Ịtayịtọsị 3:5 - IWE ỌNỊNỊ

⁵ Ộ dọ yị há. Ẹ́ yị vị agụvị ka ẹyị ụvọta ọ́ọ mẹ̀ ịsa ana vọrọ, ọ sị dọ yị há, ama agụvị ayamva anị kẹnẹ yọ nị. Ộ vavọọ mẹ ịnị ka ộ nyịna yị, dị ọ vara yị ọza ọwọọwa nị. Ụhwẹ Ọnịnị anị ọ vavọọ sị vara yị aza ọwọọwa nị.

Ịtayịtọsị 3:5 ပူးပေါင်းရင်းမြစ်များ

Ijoovu 15:14

Ẹnẹ ka ọnị ọ nị ọvịdị Ohomorihi? Ẹnẹ ka ọnị aa mẹ̀ ịsa ana vọrọ?

Ijoovu 25:4

Ọzarẹyịrẹsụ mẹmẹ nyẹngụ ka a ka ọnị ọ nị ọvịdị Ohomorihi? Áá nyị ọza ana hụ́ ọ ka avọọ?

Ijoovu 9:20

Ijoovu ka ọnị ọ daka rị ịhị, ịrẹyị irenu anị vị ana jị ịvị yị ọnị.

Ahẹ Ụgama 130:7

Ẹwụ nịnị Anisirẹrị, sị ayị tụra Ẹnẹyịmavara nịnị. Ẹnẹyịmavara vi ene ee sì ịrẹyị ọza pooro ọ mā tụ́ ọ, vi o sii sì ka ọnị ọ̀ọ dọ ọzaa tụ nị.

Ahẹ Ụgama 143:2

Aarịhịnị asị ụ kà a ka waa mẹ̀ ọkarẹyị yị ẹmị ozi ahụ awụ, agụvị ka ẹ yị nyị ọza ana zụ jẹẹ ọvịdị awụ kà a ka ọnị ọ yị rị ịvị.

Ahẹ Ụgama 51:10

Ohomorihi, navọ kwogwo wa mẹ ayị amị di ò kukuu ro ịrẹyị ene zoza.

Ahẹ Ụgama 62:12

Ọ kà vi oniī sì ịrẹyị ọza pooro nị, ọ mā vara Ẹwụ Ananyị yị, ẹwaā sị ọgụ ụkọrọ ọzọzaa yọ nị.

Ahẹ Ụgama 86:15

Ẹnẹyịmavara, Ohomorihi anaā vayị ọza ụ vị nị, vị ụụ ngụ ayị ọza nị, wẹ mā hụra kụ́ ayị, wâ nyị ịzẹyịza, avọọ ụ mẹ̀ rẹẹ̄ vayị ọza nị.

Ahẹ Ụgama 86:5

Ẹnẹyịmavara, ịsa ozoza ụụ̄ mẹ, dị ụụ̄ rẹẹ vagu ọza nị. Avaba aza ana aa mẹ̀ aduwaa hi wụ vị oni ụụ̄ sì ịrẹyị anị.

Ayịsaya 57:12

Wê ro ka ịsa ana vọrọ ụ waa mẹ nịnị nị, ama mị vaa sị iruvo awụ nịnịị tụ ẹhẹ. Ori awụ nịnị ẹ yị va zụụ gụ wụ nịnị ụvọ.

Ezikẹẹrị 36:25

Ọnị vee che enyi ana nịị sẹ ẹwụ nịnị ẹngụ, dị ọnị nyee avaba ịdọtị ori awụ nịnị kwooze. Ọnị re vee nyee avaba ịsa ana vọ ene du wu nịnị ẹngụ kwooze.

Imika 7:18

Ẹwụ Ohomorihi o, ẹ yị nyị ịsa ọnị ọza zụ si juwe awụ. Aza awụ ana vọ ana mẹ akụvị, dị ẹnịnị rị ịvị awụ Ẹngụ aza ẹnịnị, Ohomorihi, ẹwaa vagu wa. Wẹ mā kụ́ ayị pooro, ẹwụ vi ene eē sì ka wa vayị ọza.

