Iruuku 5:1 - IWE ỌNỊNỊ

¹ Ẹkụhị ọnya, Ijeesu ộ jẹẹ ụtọ Irehu Igenesarẹtị, dị aza aa hanaa ngụ nee tù ọ ka ẹnị ẹ̀ na wụ́ ịrẹyị Ohomorihi nị.

Iruuku 5:1 ပူးပေါင်းရင်းမြစ်များ

Ịrịka 34:11

dị ọ va chi na ngụ Iribira akaha Ayini, dị ọ hụrị ịzọọ na ngụ oku Chinereti ana a raà hị́ Òkū Igariri.

Imatiwu 11:12

Hụrẹ ụmẹ Ịjọọnụ ọhwọzenyi va ngụ ajịnị, ịjọva Ada ayị ẹbẹẹba sị hụrẹ ngụ ịrẹyị ụkata nị, dị aza sị ụkata-ụkata kwẹẹtẹ tù ọọ nị.

Imatiwu 14:34

Ẹ sị jịnẹ irehu, di e chí hi ẹtẹ ịnị ẹkụra Igenesarẹtị nị.

Ịmaakị 3:9

Aza ẹ sị rụrụ baaba; agụvị avọọ dị Ijeesu kà a yị ezirẹma anị ka è tenyi ẹpa ọnya tịtẹ yọ nị, agụvị asị aza tụ́ ọọ ụvọ nị.

Ịmaakị 4:1

Íjeesu mẹ̀ yà ụtọ irehu, di o re nyima aa sị ịsaa zụ̀ aza nị. Aza ana wara ne tù ọọ, ẹ sị rụrụ baaba; agụvị avọọ dị ọ ngụ ịnị ẹpa ọnya ana yà ini enyi, dị ọ yaayịtẹ ịnị anị nị. Dị avaba aza ana vọ jẹẹ ụtọ irehu, dị ẹ và eyi kà irehu nị.

Ịmaakị 5:24

Dị Ijeesu aa dụ ọọ na nị. Dị ọkọnị aza rẹ wara saasa a, dị ẹyaa dọ ọ óze eyi ẹnyị eyi ọsa nị.

Ịmaakị 6:53

Ịjị e tù akẹnẹ irehu éyi ọsa, di e chí hi ẹtẹ ịnị ẹkụra Igenesarẹtị nị. Dị ẹ za ẹpa ẹnịnị jẹẹ ụtọ irehu nị.

Iruuku 12:1

Ọ́kọnị aza mẹ̀ wara gụ tawụ-tawụ, dị ẹ yaa kụ́ ahụụ hi ẹngụ, dị Ijeesu vịdị kà a yị ezirẹma anị ka, “Sị eyi pe ẹngụ awụ nịnị agụvị òwù Anihwarisi nịnị, oo! Ogevegeve ẹnịnị m maa kà avọọ nị.

Iruuku 5:2

Ijeesu ô re ẹpa ẹẹva anaa za jẹẹ ụtọ irehu, ama ozube ivovo ene hi ịnị anị, ẹ sị jịnẹ aa na nyịna ọha ẹnịnị.

Iruuku 8:22

Ẹkụhị ọnya, dị Ijeesu ọnịrị ezirẹma anị ngụ ẹpa, dị ọ kà a yị wa ka, “Vẹ ya nọ akẹnẹ irehu eyi ọsọọ nịnị!” Di e si hu aa na nị.

Iruuku 8:23

Ẹ màa na, dị Ijeesu aa sụ ara nị. Opomi ọbanyị ọnya aa tụ́ ini irehu; di enyi aa dàa hi ịnị ẹpa ẹnịnị, di ee vee hi nị. Ịrẹyị asigiri o si tù wa.

Iruuku 8:33

Dị ụhwẹ echu ẹnẹẹ hụụnị ẹngụ ọnọrụ ọnọọ, dị ẹ na ngụ ịnị ụra ẹnẹẹ nị. Dị avaba ụra ẹnẹẹ zwe putu-putu, di e zina và hi ini irehu, di irehu mụnẹ wa nị.

Iruuku 8:45

Dị Ijeesu ka, “Ẹnẹ sị ụvọ kanyị mị?” Ịjị avaba aza ka ẹ yị vị ẹnị, di Ipita va kà a ka, “Nda, wee re, aza mẹ̀ hana ẹtẹẹtẹrẹ, di u kuku ee họ̀ use ka: Ẹnẹ sị ụvọ kanyị mịị?”

Ịjọọnụ 1:40

Ọnyara ịnị aza ẹyịva ẹnẹẹ ana wụ́ ịrẹyị Ịjọọnụ dị ẹ saasa Ijeesu, vị Andụrụ, ọyịnyara Ịsayịmọnị Ipita.

Ịjọọnụ 6:1

Ẹkụhị ọnya, Ijeesu ộ nọ akẹnẹ irehu Igariri, ana a rẹẹ̄ hị́ irehu Itiberiyasi.

Iwe Ọhụhị Imosiisi ana aa hị́ Ọyịvatụrọda 3:17

Ẹtẹ ẹnịnị ọ za inozi ana kara Ijodani. Ẹgẹ anị eyi ịzị ọyịị̄ ngụ ẹtẹ vị Òkū Igariri na ngụ Òkū Anọ ana gụrị ataba Ipisiga eyi ịzị ọyịị̄ kwẹẹtẹ.

Anihiburu 13:7

Tamayị ọdọvịdị awụ nịnị ana kà ịrẹyị Ohomorihi wụ nịnị! Zama ọdịrẹma ẹhẹ ẹnịnị re, dị ụ wa sị ayị tụra Ohomorihi anka ẹnịnị!

Ijosuwa 12:3

Isihoni ọ nyị ẹtẹ hụrẹ akẹnẹ oku Ichineroti vẹ va ngụ oze Ịbẹtị-Ijesimoti ana ya iruvo ataba Ipisiga wọrọ huu chi na ngụ Òkū Anọ nị.

Ijosuwa 13:27

Inozi Ijodani, ẹtẹ ọ za, Ịbẹtị-Iharami, Ịbẹtịnimira, Isukoti, Isihọnị, ọnịrị avaba ẹtẹ Isihoni ohinọyị Ịhẹsịbọnị.