Ịtayịtọsị 1:2 - IWE ỌNỊNỊ

² Mị vavọọ aa mẹ, agụvị ka máa nyị ọyịtureyi ka ị vaa yàra ịdị Ohomorihi pooro zịna-zịna. Ịsị Ohomorihi kà hụrị ụmọrụmọ dị a va yẹ ka aa mẹ ẹhẹ ọ vị ọnọọ nị. Yáa yẹ ka Ohomorihi o mē cheeche.

Ịtayịtọsị 1:2 ပူးပေါင်းရင်းမြစ်များ

Ayịsaya 1:20

Ama wàa si eyi wụ̀ mị, ịrẹkụ ọ vaa wụ̀ wụ nị.

Ịrịka 23:19

Ohomorihi ọ yị vị ọzarẹyịrẹsụ. O yi mē cheeche, a vị dị ọ vara ayị anị. Ịsị ọ ka ọọ̄ mẹ̀ nị.

Imatiwu 25:34

Ịjọnọọ dị Ohinọyị kà a yị aza ene hi eyi ụvọrị anị ka: ‘Wa vẹ nịnị, ẹwụ nịnị ana Ada amị raà mẹ ka ò zé yị! Ngụ ịzị Ohomorihi yà aa mẹ ịjọva, oni o si tenyi tịtẹ wụ nịnị, ẹ́hẹ mè hụrẹ nyima.

Imatiwu 25:46

Dị aa kụ́ aza ẹnẹẹ ne hi ịnị ụyọrị ẹnẹ ẹ̀ yị mā ta pooro zịna-zịna, ama dị ọnịrẹyịzẹyịza nịnị ẹnị aa nọ ịnị ẹhẹ ẹnẹ ẹ̀ yị mā ta pooro zịna-zịna.”

Ịmaakị 10:17

Íjeesu màa vaa na, dị ọnọrụ ọnya aanị zwe echi ve tù ọọ nị. Dị ọ jị idinku ku ẹtẹ ọ́vịdị anị, dị ọ ka, “Nda ọyịza, sị a vọrọ ka ma mẹ, dị ma nyẹngụ yàra pooro zịna-zịna ị́dị Ohomorihi?”

Ịmaakị 10:30

Ohomorihi rẹ vaa sị ịsa ene huna avọọ oze ẹchẹhị-ẹchẹhị sí ọọ atọ ịnị ẹhẹ ọnọnị, ẹhụụ irehi ọnịrị ẹyịnyara ọnọrụ ọnịrị anẹẹ, beri ọnyị ọnịrị ezi ọnịrị aarẹ, na vaka ụyọrị; ịnị ẹhẹ ana aa vẹ, Ohomorihi vaa mẹ ka ọ̀ yàra pooro zịna-zịna.

Ịjọọnụ 10:28

Maa mẹ ka ẹnịnị ẹ̀ yàra pooro zịna-zịna; e mē vene vu ẹtẹ paa, ẹ yị nyị ọza ana rẹ nyẹngụ dọ wa hụrẹ mị ụvọ.

Ịjọọnụ 17:2

Wa raà sị ọda avaba aza chire mi ụvọ, agụvị dị ma zụ mẹ ka avaba aza ọnị ụ kụ́ chire mi ụvọ, ẹ̀ yàra ị́dị awụ pooro zịna-zịna.

Ịjọọnụ 17:24

“Ọga, mị yaanị sì ka ẹnị ọnị ụ raà sị mị, ẹ̀ yà ịzị màa yà, dị ẹnịnị è zuu re igirima amị, ọnị ụ sị yị mị, agụvị ka wê sì ịrẹyị amị hụrẹ ụmọrụmọ, dị a va yẹ ka aa mẹ ẹhẹ.

Ịjọọnụ 5:39

Waa kà Iwe Ohomorihi nịnị ẹtẹẹtẹrẹ, agụvị ka wâ dọ nịnị ka ịnị anị, ụ nyẹngụ re ịsị ẹ zụ sị wụ nịnị yàra pooro zịna-zịna nị. Iwe Ohomorihi ọnọọ gẹdẹ-gẹdẹ vị ana aa kà ịrẹyị amị.