Imatiwu 3:11

Ịzẹyịza, ẹmị aa sị enyi hụ́ wụ nịnị enyi ana sị zụ ka we reè ro ịnẹ varẹma nịnị. Ama áa nyị ọza anaa vẹ ịrẹma amị. Ọza ọnọọ ọ nyị ụkata huna amị nị. Mẹ yị hyakụ yà ọza ana á vọrọ ka ọ̀ kụ́ adava anị. Ọza ọnọọ vị ana vaa sị Ụhwẹ Ọnịnị beri ịraa hụ́ wụ nịnị enyi.

Iruuku 1:50

Ọọ̄ vayị aza ana nyị angwahi anị pooro nị.

Iruuku 1:54

Ộ gụ Anisirẹrị ezida anị ụvọ, agụvị ka ộ tamayị ka ọnị vaa vayị ẹnịnị,

Iruuku 1:72

Ọ kà ọnị vaa vayị ohiku ayị, dị ọnị rẹ tamayị oto ọnịnị ọnị ọnị wo yị wa.

Iruuku 1:78

Ohomorihi ayịị̄ vayị ọza ẹtẹẹtẹrẹ, agụvị avọọ ọ vaa mẹ ka ẹtohweyi ana sị mẹẹ anka ọyị anaa tụ̀ụ vẹ avọọ ọ̀ và ọpa tụra ayị.

Aniroomi 11:14

Àa ka ọnị mẹ, mị zụ mẹ ka anẹkụra amị è zụ beri Anigiriki kụ̀ ụhị, dị à nyị ịsị mị zụ mẹ, dị Ohomorihi ọ̀ dọ aza ẹnẹ ẹ̀yị vị Aniju kụ̀ ụhị, dị à nyị ịsị mị zụ mẹ, dị Ohomorihi ọ̀ dọ aza ẹnyị ẹnịnị há.

Aniroomi 11:6

Ayamva Ohomorihi kẹnẹ, ọ sị nyị aza ẹnẹẹ nị, ayị vị agụvị ụkọrọ ụvọ ẹnịnị. Àa vị agụvị ụkọrọ ụvọ ẹnịnịị yọ, ẹ yị kụkụ vị ayamva ọnọọ yaanị vị.

Aniroomi 12:2

Asị ụ rẹ̀ mẹ̀ ebira ana anẹhẹẹ̄ kẹnẹ mẹ nịnị! Ama navọ Ohomorihi ọ̀ vara ayị awụ nịnị ọwọọwa saka-saka! Ịjọnọọ ụ va zụụ yẹ ịsa oni Ohomorihi sì nịnị nị, ọnọọ vị ka ịsa ene zoza, di o zé Ohomorihi eyi, dị ọ rẹ gụ.

Aniroomi 3:20

Agụvị avọọ ẹ yị nyị ọza ana mẹ̀ ịsa ọnị ọda kà dị ọ̀ zụ hwọọ mẹ ka Ohomorihi ọ̀ jị ịhị yọ. Ịsị ọda Ohomorihiī mẹ kẹnẹ ọ vị ka aza ẹ̀ yẹ ka ẹnị ẹ sị ịvị mẹ nị.

Aniroomi 3:28

Agụvị avọọ ya sị yẹ ka aza ana àa sị ayị tụra Ohomorihi kẹnẹ, ọọ̄ jị ịhị yị nị; ẹ yị vị agụvị ka aza aa mẹ̀ ịsa ọnị ọda kà.

Aniroomi 4:5

Ama ọza ẹnẹ ẹ̀ yị sị ayị tụra ụkọrọ ụvọ anị, dị ọ sị ayị tụra Ohomorihi anaā jị ịhị yị aza ẹnẹ ẹ̀ yị vị ọnịrẹyịzẹyịza nị, Ohomorihi vaa za a ịrịkaa tụ ịnị ọnịrẹyịzẹyịza, agụvị ka ộ sị ayị tụra a.

