Ịtayịtọsị 2:8 - IWE ỌNỊNỊ

⁸ Waa kà ịrẹyị ịzẹyịza, agụvị asị ọza zụ kụ hịrẹ ịrẹyị awụ. Wàa vavọọ aa mẹ, ọza ana àa ka ọnị aa kụ̀ụ hịrẹ ịrẹyị awụ, ụhị vaa nyị ọ, agụvị ka é yi vee re ịrẹyị odivi ayị ana a vọrọ ka ọ̀ọ kà.

Ịtayịtọsị 2:8 ပူးပေါင်းရင်းမြစ်များ

Inehemaya 5:9

Dị mị kà a yị wa ka; ịsị ẹyaa mẹ aanị e yi zoza o. Â vọrọ ka ẹnịnị è hí angwahi Ohomorihi ịnị ịsị ẹ̀ẹ yaa mẹ, agụvị enyinyi anẹkụra ana vọ ana vị ọnịvị ẹnịnị.

Ayịsaya 66:5

Batọ ịrẹyị Ẹnẹyịmavara ẹwụ nịnị ene hí angwa anị: Aza awụ nịnị ana nyị ịhyẹrẹ awụ di e yi wụ tịtẹ agụvị anị vaa sị wụ nịnị mẹ enyi ini. Dị ẹ ka, Ẹnẹyịmavara ọ́ sị ụkata anị zụ dị ẹnị e re kẹ. Ama ẹnị a vaa mẹ̀ ụhị nyị nị.

Ịmaakị 12:17

Dị Ijeesu kà a yị wa ka, “Ẹ̀hẹẹ, sị ịsa ana àa vị óohinọyị Aniroomi, yị ohinọyị ọnọọ nịnị; dị ụ wa rẹ sị ịsa ana àa vị ịsa Ohomorihi, yị Ohomorihi nịnị!” Ịrẹyị Ijeesu o si hí wa irenu.

Ịmaakị 12:28

Ọza ịnya ịnị ọzwọzọda nịnị yà ịzọọ. Ộ wụ́ ịrẹyị ẹnẹ ẹyaa kụ́; o re re, Íjeesu mẹmẹ tụ́ wa ohi ẹtẹẹtẹrẹ. Agụvị avọọ dị ọ ká Ijeesu vẹ, dị ọ họ̀ ọ ka, “Ye re ọda ene hu keekere ịnị avaba ọda?”

Ịmaakị 12:32

Dị ọzwọzọda ọnọọ ka, “Nda, avọọ yịị yọ! Ịzẹyịza, Ohomorihi vị ọnya. Ẹ yị nyị Ohomorihi ọsa, ẹ̀ yị vị ọnịnya.

Ịmaakị 12:34

Íjeesu mè re ka ộ sị ịrẹyọyẹ tụ́ ohi, dị ọ kà a yọ ka, “We yi noze rịrị ịzị Ohomorihi yà aa mẹ ịjọva.” Ịrẹma ọsọnị, ẹ yị nyị ọza ana vana nyayịnẹ họ̀ ọ use ịrẹyị ọnyọọnyị.

Iruuku 13:17

Ịjị ọ maanị sị kà, dị ụhị kụkụ aa nyị avaba ọnịvị anị nị. Dị avaba aza ana vọ ẹnị aa jẹ agụvị ịsa ọbanyị ana aa mẹ nị.

2 Anịtẹsaronika 3:14

Àa nyị aza ẹnẹ ẹ̀yị dọ ịrẹyị ọnị yaa chẹrẹ ẹ tụ́ụ hi wu nịnị aanị, sị eyi pe ẹngụ aza ẹnẹẹ, di u we re ka ẹ yị nyị ịsị ẹ kụ́ ẹwụrị ọọ gẹ nịnị, agụvị dị ụhị ọ̀ zụ nyị ọọ.

1 Itimoti 5:14

Agụvị avọọ, mị yaanị sì ka ezweyi ana àa vị osoku, ẹ̀ na nyị ọnọrụ ọsa, dị ẹ̀ ma ozi, dị ẹ̀ sị eyi pe irehi ẹnịnị, agụvị asị ẹ sị oze yị ọnịvị ka ọ̀ọ kà ịrẹyị odivi.

1 Itimoti 6:3

Ọza ana àa sị ịrẹyị ọsa zụ̀ aza, dị ọ̀yị saasa ịrẹyị obooro ana vị ịrẹyị Ijeesu Ikirisiti Ananyị yị, dị ọ̀yị rẹ saasa ebira ene zé Ohomorihi eyi ọnị yaa sịị zụ̀ aza nị,

Ịtayịtọsị 3:14

Sị zụ̀ aza ayị nịnị, dị ẹ̀ yẹ ka aa vọrọ ka ẹnị ẹ̀ ẹ mẹ̀ ịsa ozozaa yị aza ẹnẹ ẹ̀ yị nyị ịsa. Ẹnịnị ẹ̀ vavọọ mẹ, agụvị asị ẹhẹ ẹnịnị vị kẹnẹ-kẹnẹ.

1Ipita 2:12

Waa mẹ̀ ebira ọyịza, ụ mẹ yà ịnị akakana anarịmadọwụ nịnị aanị. Aza ẹnẹẹ ẹ̀ẹ daka aa kà ịrẹyị odivi awụ nịnị, áa vọrọ ka è zụ ré ebira ọyịza awụ nịnị, dị ẹ̀ zụ sị ụga yị Ohomorihi ịnị ẹkụhị oni òo ve tù wa.

1Ipita 2:15

Ohomorihi ô sì ka waa mẹ̀ ebira ọyịza, agụvị dị ụ wa zụ mẹ ka ọnụra nịnị ẹnẹ ẹ̀ yị nyị ịsị ẹ yẹ, ẹ̀ sị irenu ẹnịnị kú oku.

1Ipita 3:16

Ama re ka waa và ayị nẹtẹ, dị ụ wa rẹ sị ụbanyị yị wa. Nyị ayị ozoza, agụvị aza ana àa kà ịrẹyị odivi awụ nịnị, ụhị ọ̀ zụ nyị aza ẹnẹẹ ana aa kụ̀ wụ nịnị ụhụ, agụvị ka aza vee re ka ebira awụ nịnị óo zoza anka ọza ana aa saasa Ikirisiti.