Iruuku 7:16 - IWE ỌNỊNỊ

¹⁶ Angwa ô hí avaba ẹnịnị, dị ẹyaa ga Ohomorihi nị, dị ẹ ka, “Ọnịsẹ ọbanyị ọ sị kwẹẹtẹ ịnị akakana ayị o, Ohomorihi ọ zị vẹ ka ọnị ọ̀ va gụ aza anị ụvọ”.

Iruuku 7:16 ပူးပေါင်းရင်းမြစ်များ

Ahẹ Ụgama 65:9

We yi hi ayị ẹtẹ aza awụ, dị waa zụ̀ orihii tụ́ ọ nị Wâ mẹ ka ẹtẹ ọnọọ ò zoza dị ọ̀ọ mẹ̀ ịsa ẹtẹẹtẹrẹ. Ohomorihi, wâ mẹ ka enyi è hi ini okuha awụ agụvị aza è zụ re enyi kụ́ ịsa tụ́ ịnị aarẹ.

Ọyịkụra 4:31

Aza ẹnẹẹ ệ dọ ka ịrẹyị ẹnịnị vị ịzẹyịza. Ịjị ẹ wụ́ ọ ka Ẹnẹyịmavara o reè re ụya ọnị ẹnịnị aa rị, dị ịrẹyị ene tu Anisirẹrị zị ọ ẹngụ nị. Dị ẹ tana tụra ẹtẹ, dị ẹ hẹkẹ ẹ nị.

Ijeremaya 33:9

Ọ kà Ijerusarẹmị vaa vị ayohine ọnịrị ụbanyịị yị ọnị, dị ọnị aa sị waa mẹ eyi. Avaba anẹhẹ vee hí angwa, dị ẹyaa dá ẹgahị ịjị ẹnịnị ẹẹ wụ́ ịrẹyị ịsị ọyịza ọnịrị ize ọnị mẹ yị Anijerusarẹmị ẹnẹnị.

Imatiwu 15:31

Ô hí aza ẹnẹẹ irenu, e mè re ka ogurenu aa kà ịrẹyị, dị ẹngụ oswẹngụ ta, dị oswahụ nịnị aa zị ụsẹ, dị ogweyi nịnị ree re ẹtẹ nị. Dị ẹyaa ga Ohomorihi Anisirẹrị nịnị nị.

Imatiwu 21:11

Dị ọkọnị aza ka Ijeesu, ọnịsẹ Ịnazarẹtị ana yà Igariri yọ.

Imatiwu 28:8

Dị ẹ wụsẹ hụụnị ikuta ịzọọ beri angwahi ọnịrị ịrajẹ ọbanyị, di e zwe ka ẹnị ẹ̀ na kà a yị ezirẹma anị nị.

Imatiwu 9:8

Ịjị ọkọnị aza ẹnẹẹ re e, ô hí wa irenu, dị ẹyaa sị ụgaa yị Ohomorihi ana maanị sị ụkata yị aza nị.

Iruuku 1:65

Angwa ee hí aza ana ra kara wa, dị ịrẹyị ọnọọ sị ngụ ịrẹyị ngụ avaba ẹkụra ịnị ataba ịnị ẹtẹ Ijudiya zịịzị nị.

Iruuku 1:68

“À vẹ ya sị ụga yị Ananyị yị ana vị Ohomorihi Anisirẹrị! Agụvị ka ọ va raà gụ aza anị ụvọ, ọ sị wa hị́ varẹma.

Iruuku 19:44

Dị ẹ vara wụ eteesu saka-saka beri ezi ewu. Ẹnịnị ẹ yị vaa navọ ịrẹta ẹnyịị tụra ọsa, agụvị ka wẹ yị yẹ ụmẹ oni Ohomorihi sị vẹ ka ọnị ọ̀ va dọ wụ há.”

Iruuku 2:20

Di oseratẹmẹ ẹnẹẹ varẹma aa na, dị ẹyaa kụ́ Ohomorihi avọ, dị ẹ rẹ yaa sị ụbanyịị yọ nị agụvị avaba ịsa ene e re dị ẹ rẹ wụ́. Ánggẹẹrị ọnọọ mẹ̀ yị kà a yị wa gẹdẹ-gẹdẹ ọ vị nị.

Iruuku 24:19

Dị Ijeesu họ̀ ọ ka, “Sẹ mẹ?” Dị ẹnịnị kà a yọ ka, “Ịrẹyị Ijeesu Anịnazarẹtị ana vị ọnịsẹ. Ohomorihi ọnịrị avaba aza ệ yẹ ka ịrẹyị anị ọnịrị ụkọrọ anị ộ banyị.

