Ịtayịtọsị 3:8 - IWE ỌNỊNỊ

⁸ Ịrẹyị ọnị maa kà a wụ aanị vị ịzẹyịza. Mee sì ka wa sị ọtụtụrụma tụ́ ọ hi wa ụtọ, agụvị aza ana raà sị ayị tụra Ohomorihi, ẹ̀ zụ sị ọ tụ́ ịnị ayị, dị ẹ̀ mẹ̀ ịsa ene zoza. Ịrẹyị ẹnẹnị ée zoza, ẹ rẹ nyị ọgụ yị ọza.

Ịtayịtọsị 3:8 ပူးပေါင်းရင်းမြစ်များ

Ijoovu 22:2

Arihwanị sị ẹyị ọza daka zụ mẹ yị Ohomorihi kẹ? Sị ẹ vị ọyịza ọnị ọza ana yẹ ịrẹyị huu kere-kere zụ mẹ yọ?

Ahẹ Ụgama 78:22

Iruvo ọ vị ka ẹnịnị ẹ yị sị ayị tụra Ohomorihi, ẹ yị dọ ka ọ zụ dọ ẹnị tụ́.

Ụhịrẹyị 21:28

Ọza anaa dọ ivenu ireche vaa rị ụya anị ama ọza anaa nyị ịzẹyịza a vaa dọ ịrẹyị anị tụ ịzọọ nị.

Imatiwu 20:4

Dị ọ kà a yị wa ka: ‘Nọ ịnị ụbazị amị nịnị, ka mị vaa sị ịsa ana àa vọrọọ wụ nịnị.’ Di e si hu aa nọ ịzọọ nị.

Ịjọọnụ 12:44

Dị Ijeesu nowu tụ́ ẹba, dị ọ ka, “Ọza ana àa sị ayị tụra mị, ẹ yị vị ẹmị ụvọta ọ sị ayị tụra, ama Ọza ana tụ́ mị vẹ ẹhẹ, ọ sị ayị tụra nị.

Ịjọọnụ 5:24

“Ịzẹyịza m maa kà a wụ nịnị nị, ọza ana àa wụ́ ịrẹyị amị, dị ọ sị ayị tụra ọza ana tụ́ mị vẹ ẹhẹ nị, ọ vaa yàra ị́dị Ohomorihi pooro zịna-zịna. Ọ yị kụkụ vaa rị ịvị, ama ọ sị ha hụụnị isu, ọ kụkụ vaa yàra ị́dị Ohomorihi pooro zịna-zịna.

Odeyi 12:15

Dị ẹ ka, “U wáá rụ ụra nị?” Dị aa yịị kà a ka ịzẹyịza yọ nọ! Dị ẹ kụkụ ka anggẹẹrị anịị yọ nị.

Aniroomi 4:5

Ama ọza ẹnẹ ẹ̀ yị sị ayị tụra ụkọrọ ụvọ anị, dị ọ sị ayị tụra Ohomorihi anaā jị ịhị yị aza ẹnẹ ẹ̀ yị vị ọnịrẹyịzẹyịza nị, Ohomorihi vaa za a ịrịkaa tụ ịnị ọnịrẹyịzẹyịza, agụvị ka ộ sị ayị tụra a.

2 Anịkọrịntị 4:13

 vịdị chẹrẹ ẹ tụ́ ini Iwe Ohomorihi ka, “Mâ dọ wụ́, agụvị avọọ mâ kà ịrẹyị”. Ẹngụ ayị ẹdọwụ ọnọọ ẹyị rẹ nyị nị, agụvị avọọ dị yaa kà ịrẹyị nị, agụvị ka yâ dọ wụ́.

Anẹhwẹsọsị 4:28

Ọza eneē vidii yi oyi, ọ̀ na hụụnị oyi oyiyi! Ọ̀ kụkụ naa sị ụvọ anịị mẹ̀ ụkọrọ ini oze ene zoza, dị ọ̀ zụ nyị, dị ọ̀ hyakụụ mẹ ọgụvọọ yị onosiye nịnị bẹẹ!

1 Itimoti 1:15

Ịrẹyị ọnọnị vị ịzẹyịza, áa vọrọ ka à sị avaba ayị dọ ọ; ka Ijeesu Ikirisiti vị ana vẹ ẹhẹ ka ọnị ọ̀ va dọ ọnịvị há. Eme divi hu keekere ịnị ọnịvị ẹnẹẹ nị.

1 Itimoti 2:8

Mee sì ka avaba aha anọrụ ẹ̀ẹ mẹ̀ aduwa; ẹ̀ sị ayị ọnịnị sị ụvọ tụ́ ẹba, dị asị a nyị ọyịkụ ọnịrị ahankata ịnị ayị ẹnịnị!

