Ịtayịtọsị 1:11 - IWE ỌNỊNỊ

¹¹ Ẹyaa sị ịsa ẹnẹ ẹ̀ yị vọrọọ zụ̀ aza. Dị ẹyaa kụ́ avaba aza ene hi ini eehi ọnyaa nyeeyi. Ẹkẹhị kẹnẹ ẹ sị eyi tụ́ ịnị anị nị. Re ka ẹngụ aza ẹnẹẹ waa za wa irenu kú oku.

Ịtayịtọsị 1:11 ပူးပေါင်းရင်းမြစ်များ

Ahẹ Ụgama 107:42

Aza ana aa mẹ̀ ebira ana vọrọ ệ vavọọ re e, dị ẹ yaa jẹ nị. Dị aza ana aà mẹ̀ ebira edivi sị irenu ẹnịnị kú oku nị.

Ahẹ Ụgama 63:11

Ama Ohomorihi vị ana vaa mẹ ka ohinọyị ọ̀ọ jẹ aza anaā sịị ịrẹha Ohomorihi hị́ eku ka ẹnị vaa mẹ ịrẹyị dị ẹ rẹ mẹ̀ ẹ, vị ana vaa kụ́ Ohomorihi avọ, onireche nịnị vị oni Ohomorihi vaa za irenu kú oku.

Ijeremaya 8:10

Ẹnẹyịmavara kà, agụvị avọọ, ose ẹnịnị vị ọnị ọnị vaa sị yị anọrụ ọsa, dị ọnị aarẹ ẹnịnị yị aza ọwọọwa. Hụụnị ozweyi na ngụ ọzọkụ ẹnịnị, avaba ẹnịnị vị anaa họ̀ ọhọha ogu kẹnẹ. Ọnịsẹ ọnịrị ohirẹsụ irehi Ohomorihi nịnị vanaa mẹ azaa rị.

Ezikẹẹrị 13:19

Ọ kà, waa hụ agụvị ayị ibaari uvoku ọnya ọnịrị ịbụrẹẹdị ẹjịjị wẹ́ yị sị ụbanyị yị ọnị eyi aza anị nịnị. Waa wụ̀ aza ẹnẹ ẹ̀ yị vọrọ ka è sú nịnị, dị ụ navọ aza ẹnẹ ẹ̀ yị vọrọ ka ẹ̀ yara ka ẹ yara nịnị nị. Avọọ u mee cheeche yị ọza anị, dị ẹnịnị dọ wụ nịnị wụ́ nị.

Ezikẹẹrị 16:63

Ẹnẹyịmavara kà, ọnị vaa vagu avaba ebira odivi ọnị ụ mẹ yị wụ, ama ụ vaa tamayị ẹnịnị dị ụhị nyị wụ pooro ne tu ka wẹ́ yị va zụ ha irenuu kà ịrẹyị.

Imika 3:11

Ohinọyị awụ nịnị vị anaā dọ ochirerenu àaa mẹ̀ ọkarẹyị. Ohirẹsụ irehi Ohomorihi vị ana aa mẹ̀ ụkọrọ ka ọnị ọ̀ dọ ẹkẹhị kẹnẹ. Ọnịsẹ ẹnị raa kà ịsẹ ka ẹnị ẹ̀ sị dọ ẹkẹhị. Ama ẹ yaa kịị kà a kà Ẹnẹyịmavara jẹẹ ẹnị ịrẹma. Ẹ ka Ẹnẹyịmavara jẹẹ ẹnị ịrẹma ẹ yị nyị ịrẹyị ene vee tù ẹnị.

Imika 3:5

Ẹnẹyịmavara kà ọnịsẹ nịnị ẹ sị aza anị vene. Ọza ana sị ịsa yị wa, ẹ́ẹ̄ kà a ka o vee zee yi nị. Ọza ẹnẹ ẹ̀ yị sị ịsa yị na, dị ẹ ka Ohomorihi ọ yị vaa zẹẹ ka ò zee yị wa.

Imatiwu 23:13

“Wa sị dà nịnị, ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Wee gu oze hi aza ka asị ẹ ngụ ịzị Ada ayị ẹbẹẹba yà aa mẹ ịjọva. Ẹwụ nịnị ụvọta ọ yị ngụ eehi, aza ana aa ngụ eehi, wẹ yị zẹẹ wa nịnị.

Iruuku 20:40

Ịrẹma ọsọnị ẹ yị nyị ọza ana vana nyayịnẹ họ̀ ọ use ịrẹyị ọnyọọnyị.

