Ịtayịtọsị 3:1 - IWE ỌNỊNỊ

¹ Tama aza awụ ayị ka ẹ̀ ká ịrẹsụ hi yị aza anaa mẹ ịjọva, dị ẹ̀ẹ wụ́ ịrẹyị ẹnịnị. Ẹnịnị è re tenyi ẹngụ dị ẹ̀ẹ mẹ̀ ịsa tụra ịsa ene èe zoza.

Ịtayịtọsị 3:1 ပူးပေါင်းရင်းမြစ်များ

Ụhịrẹyị 24:21

Ozi emi, nyị angwahi Ẹnẹyịmavara ọnịrị ohinọyị. Asị ụ zị ògù aza anaa mẹ̀ akamawụ hị́ wa.

Ịrẹyị Ọzwọzịsa 10:4

Ohinọyị aa kụ ayị hi wụ, asị ụ hụrị ịzị ụ yà, wàa zaku hẹẹ, ọ zụ mẹ ka ọ̀ sị eyi hụụnị avaba akụvị ọnị ụ mẹ.

Ayịsaya 43:26

Kà a nịnị, ịsị ụ waa ka maa mẹ̀ nịnị, dị ya kụ ẹngụ tu ikootu. Kụ́ irenu awụ nịnị ana sị zụ ka ịzẹyịza ịrẹyị awụ nịnị vị nị.

Ijeremaya 27:17

Asị ụ wụ́ ịrẹyị ẹnịnị o! Hụrẹ ẹngụ awụ nịnị ụvọ yị ohinọyị Anibabironiya dị wa yara nịnị. Sị ẹ vẹ dị aa vaa hụ aza hụrị ẹkụra ọnọnị kẹnẹ-kẹnẹ?

Imatiwu 22:21

Dị ẹnịnị kà a yọ ka óohinọyị Aniroomi yọ nị. Dị Ijeesu kà a yị wa ka, “Ẹ̀hẹẹ, sị ịsa ana àa vị óohinọyị Aniroomi yị ohinọyị ọnọọ nịnị; dị ụ wa rẹ sị ịsa ana àa vị ịsa Ohomorihi yị Ohomorihi nịnị!”

1 Anịkọrịntị 15:58

Ẹwụ nịnị ẹyịnyara amị, re ka wa hụ agụvị avọọ jẹẹ geri-geri nịnị, asị ụ zizi! Waa sị avaba ụmẹẹ mẹ ụkọrọọ yị Ananyị yị nịnị pooro, agụvị ka wâ yẹ nịnị ka ẹ yị nyị ịsị ụ mẹ yị Ananyị yị nịnị ana zụ vị ọọhẹ kẹnẹ.

Anẹhwẹsọsị 2:10

Ụkọrọ ụvọ Ohomorihi ị vị nị, ộ mẹ̀ ka ẹyịrị Ijeesu Ikirisiti ọ̀ vị ọnya, agụvị dị yaa zụụ mẹ̀ ịsa ozoza ọnị ọ vịdị sị eto anị mẹ tịtẹ ka ị vaa mẹ.

Iwe Ọhụhị Imosiisi ana aa hị́ Ọyịvatụrọda 17:12

Ọza tụra ọza ene ro ka ọnị ọ zụ mẹ akamawụ hi ọmọkarẹyị, a vị ohirẹsụ irehi Ohomorihi nịnị, vị ana vaa wụ̀; agụvị ebira odivi ọ hụrẹ ẹtẹ Isirẹrị.

Anihwiripi 1:11

dị ụ wa rẹ zụụ mẹ̀ ebira ana vọrọ tụra ọza oni Ohomorihi raà jị ịhị yị. Ijeesu Ikirisiti ọọ̄ mẹ̀ ka ọza ọ̀ vavọọ zụ mẹ̀ ebira nị. Ọnọọ vaa mẹ ka aza ẹ̀ẹ sị ụga ọnịrị ụbanyịị yị Ohomorihi.

Anikorasi 1:10

Ịrẹyọyẹ ọnọọ vaa mẹ ka wa zụụ zị ụsẹ ana vọrọ ini eyi Ananyị yị nịnị, di o re zé eyi ẹtẹẹtẹrẹ; dị ẹhẹ awụ nịnị ọ̀ zụ nyị ẹtụtụ ịnị avaba ịsị ụ wàaa mẹ nịnị. Dị ụ raa yẹ Ohomorihii hu avọọ nịnị.

1 Itimoti 2:2

Ẹ̀ẹ mẹ̀ aduwaa yị ohinọyị nịnị ọnịrị aza ana nyị ọda! Ọnọọ vaa mẹ ka ya zụ nyị ebira hẹẹ, dị yaa mẹ ẹhẹ ẹngwọọrọ, dị yaa mẹ mẹ̀ ebira oni Ohomorihi sì dị ọ rẹ vọrọ ini oze tụra oze.

1 Itimoti 4:6

Wàa tama anda ayị nịnị ayị ini oze ịrẹyị ẹnẹẹ, ọnụkọrọ ozoza u waa vịị yị Ijeesu Ikirisiti nị. Wáa sị ịrẹyị ẹdọwụ ọnịrị ịzẹyịza ana a raà sị zụ̀ wụ, dị ụ saasaa pá ẹngụ awụ.