Iruuku 5:26

Ô hí avaba ẹnịnị irenu ẹtẹẹtẹrẹ, dị ẹyaa ga Ohomorihi nị; dị angwa ee hí wa nị, dị ẹ ka, “Ya sị ịmọrịmọ re ajịnị.”

Iruuku 5:8

Ịjị Ịsayịmọnị maanị re e, dị ọ và ku ẹtẹ ọ́vịdị Ijeesu, dị ọ ka, “Ananyị yị, hụụ ịda amị, ka ọnịvị mị vị nị!”

Iruuku 7:15

Dị ọza ene vịdị sú ịsọọnị kwẹẹtẹ yaayịtẹ, dị aa kà ịrẹyị nị. Dị Ijeesu sị ọ chire ọnyị anị ụvọ nị.

Iruuku 7:39

Ịjị Anihwarisi ana hị́ Ijeesu nọ ini eehi anị aanị maanị re e, dị aa kà a ịnị ayị anị ka, “Àa vị ọnịsẹ ọnọrụ ọnọnị vị nị, ọ yaanị yẹ ẹngụ ọnẹẹ ana aa kanyị ọọ aanị, ka ọsẹrẹka ọ vị nị.”

Iruuku 8:37

Dị avaba anẹkụra ana kara Igerasa aa dá ịpẹẹ yị Ijeesu ka ọ̀ hụụ ịdị ẹnịnị nị, agụvị ka angwa ee hí wa ẹtẹẹtẹrẹ. Dị Ijeesu ngụ ẹpa, ka ọnị ọ̀ varẹma nị.

Iruuku 9:19

Dị ẹnịnị ka, “Aza ẹnyị ka Ịjọọnụ ọhwọzenyi ụ vị nị; dị aza ẹnyị rẹ ka Erija; dị aza ẹnyị ka ọnya ịnị ọnịsẹ ịyẹẹyẹ nịnị ọ ha hụụnị isu vẹ nị.”

Ịjọọnụ 1:21

Dị ẹ yaa yịị họ̀ ọ ka, “Ẹnị ụ va vị? Ẹ wáá vị Erija nị?” Dị Ịjọọnụ re tụ́ ohi ka, “Mẹ yị vị Erija!” Dị aza ẹnẹẹ rẹ họ̀ ọ ka, “Ẹ wáá vị Ọnịsẹ ọnọọ nị?” Dị Ịjọọnụ kà: “Eyiye” nị.

Ịjọọnụ 1:25

Dị ẹnịnị va họ̀ Ịjọọnụ kà: “Wàa ka ẹ yị vị ẹwa vị Ikirisiti, dị ụ wẹ̀ yị rẹ vị Erija, dị ẹ̀ yị rẹ vị ẹwa vị Ọnịsẹ ọnọọ nị, sị ẹ vavẹ dị ụ wa hụ́ aza enyi ẹdọwụ?”

Ịjọọnụ 4:19

Dị ọnẹẹ ọnọọ kụkụ ka, “Ọga, mee ro ka ọnịsẹ ụ vị nị.

Ịjọọnụ 6:14

Ịjị aza ẹnẹẹ re ụkọrọ apọtẹrẹwa oni Ijeesu mẹ, dị ẹ ka, “Ịzẹyịza, ọza ọnọnị ọ vị Ọnịsẹ ọnọọ ana a vịdị kà a ka ọ vaa vẹ ẹhẹ nị.”

Ịjọọnụ 9:17

Dị ẹnịnị rẹ va họ̀ ọza ene vịdị gu eyi aanị ka, “Ọza ana há wụ eyi aanị, sị ụ zụ kà ini oze anị?” Dị ọnọrụ ọnọọ ka ọnịsẹ ọ vị nị.

Odeyi 5:5

Ánaniya mẹ̀ maanị wụ́ kẹnẹ, viri dị ọ hyẹdụ nya ẹtẹ di o sú nị. Avaba aza ana wụ́ ọ, angwa ô hí wa ẹtẹẹtẹrẹ.

Odeyi 7:37

Imosiisi ọnọọ ộ kà a yị Anisirẹrị ka Ohomorihi vaa tụ́ ọnịsẹ ọnyaa hi wa anka ọ mẹ̀ tụ́ ọnị. Dị ọ ka anda awụ nịnị ọ vaa vị nị.

Anigaratiya 1:24

Dị ẹyaa sị ụgaa yị Ohomorihi agụvị amị nị.

Iwe Ọhụhị Imosiisi ana aa hị́ Ọyịvatụrọda 18:15

Imosiisi ka, Ẹnẹyịmavara Ohomorihi awụ nịnị vaa nyị ọnịsẹ ọnya yị wụ nịnị ana vaa yà anka ẹmị. Ịnị ẹngụ awụ nịnị ọ vaa nyị ọ hụrẹ nị. Re ka waa saasa ịrẹyị ọnịsẹ ọnọọ nịnị.