Iruuku 4:18 - IWE ỌNỊNỊ

¹⁸ “Ụhwẹ Ọnịnị Ohomorihi ộ dọ avaba ayị amị, agụvị ka ọ sị mị nyị ka ma kà enube ọyịza yị onosiye nịnị. Ộ tụ́ mị ka ma kà a yị aza ana a sụ́ ka a vaa ngwa waa tịtẹ, dị ma rẹ mẹ ogweyi nịnị ka èe re ẹtẹ; dị ma rẹ dọ aza ana aa mẹ ehunaa yịị tịtẹ;

Iruuku 4:18 ပူးပေါင်းရင်းမြစ်များ

Oyinyima 3:15

Ohomorihi ka ọnị vaa mẹ ka ẹwụ ọnịrị ọnẹẹ ọnọọ ọ̀ vị ọnịvị ẹngụ. Ọ kà Irima ezi anị ọnịrị irima ezi ẹwụ vị ana vaa vị ọnịvị ẹngụ. Ẹnị vị ana vaa chaka wụ ịrẹsụ, dị ẹwaa dà a ibezyahụ rị.

2 Ịtọpa 34:27

Ô ro ịnẹ, dị ọ va ẹngụ nẹtẹ ọvịdị anị, dị ọ na awuru anị hi ẹngụ, di e sụ ùnè agụvị ka ộ wụ́ ka oni o chire wa angwa ka ọnị aa sị ụya rị Ijerusarẹmị ọnịrị aza ene hi ịzọọ. Ẹnẹyịmavara kà ọnị ọ raà wụ́ aduwa anị.

Ahẹ Ụgama 147:3

Aza ana ayị anị kú du vi oni o vee hunẹnẹ ayị, di o si isuuru yị wa.

Ahẹ Ụgama 2:2

Avaba ohinọyị anẹhẹ ẹ sị ịrẹkụ gu agụvị Ẹnẹyịmavara ọnịrị ọza ọnị ọ nyị ka ọnị ọ̀ sị mẹ ohinọyị, vị ẹ gẹ eyi vabẹ ụvị anị nị.

Ahẹ Ụgama 2:6

Dị ọ ka ọnị ọ raà sị ohinọyị anị rị tụ́ Ịzayọnị ana vị ataba ọnịnị anị.

Ahẹ Ụgama 34:18

Ẹnẹyịmavara ộ gụrị aza ana ayị ẹnịnị ee du ka ẹnị ệ mẹ̀ ịsa odivi Aza ana ayị anị vavọọ du vị ọnị ọọ̄ dọ ọ há.

Ahẹ Ụgama 45:7

Ohinọyị wê sì ịrẹyị ịzẹyịza, ama we yi sì ebira odivi avọọ Ohomorihi awụ nyị wụ ka we huna avaba ọpa awụ ana vọ nị Dị ọ mẹ ka waa jẹ, dị ịnẹ awụ òo hine hu avaba ẹnịnị nị.

Ahẹ Ụgama 51:17

Ọza ana ayị anị du ka ọnị ọ raà mẹ̀ ebira odivi, ẹnị ẹ mẹ̀ ịsọvọ oni Ohomorihi sì nị Ẹnẹyịmavara, ẹngụ ọza ana ayị anị ọ̀ọ vavọọ du, we yi vee yi waa tịtẹ.

Ayịsaya 32:3

Ẹnịnị vee re dị ẹ rẹ wụ́ ịsa ana àa vị ẹngụkata yị aza.

Ayịsaya 35:5

Ogweyi nịnị vee re ẹtẹ, di ogutọ nịnị aa wụ́ ịrẹyị.

Ayịsaya 42:7

Ụ vaa há ogweyi nịnị eyi, Ụ vaa kụ aza ana yaatẹ ịnị etohozi ịnị ẹngwa hi ẹhẹ.

