Ịzẹhwanaya 1:10 - IWE ỌNỊNỊ

¹⁰ Ẹnẹyịmavara kà, ịnị ẹkụhị ọnọọ aza vaa wụ́ owu ùnè hụrẹ oze ọbanyị ọbanyị ana aā zị ngụ Ijerusarẹmị ana aā hị́ Ozovwoovu Ivovo. Avọọ a mẹ rẹ vaa wụ́ owu boro-boro ịzị aza aā hị́ okokooro ọhụva, dị ẹtẹ aa sụ ịrẹyị waaa ịrẹsụ ataba ene hi ịzọọ.

Ịzẹhwanaya 1:10 ပူးပေါင်းရင်းမြစ်များ

2 Ịsamụwẹrị 5:7

Ama Idevidi ọ va sị ịzị isojaā tẹ̀ rị. Ịzọọ aā hị́ Ẹkụra Idevidi nị.

2 Ịsamụwẹrị 5:9

Idevidi mẹ̀ raà sị ịrẹkụ rị aha oni isoja tẹ, di ọ kụkụ ra ịzọọ, dị ọ hị́ ịzọọ “Ẹkụra Idevidi.” Dị Idevidi jị ọvọ kara ẹkụra ọnọọ dị ọ dà irehi ịzị isojaā tẹ̀ hi ịnị anị nị.

2 Ohinọyị 22:14

Ihirikaya, Ahikami, Akibọ, Ịsahwanị, ọnịrị Asaya ọnị ohinọyị tụ́ ụtụ ene tụ́ ọnẹẹ ọnịsẹ ọnya aanị ana a hị́ Ihurida ana ra aha ọwọọwa Ijerusarẹmị. Ẹnịnị e juwe yọ ịsị ẹ mẹ. Ọva ọnẹẹ ọnọọ ọ rị Isarumi ana vị ozi Itikiva, ozi Iharihasi. Ọnị ọ vị ọza ene si eyi pe awuru ene hi ini irehi Ohomorihi.

2 Ịtọpa 3:1

Isoromọnị ô nyima aa da irehi Ohomorihi tụ́ ịrẹsụ ataba Ịmọrịya ana ya Ijerusarẹmị ịzị Ẹnẹyịmavara vịdị ya sị ẹngụ zụ Idevidi ada Isoromọnị. Idevidi ộ nyị ịzị ụkọ Arawuna Anijebusi ọnị ịrẹha ọsa rị Ọnanị ya ka aa da irehi ọnọọ tụ ịzọọ.

2 Ịtọpa 32:22

Aanị Ẹnẹyịmavara mẹmẹ dọ ohinọyị Ihezekaya ọnịrị avaba Anijerusarẹmị nịnị ha hụụnị ụvọ Isenakeribi ọnịrị ọnịvị ẹnịnị ana vọ nị. Dị Ohomorihi mẹ ka ẹnịnị ệ nyị ẹngwọọrọ beri anẹkụra nịnị ana ra gụrị wa.

2 Ịtọpa 33:14

Ịrẹma ịsa ana mẹ tu ọ aanị, Ịmanasẹ da tụ ịnị ụgọdọ ọvọ ẹhẹ ana ya eyi ịzị ọyị zị vẹ ịnị ẹkụra Idevidi hụrẹ inozi ana gụrị oswe Igihoni ẹbẹẹba oze ọbanyị ana a hị́ ivovo ọnịrị okokooro ana a hị́ Ohwẹrị. Dị ọ sị ọga isoja ana si eyi pe aza ẹnị ohu tu ịnị ẹkụra ọbanyị-ọbanyị ọnyọọnya ịnị ẹtẹ Ijuda ka ee sere e nị.

2 Ịtọpa 34:22

Ihirikaya ọnịrị ẹnị ọnị ohinọyị tụ́ ụtụ ene tụ́ ọnẹẹ ọnịsẹ ọnya aanị ana a hị́ Ihurida ana ra aha ọwọọwa Ijerusarẹmị. Ẹnịnị e juwe yọ ịsị ẹ mẹ. Ọva ọnẹẹ ọnọọ ọ rị Isarumi ana vị ozi Itikiva, ozi Iharihasi. Ọnị ọ vị ọza ene si eyi pe awuru ene hi ini irehi Ohomorihi.

