Ịtayịtọsị 2:13 - IWE ỌNỊNỊ

¹³ Yáa jẹẹ ee zí ụmẹ ọnọọ ọnị ị vaa sị nyị ayohine ẹtẹẹtẹrẹ. Ụmẹ ọnọọ avaba aza ve sii re igirima Ohomorihi ana nyị ụbanyị, ana vị Ijeesu Ikirisiti Ọdọzaha ayị nị.

Ịtayịtọsị 2:13 ပူးပေါင်းရင်းမြစ်များ

Ayịsaya 25:9

Ịjị ụmẹ ọnọọ ọ̀ọ vẹ, avaba aza vaa kà a ka Ohomorihi ayị yọ. Yâ sị ayị tụra a, dị ọ dọ yị tụ́ nị. Ọnị ọ vị Ẹnẹyịmavara nị, ọnị ị sị ayị tụra nị. Ọ sị yị dọ ha; agụvị avọọ à vẹ vị yaa jẹ ịrajẹ.

Imatiwu 16:27

Agụvị ka Ozi ọza onigirima vaa vẹ beri anggẹẹrị nịnị ini igirima Ada anị; ịjọnọọ dị ọ sị ọgụ ụkọrọ ọzọza yọ anka ụkọrọ ọzọza.

Imatiwu 25:31

“Ịhị Ozi ọza onigirima ọ̀ọ vẹ ini igirima anị beri avaba anggẹẹrị ọnịnị nịnị, ọ vaa yaayịtẹ ị́rẹsụ aga igirima anị.

Imatiwu 26:64

Dị Ijeesu ka, “Ẹmịị yọ nị. Dị maa kà a yị wụ nịnị ka hụrẹ ọyaanị na, u vee re ẹmị Ozi ọza onigirima ka mâ yaayịtẹ éyi ụvọrị Ohomorihi Ochẹtẹngụ. Mị vaa vẹ ini eguhi ẹ́bẹẹba.”

Ịmaakị 14:62

Dị Ijeesu ka, “Ẹ mịị yọ nị. U vee re ẹmị Ozi ọza onigirima ka mâ yaayịtẹ eyi ụvọrị Ohomorihi Ochẹtẹngụ. Mị vaa vẹ ịnị eguhi ẹ́bẹẹba.”

Ịmaakị 8:38

Agụvị avọọ àa nyị ọza ịnị ẹhẹ odivi ọnọnị, ana aa nyị ụhị ọ̀yị dọ irenu ka ọnị vị áamị, dị ọ raa nyị ụhị ịrẹyị amị nị, ẹmị Ozi ọza onigirima rẹ vaa nyị ụhị ọ̀yị kà a ka áamị ọza ọnọọ vị nị, ịjị màa vavẹ ini igirima ada amị beri anggẹẹrị ọnịnị nịnị.”

Odeyi 24:15

Ẹma rẹ nyị ọyịtureyi ini Ohomorihi, anka ẹ́nị mẹ̀ rẹ nyị, ka oku nịnị vaa haa kwẹẹtẹ hụụnị isu, ọnọọ vị ka oku ọnịzẹyịza ọnịrị oku aza ẹnẹ ẹ̀ yị vị ọnịzẹyịza.

Aniroomi 15:13

Ohomorihi anaā mẹ ka ọza ọ̀ nyị ọyịtureyi, ọ̀ sị ịrajẹ yị wụ nịnị ẹtẹẹtẹrẹ ọnịrị ẹngwọọrọ, ụ màa sị ayịị tụraa nịnị. Ọnọọ vaa mẹ ka ụkata Ụhwẹ Ọnịnị ọ̀ mẹ ka wâ nyị oyitureyii hu avọọ nịnị.

Aniroomi 5:5

Yàa nyị ọyịtureyi, ụhị ọ yị vaa nyị yị, agụvị ka Ohomorihi ộ mẹ̀ ka ya yẹ, o meme sì ịrẹyị ayị ini oze Ụhwẹ Ohomorihi ọnị ọ sị tụ ịnị ayị ayị.

Aniroomi 8:18

Mâ yẹ kaakara ka ụya ọnị yaa rị booro aanị, ẹ yị nyị ịzị o vee tù ụbanyị oni Ohomorihi sị tịtẹ yị.

1 Anịkọrịntị 1:7

agụvị avọọ, ụ mẹ̀ jẹẹ ee zí ẹkụhị oni Ijeesu Ikirisiti Ananyị yị vaa sị sị ẹngụ anịị zụ̀ nịnị aanị, ẹ yị nyị ụkata ikonya oni Ohomorihiī sịị mẹ ọza ẹyịza ọnị ụ wẹ̀ yị nyị nịnị.

2 Anịkọrịntị 4:4

Ẹnịnị ẹ yị dọ wụ, agụvị ka Echu ana anẹhẹ nịnị aa hẹkẹ, ọ sị wa ayị gu. Ọ yị zẹẹ ka è re ẹtohweyi ene ee hweyii tụra wa. Etohweyi ọnọọ vị ana hụụnị enube ọyịza Ijeesu oni Ohomorihi nyị mẹ ohinọyị ka ọ̀ dọ há, ana nyị igirima vẹ. Ọza oni Ohomorihi nyị ọdọzaha aanị vị uhwoto Ohomorihi.

