Iruuku 8:3 - IWE ỌNỊNỊ

³ Ẹnị ọsa vị Ijowana, ose Ichuza ana vị ozi ahụ Ịhẹrọdị, ọnịrị Isusana beri anẹẹ ọrụrụ-ọrụrụ ọsa anaā sịị ịsa ẹnẹ ẹ̀ẹ nyịị mẹ ọgụvọ yị Ijeesu ọnịrị ezirẹma anị.

Iruuku 8:3 ပူးပေါင်းရင်းမြစ်များ

1 Ịtọpa 29:14

Idevidi ka, ama ẹnẹ ẹ vị ẹmịrị aza amị, dị ị maanị zụ sị ịsa va wụ, ka ẹwaā sị avaba ịsaa yị ọza nị; ịsa ọnị ụ nyị ị́ sị hụụnị anị varẹma va wụ nị.

Ayịsaya 23:18

Ama ọgụ ọnị ọ̀ọ rị vị ọnị ọ vaa sịị yị Ẹnẹyịmavara. Ọza ọ yị kụkụ vaa kụ́ ọ tẹ. Aza ana ra ịda Ẹnẹyịmavara a vaa kụ́ ọgụ ẹnẹẹ naa yị nị. Dị ẹnịnị aa sị rị ịsa ẹtẹẹtẹrẹ, dị ẹ rẹ yaa sịị hị́ ịta ozozaa kú ẹngụ.

Imatiwu 14:1

Ụmẹ ọnọọ Ịhẹrọdị ọnọba ộ wụ́ ịrẹyị Ijeesu.

Imatiwu 14:3

Ịhẹrọdị vị ana vịdị za Ịjọọnụ, dị ọ sụ́ ọọ dị ọ sị ọọ tụ́ ịnị ẹngwa nị agụvị Iherodiya. Iherodiya vịdị vị ose Ihwiripi, ọyịnyara Ịhẹrọdị.

Imatiwu 14:6

Ẹkụhị ọnya Ịhẹrọdị aa rị eche ẹkụhị anaa sị ma a. Di ozi ọnẹẹ Iherodiya nyị ẹzẹ, dị ẹzẹ ọnọọ zé Ịhẹrọdị eyi pooro nị.

Imatiwu 2:11

Ịjị ẹ sị ngụ ịnị irehi ọnọọ, ê re ozi ọnọọ ọnịrị Imeri ọnyị anị, dị ẹnịnị va ku ẹtẹ, dị ẹ kụ ọ nị. Â nyị ẹnya ẹnẹ ẹ za na, ịjị ẹ sị ọ hụ, dị ẹ sị igooru ọnịrị eturare ana aā rị ịra ne beri eturare ọsa ene e siī sisi ẹngụ, dị ẹ sị mẹ Ijeesu ẹyịza nị.

Imatiwu 20:8

Ịjị oruva si tù, dị ọza ana nyị ụbazị kà a yị ozi ahụ anị ka: ‘Hị́ anụkọrọ ẹnẹẹ, dụ wa sị ẹkẹhị ụkọrọ ẹnịnị yị wa! Nyima hụụnị ana vẹ ọdịrẹma ne tù ọnịpaapa.’

Imatiwu 25:40

Dị Ohinọyị vee tụ̀ ohi ka: ‘Ịzẹyịza, m maa kà a wụ nịnị nị, ụ mẹ̀ raà mẹẹ yị ene weyi hu ịnị ọhụva amị ẹnẹnị aanị, ẹmị ụ rẹ mẹẹ yị nịnị avọọ nị.’

Imatiwu 26:11

Onosiye vị oni u wee re nịnị eyinị-eyinị; ama ẹma rẹẹ̀ yị vaa yàa pe wu nịnị pooro nị.

Imatiwu 27:55

A rẹ nyị anẹẹ ẹnyị aanị ana jẹẹ ẹ́nẹẹnẹ, di eyee re ẹtẹ nị. Ẹnịnị ệ saasa Ijeesu hụrẹ Igariri vẹ, ka ẹnị ẹ̀ va gụ ọ ụvọ.

Iruuku 24:10

Anyẹnẹẹ ẹnẹẹ yị: Imeri Anịmagịdara ọnịrị Ijowana beri Imeri ọnyị Ijemiisi, ne beri anyẹnẹẹ ana vọ ana yà pe wa. Dị ẹ kà ịrẹyị ọnọnị zụ̀ odeyi nịnị nị.

Ịjọọnụ 12:6

Ọsọnị vị ọnị Ijudasi kà kẹnẹ, ẹ yị vị ka vị a nyị ịzị ịrẹyị onosiye nịnị gẹ ẹ nị. Ịjị ahịka Ijudasi vị oyi, ọnị ọ sị eyi pe ẹkẹhị ẹnịnị nị, di ee yi ịnị anị nị.

Odeyi 13:1

Ịnị ịragụ Ohomorihi ana yà Antịyọkị â nyị ọnịsẹ ẹnyị ọnịrị ọzwọzịsa nịnị ene hi ịzọọ. Ẹnịnị ẹ vị Ịbanabasị ọnịrị Isimiyọnị ana aā hị́ Ozoji, beri Irusiyọsị ana vị Anisayireni, ne beri Imaneya ana a pá ọnịrị Ịhẹrọdị ohinọyị aha ọnya, ọnịrị Ịsọọrụ.

2 Anịkọrịntị 8:9

Wâ yẹ nịnị, Íjeesu Ananyị yị oni Ohomorihi nyị mẹ ohinọyị ka ọ̀ dọ yị há, ịzị ọ vayị ọza na zá. Ọzọbanyị ọ vị nị, ộ hụvị awụ nịnị bàrà onosiye, ka ẹwụ nịnị ọ̀ zụ vara ọzọbanyị ini oze osiye anị.

Anihwiripi 4:22

Avaba aza Ohomorihi ka ẹnị kụ́ wụ nịnị. Ẹnị anineehi ohinọyị Aniroomi ka màaa kụ́ wụ nịnị, ẹnị ẹ̀ẹ wụ́.

1 Itimoti 5:10

Dị à va dọ osoku, a rẹ vọrọ ka aza ẹ̀ẹ kà ịrẹyị ọyịza anị, agụvị ka aa mẹ̀ ịsa ozoza. A rẹ vọrọ ka ọ̀ vị ọnẹẹ ana pá ezi anị ẹtẹẹtẹrẹ, dị ò reē sì ọzọga. A rẹ vọrọ ka ọ̀ vị ọza ana raà nyịna aza Ohomorihi ahụ da, dị ọ̀ vị ọza anaā mẹ ọgụvọọ yị aza ana aa rị ụya, dị ọ̀ rẹ vị ọza ana ahịka ịsa ozoza ọọ̄ mẹ̀ pooro nị.