Ịjọọnụ 6:54

Ọza tụra ọza ana àa rị ọchẹngụ amị, di o re hú anya amị nị, ọnọọ ọ raà mẹ ka ọ̀ yàra pooro zịna-zịna. Mị vaa haa hụụnị isu ịnị ẹkụhị ọdịrẹma,

Ịjọọnụ 6:68

Dị Ịsayịmọnị Ipita tụ́ ohi, dị ọ ka, “Ananyị yị, ẹnẹ ẹyị kụkụ aa káa na? Ẹwa nyị ịrẹyị ana zụ mẹ ka ọza ọ̀ yàra pooro zịna-zịna nị.

Odeyi 15:18

 yẹ ịsa ẹnẹnị hụrẹ ụmọrụmọ.”

Aniroomi 1:2

Ohomorihi ộ mẹ̀ ka ọnịsẹ nịnị ẹ̀ vịdị kà a tịtẹ ini iwe Ohomorihi ka a vaa kà enube ọyịza ọnọọ.

Aniroomi 16:25

Ohomorihi ọ zụ ka wa jẹẹ geri-geri nịnị anka enube ọyịza ọnị maa kà. Enube ọnọọ vị ịrẹyị Ijeesu Ikirisiti. Enube ọnọọ ọ rẹ kà ịrẹyị ịsa oni iruvo anị nyịnẹ anaa sị zụ̀. Ama ọza ẹ yị vịdị yẹ hụrẹ ụmọrụmọ ịnị ịyẹẹyẹ vẹ.

Aniroomi 2:7

Aza ẹnyị aa mẹ̀ ebira ozoza. Eyee sì ka Ohomorihi ọ̀ sị ụbanyị yị ẹnị, dị ọ̀ rẹ mẹ ka ẹnị ẹ̀ yàra pooro zịna-zịna. Ẹngụ aza ẹnẹẹ, Ohomorihi vaa mẹ ka ẹ̀ yàra ị́da anị pooro zịna-zịna.

Aniroomi 5:2

Agụvị ka yâ sị ayị tụra Ijeesu, ọ raà mẹ ka ya va yẹ́ ayamva Ohomorihi. Ịnị ayamva Ohomorihi ọnọọ ị yà dị ị kụkụ aa sị ịrajẹẹ tụra eyi ka ị vaa nyị tụ́ ịnị ụbanyị Ohomorihi nị.

Aniroomi 5:21

Yê re ka iswọọza ộ sị zụ̀, ịvị mẹmẹ nyị ụkata. Avọọ gẹdẹ-gẹdẹ ị́hị oni Ohomorihi jị yị ọza ọnị mẹ̀ rẹ sị zụ̀, ayamva Ohomorihi ọnị mẹ̀ rẹ nyị ụkata nị. Dị ọ rẹ mẹ ka aza ẹ̀ yàra ị́dị anị pooro zịna-zịna agụvị Ijeesu Ananyị yị Ikirisiti nị.

Aniroomi 5:4

Yàa zụụ sị ẹngụụ dọ ịrẹyị, ọ vaa mẹ ka yaa vịra. Yàa sị vịra, dị yaa nyị ọyịtureyi.

Aniroomi 6:23

Isu ọ vị ụta eneē si ọza ana mẹ ịvị nị. Ịsa oni Ohomorihiī sị yị ọọhẹ kẹnẹ ọnị vị ka ọza vaa yàra ị́da anị pooro zịna-zịna ịnị ka ẹyịrị Ijeesu Ikirisiti Ananyị yị ọ sị vị ọnya.

Anikorasi 1:27

Ô zé Ohomorihi eyi ka ọ̀ sị zụ̀ aza anị ị́rẹyị ọnọọ mẹmẹ nyị ụbanyị, dị ọ rẹ nyị ọgụ yị avaba anẹhẹ. Ịrẹyị ọnọọ oni iruvo anị nyịnẹ yị Ikirisiti yà ịnị ayị awụ nịnị, agụvị avọọ waa tụra eyi ka ụ vaa nyị tụ́ ini igirima anị nịnị.

