Iruuku 7:8 - IWE ỌNỊNỊ

⁸ Ẹ ma rẹ nyị ọza ana nyị ọda amị, dị ẹmị rẹ nyị isoja nịnị hi akẹtẹ ọnị mị nyị ọda anị nị. Màa mẹ ọda yị ọnya ka ọ̀ na, vi aa na nị. Màa rẹ mẹ ọda yị ọsa ka ọ̀ vẹ, vị ọ raa vẹ nị. Màa ka ẹ yị ozi ahụ amị ka ọ̀ maanị mẹ, avọọ ọ màa mẹ nị.”

Iruuku 7:8 ပူးပေါင်းရင်းမြစ်များ

Iruuku 7:7

Mẹ yị rẹ yà ọza ana a vọrọ ka ọ̀ vẹ ịdị awụ. Mị mẹ ọda kẹnẹ, ka ẹngụ ozi ahụ amị vaa ta.

Iruuku 7:9

Ịjị Ijeesu maanị wụ́, ô hí ọọ irenu, dị ọ vara eyi, dị ọ kà a yị aza ana aa dụ ọọ ịrẹma, dị ọ ka, “Mẹ ẹ̀ yị maanị re ọza ana maanị sị ayị tụra mị da; ịzẹyịza, m maa kà a wụ nịnị nị, mẹ yị hyakụ re ẹngụ ẹdọwụ ọnọnị ịdị Anisirẹrị nịnị.”

Odeyi 23:17

Dị Ịpọọrụ hị́ ọnya ịnị ọga isoja nịnị ẹchẹhị ana yà ịzọọ, dị ọ ka, “Sị ozi ọnọrụ ọnọnị ne tù ọga awụ nịnị ka â nyị ịsị ee sì ka ọnị ọ̀ kà zụ̀ ọọ!”

Odeyi 23:23

Ọga ọbanyị ọnọọ ộ hị́ ọga isoja nịnị ẹchẹhị anị ẹẹva, dị ọ kà a yị wa ka, “Nyị isoja nịnị ịrẹka dị ẹ̀ nọ Isesariya! Kụ́ onumaata ẹtarẹwụ beri ọnọha ịrẹka saasa wa, dụ wa kwẹẹtẹ nịnị ịnị ụmẹ agogo ịhịịna ịrahụ!

Odeyi 23:26

“Ẹma vị Ikirawudiyọsị Irisiya nị. Maa chẹrẹ iwe ọnọnịị tụ́ hi ẹwụ Ịhwẹrịsị ana vị ịgọvọnọ. Taarụ! Wáá dahi?

Odeyi 23:31

Anka a mẹ̀ kà a yị isoja nịnị ẹnẹẹ, dị ẹ sị Ịpọọrụ ịrahụ-ịrahụ ne tù Antipatirisi nị.

Odeyi 24:23

Dị ọ ka ọga isoja nịnị ẹchẹhị ọnya ò sị eyi pe Ịpọọrụ nị. Ọ kà ọ̀ sị oze yị Ịpọọrụ, dị ọ̀ rẹ navọ aza Ịpọọrụ ka è ve hee yi, dị ẹ̀ rẹ sị ịsa yọ.

Odeyi 25:26

Me yi re ịsị a vọrọ ka ma chẹrẹ ini oze anị tụ́ hi ọga amị. Agụvị avọọ mị sị ọọ vẹ ọvịdị awụ nịnị, dị mị hyakụ sị ọọ vẹ ọvịdị ẹwụ, Agiripa ohinọyị nị. Mee sì ka we sì iruvo ịrẹyị anị, di me zụ re ịsị a vọrọ ka ma chẹrẹ.

Anikorasi 3:22

Ẹwụ nịnị ezi ahụ, avaba ịsị ọga awụ nịnị ẹ́hẹ ọnọnị ọ̀ọ kà a wụ nịnị, waa wụ́ nịnị Asị a hị́ ka wèe re wa nịnị kẹnẹ, ụ waa wụ́ ịrẹyị ẹnịnị anka omeyọza avọọ nị. Ama waa sị ayị ọnyaa mẹ̀ ụkọrọ anka ọ mẹ̀ vọrọ tụra ọza ana nyị angwahi Ohomorihi.