Ịzẹhwanaya 1:1 - IWE ỌNỊNỊ

¹ Â nyị ụmẹ ọnya aanị, ịnị ụmẹ ọnọọ Ijosaya ana vị ozi Amọnị sị vị ohinọyị Ijuda nị. Ịnị ụmẹ ọnọọ â nyị ọnọrụ ọnya aanị ọnị ịrẹha anị rị Ịzẹhwanaya. Ada anị ọ rị Ikusi ana vị ozi Igidarịya, ozi Amarịya ana ada anị rị Ihezekaya nị. Ẹnẹyịmavara ộ tụ ộ ụtụ hi Anịjuda nịnị.

Ịzẹhwanaya 1:1 ပူးပေါင်းရင်းမြစ်များ

2 Ohinọyị 21:18

Ịmanasẹ ô su, di e ne e tụ́ ịnị ụbazị ịnị eehi ohinọyị ọnị Uza dà. Ịrẹma anị ozi anị Amọnị rị ohinọyị tụ́ udi anị nị.

2 Ohinọyị 21:26

Oku Amọnị vị ene e ne tụ́ ịnị ụbazị Uza, dị ozi Ijosaya rị ohinọyị dọ ọ ịrẹsụ nị.

2 Ịtọpa 33:20

Ịmanasẹ me su, di e ne ịnị eehi anị, dị ozi anị Amọnị rị ohinọyị dọ ịrẹsụ nị.

Ijeremaya 1:2

Ịrẹyị ana tụ ọ ịrayị ẹwụrẹta ọnị Ijosaya ana vị ozi Amọnị sị rị ohinọyị Ijuda Ẹnẹyịmavara maanị kà ịrẹyị yị Ijeremaya nị.

Ijeremaya 22:11

Ẹnẹyịmavara kà, Ijowahazi ozi Ijosaya ana dọ ada anị ịrẹsụ aa mẹ ohinọyị Ijuda, dị a va za a hụụ ịzẹnị aanị; ẹ́ ma vana vavẹ.

Ijeremaya 25:3

Ọ sị mẹ ịrayị ohurẹẹta ọnị Ẹnẹyịmavara hụrẹ ee pe ọnị kà ịrẹyị. Hụrị ịrayị ẹwụrẹta ọnị Ijosaya ozi Amọnị sị vị ohinọyị Ijuda pooro va ngụ ajịnị ọ́ vavọọ aa kà ịrẹyị yị ọnị nị. Ijeremaya ka, ẹ́ yị nyị ịsị Ẹnẹyịmavara kà yị ọnị ọnị ẹ̀ yị kà yị wa. Ama wẹ yị wụ nịnị.

Ezikẹẹrị 1:3

Ezikẹẹrị ka Ẹnẹyịmavara ộ kà ịrẹyị yị ọnị ụtọ irehu Icheba ịnị ẹtẹ Ịbabịrọnị ịzọọ; dị ọ sị ụkata anị yị ọnị nị.

Ihoseya 1:1

 nyị ọza ọnya aanị ana aa hị́ Ihoseya, ana vị ozi Ibeeri. Ẹnẹyịmavara ộ tụ́ ọ ụtụ ịnị ụmẹ ọnị Uziya, Ijotami, Ahazi, ọnịrị Ihezekaya nịnị sị mẹ̀ ohinọyị Ijuda vọ yị ẹngụ. Ịnị ụmẹ ọnọọ gẹdẹ-gẹdẹ, Ijerobowami ozi Ijowasi ọnị rẹ sị vị ohinọyị Isirẹrị nị.

2 Itimoti 3:16

Ohomorihi ọ mẹ ka à chẹrẹ avaba Iwe anị tịtẹ nị. Iwe ọnọọ ọ zụ sị sị ịzẹyịza zụ̀ aza, ọ rẹ zụ tụ́ ọza ohuvọ, ọ zụ vọrọ ọza zị oze, a rẹ zụ sị pe ọza juwe, a mẹmẹ vọrọ ka ọza ọ̀ọ mẹ̀ ebira ana vọrọ.

2Ipita 1:19

Agụvị ịsa ẹnẹẹ, yâ yẹ hu avọọ ka ịrẹyị ọnịsẹ nịnị vị ịzẹyịza. Wàa sị ụtọ pe ịrẹyị ẹnịnị o vee zoza; agụvị ka vị ịrẹyị ọnọọ sị mẹẹ ozotupa ana aa za ịnị ịrahụ avọọ nị, pooro dị eyi ọ va nị. Ịhị ọnọọ, ụzọmị ẹnẹnẹ (ana vị Ikirisiti) vaa zẹtẹ ịnị ayị awụ nịnị.