Iruuku 4:4 - IWE ỌNỊNỊ

⁴ Ama dị Ijeesu tụ́ ohi, dị ọ kà a yọ ka, “Â chẹrẹ ẹ ka: ‘Ẹ yị vị ịsọyịrị kẹnẹ, ọ zụ sị ọza vị ọza, ẹ̀ yị vị avaba ịrẹyị oni Ohomorihi kà!’ ”

Iruuku 4:4 ပူးပေါင်းရင်းမြစ်များ

Ọyịkụra 23:25

Waa hẹkẹ ẹmị Ẹnẹyịmavara ana vị Ohomorihi awụ. Ịjọnọọ mị vaa mẹ ka wàa rị ịsa, wèe hú enyi, ò zee yị wụ. Mẹ yị vaa zẹẹ ka ụkụ ọ̀ za wụ nịnị.

Ayịsaya 8:20

Ọza ana àa kà ịrẹyị dị ọ̀ yị kà a anka ọda ọnịrị ịrẹyị Ohomorihi mẹ̀ kà a nị, ẹnịnị ẹ yị nyị ẹtohweyi.

Ijeremaya 49:11

Ọ kà wa navọ ezi-oku awụ nịnị hi ẹtẹ yị ọnị ka ọnị vaa sị eyi pe wa. Ese oku awụ nịnị ẹ̀ sị ayị tụra ọnị.

Imatiwu 4:4

Ama dị Ijeesu tụ́ ohi, dị ọ ka, “Â chẹrẹ ẹ ka, ‘A yị vị ịsọyịrị kẹnẹ ọ zụ sị ọza yàra, ẹ̀ yị vị avaba ịrẹyị oni Ohomorihi kà.’ ”

Imatiwu 6:31

Agụvị avọọ asị ụ rẹ̀ mẹ ariro nịnị ka: ‘Sị ị vaa rị?’ À vị ka, ‘Si i vee hú’ ọnịrị ‘Si i ve sii kú ẹngụ?’

Iruuku 22:35

Dị Ijeesu rẹ kà a yị wa ka, “M mẹ̀ tụ́ wụ nịnị jịnẹ, dị mị ka asị ụ sị asụnụ ọnịrị ampo beri adava nịnị, áá nyị ịsị ụ rị ụya anị nịnị?” Dị ẹnịnị ka, “Eyiye” nị.

Iruuku 4:10

Wâ yẹ ka a sị ọọ chẹrẹ ka: ‘Ọ vaa mẹ ọda yị anggẹẹrị anị dị ẹ̀ sị eyi pe wu.

Iruuku 4:3

Dị Echu kà a yị Ijeesu dị ọ ka, “Àa vị Ozi Ohomorihi ụ vị nị, mẹ ọda ka ịrẹta ọnọnị ọ̀ vara akara!”

Iruuku 4:8

Ịjọnọọ dị Ijeesu kà a yọ ka, “Â chẹrẹ ẹ ka: ‘Waa tanaa tụra ẹtẹẹ yị Ohomorihi Ananyị yị, ọnị ịnyara kẹnẹ ụ rẹ vaa hẹkẹ nị.’ ”

Anẹhwẹsọsị 6:17

Dọ ẹdọha oni Ohomorihiī sịị yị ọza nịnị! Ọnọọ vị ana rẹ sị mẹẹ anka amu enyusẹ-enyusẹ ene eē kú avọọ. Rẹ sị ịrẹyị Ohomorihi rị ụvọ. Ọnị vị ana rẹ sị mẹẹ anka ụhwọ ọnị. Ụhwẹ Ọnịnị sị wụ nịnị.

Iwe Ọhụhị Imosiisi ana aa hị́ Ọyịvatụrọda 8:3

Ộ mẹ ka ụngwẹ ọ̀ kụ̀ wụ nịnị, dị ọ̀ rẹ sị ịsọyịrị ana a hị́ Imana yị wụ nịnị. Ohiku ẹnịnị ẹ yị vịdị rị ẹngụ ịsa ọnọọ daa Ẹnẹyịmavara vene si ka ẹ yẹ ka ịsọyịrị kẹnẹ ọ zụ sị ọza vị ọza ayị vị avaba ịrẹyị ọnị ọnị ka.