Ịtayịtọsị 3:2 - IWE ỌNỊNỊ

² Kàa ka asị ẹ rẹ̀ kà ịrẹyị odivi ọza, asị ẹnịrị aza zyaazị! Ama ẹnịnị ẹ̀ nyị ebira hẹẹ, dị ẹ̀ nyị ayohunẹnẹ hi avaba aza ẹtẹẹtẹrẹ!

Ịtayịtọsị 3:2 ပူးပေါင်းရင်းမြစ်များ

2 Ịsamụwẹrị 22:36

Ẹnẹyịmavara ewee sere mi nộ! Wâ mẹ ka ma nyị ụbanyị agụvị ka wa tẹsị amị.

Ahẹ Ụgama 140:11

Asị ụ zẹẹ ka ò zoza yị aza ana aa dà irechee kú ọza. Navọ ahịka odivi-odivi ò ve tù aza ene ee sì ka ẹnị ẹ̀ wụ̀ ọza nị, dị ahịka odivi ọnọọ ọ wụ̀ wa nị.

Ụhịrẹyị 19:19

Navọ ọnọyịha ọ̀ rị ụya anị, wẹ yị zẹ̀ẹ ka ọ̀ rị ụya anị, ụ vene tenyi ọ mẹ.

Ụhịrẹyị 25:24

Ọ́ọ sị ka ọnị ọza vaa sị ọnẹẹ ọnịrẹyị tụ ịnị eehi, ọ vana vị ọnịnya tụ oboka ọ mẹ hu nị.

Ụhịrẹyị 6:19

Dị ọ rẹ nyị ịhyẹrẹ ọza anaā dọ ivenu ireche, dị ọ tụ́ ịrẹyị tụ ịnị akakana ẹyịnyara.

Ayịsaya 40:11

Ọ vaa sị eyi pe atẹmẹ anị anka oseratẹmẹ avọọ. Ọ vaa kụ ezi atẹmẹ anị gụ vabẹ dị ọ kụ wa rị ụvọ; dị ọ tangwa aa zụ ọnyị ẹnịnị oze nị.

Imatiwu 11:29

Navọ maa zụ̀ wụ nịnị oze, dị ma rẹẹ zụ̀ wụ nịnị ịsa; agụvị ka miī ro o yị ọza, dị mị rẹ nyị ayohunẹnẹ nị. Ịjọnọọ ayị awụ nịnị vaa nyị ụhwọtụ.

Odeyi 23:5

Dị Ịpọọrụ ka, “Ẹwụ nịnị ẹyịnyara amị, mẹyị yẹ ka ohirẹsụ ọbanyị irehi Ohomorihii yọ nị. Iwe Ohomorihi ộ kà a ka: Asị ụ kà ịrẹyị odivi hi ọdọvịdị anda awụ nịnị.”

1 Anịkọrịntị 6:10

beri oyi nịnị ọnịrị eneyọhụrẹ beri ohweche ahaahara nịnị ọnịrị aza eneē du ọza ịrẹsụ beri aza anaā sịị ụkataa dọ ọza ịsa, ẹ yị vaa ngụ ịzị Ohomorihi yà aa mẹ ịjọva.

1 Anịkọrịntị 9:19

Ẹ yị nyị ọza ana nyị ọda amị; ama mâ sị ẹngụ amị vị ozi ahụ avaba aza, agụvị ma zụ mẹ ka aza ọrụrụ-ọrụrụ ẹ̀ va dọ Ijeesu Ikirisiti wụ́.

2 Anịkọrịntị 10:1

Ẹmị Ịpọọrụ, mâ sị ịrẹswọkahi ọnịrị ebira hẹẹ Ikirisiti dá ịpẹ wụ nịnị. Aza ẹnyị aa kà a ka màa yà ịdị awụ nịnị, ma mā nyayịnẹ kà ịrẹyị; ama màa va sị hụụ ịdị awụ nịnị, dị maa kà ọnọrụ.

