Iruuku 8:52 - IWE ỌNỊNỊ

⁵² Avaba anịzọọ ee nowu, dị ẹyaa jị òrèrè ozi ọnọọ nị. Dị Ijeesu kà a yị wa ka, “Asị u rè sụ ùnè nịnị, ka ozi ọnọọ o yi sú; vị aa sụ ara nị!”

Iruuku 8:52 ပူးပေါင်းရင်းမြစ်များ

Oyinyima 23:2

Isera vị ana yà ẹkụra ana aā hị́ Ikiriyati-aba, dị ahịka ịzọọ ọ yà sú nị. Ịzọọ a kụkụ aa hị́ Ihebirọnị booro aanị nị. Abụrahamị ộ jị òrèrè anị ẹtẹẹtẹrẹ.

2 Ịsamụwẹrị 18:33

Ẹngụ ohinọyị ọ sị sụ ẹgahị ọ mẹ̀ vavọọ wụ́, di o zi oze ini ukere oze ịnị ẹkụra hịrẹ nọ ini eehi anị, di o nee sụ́ ùnè nị. Ó mèe sụ́ ùnè dị ọ ka, “Abịsarọmị ozi emi, oo! Abịsarọmị ozi emi, àa yẹ ahịka ẹmị ụvọta ọ yaanị maanị sú nị. Abịsarọmị oo, ozi emi oo!”

Ọyịkụra 24:17

Anisirẹrị nịnị vi ene ee re eguhi igirima Ẹnẹyịmavara ọnọọ anka ịra ana aa rị ịra ịrẹsụ ataba ọnọọ avọọ.

Ịzakaraya 12:10

Ẹnẹyịmavara kà a, ọnị vaa mẹ ka ezi Idevidi ẹnịrị aza ana ra Ijerusarẹmị ẹẹ vayị ọza, dị ẹẹ mẹ̀ aduwa. Ẹnịnị vee re ọza ẹnẹ ẹ sị ụ̀hwọ̀ wụ̀, dị ẹ yaa zị ẹngụ yọ anka aza anaa zị ẹngụ yị ozi ene su avọọ. Ẹ vaa nyayịnẹ zị ẹngụ anka ozi ịpaapa ọza ô rere su avọọ nị.

Imatiwu 11:17

dị ẹ ka: ‘Yée hú okokoro yị wụ nịnị, ama wẹ yị nyị ẹzẹ nịnị. Ya rẹ jị òrèrè yị wụ nịnị, ama wẹ yị jị òrèrè nịnị!’

Iruuku 23:27

Dị aza ọrụrụ-ọrụrụ aa dụ ọọ na beri anẹẹ ene ee nowu, dị ẹyaa jị oreree yọ nị.

Iruuku 23:48

Ịjị avaba aza ana vẹ ịzọọ ve re ẹtẹ, re ịsa ana mẹ, dị ọzọza sị ụvọ kú ịrẹsụ, dị ẹ varẹma aa nọ eehi nị.

Iruuku 8:51

Ịjị Ijeesu tù ini eehi ọnọọ, ọ yị zẹẹ ka ọzọnyị-ọzọnyị ọ̀ ngụ ini eehi dụ ọnị na, ẹ̀ yị vị Ipita ọnịrị Ịjọọnụ ne beri Ijemiisi ọnịrị ada ozi ọnọọ beri ọnyị anị kẹnẹ.

Iruuku 8:53

Dị ẹ yaa sị ọọ mẹ enyinyi nị, agụvị ka ệ yẹ ka ozi ọnọọ ô wusu.

Ịjọọnụ 11:4

Íjeesu mẹ̀ vavọọ wụ́, dị ọ ka, “Ẹ yị vị ẹngụ isu aa zị Ịrasarụsị aanị. Ẹngụ ọnọnị vị ana vaa mẹ ka aza è re igirima Ohomorihi. Aza rẹ vaa hụ agụvị avọọ sị igirimaa yị Ozi Ohomorihi.”