Iruuku 4:1 - IWE ỌNỊNỊ

¹ Ụhwẹ Ọnịnị ộ dọ avaba ayị Ijeesu, dị ọ và hụrẹ Ijodani vẹ nị. Dị Ụhwẹ Ọnịnị sị Ijeesu nọ ịnị ụnọmị nị.

Iruuku 4:1 ပူးပေါင်းရင်းမြစ်များ

1 Ohinọyị 18:12

Màa sị huu ịda awụ kẹnẹ, dị ụhwẹ Ẹnẹyịmavara va raà sị wụ nọ ịzị mẹ̀ yị yẹ. Màa na sị ọ kà yị Ahabị, di ò yi rè vee re wu nị, dị ọ za mị dị ọ wụ̀ mị. Wâ yẹ ka hụụnị ozweyi amị mị hụrẹẹ̄ hí angwa Ẹnẹyịmavara nị.

1 Ohinọyị 19:4

di Erija ọnị si hu aa nọ ịnị ọpaapara nị. Ộ zị gọdọ ịnị ọpaapara ọnọọ tù ẹhụ ụsẹ ẹkụhị ọnya avọọ. O mè ne si tù iruvo ọchị ọnya aanị ana aā hi irotemi, dị ọ yaayịtẹ iruvo ọchị ọnọọ, dị ọ ka à kà ka oni ò sú nị. Dị ọ kà, “Ẹnẹyịmavara, ọsọnị ọ sị vị ẹnẹmẹhị, navọ wa sị ụhwẹ amị. Vị ẹmị wéé vene zoza huna ohiku amị nịnị nị?”

Ayịsaya 61:1

Ụhwẹ Ọnịnị Ẹnẹyịmavara Ohomorihi ộ dọ avaba ayị amị, Ọ raà nyị mị, dị ọ tụ́ mị Ka ma Kà enube ọyịza yị onosiye nịnị Dị ma mẹ ụkụ aza ọnị ayị ẹnịnị dụ dị ma nọ ọ ọyịhụrẹ ụvọ aza ana a za a ọnịrị ẹngwọọrọ yị

Ezikẹẹrị 3:14

Ọ kà Ẹnẹyịmavara ộ sị ụkata yị ọnị ẹtẹẹtẹrẹ, ịjị ụhwẹ Ohomorihi va sị ọnị kwooze, ayị anị sị du, dị ayị aa kụ ọnị nị.

Imatiwu 3:16

Ịjị a sị ọyịhwenyi mẹ yị Ijeesu kẹnẹ, dị ọ jịnẹ hụụnị enyi vẹ nị. Re, dị ihinẹba na hi ẹtẹ, dị o re ka Ụhwẹ Ọnịnị Ohomorihi anka arivadi avọọ, dị ọ và kú ọ nị.

Iruuku 2:27

Aza ana ma Ijeesu ệ sị ọọ nọ ini irehi Ohomorihi ka ẹnị ẹ̀ na mẹ̀ ịsa ọnị ọda Imosiisi kà. Ịhị ọnọọ, Ụhwẹ Ọnịnị ộ mẹ̀ ka Isimiyọnị ọ̀ nọ ini irehi Ohomorihi.

Iruuku 3:3

Dị Ịjọọnụ kwẹẹtẹ, dị aa ngụ avaba ẹkụra ene hi ụtọ Okuha Ịjọdanịị zị, dị aa kà ịrẹyị Ohomorihi nị. Dị ọ ka, “Ro ịnẹ varẹma hụụnị ebira ọhịmị awụ nịnị, dị a mẹ̀ ọyịhwọzenyi yị wụ nịnị, dị Ohomorihi ọ̀ vagu wu ịnị ịvị awụ nịnị!”

Iruuku 3:38

Ikenani vị ozi Enosi, ana vị ozi Ịsẹẹtị, ozi Adamị. Adamị ọnị vị ozi Ohomorihi.

Iruuku 4:14

Ijeesu ộ và nọ Igariri, dị ụkata Ụhwẹ Ọnịnị yà rị ọọ nị. Ịrẹyị anị ọ sị ngụ ịrẹyị ngụ avaba ịzọọ zị.

Iruuku 4:18

“Ụhwẹ Ọnịnị Ohomorihi ộ dọ avaba ayị amị, agụvị ka ọ sị mị nyị ka ma kà enube ọyịza yị onosiye nịnị. Ộ tụ́ mị ka ma kà a yị aza ana a sụ́ ka a vaa ngwa waa tịtẹ, dị ma rẹ mẹ ogweyi nịnị ka èe re ẹtẹ; dị ma rẹ dọ aza ana aa mẹ ehunaa yịị tịtẹ;

Ịjọọnụ 1:32

Ịjọọnụ ộ dọ ivenu tụ́ ọọ ka, “Mê re ka Ụhwẹ Ọnịnị ee chíi hụrẹ ẹbẹẹba vẹ anka arivadi avọọ, dị ọ va yà a ịrẹsụ nị.

Ịjọọnụ 3:34

Ọza oni Ohomorihi tụ́ vẹ ẹhẹ, vị ana aa kà ịrẹyị Ohomorihi, agụvị ka Ohomorihi ọ́ sị Ụhwẹ Ọnịnịị yọ ẹtẹẹtẹrẹ.

Odeyi 1:2

pooro ne tù ẹkụhị ana a va sị sị ọọ nọ ẹbẹẹba ịdị Ohomorihi. Dị a va sị ọọ nọ ẹbẹẹba, ộ sị ụkata Ụhwẹ Ọnịnị mẹ ọda yị odeyi anị ọnị ọ nyị.

Odeyi 10:38

Wa rẹ yẹ Ijeesu Anịnazarẹtị nịnị. Ohomorihi ộ sị Ụhwẹ Ọnịnị ọnịrị ụkata yọ ẹtẹẹtẹrẹ. Aa ngụ ọọ zị, dị aa mẹ ọyịza, dị ọ raa mẹ aza ene Echu aa sị ụyaa rị ụkụ nị, agụvị ka Ohomorihi ộ yà pe e.

Odeyi 8:39

Ịjị ẹ sị jịnẹ hụụnị enyi vẹ, dị Ụhwẹ Ọnịnị sị Ihwiripi kwooze nị. Osuretu ọnọọ o yi kuku re e, ama dị aa jẹ ịrajẹẹ na nị.