Iruuku 5:12 - IWE ỌNỊNỊ

¹² Ẹkụhị ọnya, Ijeesu ộ yà ịnị ẹkụra ọnya; â nyị ọnịkụ ọbanyị ọnya ịnị ẹkụra ọnọọ. O mè re Ijeesu, dị ọ tana tụra ẹtẹ ọ́vịdị anị, dị aa dá ịpẹẹ yọ nị. Dị ọ ka, “Ananyị yị, wèe sì, wa nyẹngụ mẹ ụkụ amịị mị.”

Iruuku 5:12 ပူးပေါင်းရင်းမြစ်များ

Oyinyima 18:14

Áá nyị ịsị ẹ tụ́ akanya yị Ẹnẹyịmavara Ịnị ụmẹ ọnị aa vaa vẹ vee tù ọ, oni ee vee tù ka Isera ộ si ozi rị ụvọ.”

1 Ohinọyị 18:39

Ịjị avaba aza ẹnẹẹ vavọọ re e, dị ẹ tana tụra ẹtẹ dị ẹ kà, “Ẹnẹyịmavara ọnị ọ vị Ohomorihi nị, Ẹnẹyịmavara ọnị ọ vị Ohomorihi nị.”

2 Ohinọyị 5:1

 nyị ọnọrụ ọnya ana aā hị́ Ịnaamanị. Ọnị ọ vị ọdọvịdị isoja Anisiriya nịnị nị. Ọza ọkụmị-ọkụmị ọnị ohinọyị Isiriya sị ụbanyị yị ẹtẹẹtẹrẹ ọ vị nị, agụvị ka, zị oze ịnị ụvọ anị, Ẹnẹyịmavara ộ mẹ̀ ka Anisiriya nịnị ẹ̀ rị ịrẹkụ ọrụrụ-ọrụrụ. Ịnaamanị vị isoja ana zụ kụ́ ịrẹkụ ẹtẹẹtẹrẹ, ama ọnụkụ ọbanyị ọ vị nị.

2 Ohinọyị 5:27

Dị ọ ka, ụkụ ọbanyị Ịnaamanị vaa kụ̀ra vaa za wụ beri avaba ịpa evere awụ pooro zịna. Ịjị Igehazi na hụrẹ ọvịdị Erisa, ụkụ ọbanyị ọ sị ọ za. Dị â vwẹtẹ owu oyiche avọọ nị.

2 Ohinọyị 7:3

 nyị ọnụkụ ọbanyị ẹẹna ene hi ẹhẹ oze ọbanyị ọbanyị ẹkụra ana a zịị̄ ngụ Ịsamarịya ịnị ụmẹ ọnọọ. Ẹnịnị ệ kà a yị ẹngụ ka, aanị ẹnị wáá mẹ vee hi ịzẹnị, dị ẹnị sú nị?

1 Ịtọpa 21:16

Idevidi ô re anggẹẹrị ọnọọ ka ọ jẹẹ ịnị ahị. Ộ sị ụhwọ rị ụvọ enee ve sii vu Ijerusarẹmị ẹtẹ. Dị Idevidi ọnịrị azọkụ-azọkụ Anisirẹrị ana kụ́ ịta anaā sịị zị ẹngụ, dị ẹ ku ẹtẹ nị. Avaba ẹnịnị vị ana kụ́ ịta ana aa sịị̄ zị ẹngụ hi ẹngụ.

Ahẹ Ụgama 50:15

Ọ kà waa vavọọ aa mẹ, ịhị wàa nyị ẹngụkata dị ụ hị́ ọnị nị, di e re Ọ kà vị ọnị aa vaa dọ wụụ tụ́ nị Ịjọnọọ ụ vaa sị ụbanyịị yị ọnị

Ahẹ Ụgama 91:15

Ohomorihi ka aza ana vavọọ sị ayị tụra ọnị ẹ̀ẹ hị́ ọnị, ọnị vee tụ́ wa ohi. Ọ kà èe hi ịnị ẹngụkata ọnị ọ yị vaa hụrẹ wa ụvọ, ama ọnị vaa dọ waa tụ́, dị ọnị sị ụbanyị yị wa.