1 Itimoti 5:10

Dị à va dọ osoku, a rẹ vọrọ ka aza ẹ̀ẹ kà ịrẹyị ọyịza anị, agụvị ka aa mẹ̀ ịsa ozoza. A rẹ vọrọ ka ọ̀ vị ọnẹẹ ana pá ezi anị ẹtẹẹtẹrẹ, dị ò reē sì ọzọga. A rẹ vọrọ ka ọ̀ vị ọza ana raà nyịna aza Ohomorihi ahụ da, dị ọ̀ vị ọza anaā mẹ ọgụvọọ yị aza ana aa rị ụya, dị ọ̀ rẹ vị ọza ana ahịka ịsa ozoza ọọ̄ mẹ̀ pooro nị.

2 Itimoti 1:12

Agụvị avọọ m maanị aa rị ụya aanị nị. Ama ụhị ẹ yị hụ agụvị avọọ nyị mị, agụvị ka mâ yẹ ọza ọnị mị sị ayị tụra. Mâ yẹ kaakara ka ịsị o si chire mị ụvọ, o zụ si eyi pee pooro ne tù ẹkụhị ọkarẹyị.

Ịtayịtọsị 1:9

Áa vọrọ ka ọ̀ rẹ sị ụvọ za ịrẹyị Ohomorihi ana vị ịzẹyịza, anka á mẹ vịdị raà sị zụ̀ ọ: dị ọnị ọ̀ rẹ yẹ ọ mẹmẹ zụ sị ịrẹyị ịzẹyịza beri aza juwe, dị ọ̀ rẹẹ sịị zụ̀ aza ẹnẹ ẹ̀ yị dọ ịrẹyị ọnọọ ka, e si nyeeyi.

Ịtayịtọsị 2:14

Ijeesu ọnọọ ọ vịdị sị ẹngụ anịị yị, agụvị dị ọ̀ zụ hị́ yị varẹma nị, agụvị dị ya zụ há hụụnị avaba ịsa edivi. Dị ọ́ mẹ ayị ayị ọnịnị, dị ị kụkụ sị vị aza anị ana aa sịị vụrị ka yaa mẹ̀ ịsa ene zoza nị.

Ịtayịtọsị 2:7

Ẹwụ ụvọta ọ̀ọ mẹ̀ ebira ẹtẹẹrẹ, dị aza ẹ̀ zụụ sị ịrẹyị awụụ hị́ ọsa, dị ẹ̀ rẹ zụụ hama wụ. Nyị ayị ọnya, dụ wa rẹ sị ayị tụ́ ịnị ịsa ọnị waa sịị zụ̀ aza, dụ wa nyị isuuru ịnị anị.

Ịtayịtọsị 3:1

Tama aza awụ ayị ka ẹ̀ ká ịrẹsụ hi yị aza anaa mẹ ịjọva, dị ẹ̀ẹ wụ́ ịrẹyị ẹnịnị. Ẹnịnị è re tenyi ẹngụ dị ẹ̀ẹ mẹ̀ ịsa tụra ịsa ene èe zoza.

Ịtayịtọsị 3:14

Sị zụ̀ aza ayị nịnị, dị ẹ̀ yẹ ka aa vọrọ ka ẹnị ẹ̀ ẹ mẹ̀ ịsa ozozaa yị aza ẹnẹ ẹ̀ yị nyị ịsa. Ẹnịnị ẹ̀ vavọọ mẹ, agụvị asị ẹhẹ ẹnịnị vị kẹnẹ-kẹnẹ.

Ihwirimọnị 1:11

Ịyẹẹyẹ, ẹ́ yị nyị ịsị Onesimọsị vịdị vị yị wụ; ama booro aanị, ọ sị vị ọza okumi-okumi yị ẹmịrị ẹwụ.

Anihiburu 10:24

À vẹ yee ro ịrẹyị ẹngụ, dị yaa mẹ ka ye zuu sì ịrẹyị aza, dị ya rẹẹ mẹ ọyịza!

1Ipita 1:21

Ọnị ọ mẹ ka wa sị ayị tụra Ohomorihi nịnị nị, ana ha Ijeesu Ikirisiti kwẹẹtẹ hụụnị isu, dị ọ rẹ sị ụbanyị yọ nị. Agụvị avaba ịsa ẹnẹnị ẹ́dọwụ awụ nịnị ọnịrị ọyịtureyi awụ nịnị vị ana yà ịdị Ohomorihi.