Iruuku 9:7 - IWE ỌNỊNỊ

⁷ Ohinọyị ana aā hị́ Ịhẹrọdị ộ wụ́ avaba ịrẹyị oni Ijeesu aa mẹ. Ayị Ịhẹrọdị ọ sị vazi, agụvị ka aza ẹnyị ka Ịjọọnụ yọ nị, ka vị ọ ha hụụnị isu nị.

Iruuku 9:7 ပူးပေါင်းရင်းမြစ်များ

Ahẹ Ụgama 73:19

Ịjị a naa kà ẹẹva, wa sị wa wụ̀ va ha. Oze odivi ẹhẹ ẹnịnị zị za ẹtẹ nị.

Ayịsaya 22:5

Ẹnẹyịmavara Ananyị yị Ochẹtẹngụ ọ sị ẹkụhị ọnya jị. Ịhị ọnọọ aza ana re hi ini osusuu ịzị Ohomorihiī yàa mẹ ka aza anị è re ẹtẹ vee hí angwa. Ọnịvị ẹnịnị vee huna wa, dị ẹnịnị ẹ yị kụkụ yẹ ịsị ẹ yaa mẹ. E vee wu ọvọ ana kara ẹkụraa vaa hi ẹtẹ, aza vee nowu dị ataba aa dọ wa ọngwẹ.

Imika 7:4

Ana dahi hu ịnị ẹnịnị ê divi huna ikeyi Ọnịsẹ ệ vịdị kà wụ nịnị ọ̀nọ̀ ịhyọọ ka a vaa nyị ịrẹyị. Ịrẹyị ọnọọ ọ vẹ, o, ewee họ̀ use ka ụ mẹ̀ vaa zị.

Imatiwu 11:2

Ịjọọnụ ọhwọzenyi vị ana yà ịnị ẹngwa, dị ọ wụ́ ụkọrọ oni Ikirisiti aa mẹ nị. Dị ọ tụ́ ezirẹma anị ẹnyị ne tù ọọ nị.

Ịmaakị 8:28

Dị ẹnịnị ka, “Aza ẹnyị ka Ịjọọnụ ọhwọzenyi ụ vị nị. Dị aza ẹnyị rẹ ka Erija; dị aza ẹnyị ka ọnya ịnị ọnịsẹ nịnị ụ vị nị.”

Iruuku 13:31

Ịhị ọnọọ gẹdẹ-gẹdẹ, dị Anihwarisi ẹnyị vẹ, dị ẹ kà a yọ ka, “Jịnẹ hụụ ịzẹnị, dị ụ wa nọ aha ọsa; agụvị ka Ịhẹrọdị ee sì ka ọnị ọ̀ wụ wụ.”

Iruuku 21:25

Dị Ijeesu ka, “A vaa nyị apọtẹrẹwa ịnị ọyị ọnịrị ịnị ụhwẹ beri ụzọmị nịnị. Anẹhẹ nịnị vaa rị ụya ẹtẹẹtẹrẹ, dị ayị ẹnịnị kụ́ vazi agụvị òkū ana aa dà, dị aa sụ́ ịrẹyị.

Iruuku 23:7

Ọ mẹ̀ wụ́ ka ịzị Ịhẹrọdị vị ohinọyị tụ́, Íjeesu hụrẹ vẹ nị, dị ọ sị ọọ tụ́ na yị Ịhẹrọdị nị. Ịhẹrọdị ọnị vị ana yà Ijerusarẹmị ịnị ụmẹ ọnọọ.

Iruuku 3:1

Ọ sị gụ ịrayị ẹwụrẹhị oni Itiberịyọsị sị rị ohinọyị Iroomi. Ịpọntụsị Ipayireti ọ vị ịgọvọnọ tụ́ Ijudiya nị. Dị Ịhẹrọdị ọnị vị ọnọba tụ́ Igariri nị, di Ihwiripi ẹnẹbẹnị anị ọnị rẹ vị ọnọba tụ́ Ituriya ọnịrị Itirakoniti nị. Dị Irisaniyasi ọnị rẹ vị ọnọba tụ́ Abirene nị.

Iruuku 9:19

Dị ẹnịnị ka, “Aza ẹnyị ka Ịjọọnụ ọhwọzenyi ụ vị nị; dị aza ẹnyị rẹ ka Erija; dị aza ẹnyị ka ọnya ịnị ọnịsẹ ịyẹẹyẹ nịnị ọ ha hụụnị isu vẹ nị.”