Ịzẹhwanaya 1:11 - IWE ỌNỊNỊ

¹¹ Ịjị ẹnị ana ra eyi ụvẹtẹ Ijerusarẹmị ẹ̀ẹ maanị aa wụ́ owu, ẹnị ẹ rẹẹ tụ orere, di ee na owu booro-booro agụvị ka avaba osohu ọnịrị aza ene che ẹkẹhị nịnị vee su.

Ịzẹhwanaya 1:11 ပူးပေါင်းရင်းမြစ်များ

Ijoovu 27:16

Aza ẹhịmị ẹ zụ kụ ogu gụ ọnị ọza ẹ yị zụ za ịrịka; é zụ gu ịta jẹẹ anka a mẹẹ tọ ụvụụ jẹẹ avọọ,

Ijoovu 27:17

ama dị ahịka aza ọyịza nịnị ẹ vaa za ịta ẹnẹẹ nị. Ọnịrẹyịzẹyịza nịnị ẹ vaa gà ogu anị nị.

Ijeremaya 25:34

Ẹnẹyịmavara kà, ẹwụ nịnị ọdọvịdị enee sere aza anị anka oseratẹmẹ avọọ ọọ jị òrèrè boro-boro. Waa zị ẹngụ nịnị dị wa kụ ẹngụ awụ nịnị muna ezi. Ụmẹ ana a va sii wụ̀ wụ nịnị o si tù. Vị a vaa wụ̀ wụ nịnị anka ịdẹba avọọ nị.

Ijeremaya 4:8

Avọọ, va ẹngụ hi nịnị, waa jị òrèrè dị waa ka ẹgọ nịnị, agụvị ka Ẹnẹyịmavara maa kụ ayị hi Anijuda, ẹẹ yị vaa va o.

Ezikẹẹrị 21:12

Ọ kà, ọnị ozi-ọza oo du ayị, dị ọnị aa jị òrèrè agụvị ka aza anị Anisirẹrị nịnị ọnịrị ọdọvịdị ẹnịnị ee ne ụhwọ ọnọnị aanị nị. Va ụvọ ku ịrẹsụ, waa jị òrèrè agụvị ka avaba ẹnịnị a vaa wụ̀ nị.

Ihoseya 9:6

Ẹnịnị ẹ̀ẹ daka há hụụnị ụvọ Anasiriya nịnị, Anigipiti nịnị vaa wụ̀ wa, di e ne wa tụ Imemihwisi nị. Isiriva ana vị ogu ẹnịnị vị ana avị vaa za rị, dị igegenechi hụ̀ va jịnẹ eburu ajẹngụ ẹnịnị.

Ijowẹrị 1:13

Ẹwụ nịnị ohirẹsụ irehi Ohomorihi anaā mẹ̀ ịsọvọ ịrẹsụ ụta anị, kụ ẹnya arụwẹ, dị waa jị òrèrè nịnị! Sị avaba ịrahụ ọyịvụrụ zị ẹngụ ịnị irehi Ohomorihi agụvị ka ẹ yị nyị akụ ọnịrị eche ọyị mẹ̀ ịsọvọ ịnị irehi anị.

Ijowẹrị 1:5

Kwẹẹtẹ waa jị òrèrè booro-booro ẹwụ nịnị ohweche: Wee na owu ẹwụ nịnị ene hu eche agụvị ka akụvarịva ê reè du igirepi anaā sị mẹ̀ eche ha.

Ịzẹhwanaya 2:5

Ịrẹyị ô tù Anihwirisiti nịnị ana ra ụtọ enyi ẹngụ. Ẹnẹyịmavara kà ọnị ọ raà va eyi ịrazị ka Anikereti nịnị. Avaba Anihwirisiti ana ra Ịkanaanị vị ọnị vee vu ẹtẹ, dị ẹ yị nyị ọza anaa ha ịnị ẹnịnị.

Ịzakaraya 14:21

Avaba ụnọkọ ana ya Ijerusarẹmị ọnịrị Ijuda vaa vị Ẹnẹyịmavara Ochẹtẹẹngụ. Avaba aza ana vẹ va mẹ̀ ịsọvọ vaa sị ẹnyị ịnị ụnọkọ ẹnẹẹ mẹ̀ ịsa ẹnịnị. Ịnị ẹkụhị ịhị ọnọọ ẹ yị vaa nyị Anikenaani ini eehi Ẹnẹyịmavara Ochẹtẹẹngụ.

Ịjọọnụ 2:16

Ộ kà a yị aza ana aa ná arekuku ka, “Kụ́ ẹẹmẹ ẹnẹnị hụụ ịzẹnị nịnị! Asị ụ vara irehi Ada amị ohu nịnị!”

Ijemiisi 5:1

Ẹwụ nịnị ọnyẹkẹhị, sị ụtọ pe ẹtẹ nịnị! Tụ́ ụvọ kú ịrẹsụ, dị ụ waa jị òrèrè nịnị agụvị ụya ana aa vẹ ịrẹsụ awụ nịnị.