Ịtayịtọsị 2:10 - IWE ỌNỊNỊ

¹⁰ Kàa ka asị e yi ọga ẹnịnị oyi, ama ẹ̀ẹ sịị zụ̀ ka ẹnị ẹ́ẹ nyị ịzẹyịza ịnị avaba ịsa! Ẹ̀ẹ vavọọ aa mẹ, ẹ vaa mẹ ka ịrẹyị Ohomorihi Ọdọzaha ayị ọ̀ zụ zé aza eyi ini oze tụra oze.

Ịtayịtọsị 2:10 ပူးပေါင်းရင်းမြစ်များ

Ahẹ Ụgama 101:6

Aza ana àa mẹ ịzẹyịza ịnị ẹtẹ ọnọọ vị ọnị mị vaa jị ụvọọ yị. Ẹnị ẹnẹẹ ẹnẹ ẹ̀ yị mā mẹ̀ ebira akụvị ẹ vaa yà ịda amị dị ẹ yaa zị mị ụtụ nị.

Ayịsaya 12:2

Ịzẹyịza Ohomorihi ọ vị ẹnẹdọha amị nị. Ẹwụ m maa sị ayịị tụra nị, me yi vee hí angwa. Ẹnẹyịmavara ọ sị ụkata yị mị nị. Ẹwa m maa sịị jị ahẹ nị. Ọnị ọ vị ẹnẹdọha amị nị.

Imatiwu 24:45

Ẹnẹ vị ozi ahụ ọnịrẹyịzẹyịza ana yẹ ịrẹyị, ọnị ọga anị vaa sị ezi ahụ ana vọ chire ụvọ ka ọ̀ọ sị ịsọyịrịị yị wa ịnị ụmẹ ana vọrọ?

Imatiwu 5:16

Navọ ẹtohweyi ọnị ụ vị nịnị ọ̀ vavọọ zẹtẹ ọ́vịdị aza, dị è zụ re ebira ozoza awụ nịnị dị ẹ̀ sị ụga yị Ada awụ nịnị ẹbẹẹba!”

Iruuku 1:47

Mâ da jẹ agụvị Ohomorihi Ọdọzaha amị,

Iruuku 1:80

Ozi ọnọọ aa hụ, dị ọ raa vịra ini oze Ohomorihi nị. Dị ọ na yà ịnị ụnọmị pooro ne tù ẹkụhị ọnị ọ va sị sị ẹngụ anịị zụ̀ avaba Anisirẹrị ịnị eyigede nị.

Iruuku 16:10

Ọza ana àa nyị ịzẹyịza tụ́ ịnị ịsa kiiki, ọ rẹ vaa nyị ịzẹyịzaa tụ́ ịnị ịsa ọbanyị. Ọza ana àa rẹ vị onirikichi ịnị ịsa kiiki, vị ọ raa yịị mẹ irikichi ịnị ịsa ọbanyị nị.

Ịjọọnụ 12:6

Ọsọnị vị ọnị Ijudasi kà kẹnẹ, ẹ yị vị ka vị a nyị ịzị ịrẹyị onosiye nịnị gẹ ẹ nị. Ịjị ahịka Ijudasi vị oyi, ọnị ọ sị eyi pe ẹkẹhị ẹnịnị nị, di ee yi ịnị anị nị.

1 Anịkọrịntị 4:2

Àa sị ịsa chire ọza ụvọ, eē sì ka ọza ọnọọ ọ̀ọ mẹ ịzẹyịzaa tụ́ ịnị anị.

Anẹhwẹsọsị 4:1

Ẹmị ana yà ịnị ẹngwa agụvị Ananyị yị maa dá ịpẹẹ wụ nịnị ka waa mẹ̀ ebira ana vọrọ tụra wụ nịnị anka aza oni Ohomorihi sị hị́.

Anihwiripi 1:27

Ịsị ẹ vị ịrẹyị obooro ọ vị ka ebira awụ nịnị ọ̀ yà anka ọ mẹ vọrọ tụra ọza ana dọ enube ọyịza wụ́. Me ve hee wu nịnị oo, mẹ yị vẹ oo, mee sì ka ma wụ́ ka wáa sị ayị ọnya jẹẹ geri-geri nịnị, di u we duduu sị ọnyaa dụ ịrẹyị enube ọyịza ọnị ụ dọ wụ́ nịnị.

Anihwiripi 4:8

Ẹwụ nịnị ẹyịnyara amị, maa za ịrẹyị amị ịrẹsụ. Ẹngụ ịrẹyị ẹnẹnị a vọrọ ka wee ro nịnị nị: ịrẹyị ana àa vị ịzẹyịza, dị ọ vị ịrẹyị obooro nị, ọnịrị ịrẹyị ana àa vọrọ, dị ọ rẹ nị nị, beri ịrẹyị ana aza èe sì ịrẹyị anị, dị a raa kà ọyịza anị nị; ịsị ẹ̀ẹ vị ebira ozoza, dị aza raa ga a nị, wee ro ẹngụ ịrẹyị ọnọọ nịnị.

