Iruuku 7:7 - IWE ỌNỊNỊ

⁷ Mẹ yị rẹ yà ọza ana a vọrọ ka ọ̀ vẹ ịdị awụ. Mị mẹ ọda kẹnẹ, ka ẹngụ ozi ahụ amị vaa ta.

Iruuku 7:7 ပူးပေါင်းရင်းမြစ်များ

Ahẹ Ụgama 107:20

Ohomorihi ộ mẹ̀ ka à kà ịrẹyị anị yị wa ana mẹ ka ẹngụ ẹnịnị ọ̀ ta, dị ọ̀ yị rẹ vaa zaa ka è sú nị.

Ahẹ Ụgama 33:9

Irenu kẹnẹ ọ sị kà ịrẹyị, dị ịsị ọ ka ọ̀ mẹ mẹ nị ee ro! Ọda ọnị ọnị mẹ, ọnị ọ mā vara oo!

Ọyịkụra 15:26

Dị Ẹnẹyịmavara kà ẹ̀ẹ sị ụtọ pè ịrẹyị ọnị ana vị Ohomorihi ẹnịnị dị ẹ yaa mẹ̀ ịsa ọnị ọnị re ka ộ vọrọ nị, dị ẹ sị eyi pè ọda anị dị ẹ yaa saasa a nị, ọnị ọ yị vaa zẹẹ ka ọnyọọnyị ịnị ụkụ ana za Anijipiti avọọ ọ̀ za wa. Ọ kà ọnị ọ vị Ẹnẹyịmavara anaā mẹ wa ụkụ nị.

Ịmaakị 1:27

O si hí avaba aza ẹnẹẹ irenu ẹtẹẹtẹrẹ; agụvị avọọ dị ẹyaa họ̀ ẹngụ use ka, “Ẹngụ ịrẹyị sẹ vị ọnọnị aanị? Ịrẹyị ọwọọwa wáá rẹẹ yị? Ọnọrụ ọnọnị ộ sị ụkata mẹ ọda tụra ụhwẹ echu nịnị ịrẹsụ, ệ wụ́ chire e.”

Iruuku 4:36

O si hí avaba aza ẹnẹẹ irenu ẹtẹẹtẹrẹ, agụvị avọọ dị ẹ yaa kà a yị ẹngụ ka, “Ẹngụ ịrẹyị sẹ vị ọnọnị aanị? Aa sị ụkataa mẹ ọdaa tụra ụhwẹ echu nịnị ịrẹsụ, dị ẹ yaa jịnẹẹ tụ́ ẹhẹ nị!”

Iruuku 5:13

Dị Ijeesu tana ụvọ anị, dị ọ sị kanyị ọọ nị, dị ọ ka, “Mee sì de, ụkụ awụ ọ̀ ta!” Obooboro ọnọọ, dị ụkụ ọbanyị ọnọọ wụsẹ ta hụụnị ẹngụ anị nị.

Iruuku 7:6

Dị Ijeesu dụ wa aa na nị. Ijeesu aa vaa ngụ ịzọọ, dị ọga isoja nịnị ọnọọ tụ́ na gẹrị ọọ, ka ẹ̀ kà a yọ ka, “Nda, asị ụ mẹ̀ akanya vẹ, agụvị ka mẹ yị yà ọza ana a vọrọ ka wa ngụ irehi anị.

Iruuku 7:8

Ẹ ma rẹ nyị ọza ana nyị ọda amị, dị ẹmị rẹ nyị isoja nịnị hi akẹtẹ ọnị mị nyị ọda anị nị. Màa mẹ ọda yị ọnya ka ọ̀ na, vi aa na nị. Màa rẹ mẹ ọda yị ọsa ka ọ̀ vẹ, vị ọ raa vẹ nị. Màa ka ẹ yị ozi ahụ amị ka ọ̀ maanị mẹ, avọọ ọ màa mẹ nị.”

Iwe Ọhụhị Imosiisi ana aa hị́ Ọyịvatụrọda 32:39

Aanị ka wẹ yị yẹ ka ẹmị ịnyara ọ vị Ohomorihi? Ẹ yị nyị Ohomorihi ọsa ịrẹma amị. Ẹ maa sị ụhwẹ yọ ọza, ẹmaa rẹ dọ ọza ụhwẹ nị. Ẹmaa tọ ọza ụnava, dị mị rẹ mẹ ụkụ nị. Ẹ yị nyị ọza ana hụụ za mị jẹẹ.

1 Ịsamụwẹrị 2:6

Ẹnẹyịmavara ọ zụ mẹ ka ọza ò sú, dị ọ rẹ zụ mẹ ka ọza ọ̀ yàra nị. Ọ zụ mẹ ka ọza ọ̀ nọ ini ikuta, dị ọ rẹ zụ mẹ ka ọza ọ̀ ha hụụnị ikuta jịnẹ vẹ nị.