Ịtayịtọsị 1:9 - IWE ỌNỊNỊ

⁹ Áa vọrọ ka ọ̀ rẹ sị ụvọ za ịrẹyị Ohomorihi ana vị ịzẹyịza, anka á mẹ vịdị raà sị zụ̀ ọ: dị ọnị ọ̀ rẹ yẹ ọ mẹmẹ zụ sị ịrẹyị ịzẹyịza beri aza juwe, dị ọ̀ rẹẹ sịị zụ̀ aza ẹnẹ ẹ̀ yị dọ ịrẹyị ọnọọ ka, e si nyeeyi.

Ịtayịtọsị 1:9 ပူးပေါင်းရင်းမြစ်များ

Ijoovu 2:3

Dị Ẹnẹyịmavara tenyi Echu họ̀ ka, ịsị o re ịnị ịrẹyị Ijoovu ana vị ozi ahụ anị kẹ? Ọ kà ẹ yị nyị ọza ana sị ayị tụra ọnị, dị ọọ̄ mẹ̀ ọyịza anka Ijoovu ịrẹsụ ẹtẹ. Ijoovu ọ hí angwa anị, dị ọ yị mā ebira odivi nị. Ọ yị jesi ayị anị Echu mẹ daka mẹ̀ ọnị ka ọnị ọ kụ ẹngụkata tu ọ tụ ịnị osusu.

Ijoovu 27:6

Ijoovu ka ọnị ẹ yị vaa va, agụvị ka ayị anị ọ jị ịvị yị ọnị.

Ụhịrẹyị 23:23

Asị ụ zẹ ka ịzẹyịza ọnịrị ịrẹyọyẹ ọ jị ụ ha, sị ụvọ za ịrẹyị ana a sị zụ wụ, dị eyi awụ o hweyi.

Odeyi 18:28

Ọ́nịrị Aniju nịnị màa nyị ahankata ịnị orere dị aa sịị zụ̀ waa hụụnị Iwe Ohomorihi ka Ijeesu ọ vị Ikirisiti nị; dị ẹnịnị kuku ee re ẹtẹ kẹnẹ nị.

1 Anịkọrịntị 14:24

Ama avaba aza àaa kà ịsẹ, dị ọza ẹnẹ ẹ̀ yị yẹ ịsa ẹnẹẹ, àa vị aza ẹnẹ ẹ̀ yị dọ wụ́, vavọọ vẹ ịzọọ nị, ịrẹyị ọnị ọ wụ́ vaa mẹ ka ayị anị ọ̀ jị ịvị yọ ịnị ịsa odivi ọnị ọ mẹ. Avaba ịrẹyị ọnị ọ wụ́ vaa mẹ̀ ọkarẹyị yọ.

1 Anịtẹsaronika 5:21

Waa zama avaba ịsaa re nịnị, dị ụ wa sị ụvọ za ene zoza nịnị ẹtẹẹtẹrẹ.

2 Anịtẹsaronika 2:15

Agụvị avọọ, anda ayị nịnị, jẹẹ geri-geri, dị ụ wa sị ụvọ za enube ọnị ị sị zụ̀ wụ nịnị ịnị ịrẹyị ọnị ị kà ọnịrị ini iwe ọnị ị chẹrẹ!

1 Itimoti 1:10

Ọ rẹ mẹ ọda agụvị enebira ịdọtị ọnịrị onireche beri aza anaā dọ ivenu ireche, ọnịrị aza anaā mẹ̀ ịsa ana vọ ana jị ịrẹyị Ohomorihi ana a raà sị zụ̀ wụ nịnị nyee.

1 Itimoti 1:15

Ịrẹyị ọnọnị vị ịzẹyịza, áa vọrọ ka à sị avaba ayị dọ ọ; ka Ijeesu Ikirisiti vị ana vẹ ẹhẹ ka ọnị ọ̀ va dọ ọnịvị há. Eme divi hu keekere ịnị ọnịvị ẹnẹẹ nị.

1 Itimoti 1:19

Wa yịị sị ayịị tụra Ohomorihi, di u we re ka ivehu awụ ọ́ọ nị! Aza ẹnyị ẹyị kụkụ sị ụtọ pe ivehu ẹnịnị, agụvị avọọ ẹdọwụ ẹnịnị ọ sị gara ha.