2 Anịkọrịntị 4:6

Ohomorihi ộ vịdị kà a ka ẹtohweyi vaa jịnẹ hụụnị ịrahụụ vẹ. Ohomorihi ọnọọ ọ̀ rẹ mẹ ka ẹtohweyi anị ọ̀ọ zẹtẹ ịnị ayị ayị, agụvị dị ya zụ yẹ igirima Ohomorihi ana aa zẹtẹ ini eyirẹsụ Ijeesu oni Ohomorihi nyị mẹ ohinọyị ka ọ̀ dọ yị há.

Anikorasi 1:23

Áa nyị ka wa yịị sị ayịị tụra Ijeesu nịnị, dị ụ wa jẹẹ geri-geri nịnị, dị asị ụ zẹẹ ka à hụrẹ wụ nịnị hụụnị ọyịtureyi ọnị ụ nyị nịnị, ụ mẹ̀ wụ́ enube ọyịza nịnị. Â kà enube ọyịza ọnọọ yị avaba anẹhẹ. Ụkọrọ enube ọyịza ọnọọ ẹmị Ịpọọrụ kụkụ aa mẹ nị.

Anikorasi 1:27

Ô zé Ohomorihi eyi ka ọ̀ sị zụ̀ aza anị ị́rẹyị ọnọọ mẹmẹ nyị ụbanyị, dị ọ rẹ nyị ọgụ yị avaba anẹhẹ. Ịrẹyị ọnọọ oni iruvo anị nyịnẹ yị Ikirisiti yà ịnị ayị awụ nịnị, agụvị avọọ waa tụra eyi ka ụ vaa nyị tụ́ ini igirima anị nịnị.

Anikorasi 1:5

Ụ vavọọ aa mẹ nịnị agụvị ka waa tụra eyi ẹyịza oni Ohomorihi sị tẹ wụ nịnị tụ́ ịdị anị. Ụ mẹ̀ vịdị wụ́ enube ọyịza ana vị ịzẹyịza nịnị kẹnẹ, â kà a wụ nịnị ini oze ẹyịza ọnọọ nị.

Anikorasi 3:4

Ikirisiti ọ vị ẹhẹ ayị nị; ịhị ọ̀ọ sị ẹngụ zụ̀, ẹyịrị ọ ọ vaa sị ẹngụụ zụ̀ ini igirima anị nị.

2 Anịtẹsaronika 2:16

Ijeesu Ikirisiti Ananyị yị ụvọta ọnịrị Ohomorihi Ada ayị ée sì ịrẹyị ayị. Ệ vayị ka ya nyị ayohunẹnẹ pooro zịna-zịna, dị ya rẹ nyị ọyịtureyi tụ́ ịnị ịsa ene zoza.

2 Anịtẹsaronika 2:8

Ịjọnọọ ọgọnị dị ọza odivi ọnọọ sị ẹngụ anị zụ̀. Dị Ijeesu Ananyị yị sị ụhwẹ ana aa tụ́ụ hụụnị irenu anịị vẹ, dị ọ sị wụ ọọ. Dị ọ rẹ sị ẹtohweyi ọnị ọ za vẹ, di o si vú ọ ẹtẹ.

1 Itimoti 1:1

Ẹma vị Ịpọọrụ ana vị odeyi Ijeesu Ikirisiti nị. Ohomorihi, Ọdọzaha ayị, ọnịrị Ijeesu Ikirisiti oni i sị eyi tụra, ọ mẹ ọda ka ma vị odeyi nị.

2 Itimoti 1:2

Maa chẹrẹ iwe ọnọnịị tụ́ụ hi wu Itimoti ozi emi, mée sì ịrẹyị awụ. Ohomorihi Ada ayị ọnịrị Ijeesu Ikirisiti Ananyị yị ẹ̀ mẹ ọyịza wụ, dị ẹ̀ vayị awụ, dị ẹ̀ rẹ mẹ ẹngwọọrọ yị wụ.

2 Itimoti 4:1

Wáa yẹ ka ẹkụhị ọnya Ijeesu Ikirisiti vaa vaa vẹ, dị ọ mẹ ka aza ẹ̀ yẹ ka ọnị aa mẹ ịjọva nị. Ọnị ọ rẹ vaa mẹ̀ ọkarẹyị aza ene sú ọnịrị aza ana yára nị. Máa sị Ijeesu ọnọọ ọnịrị Ohomorihi hú wu ụvọ

2 Itimoti 4:8

Máa yẹ ka ẹyịza ọbanyị oni Ohomorihiī sịị yị ọza ana mẹ̀ ebira ana vọrọ, ọ raà sị tẹ mị. Ananyị yị anaā sịị ịzẹyịzaa mẹ̀ ọkarẹyị vaa sị ọọ mị ịnị ẹkụhị ọnọọ. Ayị vị ẹmị ịnya kẹnẹ ọ vaa sịị yị; ọ rẹ vaa sịị yị avaba aza ene ee sì ọọ ka ọ̀ vavẹ.

