Iruutu 2:2 - IWE ỌNỊNỊ

² Ẹkụhị ọnya dị Iruutu kà a yi Inawomi ka ọ̀ jẹẹ ọnị ọ̀ nọ ịnị aarẹ. Ọ kà ịsavọọ oni òo re ọza ana aa mẹ ibaari, di o nyị oni iyi nị, dị ọnị ọ̀ tọ̀ọ́ ịzaha ịrẹma ẹnịnị. Di Inawomi ka ooho nị.

Iruutu 2:2 ပူးပေါင်းရင်းမြစ်များ

Oyinyima 32:6

Di ọnụtụ ẹnẹ vavẹ ve tù Ijekọvụ dị ẹ ka, “Ẹnị ẹ ne tù Iisọ ẹnẹbẹnị anị. Ẹ ka ộ kụ́ aza ẹnị akava tụra ẹngụ aa vaa gẹrị Ijekọvụ.”

Ireevi 19:10

Ẹ̀ẹ yaa há ẹtụtụ ọchị ịvayịnị ẹnịnị, ẹ̀ vọ tịtẹ. Ana àa hụrẹ hi ẹtẹ, asị ẹ varẹma na tọ̀ ọ yọ. Ọ kà ẹnịnị ẹ̀ naavọ yị oniruwa ẹnịnị anẹkụra ọsa nịnị ene hi ịzọọ, Ọnị ọ vị Ẹnẹyịmavara, Ohomorihi ẹnịnị nị.

Ireevi 19:16

Ọ kà à sị ẹnịnị yà ịnị akakana anda ẹnịnị dị ee du ọza ịrẹma. À sị a nyị ọza ana na dọ ivenu ireche ana vaa mẹ ka à wụ ọnọhụva anị.

Ireevi 19:9

Ọ kà ẹnịnị àaa kụ ịsa ịnị aarẹ ẹnịnị gụ, asị ẹ kụ ọ na ngụ ụtụụtọ aarẹ ẹnịnị. À sị ẹ varẹma vatụra aarẹ na tọ̀ọ ịzaha ana á parahu.

Ireevi 23:22

Ẹnẹyịmavara ộ kà a yị Imosiisi ka, ẹnịnị àaa kụ ịsa ịnị aarẹ ẹnịnịị gụ, à sị ẹ́ mẹẹ na ngụ ụtụụtọ aarẹ ẹnịnị. Â sị ẹnịnị rẹ varẹma na tọ̀ọ ịzaha ana a para hu ẹnịnị ẹ̀ naavọ tịtẹ yị oniruwa ẹnịrị anẹkụra ọsa nịnị ene hi ịzọọ.

Iruutu 2:3

Ọ mẹ̀ na ịhyọnọọ ka ọnị ọ̀ na tọ̀ọ́ ịzaha ịrẹma aza ana aa mẹ ibaari dị ọ na ngụ ịnị aarẹ ọnya aanị, ama ọ yị yẹ ka aarẹ ọnọọ vị ọnya ịnị aarẹ Ibowazị ana vị anda Ẹrịmẹrẹkị.

Iruutu 2:7

Ộ dá ịpẹ yị mị ka, aarịhịnị ọnị ọ̀ tọ̀ọ́ ịzaha ịnị akakana ọdụ ene hi ịrẹma ọnụkọrọ nịnị. Hụrẹ ẹnẹnẹ ọ jẹẹ ịzẹnị nị. Ọ mẹ yịị va yaayịtẹ ịnị ajẹngụ yị.”

1 Ịsamụwẹrị 1:18

Dị Ịhaana kụ́ ọ avọ, dị ọ varẹma nọ ịnị eehi, dị ọ ngwara eyi hi, dị ọ rị ịsa nị.