Ịzẹhwanaya 1:17 - IWE ỌNỊNỊ

¹⁷ Ẹnẹyịmavara kà ọnị vaa kụ ọ hana wa, dị ẹnịnị ẹ yị yẹ oze ana vọrọ ka ẹ zị anka ogweyi avọọ. Agụvị ebira odivi ọnị ẹ mẹ̀ hi Ẹnẹyịmavara, a vaa wụ̀ wa dị anya ẹnịnị ee sii vaa ha anka enyi avọọ, dị oku ẹnịnị vụ và hí ẹtẹ anka ịhyẹrẹ avọọ.

Ịzẹhwanaya 1:17 ပူးပေါင်းရင်းမြစ်များ

Ahẹ Ụgama 83:10

Wâ yẹ ka aza ẹnẹẹ vi ene vú ẹtẹ tụ́ ịzị aā hị́ Ẹndọ ịnị ụmẹ ọnọọ, dị ẹ vara itutu tụ́ ini eteesu ịzọọ nị.

Ayịsaya 29:10

Ẹnẹyịmavara ọ raà mẹ ka waa sụ ara ụtọ nịnị. O reè gù ẹwụ nịnị ọnịsẹ eyi ka asị u kuku re ẹtẹ nịnị.

Ayịsaya 50:1

Ẹnẹyịmavara kà, ẹnịnị wéé ro ka a ọnị dụ aza anị jịnẹ anka ọnọrụ ene yi ose anị tịtẹ avọọ nị? Ẹnịnị wéé ro ka ọnị ná wa ọrịhị nọ ẹkụra ọsa anka ọza ana ná ezi ọrịhị avọọ nị? Eyiyee de! Ịvị Ọnị ệ mẹ̀ ọ mẹ ka a za wa ọrịhị nọ ẹkụra ọsa nị. Agụvị ebira odivi ẹnịnị a dụ wa jịnẹ nị.

Ijeremaya 10:18

Ka, Ẹnẹyịmavara kà: Re, ọyaanị, avaba ẹwụ nịnị ana ra ịnị ẹtẹ ọnọnị vị ọnị vaa tụ̀ okoko. Ọnị vaa kụ ẹngụkata odivi tù wụ nịnị dị wa yẹ ọyịkụ anị nịnị.

Ijeremaya 15:3

Ẹnẹyịmavara kà ịsị odivi ẹẹna ọnị vaa mẹ ka ò tu wa nị: a vaa kụ ịrẹkụụ tụ wa dị a wụ̀ wa; irezi nịnị e vee tura oku ẹnịnị ẹtẹ; inomi nịnị vaa rị oku ẹnịnị dị uye ịnị avị va gara ana vọ ha.

Ijeremaya 18:21

Ama booro aanị Ẹnẹyịmavara ọ̀ navọ ụngwẹ ọ̀ wụ ezi ẹnịnị và ha; ọ̀ navọ à wụ̀ wa và ha eyi ịrẹkụ. Ẹnẹyịmavara ọ̀ navọ ọ̀ jị anyẹnẹẹ ẹnịnị osoku, dị ezi ẹnịnị ẹ̀ jị wa ụvọ. Ọ̀ navọ ụkụ ọ̀ wụ ọnọrụ ẹnịnị, dị à wụ ezwọọmụha ẹnịnị và ha eyi ịrẹkụ.

Ijeremaya 2:17

Ẹnẹyịmavara kà, Anisirẹrị, ẹwụ nịnị ọ kụ ọsọnị tu ẹngụ awụ nịnị nọ. Ka vị ọnị Ẹnẹyịmavara ana vị Ohomorihi awụ nịnị aa zụ ụ nịnị oze dị ụ vana và hụrị ọnị ịrẹma nịnị kẹnẹ nị.

Ijeremaya 2:19

Ẹnẹyịmavara Ochẹtẹẹngụ ka ọnị ọ sị ọ ka: Ebira odivi awụ nịnị ọ vaa sị ụya rị ụ nịnị nị. Ụ vee vú ẹtẹ nịnị agụvị ka waa và ịrẹma anị nịnị nị. Ụ vee re ịsị aa hị́ ụya nịnị, dị wa yẹ́ nịnị ka ẹ yị zoza ka we yị Ẹnẹyịmavara ana vị Ohomorihi awụ nịnị tịtẹ, dị à sị ụ kụkụ nyị angwahi anị nịnị.

