Ịtayịtọsị 2:12 - IWE ỌNỊNỊ

¹² Ayamva ọnọọ aa sịị zụ̀ ka ya hụrẹ avaba ebira oni Ohomorihi è yi sì ụvọ, ọnịrị ịsa ẹhẹ ọnọnị ọnị ọchẹngụ ayịị̄ sì, ama dị yaa mẹ̀ ebira ịrẹyọyẹ, dị yaa mẹ̀ ịsa ana vọrọ ọnịrị ịsa oni Ohomorihi sì ịnị ẹhẹ ọnị ị yà aanị.

Ịtayịtọsị 2:12 ပူးပေါင်းရင်းမြစ်များ

Ahẹ Ụgama 105:45

Ohomorihi ộ vavọọ mẹ agụvị aza anị ẹ̀ zụ sị eyi pè ọda anị, dị ẹ̀ẹ saasa a. À vẹ vị yaa kụ́ Ẹnẹyịmavara.

Ahẹ Ụgama 4:3

Tamayị ka Ẹnẹyịmavara vị ana nyị ọnịzẹyịza jẹẹ yị ẹngụ anị. Mèe nowu hị́ ọ, ọ vaa ba mị owu.

Ezikẹẹrị 36:27

Ọnị vaa sị ụhwẹ anịị tụ wụ nịnị ịnẹ, dị ọnị mẹ ka waa saasa avaba ọda ọnị ọnị mẹ yị wụ nịnị.

Imatiwu 12:32

Ọza tụra ọza ana àa kà ịrẹyị odivi hi ẹmị Ozi ọza onigirima, a vaa vagu ọọ ịnị anị. Ama ọza ana àa kà ịrẹyị odivi hi Ụhwẹ Ọnịnị, ọza ọyị vaa vagu ọọ ịnị ẹhẹ ọnọnị ọnịrị ịnị ẹhẹ ana aa vẹ.”

Imatiwu 16:24

Dị Ijeesu kà a yị ezirẹma anị ka, “Ọza tụra ọza ana àa ka ọnị aa dụ mịị zị, â nyị ka ò hí ayị ẹngụ anị, dị ọ̀ za apavahị anị, dị ọ̀ọ dụ mị ịrẹmaa zị.

Imatiwu 28:20

Sị zụ̀ wa nịnị ka ẹ̀ẹ saasa avaba ịsa ọnị mị mẹ ọda anịị wụ nịnị! Tamayị, mị vaa yàa pe wu nịnị ịnị avaba ụmẹ pooro ne tù ọdịrẹma ẹhẹ.”

Iruuku 1:6

Ẹnị ẹyịva vị ọnịzẹyịza ini eyi Ohomorihi, dị ẹ rẹ yaa saasa avaba ọda Ohomorihi nị. Ẹnịnị ẹ yị sị ahụ jị ọchị nyee vụrụ-vụrụ.

Iruuku 1:75

dị ya vị aza ọnịnị ọnịrị ọnịrẹyịzẹyịza ini eyi anị ịnị avaba ẹhẹ ayị.

Ịjọọnụ 14:30

Me yi kuku sì ka ma kà ịrẹyịị wụ nịnị gọdọ hu aanị, agụvị ka ohinọyị ẹhẹ ọnọnị aa vẹ. Ama ọ yị nyị ụkata ị́rẹsụ amị.

Ịjọọnụ 6:25

Ịjị aza ẹnẹẹ si Ijeesu re ákẹnẹ irehu, dị ẹ kà a yọ ka, “Ho! Ọga, ye re ụmẹ ọnị ụ sị vẹ ịzẹnị?”

Odeyi 24:16

Dị maa sịị vụrị ka me re ka ayị amị ộ nị ọ́vịdị Ohomorihi ọnịrị aza nị.

Odeyi 24:25

Ịjị Ịpọọrụ aa kà ịrẹyị ka â vọrọ ka ọza ọ̀ọ mẹ ịzẹyịza, dị ọ̀ sị ụvọ za ẹngụ anị, dị ọ rẹ ka ẹkụhị ọkarẹyị aa vẹ, angwa ee hí Ịhwẹrịsị. Dị ọ ka Ịpọọrụ ọ̀ọ na da, ka ọnị rẹ vanaa tụ́ hị́ ọọ, ịhị oni òo re oze nị.