1 Anịtẹsaronika 2:15

Aza ẹnẹẹ ệ wụ Ijeesu Ananyị yị ọnịrị ọnịsẹ ẹnịnị. Ệ rẹ dụ yị tụ́ ẹhẹ. Ịsa ẹnẹ mẹ, o yi zé Ohomorihi eyi. Avaba aza vị ẹnẹ ẹ rẹẹ̄ kụ̀ụ hịrẹ ẹtẹẹtẹrẹ.

1 Anịtẹsaronika 5:8

Ama ẹyị ana vị aza ẹtohweyi, À vẹ yaa sị ayịị tụra Ohomorihi pooro, di yee sì ịrẹyị ọza; ọnọọ vị ana sị mẹẹ awuru enyusẹ-enyusẹ ene e siī kú ịrachị avọọ. A vẹ ya sị eyi tụ́ ịnị ẹdọha ayị, ọnị vị ana sị mẹẹ amu enyusẹ-enyusẹ avọọ.

1 Itimoti 6:12

Re ka waa vụ̀ ịrẹvụ ẹdọwụ! Re re ka ụvọ awụ óo kú ka wa yàra ị́da Ohomorihi pooro zịna-zịna! Agụvị avọọ Óhomorihi hị́ wụ nị. Wáa sị irenu dọ ka wáa sị ayị tụra Ijeesu éyi aza ọrụrụ-ọrụrụ.

1 Itimoti 6:19

Ẹ̀ẹ vavọọ aa mẹ, dị ẹyaa kụ́ ịsaa tẹẹ yị ẹngụ ẹnịnị ana ahịka ọ vaa vị ịsa ẹtẹẹtẹrẹ yị wa ụhwọọ, agụvị dị ụvọ ẹnịnị ò zụ kú ẹhẹ obooro.

2 Itimoti 1:1

Ẹma vị Ịpọọrụ nị. Ohomorihi ô sì ọ ka ma vị odeyi Ijeesu Ikirisiti, dị ma na kà a yị aza ịrẹyị oni Ohomorihi kà, ka ẹ yị zị nyị ka ọnị ọ yị vaa mẹ ka aza ẹnẹ ẹnịrị Ijeesu Ikirisiti sị vị ọnya, ẹ̀ yàra ịdị anị pooro zịna-zịna.

2 Itimoti 1:9

Ohomorihi ọ dọ yị ha, dị ọ hị́ yị ka yaa mẹ̀ ebira ọnịnị nị. Ẹ́ yị vị agụvị ịsị ị mẹ ọ vavọọ sị mẹ; ama agụvị ayamva anị kẹnẹ ọnịrị agụvị eto ọnị ọ vịdị sị mẹ yọ nị. Ini oze Ikirisiti ọ vavọọ sị vayị ayị hụrị ụmọrụmọ dị a va yẹ ka aa mẹ ẹhẹ nị.

2 Itimoti 2:10

Agụvị avọọ, mâ sị ẹngụ dọ avaba ụyọrị agụvị aza oni Ohomorihi sị nyị, dị Ijeesu Ikirisiti ọ̀ rẹ zụ dọ ụyọrị agụvị aza ọnị Ohomorihi sị nyị, dị Ijeesu Ikirisiti ọ̀ rẹ zụ dọ ẹnị há, dị ẹ̀ rẹ nyị ụbanyị ana yà pooro zịna-zịna yị wa.

2 Itimoti 2:13

Ẹyị ẹ̀yị daka nyị ịzẹyịza hi ọọ, ọnị yị vị ọnịzẹyịza, agụvị ka ọyị zụ kà a ka ọnị ọyị yẹ ẹngụ anị.

2 Itimoti 2:15

Sị vụrị di u we re ka waa mẹ̀ ebira ene zé Ohomorihi eyi! Asị ụ vị ọnụkọrọ ọnị ụhị vaa nyịị tụ́ ịnị ụkọrọ anị! Waa sị ịrẹyị ịzẹyịzaa zụ̀ aza, anka ọ mẹ̀ vọrọ!

