Ịtayịtọsị 2:2 - IWE ỌNỊNỊ

² Kàa yị anọrụ ana sị vị azọkụ ka ẹ̀ sị ụvọ za ẹngụ ẹnịnị, dị ẹ̀ nyị ebira ana vọrọ, dị ẹ̀ẹ mẹ̀ ebira ịrẹyọyẹ. Ẹnịnị ẹ̀ sị ayị tụ́ ịnị ẹdọwụ obooro. Kàa ka èe sì ịrẹyị ọza, dị ẹ̀ rẹ nyị ayọnẹtẹ.

Ịtayịtọsị 2:2 ပူးပေါင်းရင်းမြစ်များ

Ijoovu 12:12

Ịrẹyọyẹ wàa ya ịnị orubo nị

Ahẹ Ụgama 92:14

Ọchị ẹnẹẹ mẹ̀ sị vị ọzọkụ, ẹngụ ẹnịnị vi ene hi hunẹnẹ, dị ẹ yaa tịị tụ́.

Ụhịrẹyị 16:31

Ẹwa vị ụbanyị yị ọza ene bo tu ọ; aha ọ vị ka ọza ọ ra ẹhẹ ọyịza nị.

Ayịsaya 65:20

Ezinụvọ e yi me vene sú ini ozweyi. Avaba aza vaa mẹ ẹhẹ ẹnịnịị tu oruva. Aza ana àa vị ịrayị ẹchẹhị di e su nị, vị ana a vaa hị́ ezweyi. Ọza ẹnẹ ẹ̀ yị gụ ịrayị ẹchẹhị di o su nị, vị ana si zụ ka vị a sị ụya rị ọ nị.

Ireevi 19:32

Ọ́ ka ẹnịnị ẹ̀ kwẹẹtẹ jẹ yị azọkụ nịnị, dị ẹ̀ sị ụbanyị yị wa. Ẹnịnị ẹ̀ sị ụbanyị ọnị Ohomorihi ẹnịnị dị ẹẹ saasa ịrẹyị anị; ọnị ọ vị Ẹnẹyịmavara nị.

Ịmaakị 5:15

Ẹnịnị ê ve tù Ijeesu, di e re ọza ana vịdị nyị ọkọnị ụhwẹ echu aanị ka ộ yaayịtẹ hẹẹ ịzọọ, ộ sị ịta kú ẹngụ, ọ sị ịrẹyọyẹ nyị nị. Dị angwa ee hí avaba ẹnịnị nị.

Iruuku 8:35

Dị anẹkụra ẹnẹẹ na ka eni è ne re ịsị ẹ mẹ nị. Di e ve tù Ijeesu ọnịrị ọza ọnọọ dụ ụhwẹ echu hụụnị ẹngụ anị ka ộ sị ịta kú ẹngụ, ộ yaayịtẹ, ọ kụkụ sị ịrẹyọyẹ nyị nị. Dị angwa ee hí wa nị.

Odeyi 24:25

Ịjị Ịpọọrụ aa kà ịrẹyị ka â vọrọ ka ọza ọ̀ọ mẹ ịzẹyịza, dị ọ̀ sị ụvọ za ẹngụ anị, dị ọ rẹ ka ẹkụhị ọkarẹyị aa vẹ, angwa ee hí Ịhwẹrịsị. Dị ọ ka Ịpọọrụ ọ̀ọ na da, ka ọnị rẹ vanaa tụ́ hị́ ọọ, ịhị oni òo re oze nị.

Aniroomi 12:3

Ohomorihi ộ vayị amị ẹtẹẹtẹrẹ, agụvị avọọ maa kà a yị avaba awụ nịnị ka: Asị a nyị ọza ene ne re ẹngụ anị huna ọpa ọnọọ vị ịnị awụ nịnị! Ama ọzọza ọ̀ sị ụvọ za ẹngụ anị ịnị ẹngụ ịrẹyị oni u wèe ro nịnị! Anka Óhomorihi ọ̀ọ mẹ̀ sị ụkata yị ọzọza ka ọ̀ dọ wụ́, ọzọza ọ̀ vavọọ yẹ ẹngụ anị!

1 Anịkọrịntị 15:34

Varẹma waa mẹ ịzẹyịza nịnị, asị ụ rẹ̀ mẹ̀ ebira odivi nịnị! Aza ẹnyị ẹ yị yẹ Ohomorihi vụrụ-vụrụ. M maanị aa kà a, vị ụhị ọ̀ nyị wụ nịnị.