Ijeremaya 3:25

Ẹ ka, à jẹẹ vị ẹnị sụtẹẹtẹ và hí ẹtẹ ụhị-ụhị, agụvị ka ẹnịrị ohiku ẹnịnị ẹ sị ebira odivi mẹ hi Ẹnẹyịmavara, Ohomorihi ẹnịnị. Ẹ ka, ẹnị mẹ hụrẹ vị ozweyi, pooro va ngụ ajịnị, ẹnị ẹ yị wụ́ chire Ohomorihi da.

Ijeremaya 4:18

Ebira ọnị ẹwụ nịnị Anijuda aa mẹ ọ kụ ọsọnị tu wu nịnị aanị nị. Ebira odivi awụ nịnị ọ kụ ụya ọngwọọngụ ọnọnị tu wu nịnị nị. Ọ sị ụ nịnị ta ụnava na za ayị.

Ijeremaya 8:2

A vaa gara wa hi ịnị ọyị ọnịrị ụhwẹ beri ụzọmị ene hi ẹbẹẹba, ẹnị ẹnịnị maanị sì ịrẹyị anị dị ẹ yaa kụụ hẹkẹ. Ịsa ẹnẹnị Anijuda nịnị â saasa, dị a hi ka ẹnị ẹnịnị họ̀ use ịrẹyị, dị ẹ yaa hẹkẹ wa nị. Ọza ẹ ma vana kụ ẹchụkụ ẹnẹẹ gụ à vị ka è ne wa, ama a vaa kụ wa vàa hi ututu nị.

Arụwẹ 1:14

O re avaba ịvị ọnị ẹnị mẹ̀, dị ọ sụ́ ọ vabẹ nị; Dị ọ sị ọọ gẹ ẹnị ọrọkọ, dị ẹnya sị ngụ ẹnị nị. Ẹnẹyịmavara ộ sị ẹnị chire ọnịvị ẹnịnị ụvọ. Ẹ yị hyakụ nyị ịsị ẹnị zụ pe wa mẹ vụrụ-vụrụ.

Arụwẹ 1:18

Ịsị Ẹnẹyịmavara mẹ̀ vana vọrọ, agụvị ka ẹnị ẹ rẹẹ yị saasa ịrẹyị Anị nị. Ama re ụya ọnị ẹ yaa rị aanị. A raà kụ ezi ọnọrụ ẹnịnị ọnịrị ezi anẹẹ ẹnịnị za ọrịhị ne hi ẹkụra ọsa.

Arụwẹ 1:8

Anijerusarẹmị nịnị ẹ sị tẹ agụvị ebira odivi-odivi ẹnẹ yaa mẹ̀. Ẹ yị kụkụ nyị ụbanyị vụrụ-vụrụ. Asị iruvo ẹnịnị re. Eyee rimanya, ụhị maa nyị wa ẹ kụkụ à sị eyi tẹ̀.

Arụwẹ 2:21

Ezweyi ọnịrị azọkụ nịnị vị ana a wụ̀ va hi ẹtẹ oze; Ezwoorihi ẹnịrị ọmụha ẹnịnị vị ọnị ọnịvị nịnị sị ụ̀hwọ̀ wụ̀. Ẹnẹyịmavara maa kụ ayị, ẹ́ yị vayị ẹnịnị, ọ sị ẹnị wụ̀ va ha.

Ezikẹẹrị 16:38

Ọnị vaa sị ụyaa rị wụ agụvị ka waa sẹ̀ ịrẹka, ọnịrị agụvị ka waa wụ̀ ọza. Ọnị vaa sị ọyịkụ-ọyịkụụ sị ụyaa rị wụ, dị ọnị wụ.

Ezikẹẹrị 24:7

 wụ̀ aza ịnị ẹkụra Ijerusarẹmị, ọza ẹ̀ yị jị wa hi ini eteesu dị a zụ ku ezi ku ọ. Ịrẹsụ ịda a jị wa hi nị.