2 Anịkọrịntị 12:20

Mee roo ka ẹyịyara, mèe tù ịdị awụ nịnị, wẹ yị vaa yà, anka m mè sì ka wa yà nịnị. Ẹmị ẹ yị rẹ vaa yà anka u mè sì ka ma yà nịnị. Asị a hyakụ na nyị ịrazị ọnịrị ụhị ọyịkụ ne beri ọyịkụ! Asị a rẹ na nyị ebira ọza eneē sì ẹngụ anị kẹnẹ, ọnịrị aza eneē du ọza ịrẹsụ, ọnịrị ọza anaā kụ́ ịrẹka, ne beri ọza anaā mẹ eyi, ọnịrị ọza anaā mẹ̀ ebira jugu-jugu.

Anigaratiya 5:22

Ama Ụhwẹ Ọnịnị ọọ̄ mẹ̀ ka ọza ọ̀ọ vịra ịnị ịsa ẹnẹnị nị: ịrẹyị ọza oyisì ọnịrị inohine beri ẹngwọọrọ ọnịrị isuuru beri ebira hẹẹ ọyịmẹ̀ ọnịrị ebira ozoza ne beri ịzẹyịza ọyịmẹ̀ ọnịrị

Anigaratiya 6:1

Ẹwụ nịnị ẹyịnyara amị, àa nyị ọza ana a za ka aa mẹ ịvị, ẹwụ nịnị ana aa mẹ ịsị Ohomorihi sì, ọ̀ tangwa sị ịrẹsụ ọkahi vọrọ ọza ọnọọ zị oze! Dụ wa sị eyi pe ẹngụ awụ, dị asị ụ zẹẹ ka ẹwụ ụvọta ọ̀ hụrẹ ne ngụ ịnị ọyịzamare!

Anigaratiya 6:10

Agụvị avọọ ụmẹ tụra ụmẹ oni yèe re oze, à vẹ vị yaa mẹ ọyịzaa yị avaba aza, hu keekere yị aza ẹnẹ ẹyịrị dudu dọ Ijeesu Ikirisiti wụ́.

Anẹhwẹsọsị 4:2

Nyị ịrẹsụ ọkahi, nyị ayohunẹnẹ, dị ụ wa rẹ vị onisuuru nịnị ẹtẹẹtẹrẹ. Wee sì ịrẹyị ẹngụ nịnị ini oze ọyịsị ẹngụ jị ọọ yị ẹngụ nịnị.

Anẹhwẹsọsị 4:31

Asị ụ rẹ̀ kụkụ nyị ẹngụrẹyị ọnịrị ọyịkụ nịnị! Asị u rè nowu kú ẹngụ nịnị, asị ụ rẹ̀ rẹ kụ̀ ẹngụ ụhụ nịnị! Hụụnị avaba ebira odivi nịnị!

Anihwiripi 4:5

Sị zụ̀ avaba aza nịnị ka waa nyị ebira hẹẹ nịnị. Ananyị yị aa vaa vẹ.

1 Anịtẹsaronika 2:7

Vị yaa mẹ hẹẹ-hẹẹ ịdị awụ nịnị anka ọnyị ozi mẹ̀ẹ̄ mẹ ozi anị hẹẹ-hẹẹ avọọ nị.

1 Itimoti 3:11

A rẹ vọrọ ka ose ẹnịnị ẹ̀ nyị ebira ana vọrọ. Asị ẹ vị aza eneē du aza ịrẹsụ, dị ẹ̀ zụ sị ụvọ za ẹngụ ẹnịnị, dị ẹ̀ rẹ vị aza ana a zụ sị ayị tụra ịnị avaba ịsa.

1 Itimoti 3:3

Asị ọdọvịdị ịragụ Ohomorihi na vị ohweche, asị ọ vị ọnịrazị! Ama áa vọrọ ka ọ̀ nyị ebira hẹẹ, asị ọ vị ọnịrẹyị, dị asị ọ rẹ vị eneyiche!