Ọyịkụra 4:6

Dị Ẹnẹyịmavara rẹ kà a yi Imosiisi dị ọ ka: Ọ̀ sị ụvọ chire ịrachị anị. Di Imosiisi sị ụvọ chire ịrachị anị nị nị. Ịjị ọ tụ̀ ọ di o re ka ụvọ anị vị iguha-iguha, anka ụkụ ọbanyị ọ̀ọ za ọza avọọ nị.

Ireevi 13:16

Ama ikenebe ọnọọ ọ̀ọ varẹma vị́, dị aa vwẹtẹ nị, ọza ọnọọ vaa varẹma nee tu ohirẹsụ irehi Ohomorihi,

Ireevi 9:24

Kẹnẹ, dị Ẹnẹyịmavara vana mẹ ka ịra ọọ za, dị ọ̀ rị avaba ịsị ịsọvọ ana aa rị ịra ọnịrị avaba ụhị ana ya ịrẹsụ ụta ịsọvọ nị. Ịjị avaba aza ana gụ ré e, dị ẹnịnị na owu zẹtẹ, dị e và eyi kú ẹtẹ nị.

Imatiwu 26:6

Íjeesu mẹ̀ yà ịnị ẹkụra Ịbẹtanị ini eehi Ịsayịmọnị ana vị ọnịkụ ọbanyị,

Imatiwu 9:28

Ịjị ọ va sị ngụ ini eehi, di ogweyi ẹnẹẹ ve tù ọ nị. Dị Ijeesu kà a yị wa ka, “Wáá dọ wụ́ nịnị ka ma zụ mẹ ọsọnị?” Dị ẹ kà a yọ ka, “Hịịn, Ananyị yị.”

Ịmaakị 5:23

Dị aa dá ịpẹẹ yọ ẹtẹẹtẹrẹ nị ka, “Ozi emi ọnẹẹ aa mẹrị isu. Aarịhịnị, va sị ụvọ tụra a, dị ẹngụ anị ọ̀ nịya ụvị ọ̀ nyẹngụ yàra!”

Iruuku 17:16

Dị ọ tana tụra ẹtẹ ọ́vịdị Ijeesu, dị aa kụ́ ọọ avọ nị. Ọza ọnọọ vị Anịsamarịya.

Iruuku 5:13

Dị Ijeesu tana ụvọ anị, dị ọ sị kanyị ọọ nị, dị ọ ka, “Mee sì de, ụkụ awụ ọ̀ ta!” Obooboro ọnọọ, dị ụkụ ọbanyị ọnọọ wụsẹ ta hụụnị ẹngụ anị nị.

Iwe Ọhụhị Imosiisi ana aa hị́ Ọyịvatụrọda 24:8

Aza ana àa nyị ụkụ ịnị ọchẹngụ ana katẹngụ, e re ka ẹnị ẹ mẹ ịsị ohirẹsụ irehi Ohomorihi nịnị ẹẹ ka yị wa. Ẹ saasa ịrẹyị ọnị Ẹnẹyịmavara mẹ ọda anị yị wa.

Anihiburu 7:25

Ọza ana àa zị oze ịnị ụvọ anị vẹ ịdị Ohomorihi, ọ zụ dọ wa há ịnị ụmẹ tụra ụmẹ, agụvị ka ọ́ọ yàra pooro zịna-zịna ka ọnị ọ̀ọ da ịpẹẹ yị Ohomorihi agụvị ẹnịnị.

Ijosuwa 5:14

Dị ọnọrụ ọnọọ tụ́ ọ ohi ka ọnị o yị jẹẹ yị ọza ọnyọọnyị. Ama ọnị vị ana vẹ ịzọọ anka Ọga ịrẹkụ ọkụrẹkụ Ẹnẹyịmavara, obobooro ọnọọ Ijosuwa va ku ẹtẹ kụ́ ọ nị. Dị Ijosuwa ka ọnị ozi ahụ anị yị ọ ka yị ọnị ịsị a vọrọ ka ọnị ọ mẹ.