Ịtayịtọsị 2:13

Yáa jẹẹ ee zí ụmẹ ọnọọ ọnị ị vaa sị nyị ayohine ẹtẹẹtẹrẹ. Ụmẹ ọnọọ avaba aza ve sii re igirima Ohomorihi ana nyị ụbanyị, ana vị Ijeesu Ikirisiti Ọdọzaha ayị nị.

Ịtayịtọsị 2:7

Ẹwụ ụvọta ọ̀ọ mẹ̀ ebira ẹtẹẹrẹ, dị aza ẹ̀ zụụ sị ịrẹyị awụụ hị́ ọsa, dị ẹ̀ rẹ zụụ hama wụ. Nyị ayị ọnya, dụ wa rẹ sị ayị tụ́ ịnị ịsa ọnị waa sịị zụ̀ aza, dụ wa nyị isuuru ịnị anị.

Ịtayịtọsị 3:7

Ohomorihi ộ jịhịị yị ini oze ayamva anị, agụvị avọọ ị vaa yara ị́dị Ohomorihi pooro zịna-zịna. Ịsị yaa tụra eyi anị ọ vị ọnọọ nị.

1 Ịjọọnụ 2:25

Tamayị ka Ikirisiti ọnị ụvọta ọ raà kà a ka ẹ́ yi zụ nyị ka ọnị ẹ́yị vaa mẹ ka wa yara ịdị Ohomorihi nịnị pooro zịna-zịna.

1 Ịjọọnụ 5:20

Yáa yẹ ka Ozi Ohomorihi ộ vẹ ẹhẹ, dị ọ sị ịrẹyọyẹ yị ka ya zụ yẹ Ohomorihi ọnịzẹyịza nị. Ẹyịrị Ohomorihi ọ sị vị ọnya ne beri Ijeesu Ikirisiti Ozi anị. Ọnị ọ vị Ohomorihi ọnịzẹyịza nị, ọnị ọ rẹẹ̄ mẹ ka ọza ọ̀ yàra pooro zịna-zịna nị.

Ijudi 1:21

Sị ẹngụ awụ nịnị tụ́ ịnị ụvọ Ohomorihi, dị ụ wa tamayị ka ô sì ịrẹyị awụ nịnị, ụ mẹ jẹẹ ee zí ụmẹ ọnị Ijeesu Ikirisiti Ananyị yị vaa vẹ ịnị ayamva anị, dị ọ̀ va sị wụ nịnị ne pe ẹngụ ị́dị anị pooro zịna-zịna.

Ẹtore 13:8

Avaba aza ene hi ịnị ẹhẹ vaa hẹkẹ uye ọnọọ; ọnọọ vị ka aza ọnị ọza ọ̀ yị chẹrẹ ịrẹha ẹnịnị dị a va yẹ ka aa mẹ ẹhẹ tụ́ ini iwe aza ana yàra pooro zịna-zịna oni Ozi Atẹmẹ anaa vịdị wụ nyị.

Ẹtore 17:8

Uye oni u re avọọ, ọ́ọ vịdị yàra, ama ọyị kụkụ yàra booro aanị. Ọ vaa jịnẹẹ hụụnị ọbọbọọ vẹ, dị ọ nọ ịzị ọ vaa yàa vu ẹtẹ. Aza ene hi ẹhẹ ọnị ọza ọ̀yị chẹrẹ ịrẹha ẹnịnị dị a va yẹ ka aa mẹ ẹhẹẹ tụ́ iwe aza ana yàra pooro zịna-zịna, èeyee re uye ọnọọ, o vee hí wa irenu. Uye ọnọọ ọ́ọ vịdị yàra, ọyị kụkụ yàra booro aanị, ọ rẹ vanaa sị ẹngụụ tụ́ ẹhẹ.

1 Ịsamụwẹrị 15:29

Wâ yẹ ka Ohomorihi Anisirẹrị ana nyị ụbanyị o mē cheeche. Ịsị ọ̀ọ ka ọnị aa mẹ aā mẹ nị. Ọ mā mẹ̀ ebira anka ọzarẹyịrẹsụ ana aā vara ayị pooro.”