Ịtayịtọsị 1:1 - IWE ỌNỊNỊ

¹ Ẹma vị Ịpọọrụ ana vị ozi ahụ Ohomorihi, dị mị rẹ vị odeyi Ijeesu Ikirisiti nị. Ohomorihi ộ tụ́ mị ka ma na gụ aza ọnị ọ́ sị nyị ụvọ ka ẹ̀ zụ sị ayị tụra a: dị ma rẹ sị zụ̀ wa, dị ẹ̀ zụ yẹ ịzẹyịza anaā sịị oze zụ̀ aza ka ẹ̀ zụụ mẹ̀ ebira ene ze Ohomorihi eyi.

Ịtayịtọsị 1:1 ပူးပေါင်းရင်းမြစ်များ

1 Ịtọpa 6:49

Ama Eerọnị ọnịrị ezi anị ẹẹ̄ mẹ̀ ịsọvọ ịrẹsụ ụta ana aā yaa rị ịsa ịsọvọ ịra nị. Ẹnị ẹ rẹẹ mẹ̀ ịsọvọ ịrẹsụ ụta ana aā yaa rị eturare ịra nị. Ẹnị ẹẹ̄ mẹ avaba ụkọrọ ana a nyị ịzị ẹ gụrị Ohomorihi hu keekere àa mẹ ahẹkẹ nị. Eerọnị ọnịrị ezi anị ẹnẹnị ẹẹ̄ mẹ̀ ịsọvọ oni Ohomorihi sịị̄ vagu ịvị Anisirẹrị nịnị nị. Avaba ụkọrọ ẹnẹnị vị ẹnẹ ẹnịnịị̄ mẹ anka Imosiisi, ozi ahụ Ohomorihi mẹ̀ kà a yị wa.

Iruuku 18:7

Wéé ro ka Ohomorihi ọ yị vaa mẹ̀ ịsa ana vọrọọ yị aza anị ọnọọ nyị, ene ee nowuu hị́ ọọ, ọọdụ ọnịrị ịrahụ, ọ̀ọ daka za wa tura ẹtẹ?

Odeyi 13:48

Ịjị Anigiriki ẹnị maanị wụ́, dị ẹyaa jẹ, dị ẹyaa sị ụgaa yị ịrẹyị Ananyị yị nị. Aza ọnị ọ sị nyị ka ẹ̀ yàra pooro zịna-zịna, ệ sị ayị tụra a.

Aniroomi 1:1

Ẹma vị Ịpọọrụ ozi ahụ Ijeesu Ikirisiti nị. Ohomorihi ộ hị́ mị ka ma vị ozirẹma Ijeesu, dị ọ̀ rẹ nyị mị ka ma kà enube ọyịza anịị yị aza nị.

2 Anịkọrịntị 1:1

Ẹma vị Ịpọọrụ nị, Ohomorihi ô sì ọọ ka ma vị ozirẹma Ijeesu oni Ohomorihi nyị mẹ ohinọyị ka ọ̀ dọ yị ha. Ẹmịrị Itimoti ẹnẹbẹnị ayị aa chẹrẹ iwe ọnọnịị tụ́ụ hi wu nịnị anịragụ Ohomorihi ene hi Ịkọrịntị beri avaba aa Ohomorihi ene hi ẹtẹ Akaya nị.

Anẹhwẹsọsị 2:8

Vị Ohomorihi vayị awụ nịnị kẹnẹ, dị ọ dọ wụ nịnị há, ụ mẹ̀ sị ayị tụraa nịnị nị. Ayị vị agụvị ịsị ụ mẹ nịnị, vị Ohomorihi sị yị wụ nịnị ọọhẹ kẹnẹ nị.

Anihwiripi 1:1

Ẹmị Ịpọọrụ ọnịrị Itimoti ana vị ezi ahụ Ijeesu Ikirisiti aa chẹrẹ iwe ọnọnịị tụ́ụ hi avaba aza Ohomorihi ẹnị ẹnịrị Ijeesu sị vị ọnya ene hi Ihwiripi, re ne beri ọdọvịdị ịragụ Ohomorihi ọnịrị aza ana aa mẹ ọgụvọọ yị wa.

Anikorasi 2:2

Mị vavọọ aa vụrị agụvị ayị ẹnịnị ẹ̀ vị́, di è zụ sì ịrẹyị ẹngụ, dị ẹ̀ rẹ zụ vabẹ. Mee sì ka ẹ̀ yẹ ẹtẹẹtẹrẹ ịsa Ohomorihi vị ọnịrị ịrẹyị oni iruvo anị nyịnẹ. Ịrẹyị ọnọọ ọ vị Ikirisiti ọnị nyẹmba nị.