Ịjọọnụ 10:12

Àa vị ọza ana a dọ ka òo sere atẹmẹ kẹnẹ yọ nị, ẹ yị vị ọza anaā tẹsị atẹmẹ ọ vị, ẹ yị rẹ vị ọnị ụvọta ọ nyị atẹmẹ ẹnẹẹ. Agụvị avọọ òo re ka akatapooro aa vẹ, dị ọ navọ atẹmẹ hi ẹtẹ, di o si zwe. Dị akatapooro ọnị kụkụ za atẹmẹ ẹnyị, dị ọ gara ana vọ và ha.

Aniroomi 3:19

Yáa yẹ ka avaba ịsị a chẹrẹ tụ́ ịnị ọda Ohomorihi ọ́ọ za a avaba aza anaa sị ọda ọnọọ yị. Ọnọọ vaa mẹ ka asị a nyị ọza ene kuku zụ re kụ́; dị avaba anẹhẹ ẹ̀ na kụ́ irenu ẹnịnị ọ́vịdị Ohomorihi.

2 Anịkọrịntị 11:10

Mâ sị ịzẹyịza Ikirisiti, ana yà ịnị ayị amị ta ivenu, ka ẹ yị nyị ọza ana va zụụ mẹ ka asị mị kụkụ rẹ̀ maanị wo oto ịnị ẹtẹ Akaya.

1 Itimoti 5:13

Ẹ yị vị avọọ kẹnẹ, dị ẹyaa nyị uworo, dị ẹ rẹ yaa ngụ irehi-irehii zị. Ene divi hu ọ vị ka, dị ẹ kụkụ aa kụ́ ọza ịrẹkaa zị, dị ẹyaa jị eyii ngụ ịnị ịrẹyị ọnịrẹyị, dị ẹ rẹ yaa kà ịsa ẹnẹ ẹ̀ yị vọrọ.

1 Itimoti 5:4

Osoku ana àa ma ozi, à vị ka dị ọ nyị aazị nị, áa vọrọ ka ezi ẹnẹẹ ẹ̀ vịdị tẹsị aneehi ẹnịnị, anka Óhomorihi mè sì ọọ. Avọọ ẹ mẹ̀ zụ mẹ sí aza ana ma wa ụta nị. Ịsị Ohomorihi sì ọ vị ọnọọ nị.

1 Itimoti 6:5

dị ẹyaa nyị ahankata pooro kẹnẹ. Ẹngụ aza ẹnẹẹ, eyi kuku zụ ro ịrẹyị ana vọrọ, ẹyị zụ kà ịzẹyịza. Ẹngụ aza ẹnẹẹ ee ro ka ahẹkẹ Ikirisiti vị oze ọnị ọza zụ hụra zị rị ọgụ.

2 Itimoti 2:18

Ẹ sị há hụụnị oze ịzẹyịza. Ẹ ka aza ẹ sị ha hụụnị isu da. Ini oze avọọ, ẹ raà mẹ ka asị aza ẹnyị kụkụ vị ọdọwụ.

2 Itimoti 3:6

Dị aza ẹnyị ẹnịnị sị irikichi na ngụ ini eehi aza, dị e ne vene anyẹnẹẹ ẹnẹ ẹ̀ yị yẹ ịrẹyị, dị ẹ za wa. Ẹngụ anẹẹ ẹnẹẹ vị ọnị ịvị sị ngụ tịtẹ, dị ẹ kụkụ yà ịnị ụvọ avaba ịsa ọnị ọchẹngụ ẹnịnị òo sì kẹnẹ.

Ịtayịtọsị 1:7

Agụvị ka ọdọvịdị ịragụ o si eyi pe ịragụ Ohomorihi, ẹ́ yị vọrọ ka ọ̀ nyị ohuvọ ọnyọọnyị. Asị ọ vị ọza ana ahịka aanị ịnya kẹnẹ ọọ̄ dụ nị, asị ọ rẹ vị ọza anaā hụraa kụ́ ayị, dị asị ọ́ rẹ vị ohweche. Asị ọ vị ọnịrazị, dị asị ọ rẹ vị ọza anaā sịị ayị tụ́ ịnị ẹkẹhị kẹnẹ.

Ịtayịtọsị 1:9

Áa vọrọ ka ọ̀ rẹ sị ụvọ za ịrẹyị Ohomorihi ana vị ịzẹyịza, anka á mẹ vịdị raà sị zụ̀ ọ: dị ọnị ọ̀ rẹ yẹ ọ mẹmẹ zụ sị ịrẹyị ịzẹyịza beri aza juwe, dị ọ̀ rẹẹ sịị zụ̀ aza ẹnẹ ẹ̀ yị dọ ịrẹyị ọnọọ ka, e si nyeeyi.

Ịtayịtọsị 3:10

Ọza ana àaa há azaa hi, wàa sị ọ kà ọ̀nọ̀ tù ụpẹ ẹẹva, ụ kụkụ sị ayị hụụnị ịrẹyị anị!