Ezikẹẹrị 24:8

Ẹnẹyịmavara kà ọnị ộ navọ ọnọọ tụ ịzọọ ka asị ọ tẹ̀. Anya ọnọọ yà ịzọọ aa kà a ka ọnị sị ọyịkụ-ọyịkụ họ̀ oponu ịrẹyị ẹnịnị.

Emọsị 4:10

Ẹnẹyịmavara kà ọnị va kụ́ ẹngụkata ene tu Anijipiti tu wa. Dị ọnị wụ ezwọọmụha ọnịrị umaata ẹnịnị ha oze ịrẹkụ. Di oku ẹnịnị ana vụ aa da agụ hị́ wa ịzị ẹ̀ ya. Ama ẹnịnị ẹ yị va hụvị avọọ ro ịnẹ dị ẹ va ka ọnị vẹ.

Imika 7:13

Avaba aha ana vọ ịnị ẹhẹ vị ana vaa chakaa ha. Ebira odivi aza ene hi ẹhẹ ọ vaa kụ́ ọnọọ vẹ nị.

Imatiwu 15:14

Navọ wa, ka ogweyi ana aa zụ̀ ogweyi oze, ẹ vị nị. Ogweyi àaa zụ̀ ogweyi oze, ẹnị ẹyịva vị anaa hyẹdụ nee ngụ ini orosi.”

Aniroomi 11:25

Ẹwụ nịnị ẹyịnyara amị, â nyị ịrẹyị ọnya oni iruvo anị nyịnẹ oni mee sì ka wa yẹ nịnị. Wàa yẹ ịrẹyị ọnọọ nịnị, ọyị kụkụ vaa zẹẹ ka we nee roo nịnị ka wâ da yẹ ịrẹyị nịnị kẹnẹ. Ịrẹyị ọnọọ yị: Anisirẹrị ẹnyị vị ana aa mẹ ayọkatẹngụ pooro ne tù ụmẹ ọnị ịrịka Anigiriki ana aa vẹ ịda Ohomorihi ọ̀ọ sị gụ.

Aniroomi 11:7

Sẹ va saasaa? Anisirẹrị nịnị e rè vee re ịsị eyee sì. Aza chee oni Ohomorihi nyị kẹnẹ e ree nị. Ẹnịnị ana vọ, Ohomorihi ọ raà mẹ ayị ẹnịnị katẹngụ.

2 Anịkọrịntị 4:4

Ẹnịnị ẹ yị dọ wụ, agụvị ka Echu ana anẹhẹ nịnị aa hẹkẹ, ọ sị wa ayị gu. Ọ yị zẹẹ ka è re ẹtohweyi ene ee hweyii tụra wa. Etohweyi ọnọọ vị ana hụụnị enube ọyịza Ijeesu oni Ohomorihi nyị mẹ ohinọyị ka ọ̀ dọ há, ana nyị igirima vẹ. Ọza oni Ohomorihi nyị ọdọzaha aanị vị uhwoto Ohomorihi.

2Ipita 1:9

Ama ọza ẹnẹ ẹ̀yị mẹ̀ ịsa ẹnẹẹ, vị ẹ sị mẹẹ anka ogweyi ene è yi re ẹtẹ avọọ nị, dị ayị hí ọ ka Ohomorihi ọ sị ịvị anị ịyẹẹyẹ nyịna kwooze.

1 Ịjọọnụ 2:11

Ọza ana àa kụ́ ayị ọnọhụva anị, vị ana yà ịnị ịrahụ, dị ọ raa zị ụsẹ ịnị ịrahụ nị; O yi re ịzị aa nọ agụvị ka ịrahụ ọnọọ o si o gu eyi.

Ẹtore 3:17

Ụ ka wáa nyị ụbanyị, wáa nyị avaba ịsa, ẹ yị nyị isu u kuku ee sì. Ama wẹ yị yẹ ka onosiye ọnịrị ọnụyọrị ọbanyị ụ vị nị. Ogweyi ụ vị, dị ụ rẹ yà ịnị ahwaahụ nị.