Ịtayịtọsị 3:14 - IWE ỌNỊNỊ

¹⁴ Sị zụ̀ aza ayị nịnị, dị ẹ̀ yẹ ka aa vọrọ ka ẹnị ẹ̀ ẹ mẹ̀ ịsa ozozaa yị aza ẹnẹ ẹ̀ yị nyị ịsa. Ẹnịnị ẹ̀ vavọọ mẹ, agụvị asị ẹhẹ ẹnịnị vị kẹnẹ-kẹnẹ.

Ịtayịtọsị 3:14 ပူးပေါင်းရင်းမြစ်များ

Ayịsaya 61:3

Aza ene hi Ịzayọnị ee du ayị sị ịrajẹ ọnịrị ayohine dọ ịrẹsụ ayodu ẹnịnị yị wa sị ahẹ ụgama dọ ịrẹsụ ahẹ orere yị wa Ẹnịnị vaa sị mẹ anka ọchị ọnị Ẹnẹyịmavara chire avọọ nị. Avaba ẹnịnị vaa mẹ̀ ịsa ana vọrọ. Ohomorihi vị ana a vaa ga agụvị ịsa ọnị ọ raà mẹ.

Imatiwu 21:19

Ô re ọchị ọnya aanị anka ọchị ezu óze. Ộ nọ ịnị ọchị ọnọọ, ẹ yị nyị ịsị o re ị́rẹsụ anị, ẹ̀ yị vị avị kẹnẹ. Dị ọ kà a yọ ka, “Wa mā vana tụ́ ẹtụtụ pooro hụrẹ ọyaanị na.” Obooboro ọnọọ, dị ọchị ọnọọ wụ nị.

Imatiwu 7:19

Avaba ọchị ẹnẹ ẹ̀ yị tụ́ ẹtụtụ ozoza vị anaa vaa má, di e nee ngụ ịra.

Ịjọọnụ 15:16

Ẹ yị vị ka ẹwụ nịnị ọ nyị mị nị, ama ẹma vị ana nyị wụ nịnị nị. Mâ nyị wụ nịnị ka wa zụ naa nyị ẹtụtụ nịnị ẹtẹẹtẹrẹ ana vaa yà pooro zịna-zịna, agụvị ịsa tụra ịsa ọnị ụ wàa họ̀ Ada amị use nịnị ịnị ịrẹha amị, dị ọ̀ sị yị wụ nịnị.

Ịjọọnụ 15:8

Wàa nyị ẹtụtụ nịnị ẹtẹẹtẹrẹ, ọ vaa mẹ ka aza ẹ̀ sị ụbanyị yị Ada amị nị; oze avọọ ụ rẹ nyẹngụ zị vị ezirẹma amị nịnị nị.

Odeyi 18:3

dị ọ yà ịzọọ pe wa, agụvị ka ụkọrọ ọnyọọnya ẹẹ̄ mẹ nị. Ụkọrọ ajẹngụ ana aā sị ịtụmpahaa mẹ, ẹẹ̄ mẹ nị. Dị ẹnịnị dudu aa mẹ ụkọrọọ vaabẹ nị.

Odeyi 20:35

Ma raà sị zụ̀ wụ nịnị ịnị avaba oze ka â nyị ka ya maanị mẹ̀ ụkọrọ ẹtẹẹtẹrẹ, dị ya zụụ mẹ ọgụvọọ yị ọkụmị nịnị.” Tamayị ịrẹyị oni Ijeesu Ananyị yị ụvọta kà nịnị ka: “Wàaa mẹ ọza ẹyịza, ụ zụ jẹ ịrajẹ hu ka waa dọ ọza ịsa nị.”

Aniroomi 12:13

Ẹwụrị aza Ohomorihi è duduu gà ịsụ wàa nyị nịnị, dụ wee sì ọzọga nịnị.

Aniroomi 15:28

Màa sị ụkọrọ amị ọnọnị mẹ ta, dị mị raà sị avaba ẹkẹhị ọnọnị yị wa nị, di mi zị oze ịda awụ nịnị aa nọ Isipeni.

