịzẹhwanaya 1:11

Ịjị ẹnị ana ra eyi ụvẹtẹ Ijerusarẹmị ẹ̀ẹ maanị aa wụ́ owu, ẹnị ẹ rẹẹ tụ orere, di ee na owu booro-booro agụvị ka avaba osohu ọnịrị aza ene che ẹkẹhị nịnị vee su.

Ịzẹhwanaya 1:15

Ịhị ọnọọ Ẹnẹyịmavara vaa sị zụ wa ịzị ayị kụ ọ ne tu, dị ahịka ẹngụkata ọnịrị ụya kẹnẹ e yee re nị. Ogu ọnị ẹ nyị vị ene e vee du ha, dị ọọdụ vara ịrahụ yị wa.

Ịzẹhwanaya 2:2

Ẹ yị jẹẹ dị eyi ọ nị hi wa ụvọ, dị Ẹnẹyịmavara ọ va eyi ịrazị ka wa. Ọ́ vaa dụ wa tụ ẹhẹ anka ahị mẹ kụ azịzẹ avọọ.

Ịzẹhwanaya 3:8

Dị Ẹnẹyịmavara kà ee nee zi ẹkụhị ọnị ọnị vaa kwẹẹtẹ tù wa. Ọ kà, ọnị vaa kú avaba ẹkụra ọnịrị ịjọva ẹkụra irenyi-irenyi gụ dị ọnị ọ kụ́ ayị hi wa. Dị avaba ẹtẹ rị ịra agụvị ka ayị anị aa dà ọva.

Imatiwu 16:26

Ọza ọ̀ọ sị avaba ẹhẹ rị ọgụ, dị ụhwẹ anị vene si vú nị, ọgụ ịsị ọza ọnọọ kụkụ va rị? Sị ọza vaa sị vara ụhwẹ anị?

1 Anịkọrịntị 10:22

I yee sì ka ya mẹ ayị kụ́ Ohomorihi nị? I yéé ro ka yáa nyị ụkata hu ọọ nị?

Iwe Ọhụhị Imosiisi ana aa hị́ Ọyịvatụrọda 31:17

Ẹnịnị ẹ̀ẹ vavọọ mẹ, Ẹnẹyịmavara kà ọnị vee du ayị hi wa, di o yi wa tịtẹ, di e vu wa ẹtẹ. Ịrẹyị odivi-odivi vee tu wa, dị ẹ vaa yẹ ka ịsa ẹnẹnị vị enee tu ẹnị agụvị ka ọnị ọ sị va ịrẹma ẹnịnị.