Ijemiisi 3:17

Ama ịrẹyọyẹ ana hụụ ịdị Ohomorihi vẹ, vị ọnịnị, ọ́ọ mẹ ka ọza ọ̀ nyị ayị ohunẹnẹ; ọọ̄ nyị ebira hẹẹ, oō ree batọ ịrẹyị ọza ẹnẹsa, ọọ̄ rẹẹ vayị ọza ẹtẹẹtẹrẹ. Ebira ozoza ọọ̄ mẹ̀ pooro nị, ọ mā nyị ọza remeyi, oō mee re vene ọza.

Ijemiisi 4:11

Ẹwụ nịnị ẹyịnyara amị, asị ụ rẹ kà ịrẹyị odivi ẹngụ nịnị! Ọza ana àa kà ịrẹyị odivi ọnọhụva anị, à vị ka dị ọ jị ịvị yọ, ọda Ohomorihi ọ́za ọnọọ aa kà ịrẹyị odivii hi, dị ọ raa jị ịvịị yị avọọ nị. Yẹ ka wàaa jị ịvịị yị ọda Ohomorihi, wẹ yị kụkụ mẹ̀ ịsa ọnị ọda kà, ụ kụkụ aa jị ịvịị yọ avọọ nị.

1Ipita 2:1

Agụvị avọọ, hụụnị avaba ịsa odivi! Asị u ré vene ọza nịnị vụrụ-vụrụ! Asị ụ rẹ̀ mẹ ogevegeve nịnị! Asị ụ rẹ̀ mẹ eyọhụrẹ nịnị! Asị u rè du ọza nịnị.

1Ipita 3:10

 chẹrẹ ẹ tụ́ ini Iwe Ohomorihi ka, Ọza ene èe sì ka ẹhẹ anị ò zoza, dị ò hine ọnị, ọ hụụnị ịrẹyị odivi ọyịkà, dị asị o re cheeche.

1Ipita 3:8

Dị ma za ịrẹyị amị ẹtẹ, sị ayị yị ẹngụ nịnị, waa ngụ ayị ẹngụ nịnị, di u wee sì ịrẹyị ẹngụ nịnị, agụvị ka ẹwụ nịnị ọdọwụ vị ẹyịnyara. Vayị ẹngụ nịnị, dị ụ wa kà ẹngụ awụ nịnị chí.

1Ipita 4:4

Ama booro aanị we yi kuku pe wa mẹ̀ ịsa edivi-edivi ẹnẹẹ nịnị. O si hí wa irenu, agụvị avọọ, dị ẹyaa kụ̀ wụ nịnị ụhụ nị.

2Ipita 2:10

Aza oni Ohomorihi vaa sị ụyaa rịị hu yị: Aza ana aa mẹ̀ ịsa edivi ọnị ọchẹngụ ẹnịnịị̄ sì kẹnẹ, dị ẹyaa sị eyii wụ̀ aza ana nyị ọda, dị ẹ rẹ yaa sị ẹngụụ tụ́ ẹba, ẹngụ ẹnịnị kẹnẹ e sì ịrẹyị anị nị, ẹnịnị ẹ́ yị nyị angwahi anggẹẹrị nịnị, dị ẹyaa kà ịrẹyị odivii hi wa.

Ijudi 1:10

Àa vị aza ẹnẹnị yọ, ịsa ọnị ẹnịnị ẹ̀ yị yẹ ịnị oze anị e yee du avọọ nị. Ịsị ẹ̀ẹ vẹ ịnị ayị ẹnịnị kẹnẹ, ẹẹ̄ mẹ anka ịsụpa avọọ, dị ẹyaa wụ ẹngụ ẹnịnị nị.

Ijudi 1:8

Anka aza edivi ịyẹẹyẹ ẹnẹẹ, aza ẹnẹnị ệ kwẹẹtẹ, dị ẹ ka vị́ ẹnị ee re ẹtẹ, di eyee du ẹngụ ẹnịnịị ha nị. Ẹnịnị ẹ́ yị ma jẹẹ pe ọda ọnyọọnyị ana àa mẹ, dị ẹyaa mẹ anggẹẹrị nịnị isiya.