Anẹhwẹsọsị 4:28

Ọza eneē vidii yi oyi, ọ̀ na hụụnị oyi oyiyi! Ọ̀ kụkụ naa sị ụvọ anịị mẹ̀ ụkọrọ ini oze ene zoza, dị ọ̀ zụ nyị, dị ọ̀ hyakụụ mẹ ọgụvọọ yị onosiye nịnị bẹẹ!

Anihwiripi 1:11

dị ụ wa rẹ zụụ mẹ̀ ebira ana vọrọ tụra ọza oni Ohomorihi raà jị ịhị yị. Ijeesu Ikirisiti ọọ̄ mẹ̀ ka ọza ọ̀ vavọọ zụ mẹ̀ ebira nị. Ọnọọ vaa mẹ ka aza ẹ̀ẹ sị ụga ọnịrị ụbanyịị yị Ohomorihi.

Anihwiripi 4:16

M mẹ̀ rẹ yà Ịtẹsaronika, wâ sị ịsị mẹ̀ yị nyị va mị nịnị huna ụpẹ ẹẹva.

Anihwiripi 4:17

Ẹ yị vị ka ẹyịza awụ nịnị m maa dụ nị, ama maa dụ ka wa nyị ọgụ ẹtẹẹtẹrẹ tụ́ ịnị ẹyịza awụ nịnị.

Anikorasi 1:10

Ịrẹyọyẹ ọnọọ vaa mẹ ka wa zụụ zị ụsẹ ana vọrọ ini eyi Ananyị yị nịnị, di o re zé eyi ẹtẹẹtẹrẹ; dị ẹhẹ awụ nịnị ọ̀ zụ nyị ẹtụtụ ịnị avaba ịsị ụ wàaa mẹ nịnị. Dị ụ raa yẹ Ohomorihii hu avọọ nịnị.

1 Anịtẹsaronika 2:9

Ẹwụ nịnị ẹyịnyara amị, wáa tamayị, ị mẹmẹ mẹ̀ ụkọrọ, di i re osiye. Yáa mẹ̀ ụkọrọ ọọdụ ọnịrị ịrahụ, agụvị asị ị na vị ẹnya yị ọzọnyị-ọzọnyị awụ nịnị, ị màa kà enube ọyịza Ohomorihii yị wụ nịnị.

2 Anịtẹsaronika 3:8

Yẹ yị dọ ọza ịsa rị kẹnẹ, dị asị i sí ọọ ụta. Ama yáa mẹ̀ ụkọrọ ẹtẹẹtẹrẹ ọọdụ ọnịrị ịrahụ ka asị ị na vị ẹnya yị ọzọnyị-ọzọnyị awụ nịnị.

Ịtayịtọsị 2:8

Waa kà ịrẹyị ịzẹyịza, agụvị asị ọza zụ kụ hịrẹ ịrẹyị awụ. Wàa vavọọ aa mẹ, ọza ana àa ka ọnị aa kụ̀ụ hịrẹ ịrẹyị awụ, ụhị vaa nyị ọ, agụvị ka é yi vee re ịrẹyị odivi ayị ana a vọrọ ka ọ̀ọ kà.

Ịtayịtọsị 3:8

Ịrẹyị ọnị maa kà a wụ aanị vị ịzẹyịza. Mee sì ka wa sị ọtụtụrụma tụ́ ọ hi wa ụtọ, agụvị aza ana raà sị ayị tụra Ohomorihi, ẹ̀ zụ sị ọ tụ́ ịnị ayị, dị ẹ̀ mẹ̀ ịsa ene zoza. Ịrẹyị ẹnẹnị ée zoza, ẹ rẹ nyị ọgụ yị ọza.

2Ipita 1:8

Wàa vavọọ aa mẹ̀ ịsa ẹnẹnịị hu avọọ hu avọọ nịnị, ụ vaa yẹ Ijeesuu hu avọọ nịnị.