Ayịsaya 45:13

Ẹnẹyịmavara kà ọnị vaa sị Ịsayịrọsị kwẹẹtẹ, ka ọ mẹ̀ ịsa ana vọrọ ọnị me si. Ọnị vaa zụ ọ oze ịnị ịsa tụra ịsa ọnị aa mẹ. O vee tenyi ẹkụra anị Ijerusarẹmị da, dị ọ hụrị aza ana a za ọrịhị ụvọ. Ẹ yị vị agụvị ẹkẹhị ọ vavọọ vaa mẹ.

Ayịsaya 49:9

Ọnị rẹ vaa dọ aza ana a mẹ ẹvaya yị ha hụụnị ụya ẹnẹ ẹ yaa rị, dị ẹ nyị ẹngụ ẹnịnị. Dị ọ mẹ ka ẹnịnị ẹ nyị ịsọyịrị ene chi wa ẹngụ. Dị ẹtẹ ọpapara ẹnịnị aa mẹ̀ ịsa yị wa.

Ayịsaya 50:4

Ayịsaya ka, Ẹnẹyịmavara ọga ộ raà sị ịrẹyị zụ ọnị agụvị ọnị ọ yara tụ ọza ọnị ọ ngụ ẹngụ ọtụtụrụma. Ẹnẹnẹnẹ ọọ̄ mẹ̀ ka ọnị ọ kụ ẹngụ hi ọyị kọsẹ ịrẹyị ana aa sị zụ ọnị nị.

Ayịsaya 57:15

Ẹma vị Ohomorihi ọnịnị ana nẹba nị. Ẹma yàra pooro zịna nị. Aha ana nẹba dị ọ vị ọnịnị mị ra nị. Ama mị rẹẹ raa pe aza ana ka ẹngụ ẹnịnị chi, di e ro ịnẹ varẹma. Ọ vaa mẹ ka ma mẹ ka ayị ẹnịnị ọ̀ vana nẹtẹ, dị ẹ rẹ nyị ọyịtureyi.

Ayịsaya 59:21

Ẹnẹyịmavara ộ kà yị aza anị ka ọnị vaa sị ụkata anị ọnịrị ịrẹyị anị yị wa pooro zịna-zịna. Ẹ sị ịrẹyị anị zụ ezi ẹnịnị ne tu ezi ịrẹma-ịrẹma ka ẹ wụ́ chire ọnị.

Ayịsaya 61:1

Ụhwẹ Ọnịnị Ẹnẹyịmavara Ohomorihi ộ dọ avaba ayị amị, Ọ raà nyị mị, dị ọ tụ́ mị Ka ma Kà enube ọyịza yị onosiye nịnị Dị ma mẹ ụkụ aza ọnị ayị ẹnịnị dụ dị ma nọ ọ ọyịhụrẹ ụvọ aza ana a za a ọnịrị ẹngwọọrọ yị

Ayịsaya 66:2

Ọ kà ọnị ọ mẹ ẹbẹẹba ọnịrị ẹtẹ nị. Avaba ẹhẹ vị anị. Ayị anị o hine tù aza anaā ka ẹngụ ẹnịnị chi, dị ẹ sị ayị tụra ọnị kẹnẹ, di e hí angwa anị ọ̀ọ ka ịrẹyị.

Ezikẹẹrị 9:4

Ọ̀ ngụ avaba Ijerusarẹmị zịịzị, avaba aza enee du ayị agụvị ka aza aa mẹ ịsị aa nyị ọnị ịhyẹrẹ aanị ịnị ẹkụra, dị ọ̀ tọ̀ wa ịrẹwa ịnị ibe nị.

Ịdanịyẹrị 9:24

Ịrayị ẹtarẹwụ oze ịhịmba Ohomorihi jị ka ọ vaa mẹ dị aza anị ana vị Anijerusarẹmị ẹ va hụụnị ebira odivi ọ̀ yị mẹ, dị a kụ ebira odivi hụrị ẹtẹ nị. A vaa mẹ ka à kụkụ mẹ̀ ịsa ana vọrọ pooro, dị ẹtẹ ọnị Ịdanịyẹrị ré aanị ọnịrị ịrẹyị ọnị ọnịsẹ kà aanị sị gẹ. Dị a varẹma ve tenyi irehi Ohomorihi ana ya Ijerusarẹmị.