1 Itimoti 2:4

Ohomorihi ee sì ka ọnị ọ̀ dọ avaba aza há, dị ẹ̀ zụ yẹ ịzẹyịza.

1 Itimoti 3:16

Avaba aza ẹ́ẹ dọ ka ahẹkẹ ayị ọnọnị, ọ ka hịịn, iruvo anị ọ́ọ nyịnẹ ẹtẹẹtẹrẹ: Ikirisiti ọ́ọ sị ẹngụ anị zụ̀ anka ọzarẹyịrẹsụ. Ụhwẹ Ọnịnị ọ́ọ sị zụ̀ ka ọnịzẹyịza ọ vị nị, anggẹẹrị nịnị e re ree. Áa kà ịrẹyị anị yị anẹhẹ, anẹhẹ ẹ́ẹ sị ayị tụra, dị a sị ọọ nọ ẹbẹẹba ini igirima nị.

1 Itimoti 6:3

Ọza ana àa sị ịrẹyị ọsa zụ̀ aza, dị ọ̀yị saasa ịrẹyị obooro ana vị ịrẹyị Ijeesu Ikirisiti Ananyị yị, dị ọ̀yị rẹ saasa ebira ene zé Ohomorihi eyi ọnị yaa sịị zụ̀ aza nị,

2 Itimoti 2:10

Agụvị avọọ, mâ sị ẹngụ dọ avaba ụyọrị agụvị aza oni Ohomorihi sị nyị, dị Ijeesu Ikirisiti ọ̀ rẹ zụ dọ ụyọrị agụvị aza ọnị Ohomorihi sị nyị, dị Ijeesu Ikirisiti ọ̀ rẹ zụ dọ ẹnị há, dị ẹ̀ rẹ nyị ụbanyị ana yà pooro zịna-zịna yị wa.

2 Itimoti 2:23

Asị ụ rẹ nyị ụvọ tụ́ ịnị ahankata ụra, agụvị ka wâ yẹ ka ịrazị ẹẹ̄ kụ́ụ vẹ nị.

2 Itimoti 2:25

Ọ̀ọ sị ayohunẹnẹẹ pe aza ana aa kụ̀ụ hịrẹẹ juwe, ịsavọọ Ohomorihi ọ̀ na mẹ ka è re oze ro ịnẹ varẹma, dị ẹ̀ va yẹ ịzẹyịza.

Ijemiisi 1:1

Ẹma vị Ijemiisi ana vị ozi ahụ Ohomorihi ọnịrị Ijeesu Ikirisiti Ananyị yị nị. Maa chẹrẹ iwe ọnọnịị tụ́ụ hi ẹwụ nịnị aza Ohomorihi ana gara hi avaba ẹhẹ. Wáá dahi nịnị?

2Ipita 1:3

Yáa yẹ Ijeesu ana hị́ yị ka ya nyị tụ́ ịnị ụbanyị anị ọnịrị ebira ozoza anị. Ụkata Ohomorihi ọ raà sị avaba ịsa ana vọrọ ka ya nyị yị, dị ya zụ nyị ebira obooro, dị ya rẹ zụ mẹ̀ ebira ene ze Ohomorihi eyi.

2Ipita 3:11

Ụmẹ sị yẹ nịnị aanị ka aanị avaba ịsa mẹ̀ vee vú ẹtẹ nị, yẹ ẹngụ ebira ana vọrọ ka waa mẹ nịnị! Àa vọrọ ka ẹhẹ awụ nịnị ọ̀ vị ọnịnị, dị ụ wa sị ẹngụ awụ nịnị yị Ohomorihi saka-saka, dị ụ waa mẹ̀ ebira ene zé Ohomorihi eyi!

1 Ịjọọnụ 2:23

Ọza ẹnẹ ẹ̀ yị dọ Ozi Ohomorihi, vị ẹ̀ yị rẹ dọ Ohomorihi Ada ayị avọọ nị. Ama ọza ana àa sị Ozi Ohomorihi dọ, vị ọ rẹ dọ Ohomorihi Ada ayị avọọ nị.

Ẹtore 1:1

Iwe ọnọnị vị ịrẹyị ịsa oni Ijeesu sị zụ̀ ezi ahụ anị. Ohomorihi ộ sị ịsa ẹnẹnị yị Ijeesu Ohinọyị ọnị Ọ nyị ka ọ̀ dọ yị há, ka ọ̀ sị zụ̀ wa ịrẹyị ana ahịka o yi vee kù dị ẹ̀ mẹ. Di Ikirisiti tụ́ anggẹẹrị anị hi Ịjọọnụ ozi ahị anị ka ọ̀ na sị ịsa ẹnẹẹ zụ̀ ọọ nị.