Aniroomi 12:2

Asị ụ rẹ̀ mẹ̀ ebira ana anẹhẹẹ̄ kẹnẹ mẹ nịnị! Ama navọ Ohomorihi ọ̀ vara ayị awụ nịnị ọwọọwa saka-saka! Ịjọnọọ ụ va zụụ yẹ ịsa oni Ohomorihi sì nịnị nị, ọnọọ vị ka ịsa ene zoza, di o zé Ohomorihi eyi, dị ọ rẹ gụ.

Aniroomi 6:12

Asị ụ kụkụ zẹẹ ka ịvị ọ̀ kụkụụ mẹ ọdaa tụra ẹngụ awụ nịnị, ana ahịka o vee sú! Asa ahịka ịsị ọchẹngụ awụ nịnị òo yi sì kẹnẹ, ẹwụ nịnị raa mẹ avọọ nị!

Aniroomi 6:19

Maa sị ịrẹyị ọzaa juwe anị, agụvị ka ịrẹyị ọ mā hụra ye wu nịnị. Ịyẹẹyẹ, wâ vịdị sị ọchẹngụ awụ nịnị mẹ̀ ebira ịdọtị, dị ụ raa mẹ̀ ebira edivi-edivi nịnị nị. Kụkụ rẹ vavọọ sị ọchẹngụ awụ nịnị yị Ohomorihi booro aanị, dụ wa kụkụụ mẹ̀ ịsa ana vọrọ, ọnọọ vị ka ebira ọnịnị!

Aniroomi 8:13

Wàa mẹ̀ ebira anka ọchẹngụ awụ nịnị mè sì kẹnẹ, isu aa za a ịrẹsụ nị. Ama wàa zị oze ịnị ụvọ Ụhwẹ Ohomorihi sị ịsa edivi ọnị ọchẹngụ awụ nịnịị̄ sì tịtẹ saka-saka, ụ vaa yàra nịnị pooro zịna-zịna.

2 Anịkọrịntị 1:12

Yâ yẹ ịnị ayị ịzẹyịza ka ebira ayị ịnị ẹhẹ ọnọnị ọnịrị ịsị yee pe wu nịnịị mẹ, ka ayị ọnya beri ebira Ohomorihi ị yaa sịị mẹ̀ ẹ nị. Ayamva Ohomorihi ọ mẹ ka ya vavọọ mẹ nị. Ẹ yị vị ịrẹyọyẹ ọza kẹnẹ ọ vị. Agụvị avọọ ị yaa sịị jẹ nị.

2 Anịkọrịntị 7:1

Ẹwụ nịnị anda ayị, avaba ayị a kà a ka a vaa mẹ̀ ịsa ẹnẹẹ yị nị. Agụvị avọọ, à vẹ ya nyịna ẹngụ ayị hụụnị avaba ịsị ẹẹ̄ mẹ ka asị ẹngụ ọza ọnịrị ayị ọza nị! À vẹ ya vị Ohomorihi saka-saka ini oze angwahi Ohomorihi ọyịnyị.

Anigaratiya 1:4

Ijeesu ọ sị ẹngụ anị mẹ̀ ịsọvọ yị ịvị ayị agụvị dị ọ̀ dọ yị tịtẹ hụụnị ịsa edivi ẹhẹ ọnọnị anka Ohomorihi Ada ayị me sì ọ.

Anigaratiya 5:24

Aza ana vị aza Ijeesu ẹ raà sị avaba ebira edivi ẹnẹẹ ẹnẹ ẹ vịdịị mẹ kwooze beri avaba ariro odivi ẹnịnị; ẹ raà kanyị ọọ za ọchị apavahị.

Anẹhwẹsọsị 1:4

Hụrị ụmọrụmọ dị a va yẹ ka aa mẹ ẹhẹ, Ohomorihi hụrẹ nyị yị agụvị Ikirisiti ka ya mẹ̀ ebira ọnịnị, dị asị ị nyị ohuvọ ini eyi anị, di yee sì ịrẹyị aza nị.

