Ịzẹhwanaya 1:14 - IWE ỌNỊNỊ

¹⁴ Ẹkụhị ọnị Ẹnẹyịmavara vaa sị ụya rị wa aa gụrị ẹtẹ. Ẹ yị jẹẹ dị eyi anị ọ nị. Ẹkụhị odivi ọnọọ aa vẹ ọnị ọka ịrẹkụ ọnọrụ nịnị vee nowu ịjị ẹtẹ ọ̀ọ ka za wa.

Ịzẹhwanaya 1:14 ပူးပေါင်းရင်းမြစ်များ

Ayịsaya 15:4

Ánihesiboni ọnịrị Anireyarehi mèe nowu, aza ene hi Ijahazi huu vị ana aa wụ́. Ezirẹkụ Imowabi ịnyẹmba vi ene ee nowu, dị ẹgahị kụ́ ngụ wa ẹngụ.

Ayịsaya 33:7

Ọdọvịdị ẹkụra nịnị ee nowu ka à gụ ẹnị ụvọ. Aza ana anẹkụra tụ́ ka è ne jii ịrazị ẹnị aa tụ́ orere booboro.

Ayịsaya 66:6

Ẹnẹyịmavara kà ẹnị ẹ wụ́ ẹtẹ ana sụ ịrẹyị ịnị ẹkụra ọnịrị ịnị irehi anị, Ọnị aa sị ụya rị ọnịvị ẹnịnị ọnị ẹtẹ vavọọ aa sụ̀ ịrẹyị nị.

Ayịsaya 8:22

Ẹnịnị ẹ̀ẹ kana eyi, ẹngụkata ne beri ịrahụ ọnịrị angwahi kẹnẹ e vee re nị. Avọọ a mè vee ne wa ngụ ịnị ịrahụ ruma-ruma nị.

Ijeremaya 25:36

Wú oseratẹmẹ nịnị maa jị òrèrè, dị ẹnị ọdọvịdị aza ee nowu ayị ẹnịnị mee du, agụvị ka Ẹnẹyịmavara ee du ịzị ịsụpa ẹnịnị naa rị avịị ha.

Ijeremaya 30:7

Ẹnẹyịmavara kà ẹkụhị odivi aa vẹ. Ẹ́ yị nyị ẹkụhị ana vaa wụra juwe anị: Ọ kà ụmẹ ọnị aza anị vaa sị rị ụya ọ vaa vị nị, ama ẹnịnị vaa ha.

Ijeremaya 46:5

Ama Ẹnẹyịmavara ộ họ̀ ka, sị ọnị ee ré anị kẹ? Isoja Anijipiti nịnị aa hụrẹ ayịnẹ, Ẹnịnị ee zwèe vaa nọ ịrẹma.

Ijeremaya 48:41

Ẹkụra-ẹkụra ene hi Imowabi ọnịrị irehi ọbanyị ọnị isoja ẹnịnịị yaa sere ẹtẹ vị ọnị ẹkụra ọnọọ vaa za. Ịhị angwa vị ene vee hi isoja Animowabi nịnị anka ọnyẹnẹẹ anaa barẹẹ avọọ.

Ezikẹẹrị 12:23

Ọ kà ọnị ọ̀ kà a yị wa booro aanị ịsị ọnị Ohomorihi Ananyị ụkata hu kere-kere kà ịnị ụhịrẹyị ọnọọ: Ọnị vaa za ụhịrẹyị ọnọọ jẹẹ, dị ọza ẹ́ yi me vene che e ịnị ẹtẹ Isirẹrị. Ama ọnị ộ kà a yị wa ka, ụmẹ o si tu, ọnị avaba ịsị a kà sị nyima aa mẹ.

Ezikẹẹrị 30:3

Ẹkụhị ọnị Ẹnẹyịmavara vaa sị mẹ ịrẹyị ọ sị gụrị ẹtẹ. Ẹkụhị ọnị ịsa ọrụrụ-ọrụrụ vee du, dị ọ vị ẹngụkata yị ẹkụra ọrụrụ-ọrụrụ ọ́ vị̀ nị.

Ezikẹẹrị 7:12

Ọ kà ụmẹ ọọ vẹ, ẹkụhị o si tu. Navọ asị aza anaa hị́ ịsa hine ayị ka ọọ mẹ yị ọnị, asị aza anaa ná ịsa du ayị ka ẹ́ yị gụụ yị ọnị, agụvị ka avaba ịsa vị ọnị ọnị vaa sị ọyịkụ-ọyịkụụ vú ẹtẹ.

Ezikẹẹrị 7:16

Aza enee zwe, dị e ne hi ịrẹsụ ataba anka arivadi ana a dụ hụụ inozi avọọ. Avaba ẹnịnị va jị òrèrè agụvị ebira odivi ẹnịnị.

Ijowẹrị 1:15

Ẹkụhị ọnị Ẹnẹyịmavara vee sii du ayị hi wa aa gụrị ẹtẹ. Ịhị ọnị Ohomorihi Ochẹtẹẹngụ vee vu wa ẹtẹ vaa daa divi kẹnẹ.

Ijowẹrị 2:1

Ẹnẹyịmavara kà e hú ọpanyị, di e na owu tụ ẹhẹ ịrẹsụ Ịzayọnị ana vị ataba anị, dị avaba aza ene hi Ijuda e hí angwa! Ẹkụhị ọnị Ẹnẹyịmavara vaa sị mẹ̀ ọkarẹyị aa gụrị ẹtẹ.