Ịtayịtọsị 1:2

Mị vavọọ aa mẹ, agụvị ka máa nyị ọyịtureyi ka ị vaa yàra ịdị Ohomorihi pooro zịna-zịna. Ịsị Ohomorihi kà hụrị ụmọrụmọ dị a va yẹ ka aa mẹ ẹhẹ ọ vị ọnọọ nị. Yáa yẹ ka Ohomorihi o mē cheeche.

Ịtayịtọsị 1:4

Maa chẹrẹ iwe tụ́ụ hi wu, ozi emi Ịtayịtọsị, agụvị ka ẹmịrị ẹwụ óo dudu sị ayị tụra Ijeesu. Ohomorihi Ada ayị ọnịrị Ijeesu Ikirisiti Ọdọzaha ayị ẹ̀ mẹ ọyịza yị wụ o.

Ịtayịtọsị 3:4

Ịrẹma ẹnẹẹ, ụmẹ ọnya kẹnẹ, dị Ohomorihi Ọdọzaha ayị sị zụ̀ ka ọnị ọ́ọ ngụ ayị aza, dị o re sì ịrẹyị aza nị.

Anihiburu 9:28

Avọọ Íkirisiti ọnị mẹ̀ rẹ sị ẹngụ anị mẹ̀ ịsọvọ ụpẹ ọnya gene-gene nị, ka ọnị ọ̀ kụ́ ịvị aza ọrụrụ-ọrụrụ kwooze. Ọ rẹ vanaa vaa vẹ ịnị ẹhẹ ọnọnị, ama ayị vị agụvị ịvị. Aza ene ee zí ọọ eyi, aa vaa dọ ọ há nị.

1Ipita 1:3

À vẹ ya sị ụga yị Ohomorihi ana vị Ada Ijeesu Ikirisiti Ananyị yị! Ohomorihi ộ vayị ayị ẹtẹẹtẹrẹ, di o tenyi yị ma nị. Agụvị avọọ yáa nyị ọyịtureyi ka ị vaa yara ịdị anị pooro zịna-zịna, agụvị ka Ijeesu Ikirisiti ộ ha kwẹẹtẹ hụụnị isu.

1Ipita 1:7

Iruvo ẹzamare ẹnẹẹ ọ vị ka è zu ré ka ẹdọwụ obooro ụ nyị nịnị nị. Wâ yẹ igooru nịnị, ana ahịka oō du; ịra aā sịị zama a re ka à yẹ, àa vị obooro ọ vị nị. Avọọ ọ mẹ rẹ vị yị ẹdọwụ awụ nịnị nị, ana ahịka óo huna igooru ẹtẹẹtẹrẹ. Àa zama ẹdọwụ awụ nịnị re, dị ọdịrẹma anị vị ụga ọnịrị ụbanyị ne beri igirima, ịhị Ijeesu ọ̀ọ sị ẹngụ zụ̀.

2Ipita 1:1

Ẹmị a vị Ipita ana vị ozi ahụ ọnịrị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu avaba aza ana sị vị ọdọwụ. Agụvị ịzẹyịza Ijeesu Ikirisiti ana vị Ohomorihi ayị ọnịrị Ọdọzaha ayị, ọ̀ mẹ ka ẹ̀ nyị ẹdọwụ obooro, anka ẹyị mẹ̀ rẹ nyị nị.

2Ipita 3:18

Waa vịra nịnị ini oze Ijeesu Ikirisiti Ananyị yị ọnịrị Ọdọzaha ayị, agụvị dị ọ̀ọ mẹ ọyịzaa yị wụ nịnị hu avọọ, dị ụ wa rẹẹ yẹẹ hu avọọ nịnị! Ụbanyị ọ̀ vị áanị booro aanị ọnịrị pooro zịna-zịna, Aamị.

1 Ịjọọnụ 4:14

Ẹyị nyẹmba ô sị eyi ayị ree, ya rẹ dọ ivenu tụ́ ọ ka Ohomorihi Ada ayị ộ tụ́ Ozi anị vẹ ẹhẹ ka ọ̀ va dọ anẹhẹ há hụụnị ịvị ẹnịnị.

Ijudi 1:21

Sị ẹngụ awụ nịnị tụ́ ịnị ụvọ Ohomorihi, dị ụ wa tamayị ka ô sì ịrẹyị awụ nịnị, ụ mẹ jẹẹ ee zí ụmẹ ọnị Ijeesu Ikirisiti Ananyị yị vaa vẹ ịnị ayamva anị, dị ọ̀ va sị wụ nịnị ne pe ẹngụ ị́dị anị pooro zịna-zịna.

Ẹtore 1:7

Re! Aa vẹ ini eguhi. Avaba aza vee re e beri aza ana hyakụ jị ọha ngụ ọọ akaha. Avaba anẹhẹ vaa jị òrèrè agụvị anị. Avọọ gẹdẹ-gẹdẹ ọ mẹ̀ vị nị. Aamị.