Anẹhwẹsọsị 2:2

Ịnị ụmẹ ọnọọ, ebira odivi anẹhẹ ụ waa saasa nịnị nị. Waa mẹ̀ ịsa ọnị ọga ụhwẹ echu nịnị ana nyị ụkata hi ẹbẹẹba ẹ̀ẹ kà ka wa mẹ nịnị. Ụhwẹ echu ọnọọ aa yịị mẹ ọda tụra aza ẹnẹ ẹ̀ yị mā wụ́ ịrẹyị Ohomorihi ịrẹsụ nị.

Anikorasi 1:22

Ama ọyaanị, ini oze isu oni Ozi anị sú, Ohomorihi ọ sị wụ nịnị vara ọta anị. Ô sú, agụvị ọ̀ zụ sị wụ nịnị nọ ịdị Ohomorihi, dị ụ wa vị ọnịnị nịnị, dị asị ụ nyị ohuvọ, dị asị ụ rẹ nyị ịvị nịnị vụrụ-vụrụ.

1 Anịtẹsaronika 4:7

Ohomorihi ọ yị hị́ yị ka ya vaa mẹ̀ ebira kẹnẹ-kẹnẹ; ebira ọnịnị ọ ka yaa mẹ nị.

1 Anịtẹsaronika 4:9

Ẹ yị kụkụ nyị ka ma rẹẹ chẹrẹ iwee tụ́ụ hi wu nịnị ka wee sì ịrẹyị ẹngụ nịnị. Ohomorihi ọ raà sị zụ̀ ẹwụ nịnị ụvọta ka wee sì ịrẹyị ẹngụ nịnị.

1 Itimoti 4:12

Asị ụ zẹẹ ka ọza ọnyọọnyị ọ̀ sị eyi wụ wụ, agụvị ka wáa mẹhị vị ozweyi! Ama vị ọza ọnị ọdọwụ ana vọ vee sì ka ẹnị ẹ̀ẹ hama ịnị ịrẹyị irenu ọnịrị ebira ẹtẹẹrẹ awụ, ini oyisì ịrẹyị aza ọnịrị ayị ọyịsị tụra Ohomorihi beri ebira ọnịnị.

1 Itimoti 6:17

Aza ana vị ọzọbanyị ịnị ẹhẹ ọnọnị, hú wa ụvọ ka asị ẹ na mẹ eyi! Kàa ka asị ẹ na sị eyi tụra ụbanyị ana ahịka ọ mā za jẹẹ! Ama kà a ka ẹ̀ sị ayị tụra Ohomorihi anaā mẹ ẹyịza! Ọnị ọọ̄ sị avaba ịsaa yị ka ya sịị mẹ inohine.

1 Itimoti 6:9

Ama aza ana aa dụ ụbanyị vaa hụrẹ ngụ ịnị ẹzamare. Ịsa ene eyee sì, vị ịsa ụra ana zụ mẹ wa ọnya; ịrẹpa ịsa ẹnẹẹ ọ sị wa za. Ẹngụ ịsa ẹnẹẹ vị eneē vú ọza saka-saka, dị áanị ta nị.

2 Itimoti 3:12

Avaba aza ẹnẹ ẹnịrị Ijeesu sị vị ọnya, dị eyee sì ka ẹnị ẹ̀ẹ m ẹ ebira oni Ohomorihi sì, a vaa sị ụyaa rị wa.

2 Itimoti 4:10

Ịdẹmasị ọ raà sị ayị tụ́ ịnị ịsa ẹhẹ ọnọnị, o si zwe kà na yị mị, ọ zị nọ Ịtẹsaronika. Ikirisẹnsị ọnị ọ zị nọ Ịgaratịya, Ịtayịtọsị ọnị ọ rẹ zị nọ Idarimatiya.

