Iruuku 7:2 - IWE ỌNỊNỊ

² Ọga isoja ẹchẹhị ọnya aanị ộ nyị ozi ahụ oni o sì ịrẹyị anị ẹtẹẹtẹrẹ. Ẹngụ aa zị ozi ahụ anị ọnọọ, ee vee sú.

Iruuku 7:2 ပူးပေါင်းရင်းမြစ်များ

Oyinyima 24:27

Dị ọ ka, “Ẹnẹyịmavara Ohomorihi Abụrahamị ọga amị, ọnị ộ kụ́ ọ avọ. Ọ kà o yi hi ayị ịsa ọyịza ọnị ọ ka ọnị aa mẹẹ yị Abụrahamị ọga anị. Ộ ka ọ mẹ ka ọnị o re oze va ngụ ini eehi anda ọga anị.”

Oyinyima 35:8

Ịzọọ Idebora ana vịdị kà Irebeka ịrẹva yà sú nị. Di e ne e tụ́ iruvo ọchị ana aā hị́ aroni ana yà akẹtẹ Ịbẹtẹrị nị. Di a kụkụ aa hị́ ịzọọ Eerọnị orere nị.

Ijoovu 31:5

Ọ kà ọnị ẹ yị cheeche, ọnị ọ yị vene ọza.

Ụhịrẹyị 29:21

Ọza ana vụ ozi ahụ anị hụrị ẹtẹẹtẹ, vị ọnị ọ vaa dọ ogu anị mẹ anị.

Imatiwu 27:54

Ọga isoja ẹchẹhị nịnị ọnịrị isoja nịnị ana yà pe e ene ee sere Ijeesu, ê re, ẹ́tẹ mè henyi ọnịrị avaba ịsa ana mẹ. Angwa ô hí wa, dị ẹ ka, “Ịzẹyịza, ọnọrụ ọnọnị vị Ozi Ohomorihi o!”

Iruuku 23:47

Ọga isoja ẹchẹhị nịnị ô re ịsa ana mẹ, dị ọ sị ụga yị Ohomorihi nị, dị ọ ka, “Ịzẹyịza, ọnịrẹyịzẹyịza ọ́nọrụ ọnọnị vị nị.”

Iruuku 7:1

Ịjị Ijeesu sị ịrẹyị anị kà yị aza ẹnẹẹ ta, dị ọ nọ Ikapanawumi nị.

Iruuku 7:3

Ọ́ga isoja nịnị ọnọọ mẹ̀ wụ́ ịrẹyị Ijeesu, dị ọ tụ́ azọkụ Aniju hi ọọ nị. Dị ọ ka ẹ̀ dá ịpẹ yị Ijeesu ka ọ̀ vẹ, dị ọ̀ va mẹ ozi ahụ anị ọnọọ ụkụ nị.

Iruuku 8:42

agụvị ka Ịjayịrọọsị ộ ma ozi ikonya ọnẹẹ, ana vị ẹhụụ ịrayị ẹwụrẹva avọọ, ozi ọnọọ aa mẹrị isu. Ìjeesu màa dụ ọọ na, dị ọkọnị aza aa dọ ọ óze nị.

Odeyi 10:1

 nyị ọnọrụ ọnya aanị ẹkụra Isesariya ana aā hị́ Ịkọnẹrịyọsị. Ọga isoja ẹchẹhị nịnị ọ vị nị. Ini isoja nịnị Aniroomi ẹ yà nị.

Odeyi 10:7

Dị anggẹẹrị ene ee pe e kà ịrẹyị, si hu nị. Dị Ịkọnẹrịyọsị hị́ ezi ahụ anị ẹẹva beri isoja ọnya ana rẹ nyị ahẹkẹ, ana aa mẹ̀ ụkọrọ yị Ịkọnẹrịyọsị ọnị ụvọta.

Odeyi 22:26

Ịjị ọga ọnọọ maanị wụ́, dị ọ na kà a yị ọga ọbanyị ọnọọ, dị ọ ka, “Sị eyi pe ẹngụ awụ ịnị ịsụ waa mẹ aanị, oo, agụvị ka Aniroomi ọ́nọrụ ọnọọ vị nị.”

Odeyi 23:17

Dị Ịpọọrụ hị́ ọnya ịnị ọga isoja nịnị ẹchẹhị ana yà ịzọọ, dị ọ ka, “Sị ozi ọnọrụ ọnọnị ne tù ọga awụ nịnị ka â nyị ịsị ee sì ka ọnị ọ̀ kà zụ̀ ọọ!”

Odeyi 27:1

A mẹ̀ sị ọọ kà ka ya ngụ ẹpa, dị ya nọ Itari, â sị Ịpọọrụ ọnịrị anịnẹngwa ẹnyị chire ọga isoja nịnị ẹchẹhị ana aā hị́ Ijuriyọsị ụvọ. Ijuriyọsị vị ọnya ini isoja nịnị Ọgọsịtọsị.

Odeyi 27:3

Eyinẹhẹ anị, ya na sị ngụ Ịsịdọnị. Ijuriyọsị, ộ ngụ ayị Ịpọọrụ, dị ọ sị oze yọ ka ò ne hee ọta anị, dị ẹ̀ zụ sị ịsa yọ nị.

Odeyi 27:43

Ama ọga isoja nịnị ọnọọ oyi sì ka à wụ Ịpọọrụ, dị ọ ka asị ẹ vavọọ mẹ nị. Dị ọ ka aza ana àa zụ họ̀ enyi, è vịdị ji ngụ enyi, dị ẹ̀ na ngụ ini eteesu nị.

Anikorasi 3:22

Ẹwụ nịnị ezi ahụ, avaba ịsị ọga awụ nịnị ẹ́hẹ ọnọnị ọ̀ọ kà a wụ nịnị, waa wụ́ nịnị Asị a hị́ ka wèe re wa nịnị kẹnẹ, ụ waa wụ́ ịrẹyị ẹnịnị anka omeyọza avọọ nị. Ama waa sị ayị ọnyaa mẹ̀ ụkọrọ anka ọ mẹ̀ vọrọ tụra ọza ana nyị angwahi Ohomorihi.