Ịtayịtọsị 1:16 - IWE ỌNỊNỊ

¹⁶ Ẹẹ̄ sị irenuu kà a ka ẹnị ẹẹ̄ yẹ Ohomorihi, ama ebira ẹnịnị ẹ́ yị sị zụ ka ẹ́ẹ yẹ Ohomorihi. Ịsa eenyisi ẹnịnịị̄ mẹ nị, dị ẹ rẹ yaa mẹ akamawụ nị, ẹ yị nyị ịsa ozoza ẹnẹ ẹnịnị zụ mẹ vụrụ-vụrụ.

Ịtayịtọsị 1:16 ပူးပေါင်းရင်းမြစ်များ

Ijoovu 15:16

Ẹnẹ va vị ẹyị ọza ana sị vụ dị ị sị du ha. Ẹyị anaa mẹ̀ ebira odivi pooro anka ọza mee hú enyi avọọ.

Ụhịrẹyị 30:12

Aza ẹnyị vị ene ro ka ẹnị ẹ gụ ịnị eyi ẹnịnị, ama ẹnịnị e divi anka ụsẹmụsẹ ịnị ututu.

Ayịsaya 29:13

Agụvị avọọ Ẹnẹyịmavara kà, “Aza ẹnẹnị vị ana aa kú irenu kẹnẹ ka ẹnị vị amị. Irenu kẹnẹ ẹ yaa sịị sị ụbanyị mị nị ama ayị ẹnịnị ọ yị gụrị mị vụrụ-vụrụ. Ọda ana aza kẹnẹ mẹ̀ ẹ sị ụvọ za, dị ẹ ka vị ẹnị aa hẹkẹ mị nị.

Ayịsaya 48:1

Batọ ịrẹyị ọnọnị, ẹwụnị Anisirẹrị ana vị evere Ijuda ana sị ịrẹha Ẹnẹyịmavara hị́ eku. Ẹ ka ẹnị aa hẹkẹ Ohomorihi Anisirẹrị ama ireche osusu.

Ayịsaya 58:2

Ẹ yaa hẹkẹ ọnị eyinị-eyinị. Ẹnịnị ẹ yaa mẹ̀ ọ sị mẹ̀ẹ anka e yee si ka ẹnị ẹ yẹ oze ọnị dị ẹnị ẹ saasa ọda anị nị. Ẹ kà ọnị ọ sị ọda kẹnẹ yị ẹnị, ayị ẹnịnị vee hine ọyị hẹkẹ ọnị.”

Ayịsaya 59:13

Ẹnị ẹ raà mẹ akamawụ hi Ẹnẹyịmavara, di e yi ọ tịtẹ, dị ẹ yị saasa a nị. Ẹnịnị ẹ raà mẹ ẹvaya yị aza, dị ẹ va ịrẹma Ohomorihi nị. Eē vene ọza, di e yee cheeche nị.

Ijeremaya 12:2

Wee chire wa tụ ịnị ẹkụra, ẹ sị ẹpa nyị; Ẹnịnị ệ hụ dị ẹ yaa tụ ẹtụtụ nị. Ịrẹyị awụ vị ẹnị ẹ sịị̄ tụ irenu pooro kẹnẹ ama ẹ yị yaa wa ayị.

Ijeremaya 5:2

Dị ụ daka aa yịị kà a nịnị ka waa hẹkẹ Ẹnẹyịmavara nịnị aanị, ireche u we che nịnị nị.

Ijeremaya 6:30

Ẹnẹyịmavara kà, enyusẹ ene si du ha a vanaa hị́ wa nị, agụvị ka ọnị ọ sị yi hụụnị aza anị.

Ezikẹẹrị 33:31

Ịzẹyịza dị aza hàrà gụ ka ẹnị ẹẹ wụ́ ịrẹyị ọnị waa kà. Ama ẹnịnị ẹ́ yị mẹ ịsị ọnị ụ ka ẹ̀ mẹ. Wàa wụ́ ịrẹyị irenu ẹnịnị, ụ ka ẹẹ da sì ịrẹyị aza, ama ọhọha vị ọnị ẹyaa yịị mẹẹ zị.

Ịrịka 24:16

Ohomorihi ene hu kere-kere ọ̀ sị ịrẹyị ọnọọ yị ọnị nị. Ọnịrị eyi anị o va ku ẹtẹ, dị Ẹnẹyịmavara Ochẹtẹẹngụ sị etore zụ ọnị nị.

Aniroomi 1:28

Aza ê yi, ẹ ka eni ee sì ka ẹnị ẹ̀ yẹ Ohomorihi. Agụvị avọọ, di Ohomorihi navọ wa ka èe ro ịrẹyị kẹnẹ-kẹnẹ, dị ẹẹ mẹ̀ ịsa ẹnẹ ẹ̀ yị vọrọ nị.

Anẹhwẹsọsị 5:6

Asị ụ zẹẹ ka ọza ọ̀ sị ịrẹyị kẹnẹ-kẹnẹ vene wu nịnị! Agụvị ịsa ẹnẹẹ Óhomorihi vaa sị sị ụyaa rị aza ẹnẹ ẹ̀ yị mā wụ́ ịrẹyị anị nị.