1 Itimoti 5:10

Dị à va dọ osoku, a rẹ vọrọ ka aza ẹ̀ẹ kà ịrẹyị ọyịza anị, agụvị ka aa mẹ̀ ịsa ozoza. A rẹ vọrọ ka ọ̀ vị ọnẹẹ ana pá ezi anị ẹtẹẹtẹrẹ, dị ò reē sì ọzọga. A rẹ vọrọ ka ọ̀ vị ọza ana raà nyịna aza Ohomorihi ahụ da, dị ọ̀ vị ọza anaā mẹ ọgụvọọ yị aza ana aa rị ụya, dị ọ̀ rẹ vị ọza ana ahịka ịsa ozoza ọọ̄ mẹ̀ pooro nị.

2 Itimoti 1:6

Agụvị avọọ, mee sì ka wa tamayị ụkata oni Ohomorihi sị wụ, m mẹ̀ sị ụvọ tụra wụ, dị mị mẹ̀ aduwaa wụ. Waa sị ụkata ọnọọ mẹ̀ ịsaa hu avọọ.

2 Itimoti 2:14

Waa tama aza awụ ayị ịrẹyị ẹnẹnị! Waa kà wa ọnọ ẹtẹẹtẹrẹ ọ́vịdị Ananyị yị ka asị ẹ rẹ̀ zyaazị tụ́ ịnị ịrẹyị! Ọ yị nyị ọgụ; ama aza ana aa wụ́ ọọ, vị ọnị ọ hyakụ ee du.

2 Itimoti 2:21

Ọza ana àa sị ẹngụ anị hụụnị avaba ịsa edivi ẹnẹnị, vị ana vaa yà anka ẹnya ana a sịị̄ mẹ̀ ịsa obooro, agụvị ka ọ raà sị ẹngụ anị tụ́ irenyi yị Ọga anị; ọ rụra Ọga anị mẹ̀ ụkọrọ. Óo tenyi ẹngụ ka Ọga anị ọ̀ọ sị ọnịị mẹ̀ ụkọrọ ozoza-ozoza.

Ịtayịtọsị 1:16

Ẹẹ̄ sị irenuu kà a ka ẹnị ẹẹ̄ yẹ Ohomorihi, ama ebira ẹnịnị ẹ́ yị sị zụ ka ẹ́ẹ yẹ Ohomorihi. Ịsa eenyisi ẹnịnịị̄ mẹ nị, dị ẹ rẹ yaa mẹ akamawụ nị, ẹ yị nyị ịsa ozoza ẹnẹ ẹnịnị zụ mẹ vụrụ-vụrụ.

Ịtayịtọsị 2:14

Ijeesu ọnọọ ọ vịdị sị ẹngụ anịị yị, agụvị dị ọ̀ zụ hị́ yị varẹma nị, agụvị dị ya zụ há hụụnị avaba ịsa edivi. Dị ọ́ mẹ ayị ayị ọnịnị, dị ị kụkụ sị vị aza anị ana aa sịị vụrị ka yaa mẹ̀ ịsa ene zoza nị.

Ịtayịtọsị 3:14

Sị zụ̀ aza ayị nịnị, dị ẹ̀ yẹ ka aa vọrọ ka ẹnị ẹ̀ ẹ mẹ̀ ịsa ozozaa yị aza ẹnẹ ẹ̀ yị nyị ịsa. Ẹnịnị ẹ̀ vavọọ mẹ, agụvị asị ẹhẹ ẹnịnị vị kẹnẹ-kẹnẹ.

Ịtayịtọsị 3:8

Ịrẹyị ọnị maa kà a wụ aanị vị ịzẹyịza. Mee sì ka wa sị ọtụtụrụma tụ́ ọ hi wa ụtọ, agụvị aza ana raà sị ayị tụra Ohomorihi, ẹ̀ zụ sị ọ tụ́ ịnị ayị, dị ẹ̀ mẹ̀ ịsa ene zoza. Ịrẹyị ẹnẹnị ée zoza, ẹ rẹ nyị ọgụ yị ọza.

Anihiburu 13:21

Ohomorihi ọnọọ ọ̀ sị avaba ịsa ozoza yị wụ nịnị, dị ụ wa zụ mẹ̀ ịsa oni o sì ka wa mẹ nịnị! Ohomorihi ọ̀ rẹ mẹ yị ini oze Ijeesu Ikirisiti, dị ya zụ vị ịsị o sì ka ya vị. Ijeesu Ikirisiti ọnọọ ọ vaa nyị ụbanyị pooro zịna-zịna nị. Aamị.

2Ipita 1:12

Agụvị avọọ miī sì ka maa tama wụ nịnị ayị ịsa ẹnẹnị ụpọsa-ụpọsa nị, ma daka yẹ ka waa yẹ wa nịnị, dị ụ rẹ jẹẹ geri-geri nịnị ịnị ịrẹyị ịzẹyịza ana a sị kà wụ nịnị.

Ijudi 1:5

Máa yẹ ka â vịdị sị ọ kà yị wụ nịnị, ama mee sì ka ma rẹ tama wụ nịnị ayị ịrẹyị ọnọnị: Ohomorihi ộ dọ aza anị ha hụụnị ẹtẹ Ijipiti. Aza ẹnyị ẹ̀ yị mẹ̀ wụ́ ịrẹyị anị, dị ọ wụ̀ wa nị.