Ịtayịtọsị 1:6 - IWE ỌNỊNỊ

⁶ Ọza ana àaa vaa vị ọzọkụ ịragụ, ẹ́ yị vọrọ ka ọ̀ nyị ohuvọ vụrụ-vụrụ. Ọnẹẹ ikonya kẹnẹ a vọrọ ka ọ̀ nyị nị, dị ezi anị ẹ̀ vị ọdọwụ. Ẹ́ yị vọrọ ka aza è re ezi anị ka ẹyaa mẹ̀ ebira kẹnẹ-kẹnẹ, dị ẹ̀ rẹẹ mẹ akamawụ.

Ịtayịtọsị 1:6 ပူးပေါင်းရင်းမြစ်များ

Oyinyima 18:19

Mẹ yị vavọọ zụ mẹ. Ma raà nyị Abụrahamị ka ò hú ezi anị ọnịrị aneehi anị ụvọ ka ẹ̀ va tụra oze amị ka ẹ̀ẹ mẹ̀ ịsa ana vọrọ ini eyi ẹmị Ẹnẹyịmavara, dị ẹ̀ẹ mẹ ịzẹyịza. Ọnọọ vaa mẹ ka ịsa ọnị mị ka maa mẹẹ yị Abụrahamị me re oze mẹ̀ ẹ yọ.”

Ụhịrẹyị 28:7

Aza anaa sị ụvọ za ọda Ẹnẹyịmavara ẹ vị ezi ana yẹ ịrẹyị nị. Ama ọza anaa zị ògù ọnọhọha vị anaa mẹ̀ ụhị nyị aza ana ma a.

Ezikẹẹrị 44:22

Ẹnịnị ẹ́ yị vaa nyayịnẹẹ nyị osoku, avị ọnẹẹ ene yi ọnọrụ. Ozwoorihi ene è yị yẹ́ ọnọrụ kẹnẹ, dị ọ́ rẹ vị Anisirẹrị ẹ́ vaa nyị nị. Ẹ̀ẹ yaa nyị osoku, ọ̀ vị osoku ọnị ọva nị vịdị vị ohirẹsụ irehi Ohomorihi dị o sú.

Ireevi 21:14

Ẹngụ ozwoorihi ọnọọ vị ana hụnị ịrẹsụ Anireevi, ọ yị vaa nyị ọsẹrẹka, a vị ozi anaa sị hụ, a vị ọza ene yi ọnọrụ da.

Ireevi 21:7

Ohirẹsụ irehi Ohomorihi nịnị vị aza anị. Agụvị avọọ ẹnịnị ẹ yị vaa nyị ọsẹrẹka, a vị ọnyẹnẹẹ anaa sị hụ, a vị ọza ene ree yi ọnọrụ.

Ịmarakayị 2:15

Wéé yi yẹ ka ọnyara Ẹnẹyịmavara mẹ̀ ewuri ese wụ nịnị nị? Ộ vavọọ mẹ̀ agụvị dị ezi ewu nịnị ẹ vị aza Ohomorihi. Sị ụvọ za ẹngụ awụ ịnị ịrẹyị ese ọnị ụ nyị hụụnị ozweyi awụ nịnị nị. Asị a nyị aza awụ nịnị ana mẹ̀ wa rị.

Iruuku 1:5

Ịnị ụmẹ ọnya aanị ọnị Ịhẹrọdị vị ohinọyị Ijudiya, â nyị ohirẹsụ irehi Ohomorihi ọnya ana aā hị́ Ịzakaraya. Ini ogu Abija Ízakaraya yà nị. Ose anị vị ozi Eerọnị, ịrẹha anị ọ rị Erizabẹẹtị nị.

Anẹhwẹsọsị 5:18

Asị u ne hú eche ahaahara nịnị, ana ahịka vị ọọ̄ sị ọzaa mẹ kẹnẹ-kẹnẹ nị, ama navọ Ụhwẹ Ọnịnị ọ̀ dọ avaba ayị awụ nịnị!

1 Anịtẹsaronika 5:14

Ẹwụ nịnị ẹyịnyara amị, aarịhịnị, aza ana aa mẹ̀ ebira jugu-jugu, re ka waa tụ́ wa ọhụva nịnị. Aza ana angwa ee hí, waa tụ́ wa ọtụtụrụma. Wa rẹẹ gụ ọkụmị nịnị ụvọ. Re ka waa nyị isuuru hi avaba aza.

1 Itimoti 1:9

Ama à vẹ ya tamayị ka Ohomorihi ọyị hụ agụvị aza ana aa mẹ̀ ịsa ana vọrọọ mẹ ọda. Ọda vị ọnị ọ mẹ agụvị aza anaā jịnẹ ọda, ọnịrị anakamawụ. Ọ rẹ mẹ ọda agụvị aza ẹnẹ ẹ̀yị yẹ Ohomorihi ọnịrị ọnịvị nịnị beri aza ẹnẹ ẹ̀yị nyị ebira ọnịnị. Ọ rẹ mẹẹ agụvị aza anaā mẹ̀ ebira kẹnẹ-kẹnẹ, aza anaā wụ ada ẹnịnị ọnịrị ọnyị ẹnịnị, ọnịrị ọwọza.

1 Itimoti 3:12

Aza ana vị ọnọgụvọ ịnị ịragụ Ohomorihi vị ana a vọrọ ka ọ̀ nyị ọnẹẹ ikonya, dị ọ̀ rẹ zụ sị ụvọ za ezi ọnịrị aneehi anị ana vọ ẹtẹẹtẹrẹ.

Ịtayịtọsị 1:10

Áa nyị aza ẹnyị ọrụrụ-ọrụrụ ana vị anayọkatẹngụ, ọkụrẹka, dị ẹ rẹ vị enevene nị. Ọrụrụ-ọrụrụ ẹnịnị vị Aniju.

1 Ịsamụwẹrị 2:11

Ịjị ẹ sị mẹ ta, di Erikana si hu aa nọ eehi anị ana vị Iraama, dị Ịsamụwẹrị yà ahụ Eri dị aa mẹ ụkọrọọ yị Ẹnẹyịmavara nị.

1 Ịsamụwẹrị 2:22

Eri ana aa kà aanị o si bo ẹtẹẹtẹrẹ. Ộ wụ́ avaba ebira ẹnị ezi anị aa mẹẹ hi Anisirẹrị. Ọ rẹ wụ́ ka ezi anị vị ana aa za anyẹnẹẹ ana aa mẹ̀ ụkọrọ enoze ajẹngụ ịzị a yaà gụ, di e yee pè wa sụ.