1 Itimoti 1:9

Ama à vẹ ya tamayị ka Ohomorihi ọyị hụ agụvị aza ana aa mẹ̀ ịsa ana vọrọọ mẹ ọda. Ọda vị ọnị ọ mẹ agụvị aza anaā jịnẹ ọda, ọnịrị anakamawụ. Ọ rẹ mẹ ọda agụvị aza ẹnẹ ẹ̀yị yẹ Ohomorihi ọnịrị ọnịvị nịnị beri aza ẹnẹ ẹ̀yị nyị ebira ọnịnị. Ọ rẹ mẹẹ agụvị aza anaā mẹ̀ ebira kẹnẹ-kẹnẹ, aza anaā wụ ada ẹnịnị ọnịrị ọnyị ẹnịnị, ọnịrị ọwọza.

1 Itimoti 5:8

Ọza ẹnẹ ẹ̀yị mā tẹsị aza anị, hu keekere aneehi anị, ọ́ọ sị zụ̀ ka ọyị dọ Ohomorihi wụ́. Ọ́ọ hyakụ kuku divi huna ọza ẹnẹ ẹ̀ yị vị ọdọwụ.

2 Itimoti 3:17

Ọ vaa mẹ ka ọza Ohomorihi ò zụ tenyi ẹngụ ẹtẹẹtẹrẹ, dị ọ̀ rẹ nyị avaba ịsị a vọrọ ka ọ̀ sịị mẹ avaba ụkọrọ ozoza.

Ịtayịtọsị 3:1

Tama aza awụ ayị ka ẹ̀ ká ịrẹsụ hi yị aza anaa mẹ ịjọva, dị ẹ̀ẹ wụ́ ịrẹyị ẹnịnị. Ẹnịnị è re tenyi ẹngụ dị ẹ̀ẹ mẹ̀ ịsa tụra ịsa ene èe zoza.

Ịtayịtọsị 3:3

Yáa yẹ ka ẹyị nyẹmba vịdị vị ọnụra, dị ị rẹ vị anakamawụ, di e reè vene yi nị. Dị yaa hẹkẹ ịsa edivi ọnị ọchẹngụ ayịị̄ sì, dị ị rẹ dụ ọda ụbanyị ẹhẹ ọnọnị ọyịmẹ̀ nị. Ịị̄ vịdịị mẹ̀ ebira edivi, dị yaa mẹ eyọhụrẹ, dị yaa kụ́ ayị aza, dị ị hyakụ aa kụ́ ayị ẹngụ bẹẹ nị.

1 Ịjọọnụ 2:4

Ọza ana áa ka ọnị ọ́ọ yẹ ẹ, dị ẹ̀ yị saasa ọda anị nị, onireche ọ vị nị, ọ́ yị nyị ịzẹyịza.

Ijudi 1:4

Agụvị ka aza ẹnyị ẹnẹ ẹ̀ yị yẹ Ohomorihi ệ tangwa sị ngụ ịnị akakana ịragụ awụ nịnị. Aza ẹnẹnị ẹ́ raà vara ayamva Ohomorihi tụ́ ịnị ịsị e sị eyi ka, dị ẹyaa mẹ ịsị e ze wa eyi nị. Ẹnịnị ê yi Ijeesu Ikirisiti tịtẹ, ana ahịka ọyịnyara ọ vị ọga ayị, dị ọ vị Ananyị yị nị. Á sị ọ chẹrẹ tịtẹ hụrị ụmọrụmọ ka ọza ana àa maanị mẹ, vị́ Ohomorihi vaa jị ịvịị yọ nị.

Ẹtore 21:27

Ẹ yị nyị ịsa ikonya eneē du ọza ẹngụ, ana vaa ngụ ịnị ẹkụra ọnọọ. Aza ene ee du ẹhẹ ọnịrị aza eneē cheeche, ẹ yị vaa ngụ ịzọọ. Aza ana chẹrẹ tụ́ ini iwe Ozi Atẹmẹ ọnọọ ana vị iwe aza ana yára pooro zịna-zịna kẹnẹ, ẹ vaa ngụ ịzọọ nị.

Ẹtore 21:8

Ama anangwahi ọnịrị aza ẹnẹ ẹ̀yị vị ọdọwụ, beri aza ana aā mẹ̀ ịsa enyisi, ọnịrị ọwọza nịnị beri ọsẹrẹka nịnị beri ẹnẹbẹ ọnịrị aza anaā hẹkẹ ori, ọnịrị avaba onireche nịnị vaa nyị aha ẹnịnị ini adagu ịra anaa sị ohuru tụ́; ọnọọ ọ vị isu ụpẹ ọhụva nị.”

1 Ịsamụwẹrị 15:22

Dị Ịsamụwẹrị tụ́ ohi dị ọ ka, “Wáá yẹ ka Ẹnẹyịmavara o yi sì ịrẹyị ịsọvọ anka o mè sì ka ọza ọ̀ọ wụ́ ịrẹyị ọnị ọnị ọ̀ọ kà. Ọza ọ̀ọ mẹ̀ ịsa ẹnị Ẹnẹyịmavara kà ô huna ịsọvọ ẹbanyị-ẹbanyị ana azaā mẹ.

1 Ịsamụwẹrị 15:24

Dị Ịsọọrụ va kà a yị Ịsamụwẹrị dị ọ ka, “Ma sị ebira odivi mẹ̀, ma raà jịnẹ ọda ọnị Ẹnẹyịmavara mẹ̀ ọnịrị ịrẹyị ọnị ụ kà yị mị. Aza ana saasa mị nọ ịrẹkụ mi ne hí angwa anị, dị mị na dọ ooho yị wa nị.