1 Anịkọrịntị 9:25

Avaba aza eneē zwe echi vị eneē tenyi ẹngụ ẹnịnị ẹtẹẹtẹrẹ ini oze tụra oze. Ẹnịnị vavọọ aa mẹ ka ẹnị ẹ̀ zụ dọ ịsa ọnịpaapa, ana hi ka o vee du. Ama ịsị ẹyị vaa dọ, o mē du.

2 Anịkọrịntị 5:13

Yàa daka ee che uvu, yee che e yi Ohomorihi. Yàa va yẹ ịrẹyị, yâ yẹ ẹ agụvị awụ nịnị.

Anigaratiya 5:23

ịrẹsụ ọkahi ne beri ẹngụ ọza ọyịsị ụvọ za. Ẹ yị nyị ọda ana za aza ana aa mẹ ẹsẹnị.

Anihwiripi 4:8

Ẹwụ nịnị ẹyịnyara amị, maa za ịrẹyị amị ịrẹsụ. Ẹngụ ịrẹyị ẹnẹnị a vọrọ ka wee ro nịnị nị: ịrẹyị ana àa vị ịzẹyịza, dị ọ vị ịrẹyị obooro nị, ọnịrị ịrẹyị ana àa vọrọ, dị ọ rẹ nị nị, beri ịrẹyị ana aza èe sì ịrẹyị anị, dị a raa kà ọyịza anị nị; ịsị ẹ̀ẹ vị ebira ozoza, dị aza raa ga a nị, wee ro ẹngụ ịrẹyị ọnọọ nịnị.

1 Anịtẹsaronika 5:6

Agụvị avọọ, asị rẹ và ẹngụ hi ẹtẹ anka aza ana vọ. Ama à vẹ yee zí, dị ya sị ụvọ za ẹngụ ayị.

1 Anịtẹsaronika 5:8

Ama ẹyị ana vị aza ẹtohweyi, À vẹ yaa sị ayịị tụra Ohomorihi pooro, di yee sì ịrẹyị ọza; ọnọọ vị ana sị mẹẹ awuru enyusẹ-enyusẹ ene e siī kú ịrachị avọọ. A vẹ ya sị eyi tụ́ ịnị ẹdọha ayị, ọnị vị ana sị mẹẹ amu enyusẹ-enyusẹ avọọ.

1 Itimoti 1:10

Ọ rẹ mẹ ọda agụvị enebira ịdọtị ọnịrị onireche beri aza anaā dọ ivenu ireche, ọnịrị aza anaā mẹ̀ ịsa ana vọ ana jị ịrẹyị Ohomorihi ana a raà sị zụ̀ wụ nịnị nyee.

1 Itimoti 1:14

Ananyị yị ọ va vayị amị ẹnẹmẹhị; ộ mẹ̀ ka ma zụ sị ayị tụra ọnị, di me ree sì ịrẹyị ọza. Ọza ọnị ọnịrị Ijeesu Ikirisiti sị vị ọnya, ọọ̄ vavọọ mẹẹ yị nị.

1 Itimoti 1:2

Maa chẹrẹ iwe ọnọnịị tụ́ụ hi wu Itimoti, ana vị ozi emi ini oze ka ẹma sị ọọ vẹ ka ọ̀ va sị ayị tụra Ohomorihi nị. Ohomorihi Ada ayị ọnịrị Ijeesu Ikirisiti Ananyị yị ẹ̀ mẹ ọyịza wụ, ọ vayị awụ, dị ẹ̀ rẹ mẹ ẹngwọọrọ yị wụ.

1 Itimoti 1:5

Iruvo ọnị maa sịị kà wụ ọnọ ọnọnị ọ vị ka ọ̀ mẹ ka anị ịzọọ ẹ̀ zụ nyị ịrẹyị ọza oyisì ana hụụnị ayị aza ana sị ayị tụra Ohomorihi obooro vẹ.

1 Itimoti 3:11

A rẹ vọrọ ka ose ẹnịnị ẹ̀ nyị ebira ana vọrọ. Asị ẹ vị aza eneē du aza ịrẹsụ, dị ẹ̀ zụ sị ụvọ za ẹngụ ẹnịnị, dị ẹ̀ rẹ vị aza ana a zụ sị ayị tụra ịnị avaba ịsa.

1 Itimoti 3:2

Ama ẹ́ yị vọrọ ka ọdọvịdị ịragụ ọ̀ nyị ohuvọ pẹrẹ. Ọnẹẹ ikonya a rẹ vọrọ ka ọ̀ nyị nị. Áa vọrọ ka ọ̀ vị ọza ana zụ sị ụvọ za ẹngụ anị, dị ọ̀ rẹẹ mẹ̀ ebira ịrẹyọyẹ. Áa vọrọ ka ọdọvịdị ịragụ ọ̀ọ mẹ̀ ebira ana vọrọ, dị òo sì ọzọga, dị ọ̀ rẹ zụụ sị ịsaa zụ̀ aza.