Inehemaya 12:39

Dị ẹnị hụụ ịzọọ na ngụ oze ọbanyị Ehwireemi, oze ọbanyị Ijesana, oze ọbanyị ivovo, irehi ọgọdọ Ịhananẹrị ọnịrị irehi ọgọdọ ẹchẹhị na ngụ oze ọbanyị atẹmẹ. Dị ẹ za ụsẹ ẹnịnị ẹtẹ ọ̀ gụrị oze ọbanyị Irehi Ohomorihi nị.

Inehemaya 3:3

Dị ezi Ihasenaa tụra oze ọbanyị ana a hị́ oze ivovo nị. Dị ẹ kụ ohinẹ tụ aha ọzọza, dị ẹ kụ ukere chire oze ọzọza ọnịrị ẹza neberi ọchị ojoze.

Ayịsaya 59:11

Ẹnị aa ha iduma anka ọdụmị, di eni e tii anka arivadi avọọ nị. Ẹnị aa tụra eyi ka Ohomorihi ọ dọ ẹnị ha hụụnị ẹvaya ọnịrị akụvị ama ẹ yị nyị ịsa ọ mẹ̀.

Ijeremaya 39:2

Ịnị ana tụ ọ ẹkụhị ịhịịna ịnị ụhwẹ ọhụna ịrayị ẹwụrọnya ọnị Ịzẹdẹkaya rị ohinọyị, dị ẹ chaka ọvọ ana a jị kara Ijerusarẹmị nị.

Ijeremaya 4:31

Ijeremaya ka ọnị ộ wụ̀ aza mee nowu anka ọnẹẹ anaa vaa ma ozi ịpaapa anị, ọnị ịrẹẹ aa zị avọọ. Anijerusarẹmị nịnị ẹ vavọọ ee nowu, ẹ maa vụrịị tụ́ ụhwẹ nị. Ẹẹ tana ụvọ, dị ẹ vaku ẹtẹ ọvịdị ọwọza nịnị nị. Ẹ ka, ẹwụ aa za ẹnị aanị nị. Ẹnị ẹ sị da!

Ezikẹẹrị 6:13

Ọ kà oku ẹnịnị vaa gwẹtẹ pe ori ẹnịnị; dị ẹ gwẹtẹ kara ụta ẹnẹ ẹẹ mẹ̀ ịsọvọ ịnị anị. Avọọ ọ́ mẹ vaa yà ịnị avaba ịrẹsụ ataba, ọnịrị iruvo avaba ọchị ohwoohu beri iruvo ọchị ẹbanyị-ẹbanyị avaba aha ẹnẹ ẹyaā sị ịsa ana agụ anị hinee mẹ ịsọvọ yị ori ẹnịnị nị. Ịjọnọọ, ọzọza vaa kà a ka ọnị ọ vị Ẹnẹyịmavara nị.

Emọsị 8:3

Ẹnẹyịmavara Ohomorihi ka ịhị ẹkụhị ọnọọ òo tú, ahẹ ẹnẹ ẹ vịdịị jị ini irehi Ohomorihi vaa vara orere. Oku aza ene su vi ana vaa gụ nyaanya aha tụra aha. Dị ọzọza aa kụ aanị hi ẹhẹ hẹẹ-hẹẹ hụụnị ẹkụra.

Ịzẹhwanaya 1:15

Ịhị ọnọọ Ẹnẹyịmavara vaa sị zụ wa ịzị ayị kụ ọ ne tu, dị ahịka ẹngụkata ọnịrị ụya kẹnẹ e yee re nị. Ogu ọnị ẹ nyị vị ene e vee du ha, dị ọọdụ vara ịrahụ yị wa.

Ịzẹhwanaya 1:7

Dị ọ ka, ẹnịnị ẹ mẹ hẹẹ ka ẹkụhị ọnị ọnị vaa sị mẹ̀ ọkarẹyị yị wa aa gụrị ẹtẹ. Ọ kà ọnị ô tenyi ẹngụ ka ọnị ọ̀ hụrẹ wa ụvọ, dị ọnịvị ẹnịnị ẹ va hụ wa hụụnị ẹtẹ ẹnịnị.