Aniroomi 9:11

Ama dị ọ va yẹ ka ọnịị ma ezi ẹnẹẹ, dị ẹ hyakụ va yẹ ka ẹnịị mẹ ọyịza, àa vị odivi, Ohomorihi ộ kà a yị Irebeka ka: Ana vị ọzọkụ ọ vaa hẹkẹ ana vị Ozweyi nị. Ọnọọ ộ sị zụ̀ ka Ohomorihi o yi sì eto ọnị ọnị mẹ ini oze ọza ọyịnyị, ọ̀ jẹẹ ịrẹsụ ịsa ọnị ọza sị ụvọ anị mẹ. Ama avaba anị vị ana yà ịnị ụvọ Ohomorihi ana hị́ ọza.

Aniroomi 9:16

Agụvị avọọ ẹ yị vị ịrẹyị ịsị ọza sì, à vị ka ịsị ọza mẹ ọ vị, ịrẹyị ayamva Ohomorihi kẹnẹ ọ vị nị.

Aniroomi 9:30

Sị ị vaa kà aanị? Ya zụ kà a ka Anigiriki, dị è yi re sì ka ẹnị ẹ̀ jị ịhị yị ẹngụ ẹnịnị, Ohomorihi ọ raà jị ịhị yị wa, agụvị ka ệ sị ayị tụraa.

1 Anịkọrịntị 6:11

Ẹngụ ebira ẹnẹẹ aza ẹnyị awụ nịnịị̄ vịdịị mẹ nị. Ama Ohomorihi ọ sị ịvị awụ nịnị nyịna kwooze, ọ sị wụ nịnị nyị ka wa vị aza ọnịnị anị. Ini oze ịrẹha Ijeesu Ikirisiti Ananyị yị ọnịrị Ụhwẹ Ọnịnị, ọ raà jị ịhị yị wụ nịnị.

Anigaratiya 2:16

Ama yáa yẹ ka ẹ yị nyị ọza ana nyẹngụ rị ịhị ini eyi Ohomorihi, agụvị ka ọ́ọ saasa ọda Aniju, àyị vị ọ sị ayị tụra Ijeesu Ikirisiti. Ẹyị nyẹmba vị ana sị ayị tụra Ijeesu Ikirisiti, agụvị dị Ohomorihi ọ̀ jị ịhị yị, agụvị ka yáa sị ayị tụra Ikirisiti, ẹ yị vị agụvị ka yáa saasa ọda. Àa ka à sị ịrẹyị ọda mẹẹ, ẹ yị nyị ọza oni Ohomorihi vaa jị ịhị yị.

Anẹhwẹsọsị 2:4

Ama Ohomorihi vị ana nyayịnẹ vayị ayị, di o re sì ịrẹyị ayị ẹtẹẹtẹrẹ.

Anẹhwẹsọsị 4:23

Navọ Ohomorihi ọ̀ vara ayị awụ nịnị ọnịrị ariro awụ nịnị ọwọọwa.

Anẹhwẹsọsị 5:26

Ộ sị enyi ọnịrị ịrẹyị Ohomorihi, dị ọ sị vara a ọnịnị, dị ọ sị ọọ tụ́ irenyi yị Ohomorihi nị.

Iwe Ọhụhị Imosiisi ana aa hị́ Ọyịvatụrọda 9:5

Ẹ yị vị agụvị ịnẹ ọyịza ọnịrị ebira ozoza awụ nịnị aa sị navọ ka wa dọ ẹtẹ ẹnịnị. Ama agụvị ebira odivi ẹnịnị Ẹnẹyịmavara Ohomorihi awụ nịnị vaa sị dụ wa jịnẹ eyi awụ nịnị nị. Ộ vavọọ mẹ̀ agụvị dị ọ sị ahụ ku ịrẹyị ọnị ọ ka yị ohiku ẹnịnị, Abụrahamị, Ayiziiki, ọnịrị Ijekọvụ.