1 Itimoti 4:9

Ịrẹyị ọnọnị vị ịzẹyịza, áa vọrọ ka à sị avaba ayị dọ ọ.

1 Itimoti 6:3

Ọza ana àa sị ịrẹyị ọsa zụ̀ aza, dị ọ̀yị saasa ịrẹyị obooro ana vị ịrẹyị Ijeesu Ikirisiti Ananyị yị, dị ọ̀yị rẹ saasa ebira ene zé Ohomorihi eyi ọnị yaa sịị zụ̀ aza nị,

2 Itimoti 1:13

Ịrẹyị ịzẹyịza ọnị mị raà sị zụ̀ wụ, sị ụvọ zaa; ọ̀ vị ịrẹyị ọnị ụ waa saasa. Wa vavọọ mẹ ini oze ọ́yị sị ayị tụra Ijeesu Ikirisiti ọnịrị ịrẹyị anị oyisì.

2 Itimoti 2:2

Wâ wụ́ ịrẹyị ọnị mị raà sị zụ̀ aza eyi aza ọrụrụ-ọrụrụ. Ẹ̀wà rẹ sị ịrẹyị ọnọọ, dị u we si chire aza ana á zụ sị ayị tụra ụvọ, dị ẹ́ rẹ yẹ, a mẹ̀ vọrọ ka ẹ̀ sịị zụ̀ aza ẹnẹsa.

2 Itimoti 2:25

Ọ̀ọ sị ayohunẹnẹẹ pe aza ana aa kụ̀ụ hịrẹẹ juwe, ịsavọọ Ohomorihi ọ̀ na mẹ ka è re oze ro ịnẹ varẹma, dị ẹ̀ va yẹ ịzẹyịza.

2 Itimoti 3:14

Ẹwà yị jẹẹ pe ịzẹyịza ana a raà sị zụ̀ wụ, dị ụ rẹ sị ọọ dọ wụ́! Wâ yẹ aza ana sị zụ̀ wụ.

2 Itimoti 4:3

Ụmẹ aa vẹ ana ahịka aza eyi kuku vee sì ka ẹnị ẹ̀ẹ wụ́ ịzẹyịza ana aa sịị zụ̀ wa. Dị ẹ kụkụ aa dụ ẹ́ẹngụ ẹnịnị kẹnẹ. Dị ẹ kụ́ aza gụ ka ẹ̀ẹ zụ̀ ẹnị ịsa eni eè sì ka ẹnị ẹ̀ẹ wụ́ kẹnẹ.

Ịtayịtọsị 1:11

Ẹyaa sị ịsa ẹnẹ ẹ̀ yị vọrọọ zụ̀ aza. Dị ẹyaa kụ́ avaba aza ene hi ini eehi ọnyaa nyeeyi. Ẹkẹhị kẹnẹ ẹ sị eyi tụ́ ịnị anị nị. Re ka ẹngụ aza ẹnẹẹ waa za wa irenu kú oku.

Ịtayịtọsị 2:1

Ama ẹwụ àa kà ịrẹyị, waa kà ịzẹyịza obooro.

Ijudi 1:3

Ẹwụ nịnị ẹyịnyara amị, mị vịdị ee sì ka ma chẹrẹ iwe tụ́ hi wu nịnị ịnị oze ẹdọha ọnị i dudu nyị. Ama me ve ree ka â vọrọ ka ma chẹrẹ iwe da ịpẹ wụ nịnị ka wa sị ụvọ za ẹdọwụ oni Ohomorihi sị chire aza anị ụvọ ụpẹ ọnya gene-gene, dụ wa sị eyi pe e ngịrị-ngịrị nịnị.

Ẹtore 2:25

Ama ịsị ụ wàa nyị, sị ụvọ geri-geri pooro dị ma vẹ.

Ẹtore 3:11

Re, maa vẹ ịsọọnị-ịsọọnị. Sị ụvọ za ịsụ wàa nyị ka ọza ẹnẹsa va dọ wụ ọgụ awụ!

Ẹtore 3:3

Tamayị ịsa ana a vịdị sị zụ̀ wụ nịnị, dị ụ rẹ dọ ọ. Sị ụvọ za a nịnị, di u we ro ịnẹ varẹma. Wè yi yee zí nịnị, mị vanaa vẹ kẹnẹ anka oyi avọọ nị, dị ụ wẹ yị yẹ ụmẹ ọnị mee sii vee tù wu nịnị nị.