Ịtayịtọsị 1:15 - IWE ỌNỊNỊ

¹⁵ Ayị ọza ọ̀ọ nị, avaba ịsa vị ana vaa nị ini eyi anị. Ama ayị ọza ọ̀ yị nị, dị ẹ̀ yị rẹ vị ọdọwụ nị, ẹ yị nyị ịsị ẹẹ̄ nị ini eyi anị. Ayị anị beri ivehu anị nyẹmba ẹ yị hyakụ nị.

Ịtayịtọsị 1:15 ပူးပေါင်းရင်းမြစ်များ

Ụhịrẹyị 21:4

Aza anaa mẹ odivi vi anaā sịị ẹngụ tụ́ ẹba di e yee wu. Ịrẹyị odivi kẹnẹ ọ jị wa areyi nị.

Ụhịrẹyị 30:12

Aza ẹnyị vị ene ro ka ẹnị ẹ gụ ịnị eyi ẹnịnị, ama ẹnịnị e divi anka ụsẹmụsẹ ịnị ututu.

Ịhagayị 2:13

Dị Ịhagayị rẹ họ̀ wa use ka, ọza ọ̀ọ kanyị oku ene du ọ ẹngụ, ọza ọnọọ ọ̀ọ kanyị ịsọyịrị ẹnịnị, vị́ ọ́ọ́ zụ mẹ ka asị ịsa ẹnẹẹ kụkụ vị ọnịnị nị? Dị ohirẹsụ irehi Ohomorihi nịnị ka, hee nị.

Imatiwu 15:18

Ama ịsị ẹ jịnẹ hụrẹ ọza irenu, vị ana hụụnị ayị vẹ. Eni eē du ọza ẹngụ nị,

Odeyi 10:15

Dị ọngwẹ ọnọọ rẹ kà a yọ ka, “Ịsị Ohomorihi ọ̀ọ sị vara ọnịnị, asị ụ kụkụ hị́ ọọ ịsa ene du ẹngụ.”

Aniroomi 14:14

Ijeesu Ananyị yị o raà mẹ ka ma yẹ ịnị ayị amị ka ẹ yị nyị ịsa ana ahịka ọnị ụvọta ọyị nị. Ama ọza ene èe re ka ịsa ọ̀yị nị, ini eyi ọza ọnọọ kẹnẹ ọọ̀ yị nị nị.

Aniroomi 14:20

Asị ụ hụ agụvị ịsọyịrị ẹnyị du ịsa ọnị Ohomorihi mẹ và ha! Avaba ịsọyịrị ọ nị nị; ama ayị vọrọ ka ọza ọ̀ na rị ịsị ẹ vaa mẹ ka ọza ẹnẹsa ọ̀ na mẹ ịvị.

Aniroomi 14:23

Wàaa rị ịsa ẹnyị, dị ụ raa mẹ ayị ẹẹva tụ́ ịnị anị nị, wàa rị ịsa ọnọọ, vị Ohomorihi aa jị ịvịị yị wụ nị, agụvị ka ịsị ụ waa mẹ, ọyị jẹẹ tụ́ ịrẹsụ ịsụ ụ dọ wụ́. Ịsa tụra ịsa ọnị ọza ọ̀ọ mẹ, dị ọ̀ yị mẹẹ agụvị ka ộ vavọọ dọ wụ́ nị, ịvị ọ vị nị.

1 Anịkọrịntị 10:23

Ụ ka ẹ yị nyị ịsị ẹ za wụ ka asị ụ mẹ̀ ịsị e zé wu eyi nịnị. Ama yẹ nịnị ka ẹ yị vị avaba ịsa ọ zụ mẹ ọgụvọ yị ọza! Ụ ka ẹ yị nyị ịsị ẹ za wụ ka asị ụ mẹ̀ ịsị e zé wu eyi nịnị. Ama yẹ nịnị ka ayị vị avaba ịsa ọ zụ mẹ ka ọza ộ vịraa tụ́ ịnị ịsa Ohomorihi.

1 Anịkọrịntị 10:25

Wê re uye ini ohu, ụ hị́ ọọ dị waa rị ọọ kẹnẹ, ka ẹ yị nyị ọ mẹ̀ kà. Asị ne họ̀ use ịsọnyị-ịsọnyị ka ayị awụ va vazi,

1 Anịkọrịntị 10:31

Ịzẹyịza yọ, tamayị kẹnẹ ka wàaa rị, wèee hụ́, ịsa tụra ịsa ọnị ụ wàa mẹ, re ka ộ sị ụbanyị yị Ohomorihi!

1 Anịkọrịntị 8:7

Ama ẹ yị vị avaba aza ẹ yẹ ịzẹyịza ọnọnị. Aza ẹnyị ệ vavọọ hẹkẹ ori pooro, ana hi ka vi ve tù ajịnị, ẹ̀ẹ yaa rị ẹngụ ịsa ẹnẹẹ, vi eyee ro o ka ịsa ori yọ nị. Agụvị ka ayị ẹnịnị ẹ yị katẹngụ, dị eyee ro o ka ịsa ẹnẹẹ ẹ sị ẹnị du ẹngụ.

1 Itimoti 6:5

dị ẹyaa nyị ahankata pooro kẹnẹ. Ẹngụ aza ẹnẹẹ, eyi kuku zụ ro ịrẹyị ana vọrọ, ẹyị zụ kà ịzẹyịza. Ẹngụ aza ẹnẹẹ ee ro ka ahẹkẹ Ikirisiti vị oze ọnị ọza zụ hụra zị rị ọgụ.

Anihiburu 10:22

Agụvị avọọ, à vẹ ya sị ayị ọnya kà pe Ohomorihi, dị ya sị avaba ayị ayị tụra a, agụvị ka Ijeesu ọ raà nyịna ịvị ana ayị ayị aa jịị yị kwooze. A rẹ raà sị enyi ana nị nyịna ẹngụ ayị.

Anihiburu 12:15

Sị eyi pe ẹngụ awụ nịnị, agụvị asị a nyị ọza ana ahịka ọ rẹ̀ vaa dọ ayamva Ohomorihi! Asị a rẹ nyị ọza ana na yà anka ẹpa ọchị ọnyịrẹyị ana ha dị ọ̀ọ kụ́ ịrẹyịị hi ẹtẹ! Ẹngụ aza ẹnẹẹ vee du aza ọrụrụ-ọrụrụ ẹngụ.

Anihiburu 9:14

Anya uye ẹnẹ ẹ̀ẹ zụ mẹ ka aza ẹ̀ nị, ọnọọ ọ́ọ sị zụ̀ ka anya Ikirisiti ọ́ọ nyị ụkata hu avọọ ẹtẹẹtẹrẹ. Ẹngụ anị ụvọta ẹnẹ ẹ̀ yị nyị ịvị ọ sị mẹ ịsọvọọ yị nị ini oze Ụhwẹ Ọnịnị ana yàra pooro zịna-zịna. Agụvị avọọ ộ nyịna ayị ayị nị, ka asị ị kụkụ na mẹ ịvị, anaā sịị ọza nee sú; ama dị ya kụkụụ hẹkẹ Ohomorihi ana yára.