Iruutu 2:4 - IWE ỌNỊNỊ

⁴ Ẹ mẹ̀ vavọọ hi ịzọọ, di e vene re ka Ibowazị ộ hụrẹ ịnị ubooro Ịbẹtịrẹhẹmị aa vẹ nị. Dị ọ kụ́ anụkọrọ ẹnẹẹ nị, dị ọ ka, “Ẹnẹyịmavara ọ̀ yà pè wụ nịnị.” Dị ẹnịnị va ụkụ yọ ka, “Ẹnẹyịmavara ọ navọ ò zee wu.”

Iruutu 2:4 ပူးပေါင်းရင်းမြစ်များ

Oyinyima 18:19

Mẹ yị vavọọ zụ mẹ. Ma raà nyị Abụrahamị ka ò hú ezi anị ọnịrị aneehi anị ụvọ ka ẹ̀ va tụra oze amị ka ẹ̀ẹ mẹ̀ ịsa ana vọrọ ini eyi ẹmị Ẹnẹyịmavara, dị ẹ̀ẹ mẹ ịzẹyịza. Ọnọọ vaa mẹ ka ịsa ọnị mị ka maa mẹẹ yị Abụrahamị me re oze mẹ̀ ẹ yọ.”

Oyinyima 28:3

Di ọ mẹ̀ aduwa yọ dị ọ ka Ohomorihi Ochẹtẹẹngụ vaa mẹ ka ò zee yọ, dị ọ mẹ ka ọ ma ozi ẹtẹẹtẹrẹ. Ezi ewu ẹ vaa vị ohiku anẹkụra ọrụrụ-ọrụrụ nị.

1 Ịtọpa 2:51

Ozi ụpọhụva anị Ịsarịma, ọ vị ọnịpaapa na ra ẹtẹ Ịbẹtịrẹhẹmị nị, dị ozi ụpọhụta anị, Ịharẹhwị vị ọnịpaapa na ra ẹtẹ Ịbẹtịrẹhẹmị nị, dị ozi ụpọhụta anị, Ịharẹhwị vị ọnịpaapa na ra ẹtẹ Ịbẹtị-Ịgada nị.

Ahẹ Ụgama 118:26

Ọza ẹnị Ẹnẹyịmavara tụ́ aa vẹ aanị vi oni o vee zee yị. Ẹyị hi ini eehi Ẹnẹyịmavara, yaa kà a ka ò zee wu.

Ahẹ Ụgama 134:3

Ẹnẹyịmavara yà. Ọnị ọ mẹ ihinẹba ọnịrị ẹtẹ nị. Ọ̀ navọ ọ̀ mẹ ka ò zee wu nịnị.

Ijeremaya 31:23

Ẹnẹyịmavara Ochẹtẹẹngụ, Ohomorihi Anisirẹrị ka, ịjị ọnị ọọ raa varẹma kụ aza anị vaavẹ eehi ẹnịnị, ẹnịnị vanaa kà a ịnị ẹtẹ Ijuda ọnịrị avaba ẹkụra ene hi ịnị anị ka, Ẹnẹyịmavara ọ̀ mẹ ka ò zé yị ataba anị ana yà Ijerusarẹmị, aha ọnịnị ịzị ọnị ụvọta ra.

Ịrịka 6:24

Ẹnẹyịmavara oo sere wa, dị ọ mẹ ka oo zee yị wa.

Iruuku 1:28

Dị anggẹẹrị ọnọọ ve tù ọọ nị, dị ọ ka, “Tangwa o! Ohomorihi ô re wu eyi, ọ rẹ yà pe wụ.”

2 Anịtẹsaronika 3:16

Ananyị yị ụvọta anaā sịị ẹngwọọrọọ yị, ọ̀ sị ẹngwọọrọ wụ nịnị ịnị avaba ụmẹ ọnịrị ini oze tụra oze! Ananyị yị ọ̀ yà pe avaba awụ nịnị!

1 Itimoti 6:2

Ezi ahụ ana àa nyị ọga ana vị ọdọwụ, asị ẹ sị eyi oweyi ree, agụvị ka ọ́ọ mẹhị vị ẹnẹbẹnị ẹnịnị. Vị a vọrọ ka ẹ̀ hyakụụ mẹ ụkọrọọ yị waa hu avọọ nị, agụvị ka aza ana aa rị ọgụ ụkọrọ ẹnịnị vị ọdọwụ ene e sì ịrẹyị anị. Waa sị ịsa ẹnẹnịị zụ̀ aza, di u we sii pe waa juwe!

2 Itimoti 4:22

Ananyị yị ọ̀ yà ịnị ayị awụ! Ohomorihi ọ̀ mẹ ọyịza wụ nịnị!

Ijosuwa 24:15

Ama ẹnịnị e yi si ka ẹnị ẹ hẹkẹ Ẹnẹyịmavara, Ẹ nyị ịhị ọnọọ ịsa ọnị ẹnịnị e vaa kụ́ yị. Avị ori ohiku ẹnịnị, avị ori Anamọrị ịzị ẹ yaa aanị. Dị Ijosuwa ka ọnịrị ovwoovu anị vị ana vaa hẹkẹ Ẹnẹyịmavara.

Ọdọvịdị 6:12

Ịzọọ anggẹẹrị ya sị ẹngụ zụ ọ, dị ọ pe Igidiyọnị ka ịrẹyị nị, ọ kà Ẹnẹyịmavara ya pe e wu, ọkụrẹkụ ọbanyị.

Ọdọvịdị 6:16

Dị Ẹnẹyịmavara kà a yị Igidiyọnị ka ọ zụ mẹ̀ ẹ agụvị ka ọnị vaa gụ ọ ụvọ. O vee huna Animidiya nịnị anka ọza rere ee tu ọza ịnya avọọ nị.

Iruutu 2:3

Ọ mẹ̀ na ịhyọnọọ ka ọnị ọ̀ na tọ̀ọ́ ịzaha ịrẹma aza ana aa mẹ ibaari dị ọ na ngụ ịnị aarẹ ọnya aanị, ama ọ yị yẹ ka aarẹ ọnọọ vị ọnya ịnị aarẹ Ibowazị ana vị anda Ẹrịmẹrẹkị.

Iruutu 2:5

Dị Ibowazị họ̀ ozi ahụ anị ana vị ọdọvịdị anụkọrọ anị ka, “Ẹnị ozi ọnẹẹ ọnọnị vị kẹ?”

Iruutu 4:11

Dị avaba aza ene hị́ ịzọọ beri azọkụ nịnị ka, “Ee, avaba ayị vị onivenu. Ẹnẹyịmavara ọ̀ navọ ọnẹẹ ana aa vẹ ịnị eehi awụ aanị ọ̀ ma ozi anka Irechẹrị ọnịrị Iriya. Ozi Irechẹrị ọnịrị Iriya ẹ mẹ ka irehi Isirẹrị ọ̀ yara. Ẹnẹyịmavara ọ̀ va sị wụ tụ ẹbẹẹba ịnị ịrẹsụ Ehwirati, dị wa va ngụ ịrẹyị ịnị ẹkụra Ịbẹtịrẹhẹmị.

1 Ịsamụwẹrị 17:37

Di Idevidi rẹ ka Ohomorihi ama dọ ọnị hụrẹ ụvọ idu ọnịrị ọdụmị rẹ vavọọ vaa dọ ọnị hụụnị ụvọ Anihwirisiti ọnọnị. Dị Ịsọọrụ ka Idevidi ọ̀ọ na, ka Ẹnẹyịmavara vaa yàa pe e.