1 Itimoti 3:4

Áa vọrọ ka ọdọvịdị ịragụ Ohomorihi ọ̀ zụ sị ụvọ za irehi anị ẹtẹẹtẹrẹ, dị ezi anị ẹ̀ẹ wụ́ ịrẹyị anị, dị ẹ̀ sị ụbanyị yọ ẹtẹẹtẹrẹ.

1 Itimoti 3:8

Aza ana aa mẹ ọgụvọ ịnị ịragụ Ohomorihi, áa vọrọ ka ẹnị ẹ̀ rẹ nyị ebira ana vọrọ. Ẹ́ yị vọrọ ka ẹ̀ vị ọnịrarẹ ẹẹva. Asị ẹnị dọ ọda eche oyihú, dị asị ẹ rẹ vị ọza anaā sịị ayịị tụ́ ịnị ẹkẹhị kẹnẹ!

1 Itimoti 5:1

Asị ụ na sị ọyịkụ tụ́ ọzọkụ ohuvọ! Ama tangwaa dá ịpẹẹ yọ anka ada awụ avọọ! Waa mẹẹ hi ọpa ezweyi anka ẹyịnyara awụ avọọ!

Ịtayịtọsị 1:13

Ịrẹyị ọnọọ vị ịzẹyịza. Agụvị avọọ, tụ́ wa ohuvọ ẹtẹẹtẹrẹ, agụvị ẹ̀ vara ayị ẹnịnị tụ́ ini oze ẹdọwụ obooro.

Ịtayịtọsị 1:8

Ama áa vọrọ ka ọ̀ vị ọza eneē sì ọzọga, dị ó re sì avaba ịsa ene zoza. Áa rẹ vọrọ ka ọ̀ zụ mẹ̀ ebira ịrẹyọyẹ, dị ọ̀ vị ọnịzẹyịza, dị ọ̀ nyị ebira ọnịnị, dị ọ̀ rẹ sị ụvọ za ẹngụ anị.

Ịtayịtọsị 2:7

Ẹwụ ụvọta ọ̀ọ mẹ̀ ebira ẹtẹẹrẹ, dị aza ẹ̀ zụụ sị ịrẹyị awụụ hị́ ọsa, dị ẹ̀ rẹ zụụ hama wụ. Nyị ayị ọnya, dụ wa rẹ sị ayị tụ́ ịnị ịsa ọnị waa sịị zụ̀ aza, dụ wa nyị isuuru ịnị anị.

Ihwirimọnị 1:9

Ama agụvị ka me sì ịrẹyị awụ, ịpẹ m maa dáa wụ nị. Wáa yẹ ka ẹmị Ịpọọrụ, ma sị vị ọzọkụ, dị mị rẹ yà ịnị ẹngwa agụvị Ijeesu Ikirisiti booro aanị nị.

1Ipita 1:13

Agụvị avọọ, tenyi ayị awụ nịnị, dị ụ wa ẹ sị ụvọ za ẹngụ awụ nịnị! Sị avaba ayị awụ tụ́ ịnị ẹyịza oni Ohomorihi vaa sị yị wụ nịnị, ịhị Ijeesu Ikirisiti ọ̀ọ sị ẹngụ zụ̀.

1Ipita 4:7

Ụmẹ ẹnẹ ẹhẹ ọnọnị vaa sị zẹtẹ, ọ sị gụrị ẹtẹ. Agụvị avọọ sị ụvọ za ẹngụ awụ nịnị, dị ụ wa sị eyi pe ẹtẹ, agụvị dị ụ wa zụụ mẹ̀ aduwa nịnị!

1Ipita 5:8

Sị ụvọ za ẹngụ awụ nịnị, dị ụ wa sị eyi pe ẹtẹ nịnị, agụvị ka Echu ana vị ọnịvị awụ nịnị, aa ngwọọ zịịzị anka idu ene ee nowuu zị avọọ, ee sì ọza ọnị ọọ wụụ rị.

2Ipita 1:6

re ka wa nyẹngụ sị ụvọ za ẹngụ awụ beri ịrẹyọyẹ awụ! Ụ mẹ̀ sị ụvọ za ẹngụ awụ, re ka wa nyẹngụ sị ẹngụ dọ ịrẹyị, dụ wa rẹ nyị ebira ene zé Ohomorihi eyi vaka ẹngụ ọyịsị dọ ịrẹyị!