Iruuku 5:34 - IWE ỌNỊNỊ

³⁴ Dị Ijeesu tụ́ ohi dị ọ ka, “Wáá zụ mẹ ka aza ọza ana aa nyị ọnẹẹ, ẹ̀ẹ ba awẹ ịnị ụmẹ ọnị ọva ọnẹẹ yà pe wa?

Iruuku 5:34 ပူးပေါင်းရင်းမြစ်များ

Ahẹ Isoromọnị 5:8

Mâ dá ịpẹ yị ẹwụ nịnị anyẹnẹẹ Anijerusarẹmị ka, wèe ré ọza ọnị mị maanị sì ịrẹyị anị ụ kà a mị nịnị. Mme sì ịrẹyị anị pooro, ọ́ sị vara ẹngụ aa zị mị.

Ahẹ Isoromọnị 6:1

Ọnyẹnẹẹ ene huu ịnị anyẹnẹẹ, ịzị ọza ọnị ụ maanị sì ịrẹyị anị zị kẹ? Kàa yị oze ọnị ọ́ zị, di ye ne pe wu sì ọ.

Ayịsaya 54:5

Agụvị ka Ohomorihi ana mẹ wụ vị ana vaa sị mẹẹ anka ọ vaa yị wu. Ịrẹha anị ọ rị Ẹnẹyịmavara Ochẹtẹẹngụ nị, Ohomorihi Ọnịnị Ísirẹrị vaa dọ wụụ ha. Ọnị ọ vị Ohomorihi avaba ẹhẹ nị.

Ayịsaya 62:5

Anka ọnọrụ anaa nyị ozwoorihi ẹnẹ ẹ yị yẹ ọnọrụ, avọọ Ẹnẹyịmavara ana mẹ̀ wụ mẹ vaa nyị wụ nị. Ayị ọnọrụ meē hine tu oze avọọ, avọọ ayị Ohomorihi awụ nịnị mee hine tu wu nịnị

Ịzẹhwanaya 3:17

Ẹnẹyịmavara ana vị Ohomorihi awụ nịnị yà pe wụ. Ụkata anị aa sị wụ nịnị nyị ehuna ọnịvị awụ nịnị nị. Agụvị ka o sì ịrẹyị ẹnịnị, ọ vaa sị ayị awụ nịnị nẹtẹ, O vee hine ayị tu wu nịnị, dị aa jị ahẹ ịnohine.

Imatiwu 22:2

“Oze ana Ada ayị ẹbẹẹba aa zịị mẹ ịjọva, vị ana sị mẹẹ anka ohinọyị ọnya aanị, ana aa nyị ọnẹẹ yị ozi anị, di ee tenyi ẹngụ eche anị.

Imatiwu 9:15

Dị Ijeesu kà a yị wa ka, “Aza ọza anaa nyị ọnẹẹ ẹ́ẹ́ zụ jị òrèrè ịnị ụmẹ ọnị ọva ọnẹẹ yà pe wa? Ama ẹkụhị aa vẹ anaa vaa sị ọva ọnẹẹ hụụ ịzọọ, ịjọnọọ ẹ vaa ba awẹ.

Iruuku 5:33

Aza ẹnyị ẹ va ka ẹ yị Ijeesu ka, “Ezirẹma Ịjọọnụ vị anaā ba awẹ ụpọsa-ụpọsa, dị ẹ rẹ yaa mẹ̀ aduwa, avọọ ézirẹma Anihwarisi nịnị ẹnị mẹ̀ rẹẹ̄ mẹ nị. Sị ẹ vẹ di ahịka vị ezirẹma ẹwụ ẹnị aa rị, di eyee hú pooro kẹnẹ nị?”

Iruuku 5:35

Ama ẹkụhị aa vẹ ana a vaa sị ọva ọnẹẹ hụụ ịzọọ, ịjọnọọ ẹ vaa ba awẹ.”

Ịjọọnụ 3:29

Ọza ana aa nyị ọnẹẹ, ọ nyị ose anị nị. Ọta anị ana jẹẹ pe e dị aa wụ́ ọngwẹ anị, ọọ̄ jẹ ẹtẹẹtẹrẹ, ọ̀ọ wụ́ ọngwẹ ọva ọnẹẹ. Avọọ m mẹ̀ yà nị, ayị amị o si hine saka-saka.

2 Anịkọrịntị 11:2

Maa kụ̀ ụhị ịrẹsụ awụ nịnị anka Ohomorihi avọọ. Vị ụ sị mẹẹ nịnị anka ozwoorihi ẹnẹ ẹ̀ẹẹ̀ yị yẹ ọnọrụ ọnị mị raà kà a ka maa sịị gà ọza ịnyara kẹnẹ avọọ nị. Ọza ịnyara ọnọọ ọ vị Ikirisiti nị. Mee sì ka ma sị wụ nịnị naa yọ.