1 Itimoti 1:1

Ẹma vị Ịpọọrụ ana vị odeyi Ijeesu Ikirisiti nị. Ohomorihi, Ọdọzaha ayị, ọnịrị Ijeesu Ikirisiti oni i sị eyi tụra, ọ mẹ ọda ka ma vị odeyi nị.

1 Itimoti 5:17

Azọkụ ịragụ Ohomorihi ana àa mẹ̀ ụkọrọ ẹtẹẹrẹ, vị ana a vọrọ ka à sị ụbanyị yị, dị à rẹẹ sị ịsaa yị wa; hu keekere, aza ana aa sịị vụrị ka ẹnị ẹ̀ẹ kà ịrẹyị Ohomorihi, dị ẹnị ẹ̀ rẹẹ zụ̀ aza ịsa.

1 Itimoti 6:1

Avaba aza ana àa vị ozi ahụ, ẹ̀ za ọga ẹnịnị ịrịka tụ́ ịnị ọza ana nyị ụbanyị ini oze tụra oze, agụvị asị a nyị ọza ene re oze kà ịrẹyị odivi hi Ohomorihi ọnịrị ịsa ọnị yaa sịị zụ̀ aza!

1 Itimoti 6:3

Ọza ana àa sị ịrẹyị ọsa zụ̀ aza, dị ọ̀yị saasa ịrẹyị obooro ana vị ịrẹyị Ijeesu Ikirisiti Ananyị yị, dị ọ̀yị rẹ saasa ebira ene zé Ohomorihi eyi ọnị yaa sịị zụ̀ aza nị,

Ịtayịtọsị 1:3

Ịjị ụmẹ anị ve si tù, dị Ohomorihi ana vị Ọdọzaha ayị va sị avaba ịrẹyị ọnọọ zụ̀ aza ini oze ịrẹyị anị ọnị o si chire mi ụvọ nị Ộ mẹ ọdaa mị ka ma vavọọ mẹ.

Ịtayịtọsị 3:4

Ịrẹma ẹnẹẹ, ụmẹ ọnya kẹnẹ, dị Ohomorihi Ọdọzaha ayị sị zụ̀ ka ọnị ọ́ọ ngụ ayị aza, dị o re sì ịrẹyị aza nị.

1Ipita 2:12

Waa mẹ̀ ebira ọyịza, ụ mẹ yà ịnị akakana anarịmadọwụ nịnị aanị. Aza ẹnẹẹ ẹ̀ẹ daka aa kà ịrẹyị odivi awụ nịnị, áa vọrọ ka è zụ ré ebira ọyịza awụ nịnị, dị ẹ̀ zụ sị ụga yị Ohomorihi ịnị ẹkụhị oni òo ve tù wa.

1Ipita 3:16

Ama re ka waa và ayị nẹtẹ, dị ụ wa rẹ sị ụbanyị yị wa. Nyị ayị ozoza, agụvị aza ana àa kà ịrẹyị odivi awụ nịnị, ụhị ọ̀ zụ nyị aza ẹnẹẹ ana aa kụ̀ wụ nịnị ụhụ, agụvị ka aza vee re ka ebira awụ nịnị óo zoza anka ọza ana aa saasa Ikirisiti.

2 Ịjọọnụ 1:9

Ọza ẹnẹ ẹ̀ yị jẹẹ pe ịrẹyị ọnị Ikirisiti sị zụ̀ yị, ama di ee benee hi ọ nị, ọ yị yẹ Ohomorihi. Ama ọza ana àa jẹẹ pe ịrẹyị ọnị Ikirisiti sị zụ̀ yị, ọza ọnọọ ọ́ọ yẹ Ohomorihi Ada ayị ọnịrị Ozi Ohomorihi nị.

1 Ịsamụwẹrị 22:14

Di Ahimẹrẹkị tụ́ ohi dị ọ ka, “Taarụ, wâ yẹ ka ịnị avaba ezi ahụ awụ ẹ yị nyị ọza ana nyị ebira tù Idevidi. Idevidi vị ọyẹ ẹwụ, dị ahịka ọnị ọ vị ọga isoja ene ee sere wu nị. Avaba aneehi awụ vị ana nyayịnẹ sị ụbanyị yọ.

1 Ịsamụwẹrị 26:23

Ọpa ebira ana vọrọ ọnịrị ịzẹyịza ọnị ọzọza ọ̀ọ mẹ, Ẹnẹyịmavara ọ̀ vavọọ si wa ụta. Wê re ka Ẹnẹyịmavara ô si wụ́ chire mị ụvọ ajịnị, ama mẹ yị dọ ka ma sị ụvọ kanyị wụ, agụvị ka Ẹnẹyịmavara ọ sị wụ nyị.