Ịzẹhwanaya 3:12

Dị Ẹnẹyịmavara kà ọnị vaa navọ aza ana ka ẹngụ ẹnịnị chi di e zwe va rị ọnị ka ẹ̀ ra ịzọọ.

Ịzakaraya 11:11

Ịhị ọnọọ Ẹnẹyịmavara kụ̀ ọ kwooze, dị osohu atẹmẹ ẹnịnị ene re e yẹ ka Ẹnẹyịmavara ô pe ọnị ka ịrẹyị nị.

Ịmarakayị 4:2

Ama ẹwụ nịnị ana dọ ịrẹyị amị wụ, mị va sị ụkata ọnị mịī sịị dọ ọza ha sị wụ nịnị kwẹẹtẹ, dị mị mẹ ụkụ awụ nịnị anka ọyị mẹ ha dị ọ mẹ ọza ụkụ avọọ. Ụ vaa jẹ ịrajẹ di u ku iriga anka ozi imaaru ana jịnẹ hụụnị ịga avọọ.

Imatiwu 11:5

Ogweyi nịnị ee re ẹtẹ, oswahụ nịnị aa zị ụsẹ, aa mẹ ọnịkụ ọbanyị nịnị ụkụ. Ogutọ nịnị raa wụ́ ịrẹyị, aa ha oku nịnị kwẹẹtẹ hụụnị isu. Dị a raa kà enube ọyịza yị onosiye nịnị nị.

Imatiwu 12:18

“Ọnịtụ amị ọnị mị nyị yị. Mée sì ịrẹyị anị, ayị amị ô hine tù ọ. Mị vaa mẹ ka Ụhwẹ Ọnịnị amị ọ̀ dọ avaba ayị anị. Ọ vaa naa nọọ yị anẹhẹ ka mị vaa mẹ̀ ọkarẹyị yị wa.

Imatiwu 12:20

Ọ yị vaa dà ịkẹ ana àa dà gẹnẹ. Ozotupa oni owu anị ee mi, oyi vee mi ọọ. Ọyị vaa tụ́ ụhwọ́ pooro di ò re ka ịzẹyịza ộ nyị ẹbẹẹba.

Imatiwu 4:16

Aza ene hi ịnị ịrahụ vee re ẹtohweyi ọbanyị. Etohweyi vee hweyii tụra aza ene hi ịnị ịrahụ ịnị ụvọ isu.”

Imatiwu 5:3

“Aza ana yẹ ka ẹnị ẹ̀ yị yẹ Ohomorihi a mẹ̀ vọrọ, vaa daa jẹ, agụvị ka ẹnị ẹ vaa ngụ ịzị Ada ayị ẹbẹẹba yà aa mẹ ịjọva nị.

Iruuku 4:17

 sị iwe ọnịsẹ Ayịsaya yọ. Ọ mẹ̀ hụ̀ iwe ọnọọ, di o re ịzị a chẹrẹ ịsa ọnọnị tụ́ nị:

Iruuku 6:20

Ijeesu ộ kụ̀rà eyi re ezirẹma anị, dị ọ kà a yị wa ka, “Ẹwụ nịnị onosiye ẹnẹnị vaa daa jẹ, agụvị ka ụ vaa ngụ ịzị Ohomorihi yà aa mẹ ịjọva nịnị.

Iruuku 7:22

Dị ọ tụ́ ọnụtụ ẹnẹẹ ohi, dị ọ kà a yị wa ka, “Na kà a yị Ịjọọnụ nịnị ịsị u re ọnịrị ịsị ụ wụ́ nịnị! Ogweyi nịnị ee re ẹtẹ, oswahụ nịnị aa zị ụsẹ, aa mẹ ọnịkwọbanyị nịnị ụkụ, ogutọ nịnị raa wụ́ ịrẹyị, aa ha oku nịnị kwẹẹtẹ hụụnị isu, dị a raa kà enube ọyịzaa yị onosiye nịnị nị.

