Iruuku 4:41 - IWE ỌNỊNỊ

⁴¹ Dị ụhwẹ echu nịnị ẹnị rẹ jịnẹ hụụnị ẹngụ ọza ọrụrụ-ọrụrụ, di eyee nowu ka, “Ẹwa vị Ozi Ohomorihi nị!” Ọ màa tụ́ wa ohuvọ, ọ yị zẹẹ ka ẹ̀ kà ịrẹyị, agụvị ka ẹnịnị ệ yẹ ka Ikirisiti ọ vị nị.

Iruuku 4:41 ပူးပေါင်းရင်းမြစ်များ

Imatiwu 26:63

Ama Ijeesu o yi tụ́ ohi. Dị ohirẹsụ ọbanyị irehi Ohomorihi ọnọọ ka, “Mâ sị Ohomorihi ana yàra tụra wụ, kà a yị, ẹwáá vị Ikirisiti Ozi Ohomorihi ọnọọ nị?”

Imatiwu 4:3

Dị ọzamọzare ọnọọ ka a vẹ, dị ọ ka, “Àa vị Ozi Ohomorihi ụ vị nị, mẹ ọda ka ịrẹta ẹnẹnị ẹ̀ vara akara!”

Imatiwu 8:16

Óruva mè si tù, dị ẹ kụ́ aza ọrụrụ-ọrụrụ ana nyị ụhwẹ echu ká a vẹ nị. Dị ọ sị ịrẹyị anị dụ ụhwẹ echu ẹnẹẹ jịnẹ nị, dị ọ mẹ avaba ọnịkụ nịnị ụkụ ẹnịnị nị.

Imatiwu 8:29

Di e nowu zẹtẹ, dị ẹ ka, “Sẹ jị gẹ ẹyịrị ẹwụ, ẹwụ Ijeesu Ozi Ohomorihi? Ụ wáá vẹ ịzẹnị ka wa va sị ụya rị yị, dị ụmẹ ò ve tù nị?”

Imatiwu 8:4

Dị Ijeesu kà a yọ ka, “Re, asị ụ kà a yị ọza ọnyọọnyị! Ama na sị ẹngụ awụ zụ̀ ohirẹsụ irehi ahẹkẹ Aniju; dị ụ wa na mẹ̀ ịsọvọ oni Imosiisi mẹ ọda anị, dị ọ̀ vị ivenu yị wa ka ẹngụ awụ ộ ta!”

Ịmaakị 1:25

Dị Ijeesu tụ́ ọọ ohuvọ dị ọ ka, “Ụsẹ mẹ hẹẹ, dị ụ wa jịnẹ hụụnị ẹngụ ọnọrụ ọnọọ!”

Ịmaakị 1:32

Ịjị oruva si tù, ọ́ yị mẹ̀ sị ngụ ẹtẹ, dị aza kụ́ avaba ọnịkụ ọnịrị aza ana nyị ụhwẹ echu nịnị ká Ijeesu vẹ nị.

Ịmaakị 1:34

Ijeesu ộ mẹ̀ aza ọrụrụ-ọrụrụ ụkụ irenyi-irenyi ana za wa. Dị ọ rẹ dụ ụhwẹ echu ọrụrụ-ọrụrụ jịnẹ hụụnị ẹngụ aza nị. Ọ yị zẹẹ ka ụhwẹ echu ẹnẹẹ ẹ̀ kà ịsọnyị-ịsọnyị, agụvị ka ệ yẹ Ijeesu.

Ịmaakị 3:11

Ịjị aza ana nyị ụhwẹ echu nịnị re e kẹnẹ, dị ẹ hyẹdụ nya ẹtẹ ọ́ vịdị anị, di e nowu zẹtẹ, dị ẹ ka, “Ẹwa vị Ozi Ohomorihi nọ!”

Iruuku 4:39

Dị Ijeesu na jẹẹ pee, dị ọ tụ́ ọvanggoro ọnọọ ohuvọ, dị ọvanggoro ọnọọ ta nị. Dị ọnẹẹ ọnọọ wụsẹ kwẹẹtẹ, di o kuku ee sì wa ọzọga nị.

Ịjọọnụ 20:31

Ẹsẹnị vị ana a chẹrẹ, agụvị dị ụ wa dọ wụ́ nịnị ka Ijeesu ọ vị Ikirisiti Ozi Ohomorihi nị; ọnịrị ka wàa sị ayị tụra a nịnị, dị ọ̀ zụ mẹ ka wa nyẹngụ yàra ị́dị Ohomorihi pooro zịna-zịna nịnị.

Ijemiisi 2:19

Wâ dọ wụ́ ka Ohomorihi vị ọnya, óo zoza. Ama ụhwẹ echu nịnị ẹnị ẹ rẹ vavọọ dọ bẹẹ, dị ẹ hyakụ hụ agụvị avọọ aa da ẹgahị papapa, e mee hí angwa.