Ịtayịtọsị 3:3

Yáa yẹ ka ẹyị nyẹmba vịdị vị ọnụra, dị ị rẹ vị anakamawụ, di e reè vene yi nị. Dị yaa hẹkẹ ịsa edivi ọnị ọchẹngụ ayịị̄ sì, dị ị rẹ dụ ọda ụbanyị ẹhẹ ọnọnị ọyịmẹ̀ nị. Ịị̄ vịdịị mẹ̀ ebira edivi, dị yaa mẹ eyọhụrẹ, dị yaa kụ́ ayị aza, dị ị hyakụ aa kụ́ ayị ẹngụ bẹẹ nị.

Anihiburu 8:11

Ẹ yị nyị ọza ẹnịnị ana kụkụ vaa kà a yị ọnọhụva anị, à vị anẹkụra anị ka ọ̀ yẹ Ananyị yị, agụvị ka avaba ẹnịnị vaa yẹ ọnị hụụnị ozweyi na ngụ ịnị ọzọkụ ẹnịnị.

Ijemiisi 1:27

Ahẹkẹ obooro ana gụ ini eyi Ohomorihi Ada ayị yị: Mẹ ọgụvọ yị ozi oku nịnị ọnịrị osoku nịnị, ẹ̀ẹ yaa rị ụya; asị ụ rẹ zẹẹ ka ịsa edivi ene hi ịnị ẹhẹ ọnọnị è du wu ha.

2Ipita 2:9

Ịsa ẹnẹnị ệ sị zụ ka Ohomorihi ọ́ọ yẹ, ọ mẹmẹẹ̄ dọ aza anịị há hụụnị ẹzamare ẹnịnị. Ọ rẹ yẹ, o memeē tenyi aza edivi tịtẹ, pooro nee tù ẹkụhị ọkarẹyị, dị ọ sị ụya rị wa.

2Ipita 3:11

Ụmẹ sị yẹ nịnị aanị ka aanị avaba ịsa mẹ̀ vee vú ẹtẹ nị, yẹ ẹngụ ebira ana vọrọ ka waa mẹ nịnị! Àa vọrọ ka ẹhẹ awụ nịnị ọ̀ vị ọnịnị, dị ụ wa sị ẹngụ awụ nịnị yị Ohomorihi saka-saka, dị ụ waa mẹ̀ ebira ene zé Ohomorihi eyi!

1 Ịjọọnụ 2:27

Ama àa vị ẹwụ nịnị yọ, Ikirisiti ọ raà sị Ụhwẹ Ọnịnị yị wụ ana yà ịnị ayị awụ nịnị. Agụvị avọọ, ẹ́ yị nyị ka ọza ẹnẹsa ọ̀ọ zụ̀ wụ nịnị oze. Ụhwẹ Ọnịnị anị ọnọọ aa sị oze zụ̀ wụ nịnị ịnị avaba ịsa nị. Ịzẹyịza aa sịị zụ̀ wụ nịnị nị, o me cheeche vụrụ-vụrụ. Agụvị avọọ, anka ọ mẹ zụ̀ wụ nịnị ịsa, ẹwụrị ọ ò dudu rị vabẹ nịnị.

1 Ịjọọnụ 2:6

Ọza ana àa ka ọnịrị Ohomorihi ọ sị vị ọnya, áa vọrọ ka ọ̀ọ zị ụsẹ anka Ijeesu mẹ̀ zị ụsẹ.

1 Ịjọọnụ 5:19

Ẹyị áa yẹ ka ẹyị vị ezi Ohomorihi, avaba anẹhẹ ana vọ vị ana yà ịnị ụvọ Echu.

Ijudi 1:18

Ệ kà a yị wụ nịnị ka: Ịnị ụmẹ ọdịrẹma, a vaa nyị onisiya nịnị, dị ẹyaa mẹ̀ ịsa edivi ene hi ịnị ayị ẹnịnị oni Ohomorihi o yi sì.

Ẹtore 14:12

Ọsọnị ọ́ọ dọ ka aza Ohomorihi ana sị eyi pe ọda anị, dị ẹ rẹ sị ayị tụra Ijeesu, ẹ̀ẹ sị ẹngụụ dọ ịrẹyị.