Ijowẹrị 2:11

Dị Ẹnẹyịmavara ha iduma dọ ka ịrẹyị yi ọkụrẹkụ anị, dị ẹnịnị wụ́ chire e nị. Ẹkụhị ọnị Ẹnẹyịmavara vaa mẹ̀ ọkarẹyị vaa nyị ẹngụ anị. Ẹnẹ vaa ha?

Ijowẹrị 2:31

Dị ọyị vene hozi, dị ụhwẹ ee vi anka anya tụ́ ẹbẹẹba. Ịvọpa ẹnẹnị aa sị zụ̀ ka ẹkụhị ọbanyị ọnị Ẹnẹyịmavara vee si du ayị hi aza anị aa gụrị ẹtẹ

Ijowẹrị 3:14

Ọkọnị aza ẹ̀ẹ na sị gụ hi inozi ọkarẹyị ọnọọ Ịzọọ ọnọọ, ụmẹ ọnị Ẹnẹyịmavara vaa mẹ̀ ọkarẹyị aa gụrị ẹtẹ nị.

Ijowẹrị 3:16

Ẹnẹyịmavara vee nowu hụrẹ Ịzayọnị, dị ọ ka irutu hụrẹ Ijerusarẹmị, dị ẹbẹẹba ọnịrị ẹtẹ ee ziizi. Ama ọnị vaa dọ aza anị ha, dị ọnị vị ụkata ẹnịnị.

Emọsị 8:2

Dị ọ họ̀ Emọsị ka ịsị ọ re nị. Dị Emọsị tu ọ ohi ka ọnị o re uji ohihi ini ọhahị ẹtụtụ ẹnẹ vị. Dị Ẹnẹyịmavara kà aanị ẹhẹ Anisirẹrị me va za ịrẹsụ nị. Ọnị ẹ yị kụkụ vaa vagu wa.

Ịzẹhwanaya 1:10

Ẹnẹyịmavara kà, ịnị ẹkụhị ọnọọ aza vaa wụ́ owu ùnè hụrẹ oze ọbanyị ọbanyị ana aā zị ngụ Ijerusarẹmị ana aā hị́ Ozovwoovu Ivovo. Avọọ a mẹ rẹ vaa wụ́ owu boro-boro ịzị aza aā hị́ okokooro ọhụva, dị ẹtẹ aa sụ ịrẹyị waaa ịrẹsụ ataba ene hi ịzọọ.

Ịzẹhwanaya 1:7

Dị ọ ka, ẹnịnị ẹ mẹ hẹẹ ka ẹkụhị ọnị ọnị vaa sị mẹ̀ ọkarẹyị yị wa aa gụrị ẹtẹ. Ọ kà ọnị ô tenyi ẹngụ ka ọnị ọ̀ hụrẹ wa ụvọ, dị ọnịvị ẹnịnị ẹ va hụ wa hụụnị ẹtẹ ẹnịnị.

Ịmarakayị 4:5

Dị ọ ka, ree nịnị, mị vaa tụ Erija ọnịsẹ tụ ọvịdị ẹkụhị ọnị Ẹnẹyịmavara vaa sị mẹ̀ ọkarẹyị. Ẹkụhị ọnọọ ee vee tu. Aza vee hí angwa ẹtẹẹtẹrẹ.

Odeyi 2:20

Ọyị vee hozi, dị ụhwẹ ee ví anka anya avọọ, dị ẹkụhị ọnọọ ò ve tù oni Ohomorihi Ananyị yị vaa sị vaa mẹ̀ ịsa ọbanyị ọnị ọza vee re.

Anihwiripi 4:5

Sị zụ̀ avaba aza nịnị ka waa nyị ebira hẹẹ nịnị. Ananyị yị aa vaa vẹ.

1 Anịtẹsaronika 4:16

Ananyị yị vaa mẹ̀ ọda, dị ohirẹsụ anggẹẹrị nịnị nowu, dị ọpanyị Ohomorihi rẹ sụ́ ịrẹyị, dị Ananyị yị ọnị ụvọta chí hụrẹ ẹbẹẹba aa vẹ. Aza ana sị ayị tụra Ijeesu dị e ve sú, ẹ vịdị vaa haa hụụnị isu nị.

Anihiburu 12:26

Ịnị ụmẹ ọnọọ, ọngwẹ anị ô henyi ẹhẹ. Ama ọyaanị, ọ sị eku hị́ ka ẹ yị vị ẹhẹ kẹnẹ oni re venee henyi, ama oni re vee henyi ihinẹba bẹẹ.

Ijemiisi 5:9

Ẹwụ nịnị ẹyịnyara amị, asị ụ rẹ̀ kụ́ ẹngụụ ịrẹka zị nịnị! Re, ọmọkarẹyị ayị ọ sị gụrị eehi.

2Ipita 2:3

Ọnịsẹ ireche ẹnẹẹ vị eneyọhụrẹ, agụvị avọọ dị ẹyaa sị ịtọpa irechee vene wu nịnị, agụvị dị ẹ̀ zụ sị wụ nịnị sẹ ohu. O si kù ọnị ọmọkarẹyị ẹnịnị tenyi ẹngụ tịtẹ. Ụmẹ ana vọ aa chee aanị, dị à wụ̀ wa vá ha.