Ịtayịtọsị 3:13 - IWE ỌNỊNỊ

¹³ Aarịhịnị, mẹ ọgụvọ yị Ịzẹẹna ana vị ịrọya, ọnịrị Aporo, dị è nyima ụsẹ ẹnịnị. Re ka ịsị èe vee sì, wáa sị yị wa.

Ịtayịtọsị 3:13 ပူးပေါင်းရင်းမြစ်များ

Imatiwu 22:35

Ọza ịnyara ẹnịnị ana vị ọzwọzọda, ọ na họ̀ Ijeesu use ịrẹyị ka ọnị ọ̀ sị zama a re. Dị ọ ka:

Iruuku 10:25

Ẹkụhị ọnya, ọzwọzọda ọnya ộ kwẹẹtẹ, di ee sì ka ọnị ọ̀ zama Ijeesu re nị. Dị ọ ka, “Ọga, si a vọrọ ka ma mẹ, dị ma zụ yàra pooro zịna-zịna ị́dị Ohomorihi?”

Iruuku 11:45

Dị ọzwọzọda ọnya tụ́ ohi, dị ọ ka, “nda, wàa maanị aa kà, ụ waa kụ̀ yị ụhụ bẹẹ avọọ nọ!”

Iruuku 11:52

Ẹwụ nịnị ọzwọzọda, wa sị dà nịnị. We reè gu oze ịrẹyọyẹ hi aza, we si oo chire, dị ụ sị ụkọkọrọ anị rị ụvọ nịnị nị. Ẹwụ nịnị ụvọta ọ yị ngụ eehi; aza ana vaa vụrị ka ẹnị ẹ̀ ngụ eehi, wa sị wa dọ oro nịnị.”

Iruuku 14:3

Dị Ijeesu kà a yị ọzwọzọda ọnịrị Anihwarisi nịnị ka, “Ọda ayị ọ́ọ́ zẹẹ ka à mẹ ọza ụkụ ịnị ẹkụhị ụhwọtụ?”

Iruuku 7:30

Ama Anihwarisi nịnị ọnịrị ọzwọzọda nịnị ẹ yị dọ ịsa oni Ohomorihi sì ka ọnị ọ̀ mẹ yị wa; ẹnịnị ẹ yị zẹẹ ka Ịjọọnụ ọ̀ mẹ̀ ọyịhwọzenyi yị ẹnị.”

Odeyi 15:3

Dị anịragụ Ohomorihi kụ́ wa ka ẹ̀ nyaatụ, dị ẹyaa na nị. E mè zị oze Ihwonesiya ọnịrị Ịsamarịya na para hu, ệ kà a, Anigiriki nịnị mẹmẹ và ká Ohomorihi na. Ịjị ọdọwụ nịnị wụ́ ọọ, avaba ẹnịnị ệ jẹ ẹtẹẹtẹrẹ.

Odeyi 18:24

 nyị ọnọrụ ọnya aanị ana aā hị́ Aporo, ana vẹ Ẹhwẹsọsị. Ẹkụra Arekisandiriya a yà maa nị. Ọ zụ kà ịrẹyị ẹtẹẹtẹrẹ, dị ọ rẹ yẹ ịrẹyị Ohomorihi ẹtẹẹtẹrẹ nị.

Odeyi 19:1

Aporo ọnị mẹ̀ yà Ịkọrịntị, dị Ịpọọrụ zị oze ịnị akakana ẹkụra ọnọọ, dị ọ na ngụ Ẹhwẹsọsị nị. Di o ne tù ezirẹma ẹnyị ịzọọ nị.

Odeyi 21:5

Ịjị ẹkụhị ọnị yaa mẹ ịzọọ sị gụ, dị ị hụụ ịzọọ, dị ị sị oze ayị nị. Dị avaba ẹnịnị, ose beri ezi sị yị va tụ́ huuu va para ẹkụra hu nị. Dị avaba ayị ku ẹtẹ ụtọ oku, dị ị mẹ̀ aduwa nị.

Odeyi 28:10

Ệ mẹ yị ẹyịza ẹtẹẹtẹrẹ. Ị mẹ̀ ngụ ẹpa aa na, dị ẹ kụ́ ịsa oni i vee sìi yị nị.

Aniroomi 15:24

Ụmẹ tụra ụmẹ ọnị màa kụkụ aa nọ Isipeni, mị vaa há ịda awụ nịnị. Mee ro ka ụ vaa gụ mị ụvọ ka ma zụ na nịnị, màa zị oze ịda awụ nịnị, dị mị raà yà ịda awụ nịnị chee nị.

1 Anịkọrịntị 16:11

Asị a nyị ọza ana sị eyi wụ ọọ o! Gụ ọ ụvọ nịnị, dị ọ̀ nyẹngụ nyima ụsẹ anị ịnị ẹngwọọrọ, dị ọ̀ rẹ zụ vavẹ ve tù mi. Mee zí ọnịrị ẹyịnyara ayị ana vọ eyi.

1 Anịkọrịntị 16:12

Ịnị ịrẹyị ẹnẹbẹnị ayị Aporo, mâ da ịpẹ yọ ẹtẹẹtẹrẹ ka ọnịrị ẹyịnyara ayị ana vọ è ve hee wu nịnị. Ama mee ro ka o yi sì ka ọnị ọ̀ vẹ booro aanị. Ama òo si oze re, ọ vaa vẹ.