Ịjọọnụ 1:41

Andụrụ ộ vịdị ne sì Ịsayịmọnị ọyịnyara anị. Dị ọ kà a yọ ka, “Ya sị Imesaya ọnọọ re, ọ!” Iruvo Imesaya ọ vị Ikirisiti nị.

Ịjọọnụ 12:46

Mâ vẹ ịnị ẹhẹ anka ẹtohweyi, agụvị ọza ana àa sị ayị tụra mị, asị ọ kụkụ yị yà ịnị ịrahụ.

Ịjọọnụ 3:34

Ọza oni Ohomorihi tụ́ vẹ ẹhẹ, vị ana aa kà ịrẹyị Ohomorihi, agụvị ka Ohomorihi ọ́ sị Ụhwẹ Ọnịnịị yọ ẹtẹẹtẹrẹ.

Odeyi 10:38

Wa rẹ yẹ Ijeesu Anịnazarẹtị nịnị. Ohomorihi ộ sị Ụhwẹ Ọnịnị ọnịrị ụkata yọ ẹtẹẹtẹrẹ. Aa ngụ ọọ zị, dị aa mẹ ọyịza, dị ọ raa mẹ aza ene Echu aa sị ụyaa rị ụkụ nị, agụvị ka Ohomorihi ộ yà pe e.

Odeyi 26:18

Ụ vaa há wa eyi, dụ wa vara wa hụụnị ịrahụ va ngụ ini ẹtohweyi. Dị ụ wa rẹ sị wa hụụnị ụvọ Echu vẹ ịda Ohomorihi, dị ma vagu wa ịnị ịvị ẹnịnị, ẹ̀ẹ sị ayị tụra mị. Dị ẹnị ẹ̀ rẹ zụ nyị aha ẹnịnị ịnị akakana aza ọnị mị sị nyị yị ẹngụ amị.”

Odeyi 4:26

Ohinọyị anẹhẹ ẹ sị ẹngụ tenyi, ohirẹsụ aza nịnị ẹ sị ẹngụ kụ́ gụ agụvị Ohomorihi ọnịrị Ikirisiti anị.

Odeyi 4:27

Ịzẹyịza, Ịhẹrọdị ọnịrị Ịpọntụsị Ipayireti beri anarịmadọwụ nịnị ọnịrị Anisirẹrị nịnị ệ kụ́ gụ ẹkụra ọnọnị agụvị Ijeesu Ozi ewu ọnịnị ọnị ụ sị nyị.

Anikorasi 1:13

Ohomorihi ộ dọ yị hụụnị ụkata ịrahụ, ọ raà sị yị va ngụ ịzị Ozi anị oni o sì ịrẹyị anị yà aa mẹ ịjọva.

Ijemiisi 2:5

Ẹwụ nịnị ẹyịnyara amị oni mi sì, batọ nịnị oo! Wáá yẹ ka onosiye ene hi ịnị ẹhẹ ọnọnị Óhomorihi nyị ka ẹ̀ sị ayị tụraa, dị ẹ̀ nyị ụbanyị obooro nị, dị ẹ̀ rẹ nyị tụ́ ịnị ịjọva anị? Ohomorihi ộ kà a ka ẹ́ yị zụ nyị ka ọnị ọ yị vaa sịị yị aza ene sì ịrẹyị anị.

1Ipita 2:9

Àa vị ẹwụ nịnị yọ, ẹwụ nịnị vị aza oni Ohomorihi sị nyị. Ẹngụ ohirẹsụ irehi Ohomorihi ana aa hẹkẹ Ohomorihi Ohinọyị, ụ vị nịnị nị. Anẹkụra oni Ohomorihi nyị tụ́ irenyi yị ẹngụ anị, ụ vị nịnị nị. Aza Ohomorihi obooro ụ vị nịnị nị. Ộ nyị wụ nịnị ka waa kà a yị aza ịsa ẹbanyị-ẹbanyị oni Ohomorihi mẹ, ọ mẹ̀ hị́ wụ nịnị hụụnị ịrahụ va ngụ ini ẹtohweyi anị ene hí ọza irenu.