Anikorasi 3:10

ebira ọwọọwa ụ kụkụ nyị nịnị nị. Ohomorihi ọ vara wụ nịnị ọza ọwọọwa nị. Dị ee yii tenyi ebira awụ nịnị ọnọọ, agụvị dị ò zụ véné ebira Ikirisiti, dị waa yẹ Ikirisiti nịnịị huna avọọ nị.

2 Itimoti 1:9

Ohomorihi ọ dọ yị ha, dị ọ hị́ yị ka yaa mẹ̀ ebira ọnịnị nị. Ẹ́ yị vị agụvị ịsị ị mẹ ọ vavọọ sị mẹ; ama agụvị ayamva anị kẹnẹ ọnịrị agụvị eto ọnị ọ vịdị sị mẹ yọ nị. Ini oze Ikirisiti ọ vavọọ sị vayị ayị hụrị ụmọrụmọ dị a va yẹ ka aa mẹ ẹhẹ nị.

Ịtayịtọsị 3:4

Ịrẹma ẹnẹẹ, ụmẹ ọnya kẹnẹ, dị Ohomorihi Ọdọzaha ayị sị zụ̀ ka ọnị ọ́ọ ngụ ayị aza, dị o re sì ịrẹyị aza nị.

Anihiburu 10:22

Agụvị avọọ, à vẹ ya sị ayị ọnya kà pe Ohomorihi, dị ya sị avaba ayị ayị tụra a, agụvị ka Ijeesu ọ raà nyịna ịvị ana ayị ayị aa jịị yị kwooze. A rẹ raà sị enyi ana nị nyịna ẹngụ ayị.

Anihiburu 4:16

Agụvị avọọ, à vẹ ya nyị ọtụtụrụma, di ye tere vẹ ọvịdị aga ohinọyị ịzị Ohomorihi yà dị aa mẹ ọyịzaa yị aza. Ịzọọ Ohomorihi vaa vayị ayị, dị ọ rẹ gụ yị ụvọ ịnị ụmẹ oni yèe sì ọgụvọ nị.

Anihiburu 6:6

Ẹngụ aza ẹnẹẹ ẹ̀ ẹ na hụrị oze Ohomorihi, ẹnịnị vị anaa sị ụvọ ẹnịnị tenyi Ozi Ohomorihii kanyịị za apavahị. Dị ẹ rẹẹ yaa mẹ ụhịị nyị ọ eyi avaba aza.

1Ipita 1:3

À vẹ ya sị ụga yị Ohomorihi ana vị Ada Ijeesu Ikirisiti Ananyị yị! Ohomorihi ộ vayị ayị ẹtẹẹtẹrẹ, di o tenyi yị ma nị. Agụvị avọọ yáa nyị ọyịtureyi ka ị vaa yara ịdị anị pooro zịna-zịna, agụvị ka Ijeesu Ikirisiti ộ ha kwẹẹtẹ hụụnị isu.

1Ipita 2:10

Ịyẹẹyẹ wẹ́ yị vịdị vị aza Ohomorihi nịnị, ama booro aanị wa sị vara aza anị nịnị. Wẹ́ yị rẹ vịdị yẹ ayamva Ohomorihi nịnị, ama wa sị ọ yẹ nịnị booro aanị.

1Ipita 3:21

A zụ sị ịsa ọnọọ juwe ọyịhwenyi, ana dọ yị há ọyaanị, agụvị ka Ijeesu Ikirisiti ộ ha kwẹẹtẹ hụụnị isu. Ọyịhwọzenyi ọ yị vị ọyịhụ ịdọtị ẹngụ ayị và ha. Ama yaa sịị dá ịpẹẹ yị Ohomorihi ka ọ̀ nyịna ayị ayị hụụnị ịvị.